சம்பளத்திற்காக மாத்திரமே மெலளவிமார், வேலை செய்கிறார்கள் - மனிதநேயமிக்க பௌத்த தேரரின் வேதனை

இலங்கையில் உள்ள பெரும்பான்மையான மௌலவிமார் தங்கள் பொறுப்புக்களை சரியாக

நிறைவேற்றவில்லை என வதுரகும்புர தம்மரத்தன தேரர் குறிப்பிட்டார்.

கண்டி திகன தெல்தெனிய சம்பவம் இடம்பெற்ற போது ஜும்மா தொழுகை நடத்த பள்ளிவாசலுக்கு காவல் இருந்த வதுரகும்புர தம்மரத்தன  தேரரே இவ்வாறு குறிப்பிட்டுள்ளார்.

வானொலி நிகழ்சி ஒன்றில் கலந்துகொண்டு கருத்து வெளியிட்ட அவர் மேலும் கூறுகையில்,

“இலங்கையில் உள்ள மௌலவிமார் தங்கள் பொறுப்பை சரியாக நிறைவேற்றவில்லை.என்னை நாளை முஸ்லிம் மௌலவிமார் விமர்சனம் செய்தாலும் பரவாயில்லை . இவ்வாறு நான் கூறுவதற்கு காரணம் உள்ளது.

நான் யடியகல பன்சலையின் பிரதம தேரர், நான் யடியகலவிற்கு வந்து  தற்போது 13 வருடங்கள் ஆகின்றன.யடியஹகலவில் இருக்கும் எனக்கு  ரன்பண்டாரவின் மனைவி உக்குமெனிகா அவர்களின் மகன்  நெத பொடிபண்டா அவரின் மகன் கயான் இவர்களின் குடும்பத்தை பற்றி நான் நன்கு அறிந்துவைத்துள்ளேன். அவர்களின் பிரச்ச்சினைகளை நான் அறிந்துவைத்துள்ளேன்.

கண்டி திகன பிரச்சினையின் போது நான் தெஹியங்க பள்ளிவாயல் மௌலவிகளுடன் கதைத்தேன்.

ஒருவர்  புத்தளம், மற்றவர் மன்னார் எங்கிருந்தாவது இருந்து மௌலவிமார்களை கூட்டி வந்து பணி அமர்த்தியுள்ளார்கள்.

அவர்கள் மதவழிபாடுகளில் ஈடுபடுவதோடு நின்றுவிடுகிறார்கள் அவர்களுக்கு சம்பளம் வழங்கப்படுகிறது.அவர் அந்த ஊருக்காக ,ஊரின் மத நல்லினக்க செயற்பாடுகளுக்காக என எந்த ஒரு விடயத்திலும் கலந்துகொள்வதில்லை.

பிரதேச பௌத்த சமூகங்களோடும் மதகுருமார்களுடனும் தொடர்புகளை ஏற்படுத்திக்கொள்ள  முற்படுவதில்லை. சம்பளத்திற்கான வேலையை மாத்திரம் இவர்கள் செய்கிறார்கள் இதனை மாற்றவேண்டும்.

பள்ளிவாயல்களுக்கு முடியுமானவரை அப்பிரதே மௌலவிமார்களை நியமிக்க வேண்டும். ஊரில் உள்ளவர்களின் விபரங்களை அவர்கள் அறிந்து வைத்திருக்கவேண்டும்.  

மௌலவிமார்கள் அவர்களின் பொறுப்பை நிறைவேற்ற வேண்டும்.  பெரும்பான்மையானவர்கள் அதனை செய்வதில்லை என்றே நான் கருதுகின்றேன்” என அவர் குறிப்பிட்டுள்ளார்.