சவூதிக்கு பறந்தார் இம்ரான்கான், உம்றாவும் நிறைவேற்றுவார் - அரசமாளிகையில் விருந்துபசாரம்
சவூதி அரேபிய மன்னர் சல்மான் மற்றும் பட்டத்திற்குரிய இளவரசர் மொஹமட் பின் சல்மான் ஆகியோரின் அழைப்பின்பேரில் பாகிஸ்தான் பிரதமர் இம்ரான்கான் சவூதி அரேபியாவுக்கான இரண்டுநாள் உத்தியோகபூர்வ விஜயமொன்றை செவ்வாய்க்கிழமையன்று ஆரம்பித்தார்.
இதன்போது அவர் உம்றாவையும் நிறைவேற்றவுள்ளதாக சர்வதேச ஊடகங்கள் செய்தி வெளியிட்டுள்ளன.
பாகிஸ்தானின் பிரதமராக பதவியேற்றதன் பின்னர் இம்ரான் கான் மேற்கொள்ளும் முதலாவது வெளிநாட்டு விஜயம் இதுவாகும்.
சவூதியில்தங்கியிருக்கும்போது மன்னர் மற்றும் பட்டத்திற்குரிய இளவரசர் ஆகியோரை சந்தித்து இருதரப்பு உறவுகள் தொடர்பில் பேச்சுவார்த்தையில் ஈடுபடுவார். அரசமாளிகையில் இம்ரான் கானுக்கு மன்னர் விருந்துபசாரம் வழங்கவுள்ளார்.
Post a Comment