September 30, 2018

ஜனாதிபதி கொலை சதி சந்தேக இந்தியர் பற்றி, அவரது குடும்பத்தினர் தெரிவிப்பது என்ன..?

ஜனாதிபதி மற்றும் முன்னாள் பாதுகாப்பு செயலாளர்  கொலை சதி முயற்சியுடன் தொடர்புடையவர் என்ற  சந்தேகத்தின்  கீழ் குற்றப்புலனாய்வு திணைக்களத்தினரால் விசாரணைக்கு உட்படுத்தப்பட்டுள்ள  மார்செலி தோமஸ் என்ற இந்தியர் மனோநிலை பாதிக்கப்பட்டவர் என அவரது சகோதரர் பின்னி தோமஸ்தெரிவித்துள்ளார்.

எனது சகோதரர் இரண்டு முறை விபத்தில் சிக்கியவர் இதன் காரணமாக அவரது வலது கையில் பாதிப்பு ஏற்பட்டுள்ளது என அவர் தெரிவித்துள்ளார்.

எனது சகோதரர் நீர்கொழும்பில் வசித்து வந்தவர் உணவிற்கு வழியில்லாததால் அவர் பிச்சையெடுக்கும் நிலைக்கு தள்ளப்பட்டார் எனவும் பின்னி தோமஸ் தெரிவித்துள்ளார்.

எனது சகோதரரிடமிருந்து கடந்த 18 ம் திகதி அழைப்பு வந்தது நான் வேறுவேலையில் கவனமாகயிருந்ததால் அதனை கவனிக்கவில்லை  அதன் பின்னர் நான் மீண்டும் அவரை தொடர்புகொள்ள முயன்றவேளை என்னால் அவரை தொடர்புகொள்ள முடியாமல் போய்விட்டது என பின்னி தெரிவித்துள்ளார்.

நாங்கள் கேரளாவை சேர்ந்தவர்கள் எனது சகோதரர் விமானநிலைய அதிகார சபையில் பணிபுரிந்தார் அவ்வேளையே அவர் தன்னை கொல்வதற்கான முயற்சிகள் குறித்து அச்சமடைந்திருந்தார் இது குறித்து அதிகாரிகளிற்கும் கடிதம் எழுதியிருந்தார் என தெரிவித்துள்ள பின்னி அந்த அச்சம் காரணமாகவே அவர் இலங்கைக்கு வந்திருக்ககூடும் எனவும் தெரிவித்துள்ளார்.

 எனது சகோதரரின் மனைவி கேரள விமான நிலையத்தில் பணிபுரிகின்றார்  விபத்துக்களை தொடர்ந்து எனது சகோதரர் உளநிலை பாதிக்கப்பட்டதால் சகோதரரை  அவர் விவகாரத்து செய்து விட்டார் எனவும் பின்னி தெரிவித்துள்ளார்.

எனது சகோதரர் உளவியல் பிரச்சினைகள் உள்ளவர் அவர் தன்னை யாரோ கொன்றுவிட்டு தனது சொத்துக்களை திருட முயல்வதாக தெரிவித்திருந்தார் எனவும் பி;ன்னி தெரிவித்துள்ளார்.

எனது சகோதாரர் எங்கு சென்றாலும் தனது வீட்டின் உறுதியை கொண்டு செல்வது வழமை அவர் அதனை இலங்கைக்கும் கொண்டு வந்திருக்கலாம், அவரிற்கு ஒரு 18 வயதில் இருக்கின்றார்  எனவும் பின்னி தெரிவித்துள்ளார்.

எனது சகோதரர் தொழில்வாய்ப்புகளை தேடி 2017 இல் இலங்கை சென்றார் எனவும் அவர் குறிப்பிட்டுள்ளார்.அவர் என்னையும் இலங்கைக்கு வருமாறு அழைத்தார் நான் மறுத்துவிட்டேன் எனவும் அவர் தெரிவித்துள்ளார்.

2 ஆண்கள் சடலங்களாக மீட்பு

கூரிய ஆயுதத்தால் தாக்கி கொலை செய்யப்பட்ட நிலையில் இரு ஆண்களின் சடலங்கள் மீட்கப்பட்டுள்ளதாக பொலிஸார் தெரிவித்தனர்.

ஓரஹஸ்மன்ஹன்தெனிய, ரத்தொட்டுவில பகுதியிலுள்ள வீடொன்றிலிருந்து குறித்த இரு சடலங்களும் மீட்கப்பட்டுள்ளன.

இவ்வாறு சடலங்களாக மீட்கப்பட்ட  இரு ஆண்களும் 27 மற்றும் 37 வயதுடையவர்களென பொலிஸார் தெரிவித்தனர்.

லதீப் வழங்கியுள்ள வாக்குமூலம்

ஜனாதிபதி மைத்திரிபால சிறிசேன, ராஜபக்ஷர்கள் படுகொலை சூழ்ச்சி குறித்து பிரிதிப் பொலிஸ்மா அதிபர் நாலக டி சில்வா தொடர்பில் குற்றப்புலனாய்வு பிரிவினர் விசாரணைகளை மேற்கொண்டு வருகின்றனர்.

இந்த விசாரணைகளில் இருந்து நாளாந்தம்   திடுக்கிடும் பல தகவல்கள் வௌிவந்துகொண்டிருக்கின்றன. இதன்படி தற்போது நாலக டி சில்வா கொமாண்டோ பயிற்சியளிக்க கோரியமை தொடர்பான தகவல்கள் வௌிவந்துள்ளன.

பயங்கரவாத தடுப்புப் பிரவைச் சேர்ந்த ஒரு குழுவினருக்கு கொமாண்டோ பயிற்சியளிக்குமாறு, அப்பிரிவின் பிரதிப் பொலிஸ்மா அதிபர் நாலக டி சில்வா கேட்டுக்கொண்டதாக, விசேட அதிரடிப்படையின் அதிகாரியான எம்.ஆர்.லதிப் தெரிவித்துள்ளார்.

இது ​தொடர்பில் மேற்கொள்ளப்பட்டு வரும் விசாரணைகளின்போது வழங்கியுள்ள வாக்குமூலத்திலேயே, விசேட அதிரடிப்படையின் அதிகாரியான எம்.ஆர்.லதிப் மேற்கண்டவாறு தெரிவித்துள்ளார்.

பொலிஸ்மா அதிபர் பூஜித் ஜயசுந்தரவின் அனுமதியுடனே​ பிரதிப் பொலிஸ்மா அதிபர் இந்த கோரிக்கையை முன்வைத்திருந்தார் எனவும் அவர் மேலும் தெரிவித்துள்ளார்.

சஜீத் பிரேமதாச ஜனாதிபதியானால், ஏழை மக்களின் கண்ணீர் துடைக்கப்படும்

அமைச்சர் சஜீத் பிரேமதாச ஜனாதிபதியாக வருகின்ற பட்சத்தில் ஏழை மக்களின் கண்ணீர் துடைக்கப்படும் என நாடாளுமன்ற உறுப்பினர் ஞா.ஸ்ரீநேசன் தெரிவித்தார்.

மட்டக்களப்பு, கோறளைப்பற்று மீறாவோடை தமிழ் கிராமத்தில் நிர்மாணிக்கப்பட்ட 130வது மாதிரிக் கிராமமான சுவாமி விபுலானந்தர் கோட்டம் இன்று திறந்து வைக்கப்பட்டது.

இந்த நிகழ்வில் கலந்துகொண்டு பேசிய போதே அவர் இவ்வாறு கூறியுள்ளார். அங்கு அவர் மேலும் தெரிவிக்கையில்,

மட்டக்களப்பு மாவட்டத்தில் ஓட்டுத் தொழிற்சாலை, அரிசி ஆலை, ஆடைத் தொழிற்சாலைகளை நிறுவுவதன் மூலம் யுத்தத்தால் பாதிக்கப்பட்ட மக்களுக்கு பெரும் உதவியாக இருக்கும்.

அரசியல் உரிமை என்பது பேச்சுவார்த்தை மூலமாக பேசப்பட்டு வந்தாலும், பொருளாதார உரிமை என்கின்ற இந்த அபிவிருத்திகளை தொழில் வாய்ப்புக்களை வழங்குவதற்கு நீங்கள் முன்வர வேண்டும்.

நீங்கள் ஜனாதிபதியாக வருகின்ற பட்சத்தில் ஏழை மக்களின் கண்ணீர் துடைக்கப்படும். பாரபட்சமின்றி சேவைகள் கிடைக்கும் என்று மக்கள் எதிர்பார்க்கின்றனர்.

மறைந்த ஜனாதிபதி பிரேமதாச கடந்த காலத்தில் 200 ஆடைத் தொழிற்சாலைகளை உருவாக்கி, பல இளைஞர் யுவதிகளுக்கு தொழில் வாய்ப்புக்களை வழங்கியதை நாங்கள் மறக்கவில்லை.

எனவே நீங்களும் வறுமையில் இருந்து மக்கள் மீள வேண்டும் என்பதற்கு தொழிற்சாலைகளை உருவாக்க முன்வர வேண்டும் என்றார்.

வவுனியா அரசாங்க அதிபர் ஹனிபாவுக்கு, சம்மாந்துறையில் கௌரவிப்பு வைபவம்


-யு.எல்.எம். றியாஸ்-

வவுனியா மாவட்ட அரசாங்க அதிபர் ஐ.எம். ஹனிபாவை கௌரவிக்குமுகமாக அவரது சொந்த ஊரான சம்மாந்துறையில்   கௌரவிப்பு வைபவம் ஒன்று  இடம்பெற்றது.

சம்மாந்துறை மாலை வட்ட சமூக சேவை அமைப்பின் ஏற்பாட்டில் கிழக்கிலங்கையின் முதல் முஸ்லிம் அரசாங்க  அதிபரான ஐ.எம். ஹனிபாவை கௌரவிக்கும்   இவ் வைபவம் சம்மாந்துறை  ஒலிவ் ரெஸ்ட்டுரண்டில் இடம்பெற் றது.

மாலை வடத்தின் தலைவர் ஏ.ஆர். முஹம்மட் அலி தலைமையில்  இவ் வைபவம் இடம்பெற்றது.

இவ் வைபவத்தில் சமூக ஆர்வலர்கள்,கல்விமான்கள், சங்கத்தின் உறுப்பினர்கள் ஆகியோரால் பொன்னாடை போற்றி நினைவுச் சின்னமும் வழங்கி வவுனியா மாவட்ட அரசாங்க அதிபர் ஐ.எம். ஹனிபா கௌரவிக்கப்பட்டார்.

இவ் வைபவத்தில் கல்விமான்கள்,உலமாக்கள்,சமூக சேவை ஆர்வலர்கள் உள்ளிடட பலர் கலந்துகொண்டனர்.



புத்தளத்தை பாதுகாப்போம்...!

நிலவளம் , நீர்வளம் , கடல் வளம் , காட்டுவளம் கொணடு பூத்துக்குழுங்கும் புனித பூமியாகும்  இந்த எழில் மிகுமாவட்டம்        கடந்த காலங்களாக இயற்கைச்சூழல் பாரிய இரசாயன பௌதீக மாற்றங்களுக்கு  ஆளாகி இயற்கையான சூற்றுச்சூழல் பாரியளவில் மாசாவதுடன்    புதிய வகையான பிரச்சனைகளுக்கும் நோய்களுக்கும் முகம்கொண்டுவருவது கண்கூடாக காணலாம்.  

இந்த வகையில்     புதியதோர் பெளதீக இரசாயன மாற்றல் பிரச்சினைக்கு முகங்கொள்ள வேண்டிய சூழல் எமது மாவட்டம் ஆளாக உள்ளது . நாம்னோக்கிவரும்   இயற்கை வளங்களின்  இருப்புக்ளின் நிலை வருமாறு                                

1 )      வடக்கிலிருந்து விரட்டப்பட்ட முஸ்லீம்கள் எண்பதாயிரமக்கள் வந்தார்கள். இவ்வாறு இங்கு வந்தவர்களை  தன்னை தியாகம் செய்து வாழவைத்து உதவியளித்து உயிர்கொடுத்து வளப்பகிர்வை வளங்கிய புனித புன்னியதளம்.            

 2 )  நாட்டின்      கைத்தொழிலுக்கு தன்னுயிரை தாரைவார்த்து சீமெந்து தொழிற்சாலை அமைத்து நாட்டின் பொருளாதாரத்திற்கு  அர்ப்பணித்து தனது வழங்களை  தொடர்ந்தும்  இழந்து வரும்நிலை அவலநிலை                                                                       

3)  சுற்றுச்சூழல் கடல்வாழ் உயிரினங்களை அழித்து விவசாய நிலத்தின் வளத்தை வெருட்சியாக்கி வெப்பபூமியாக்கி நாட்டின் ஒவ்வொருகுடும்பமும் மின்னொளியாக பிரகாசிக்க அனல்மின்சாரம் அமைக்க இடம்கொடுத்து புத்தள இயற்கைவளம் அழிவடையும் நிலை                                                     

4)  உணவை சுவையூட்ட வாழ்வாதார பூமியை வானம்பார்க்க உப்பளத்தளம் அமைக்கப்பட்டுள்ளதால்  பௌதீக  வளம்வெப்பூமியாக மாறிவரும்சூழல்                  இவ்வாறாக புத்தளம் தனது இயற்கை வளங்களை தொடர்ந்து இழந்து பௌதீகச்சூழல் பாரிய அளவில் பாதிப்படைந்து வரும் இக்காலகட்டத்தில் தற்போது ஏனையமாவட்டத்தின் கழிவுகளைகொண்டுவந்து புத்தளத்தில் போடப்படும் திட்டமானது பாரியளவிலான அநீதி இழைப்பாகும். 

எனவே இவ்வாறாக    இப்பொழுது முழு இலங்கை திருநாட்டின் குப்பைகளைக் கொட்டும் தளமாக புத்தளபூமியை மாற்றமுயலும் முயற்சியை கைவிடுமாறு நல்லாட்சி அரசுக்கு தெளிவுபடுத்தும் முகமாக பாரியவிலான எதிரப்புப் போராட்டத்தில் மூலம் இச்செயற்பாடுகளுக்கு  சிவில் சமூகம்சார்பாக வேண்டுகோள் விடுக்கின்றோம்.                 

இலங்கை வாழ்சிவில் சமூக உறவுகளே! நண்பர்களே! உறவுகளே! அரசியல் வாதிகளே! மனித உரிமைவாதிகளே! ஆளும்வர்க்தத்தினரே!            எதிர்த்தரப்பு அரசியல் வாதிகளே! எமக்கான நீதியைப்பெற்றுத் தாருங்கள் சிவில் சமூக அமைப்புக்களே !                    எங்களது நிலைமைகள் தொடர்பாக நீதி கிடைத்திட செய்யுங்கள். 

நல்லாட்சி அரசே எங்களுக்கு நீதி வேண்டும்!    நியாயம் வேண்டும்.!         எமது உரிமைகள் மதிக்கப்பட வேண்டும்!            என வேண்டி இந்த குப்பைக்கு எதிரான பகிரங்கமான கண்டன போராட்டத்தில்                    புத்தள வாழ் யாழ் கிளிநொச்சிவெளியேற்றப்பட்ட சிவில் சமூக சம்மேளனம் சார்பாக பகிரங்க எதிர்ப்பை வெளிப்படுத்திகிறோம்.       

புத்தொழில் மிக்க பிரதேசமாக புததளம் விளங்குவதற்கான சகலவழிகளிலும் எமது சிவில் சம்மேளனம் சார்பாக நல்லாட்சி அரசிடம்  வேண்டுகோள் விடுக்கின்றோம். புத்தள பூமியை நீர்வளம் நிலவளம் கடல்வளம் என்பன வற்றிலிருந்நது பாதுகாக்க வேண்டுகிறோம்.                                                                         

எனவே புத்தள மாவட்டத்தை ஏனைய மாவட்டத்தைப்போல் அல்லாது நல்லாட்சி அரசால் விஷேடமாக கணிக்கப்பட்டு ஏனைய மாவட்டத்தைவிட இருமடங்கு முன்னெடுப்புக்களை  செய்ய வேண்டுமென்பதையும் வேண்டிக்கொள்கின்றோம்.                                                                         

புத்தள வாழ் யாழ் கிளிநொச்சி வெளியேற்றப்பட்டசிவில் சமூக சம்மேளனம்    

தலைவர்        அப்துல் மலீ்க் மௌலவி  

செயலாளர்   ஹஸன் பைறுஸ்

"நம்பகத்தன்மை மிகவும் மோசமடைந்து, வரும் நாடாக இலங்கை"

சர்வதேச ரீதியாக இலங்கை மற்றுமொரு பின்னடைவுக்கு முகங்கொடுத்துள்ளது. வர்த்தக ரீதியாக நம்பகத்தன்மை மிகவும் மோசமடைந்து வரும் நாடாக இலங்கை மாறியுள்ளதாக உலக புகழ் பெற்ற tradingeconomics என்ற வர்த்தக இணையத்தளம் தெரிவித்துள்ளது.

இலங்கை மத்திய வங்கியின் தரவுகளை அடிப்படையாக கொண்டு இந்த தகவல் வெளியிடப்பட்டுள்ளது

அந்த அறிக்கைக்கமைய நூற்றுக்கும் மேற்பட்ட அலகுகள் இருப்பின் அது வர்த்தகத்திற்கு தகுதியான நாடு எனவும், நூற்றுக்கும் குறைவான அலகுகள் இருப்பின் அது வர்த்தகத்திற்கு தகுதியற்ற நாடாகவும் பெயரிடப்படுகின்றது.

2015ஆம் ஆண்டிற்கு முன்னர் வரை136 அலகுகளை கொண்ட நாடாக இலங்கை காணப்பட்டுள்ளது.

ஆனால் தற்போதைய நிலவரப்படி அது 78 அலகாக வீழ்ச்சியடைந்துள்ளது. அதற்கமைய இலங்கை வர்த்தகத்திற்கு தகுதியற்ற நாடாக பெயரிடப்பட்டுள்ளது.

சமகாலத்தில் அமெரிக்க டொலருக்கு இணையான ரூபாவின் பெறுமதியில் பாரிய வீழ்ச்சி ஏற்பட்டு வரும் நிலையில், இந்த தகவல் வெளியாகி உள்ளமை குறிப்பிடத்தக்கது.

இலங்கையில் செய்தி வாசிக்கும் 2 பெண்களுக்கு நடந்த கொடுமை

இலங்கையின் பிரபல தனியார் தொலைகாட்சியில் செய்தி வாசிக்கும் இரு பெண்கள், செய்தி வாசிக்கும் போது மயங்கி விழுந்துள்ளனர்,

முழுமையாக மூடப்பட்டுள்ள அறைக்குள் காற்று சீரமைப்பு இயந்திரத்தில் ஏற்பட்ட தொழில்நுட்ப கோளாறினால் இந்த நிலைமை ஏற்பட்டுள்ளதாக கொழும்பு ஊடகம் ஒன்று தகவல் வெளியிட்டுள்ளது.

இவ்வாறான நெருக்கடி நிலையில் செய்தி வாசிக்க முடியாதென குறித்த செய்தி வாசிப்பாளர்கள் தெரிவித்துள்ளனர். எனினும் தொலைக்காட்சி நிர்வாகம் அவர்களை வலுக்கட்டாயமாக செய்தி வாசிக்க வைத்துள்ளது.

செய்தி வாசிக்கும் அறையில் மேலும் ஒருவர் மயங்கி விழுந்த போதும், அதனை கண்டுகொள்ளாமல் செய்தி வாசிக்குமாறு நிர்வாகத்தினர் தெரிவித்துள்ளதாக குறித்த ஊடகம் மேலும் தகவல் வெளியிட்டுள்ளது.

மது போதையில் வாகனம் ஓட்டிய பெண் மருத்துவர்: பொலிஸ் பரிசோதகர் பலி

கொழும்பு - பொரல்லஸ்கமுவ பிரதேசத்தில் நடந்த வாகன விபத்தில் பொலிஸ் பரிசோதகர் ஒருவர் உயிரிழந்ததுடன், மேலும் இருவர் காயமடைந்துள்ளனர்.

கொல்லப்பட்ட பொலிஸ் பரிசோதகர் கொழும்பில் உள்ள பொலிஸ் தலைமையகத்தில் கடமையாற்றி வந்துள்ளார்.

இவர்கள் பயணித்த வாகனத்துடன் பெண் மருத்துவர் ஒருவர் செலுத்தி வந்த கார் மோதியுள்ளது. சம்பவத்தில் காயமடைந்த மருத்துவரும் வைத்தியசாலையில் அனுமதிக்கப்பட்டுள்ளார்.

பெண் மருத்துவர் மது அருந்தியிருந்தமை பொலிஸார் மேற்கொண்ட சுவாச பரிசோதனையில் தெரியவந்துள்ளது.

ஜனாதிபதி தேர்தலுக்கு, தயாராகிறார் பஷில்

வெளிநாட்டுப் பயணம் மேற்கொண்டிருந்த முன்னாள் அமைச்சர் பஷில் ராஜபக்ஷ நாடு திரும்பியதுடன் எதிர்வரும் ஜனாதிபதித் தேர்தலுக்கு ஸ்ரீலங்கா பொதுஜன பெரமுனவை தயார் செய்யும் பணியை ஆரம்பித்துள்ளார்.

வெளிநாட்டு பயணம் மேற்கொண்டிருந்த அவர் நாடு திரும்புவதற்கு ஏற்கனவே நியமித்திருந்த தினத்திற்கு முன்னரே, நேற்று முன்தினம் நாடு திரும்பியுள்ளார். நாடு திரும்பியதுடன் ஸ்ரீலங்கா பொதுஜன பெரமுனவின் நடவடிக்கைகள் தொடர்பில் மிகுந்த கரிசனை காட்டியுள்ளதுடன் ஜனாதிபதித் தேர்தலை எதிர்கொள்ளுவதற்கான வேலைத்திட்டங்களிலும் இறங்கியுள்ளதாக அறியமுடிகிறது.

அதற்கிணங்க ஜனாதிபதித் தேர்தல் வழிநடத்தல் செயலணி ஒன்றை நியமித்துள்ளார். அத்துடன் அச்செயலணி ஒக்டோபர் மாதம் ஆரம்பப் பகுதியிலிருந்து ஜனாதிபதித் தேர்தலுக்கான ஏற்பாடுகளை மாவட்ட ரீதியில் முன்னெடுப்பதற்கும் திட்டமிட்டுள்ளது.

மேலும் ஜனாதிபதித் தேர்தலை இலக்காகக்கொண்டு கட்சியின் தேசிய சம்மேளனத்தை நடத்துவதற்கான ஏற்பாடுகளை தயார்செய்து வருவதாகவும் தெரிய வருகிறது. இதேவேளை வடக்கு, கிழக்கு மாகாணங்களிலுள்ள வாக்குகளை இலக்காகக்கொண்டும் வேலைத்திட்டங்கள் முன்வைக்கப்படவுள்ளமை குறிப்பிடத்தக்கது. 

(எம்.சி.நஜிமுதீன்)

இருதய சத்திர சிகிச்சைக்காக, பண உதவி கோருகிறார்

மடவளை பஸார், கல்வீடு பிரதேசத்தில் படஹல்தெனிய வத்த என்ற இடத்தில் இல- 236-7 என்ற முகவரியில் வசிக்கும் பீ.எம்.எம். இஸ்மி என்பவர் கடுமையாக நோய் வாய்ப்பட்டு சத்திரசிகிட்சைக்காக காத்து நிற்கின்றார். 

இவருக்கு  உடனடியாக இருதய சத்திர சிகிட்சை ஒன்று மேற்கொள்ளப்பட வேண்டும் என இவரை பரிசோதித்த டாக்டர்களான சுபாசினி ஜயவிக்ரம, மற்றும் முபாரக் ஆகியோர் விதைந்துரை செய்துள்ளனர். 

இவருக்காக சத்திர சிகிட்சையை கொழும்பு லங்கா ஹொஸ்பிட்டல்ஸ் நிறுவனத்தில் மேற்கொள்ள உள்ளதாக விசேட வைத்தி நிபுணர் ஜி. காந்திஜி தெரிவித்துள்ளார். அதற்கான செலவு 8 இலட்ச ரூபாவும் இதர செலவுகள் சுமார் 2 இலட்சமுமாக மொத்தம் 10 இலட்ச ரூபா தேவைப்படுவதாகத் தெரிவித்துள்ளார். 

பீ.எம்.எம். இஸ்மியின் மனைவியான பாத்திமா மஹ்மூதா தமக்கு 2 வயது முதல் 17 வயதுவரையான 5 பிள்ளைகள் இருப்பதாகவும்;; அதில் கடைசிக் குழந்தை தவிற அனைவரும் பாடசாலை செல்லும் பிள்ளைகன் என்றும் தமக்கு போதியளவு பண வசதி இன்மை காரணமாக இந்த சந்திர சிகிட்சையை மேற்கொள்வதில் தாமதம் ஏற்பட்டுள்ளதாகவும் தயாள குனம் படைத்த பெருந்தகைகளிடமிருந்து பண உதவியை எதிர் பார்ப்பதாகவும் வேண்டுகோள் விடுத்துள்ளார். 

வங்கி கணக்கு இலக்கங்கங்கள் பின்வருமாறு அவர் தெரிவித்துள்ளார். 

பெயர்- எப்.எம்.சலாம். 
மடவளை பஸார் இலங்கைக வங்கிக் கிளை. 
கணக்கு இல- 71277899 
மேலதிக விபரங்களுக்கு தொடர்பு கொள்ள வேண்டிய தொலைபேசி இலக்கம். 077 6617192 அல்லது 076 6862867 அல்லது 081 2470 883 என்பதாகும். 

இது தொடர்பாக அவரது வேண்டுகோள் கடிதம் மற்றும் வைத்தியர்களது கடிதங்கள் என்பனவும் இத்துடன் இணைக்கப்பட்டுள்ளன. 






அக்குரணையில் வரலாறு, காணாத வெள்ளம் - வெள்ளத்தில் சிக்கிய பஸ் (படங்கள்)


-JM.Hafeez-

மலையக பிதேசங்களில் பெய்த (29.9.2108) கடும் மழை காரணமாக அக்குரணை பிரதேசத்தில் எ-9 பாதை சுமார் ஒரு கிலோமீட்டர் வரை நீரில் மூழ்கியது.​

கடும் மழை மாரணமாக மாலை 6 அணி முதல் இரவு 10 மணி வரை கண்டி- மாத்லை வீதி நீரில் மூழ்கி போக்கு வரத்து ஸ்தம்பிதம் அடைந்த்து.

அக்குறணை ஆறாம் கட்டை பிரதேசம் முதல் ஏழாம் கட்டை பிரதேசம் வரை  சுமார் ஒரு கிலோ மீட்டருக்கும் அதிக தூரம் முற்றாக வெள்ளத்தால் பாதிக்கப்பட்டிருந்தது. சுமார் 350 க்கும் அதிகமான வியாபார  நிலையங்களும் வீடுகளும்  நீரிழ்  பகுதியளவு மூழ்கி  பாதிக்கப்பட்டதுடன் பல இலட்சம் ரூபாய் நஷ்டம் ஏற்பட்டுள்ளதாக  வியாபாரிகள் தெரிவிக்கின்றனர்.

கண்டி மாத்தளை  ஏ 09 வீதியில் அமைந்துள்ள அக்குறணை  நகரம் நீரிழ் மூழ்கியதால்  ஏ -09 வீதியில் சுமார் 4 மணித்தியாலங்கள்   வாகன போக்குவருத்து தடைப்பட்டது. நகரம் ஸ்தம்பித்தது.  பொலன்னறுவையில் இருந்து கண்டியை நோக்கி  பயணித்த பஸ் வண்டி ஒன்று வெள்ளத்தில் சிக்கியதால் பிரதேச மக்கள் கடும் முயற்சிக்கு மத்தியில் அதில் பயணித்த பிரயாணிகள்  காப்பாற்றப்பட்டனர்.  பஸ் வண்டி மற்றும் பிரயாணிகள் கயிறுகளால் பிணைக்கப்பட்டு  பாதுகாப்பாக  வெளியேற்றப்பட்டனர்.



தமிழ் கூட்டமைப்பு சார்பில், முதலமைச்சர் பதவிக்கு புதிய வேட்பாளர் – சுமந்திரன்

வடக்கு மாகாணசபைக்கான அடுத்த தேர்தலில் தமிழ்த் தேசியக் கூட்டமைப்பு புதிய முதலமைச்சர் வேட்பாளர் ஒருவரை நிறுத்த திட்டமிட்டுள்ளதாக, கூட்டமைப்பின் பேச்சாளர் எம்.ஏ.சுமந்திரன் தெரிவித்துள்ளார்.

கொழும்பு ஆங்கில வாரஇதழ் ஒன்றுக்கு கருத்து வெளியிட்டுள்ள அவர்,

”தமிழ்த் தேசியக் கூட்டமைப்பின் யாப்பை விக்னேஸ்வரன் மீறிவிட்டார். மக்களுக்கு வழங்கிய வாக்குறுதிகளை நிறைவேற்றத் தவறி விட்டார்.

மாகாணசபைக்கு ஒதுக்கப்பட்ட நிதி மக்களின் நலன்களுக்காக பயன்படுத்தப்பட வேண்டும். ஆனால் ஆளுனரின் கையில் இன்னமும் நிதி உள்ளது.” என்று குறிப்பிட்டார்.

தனி வழி செல்கிறார், விக்னேஸ்வரன்

தமிழ்த் தேசியக் கூட்டமைப்பு தம்முடன் மகிழ்ச்சியாக இல்லை என்றால், அடுத்த மாகாணசபைத் தேர்தலில், புதிய அரசியல் முன்னணி ஒன்றின் மூலம் போட்டியிடப் போவதாகத் தெரிவித்துள்ளார் வடக்கு மாகாண முதுலமைச்சர் சி.வி.விக்னேஸ்வரன்.

கொழும்பு ஆங்கில வாரஇதழ் ஒன்றுக்கு அவர் அளித்துள்ள செவ்வியில்,

“எனது செயற்பாடுகள் தொடர்பாக தமிழ்த் தேசியக் கூட்டமைப்பில் உள்ள சிலர் மகிழ்ச்சியடையவில்லை என்பது எனக்குத் தெரியும். நான் திரும்பத் திரும்ப, ஒரு நாடாளுமன்ற உறுப்பினரால் விமர்சிக்கப்படுகிறேன்.

முரண்பாட்டு அரசியலைத் தொடர நான் விரும்பவில்லை.

எனக்கு அளிக்கப்பட்ட ஆணையின் படியே செயற்பட்டிருக்கிறேன். எனது ஆற்றலைக் கொண்டு, அதனைச் செய்திருக்கிறேன்.

எமது மாகாணசபையின் ஆயுள்காலம் முடிவதற்கு முன்னர், அதன் செயற்பாடுகள் தொடர்பான அறிக்கையை வெளியிடுவேன்.” என்றும் அவர் தெரிவித்துள்ளார்.

அதேவேளை, புதிய கூட்டணியை அமைப்பது குறித்து முதலமைச்சர் விக்னேஸ்வரனுடன் பேச்சுக்கள் நடத்தப்பட்டு வருவதாகவும், அவரிடம் இருந்து தமக்கு சாதகமான பதில் கிடைத்துள்ளது என்றும் ஈபிஆர்எல்எவ் தலைவர் சுரேஸ் பிரேமச்சந்திரன் தெரிவித்துள்ளார்.

இன்று நாடு திரும்பவுள்ள ஜனாதிபதி, முக்கிய முடிவுகளை அறிவிப்பாரா..?

ஐ.நா பொதுச்சபைக் கூட்டத்தொடரில் பங்கேற்க அமெரிக்கா சென்றிருந்த சிறிலங்கா அதிபர் இன்று -30- அதிகாலை நாடு திரும்பியதும், அடுத்து வரும் வாரங்களில், அமைச்சரவை மாற்றம் உள்ளிட்ட இறுக்கமான பல அரசியல் நகர்வுகளை முன்னெடுப்பார் என்று கொழும்பு ஆங்கில வாரஇதழ் ஒன்று செய்தி வெளியிட்டுள்ளது.

சிறிலங்கா அதிபருக்கு நெருக்கமான வட்டாரங்களை மேற்கோள்காட்டி வெளியிடப்பட்டுள்ள அந்தச் செய்தியில்,

‘சிறிலங்கா நிதியமைச்சின் செயலராக, உள்ள ஆர்எச்எஸ் சமரதுங்க ஓய்வுபெறுவதால், அவருக்குப் பதிலாக, தனது தெரிவான ஒருவரை சிறிலங்கா அதிபர் நியமிக்கக் கூடும்.

அமைச்சரவை மாற்றம் ஒன்றுக்கும் வாய்ப்புகள் உள்ளன. அமைச்சரவையில் இரண்டு புதுமுகங்கள் இடம்பெறக் கூடும்.

அவர்களில் ஒருவர் தயாசிறி ஜெயசேகர. மற்றொருவர் ஐதேகவைச் சேர்ந்த ரவி கருணாநாயக்க. எனினும் இந்த இரண்டு நியமனங்கள் தொடர்பாகவும் இன்னமும் அதிகாரபூர்வமாக உறுதிப்படுத்தப்படவில்லை’ என்றும் கூறப்பட்டுள்ளது.

September 29, 2018

அக்குரணை வெள்ளத்தில் மூழ்கியது

நாட்டின் பல பகுதிகளிலும் பெய்து வரும் கடும் மழை காரணமாக பல மாவட்டங்கள் வெள்ள நீரில் மூழ்கியுள்ளன.

சீரற்ற காலநிலையால் பெய்துவரும் கடும் மழை காரணமாக தற்போது கண்டி, அக்குரணை நகரமும் முற்றாக வெள்ள நீரில் மூழ்கியுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

அத்தோடு நவலப்பிட்டி நகரமும் முற்றாக வெள்ள நீரில் மூழ்கியுள்ளமை குறிப்பிடத்தக்கது.

சுனாமி அச்சுறுத்தல் தொடர்பில், வெளியாகி வரும் வதந்திகளில் உண்மையில்லை

சுனாமி அச்சுறுத்தல் தொடர்பில் வெளியாகி வரும் வதந்திகளில் உண்மையில்லை என வளிமண்டலவியல் திணைக்களம் அறிவித்துள்ளது.

சுனாமி ஏற்படப் போவதாக பரவி வரும் வதந்திகளில் எவ்வித உண்மையும் கிடையாது என தெரிவித்துள்ளது.

இவ்வாறான அனர்த்தங்கள் தொடர்பில் உன்னிப்பாக தொடர்ச்சியாக அவதானிக்கப்பட்டு வருவதாகக் குறிப்பிட்டுள்ளது.

அண்மையில் காலி – கொழும்பு பிரதான வீதியின் அம்பலன்கொட அகுரல முதல் தொட்டகமுவ வரையிலான பகுதியில் கடற் அலைகள் வீதி வரையில் வந்த வண்ணம் காணப்படுகின்றது.

நாளை வரையில் பாணந்துறை முதல் காலி, ஹம்பாந்தோட்டை வரையிலான பகுதிகளின் கடல் பகுதிகளில் 2 தொடக்கம் 2.5 மீற்றர் உயரத்திற்கு அலை அடிக்கும் என வளிமண்டலவியல் திணைக்களம் தெரிவித்துள்ளது.

எனினும், நாட்டில் சுனாமி அச்சுறுத்தல்கள் எதுவும் கிடையாது என சுட்டிக்காட்டியுள்ளது.

இந்தோனேசியாவில் நேற்று இடம்பெற்ற நில அதிர்வினைத் தொடர்ந்து அந்தப் பகுதியில் ஏற்பட்ட சுனாமியினால் சுமார் 400 பேர் வரையில் கொல்லப்பட்டுள்ளனர் என்பது குறிப்பிடத்தக்கது.

மைத்திரியின் உரையை, மகிந்தவும் மறுக்கிறார்

இறுதிக்கட்ட போரின் போது நாட்டை விட்டு தப்பியோடவில்லை என முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.

போரின் இறுதி நாட்டிகளில் இலங்கையை விட்டு வெளியேறியது எனது தனிப்பட்ட விடயத்திற்காக அல்ல, அதுவொரு ராஜதந்திர செயற்பாடு என மஹிந்த தெரிவித்துள்ளார்.

நிவ்யோர்க் நகரில் ஜனாதிபதி மைத்திரிபால சிறிசேன நேற்று முன்தினம் வெளியிட்ட கருத்திற்கு பதிலளிக்கும் வகையில் அவர் இவ்வாறு குறிப்பிட்டுள்ளார்.

நான் போரின் இறுதி நாட்களில் ஜீ-11 மாநாட்டில் கலந்து கொள்வதற்காக ஜோர்தான் சென்றிருந்தேன். எனினும் இரண்டு நாட்கள் மாத்திரமே அங்கிருந்தேன்.

2009ஆம் ஆண்டு மே மாதம் 19ஆம் திகதி மீண்டும் இலங்கைக்கு வருகைத்தந்து, நாடாளுமன்றத்தில் உரையாற்றினேன். நான் தான் போரை நிறைவுக்கு கொண்டு வந்து உத்தியோகபூர்வமாக அறிவித்தேன் என அவர் மேலும் தெரிவித்துள்ளார்.

இந்நிலையில் போரின் இறுதி நாட்கள் இரண்டில் விடுதலை புலிகள் கொழும்பில் வான் தாக்குதல் மேற்கொள்வதற்கு திட்டமிட்ட விடயத்தை தான் அறிந்திருக்கவில்லை என முன்னாள் பாதுகாப்பு செயலாளர் கோத்தபாய ராஜபக்ச தெரிவித்துள்ளார்.

எனினும் யுத்தத்தின் இறுதி நாட்களில் நான் வெளிநாடு செல்லவில்லை என கோத்தபாய தெரிவித்துள்ளார்.

அந்த காலப்பகுதியில் பாதுகாப்பு செயலாளராக செயற்பட்ட தனக்கு இந்தியாவில் இருந்து விடுதலை புலிகள் தாக்குதல் மேற்கொள்ள திட்டமிட்ட விடயம் தெரியாதென கோத்தபாய மேலும் தெரிவித்துள்ளார்.

இந்தோனேஷியா நிலநடுக்கத்தில் சிக்கவிருந்த விமானம், தன் உயிரைக் கொடுத்து காப்பாற்றிய வீரன்

இந்தோனேஷியாவில் பயங்கர நிலநடுக்கத்தின் காரணமாக விமான நிலையத்தில் இருக்கும் டிராபிக் கண்ட்ரோலர் தன்னுடைய உயிரைக் கொடுத்து நூற்றுக்கணக்கான பயணிகளின் உயிரைக் காப்பாற்றியுள்ள சம்பவம் நெகிழ வைத்துள்ளது.

இந்தோனேஷியாவின் Sulawesi பகுதியில் சமீபத்தில் 7.5 என்ற ரிக்டர் அளவிற்கு பயங்கர நிலநடுக்கம் ஏற்பட்டது.

அப்போது Palu பகுதியில் உள்ள Mutiara SIS Al-Jufrie விமானநிலையத்தில் நூற்றுக்கணக்கான பயணிகளை சுமந்து செல்லும் Batik Air Flight நிறுவனத்திற்கு சொந்தமான விமானம் ஒன்று பயணிகளுடன் புறப்பட தயாராக இருந்துள்ளது.

இந்த விமான நிலையத்தில் Anthonius Gunawan Agung(21) என்ற நபர் டிராபிக் கண்ட்ரோலராக இருந்துள்ளார். விமானம் புறப்படு நேரத்தில் சிக்னல் காட்டுவதற்காக டவரின் நான்காவது தளத்தில் நின்றுள்ளார்.

நிலநடுக்கத்தை அறிந்த அங்கிருந்த ஊழியர்கள் பலர் உடனே ஓடியுள்ளனர். ஆனால் இவர் மட்டும் விமானம் புறப்படும் வரை சிக்னல் காட்டி விட்டு அதன் பின் நான்காவது தளத்தில் இருந்து குதித்துள்ளார்.

இதனால் அவரின் கால் மற்றும் கழுத்துப் பகுதியில் பலத்த காயமடைந்துள்ளது. படுகாயமடைந்த அவர் உடனடியாக ஹெலிகாப்டர் உதவியின் மூலம் மருத்துவமனைக்கு கொண்டு செல்லப்பட்டார்.

இருப்பினும் அவர் சிகிச்சை பலனின்றி பரிதாபமாக இறந்துள்ளார். விமானம் பாதுகாப்பாக புறப்படும் வரை இருந்து, பலரின் உயிரைக் காப்பாற்றிய அவரை அந்நாட்டு மக்கள் ஹீரோவாக பார்க்கின்றனர்.



ஹக்கீமும், றிசாத்தும் பல்டி அடிப்பார்களா..?

ஸ்ரீலங்கா முஸ்லிம் காங்கிரஸ், அகில இலங்கை மக்கள் காங்கிரஸ் மற்றும் மலையக மக்கள் முன்னணி உட்பட சில சிறிய கட்சிகள் அடுத்த வரவு செலவுத் திட்டத்திற்கு முன்னர் அரசாங்கத்தில் இருந்து வெளியேறி எதிர்க்கட்சியில் இணைவது குறித்து பேச்சுவார்த்தைகளை நடத்தி வருவதாக தகவல்கள் வெளியாகியுள்ளன.

தமது கட்சிகளின் யோசனை மற்றும் கோரிக்கைகளை அரசாங்கத்திடம் முன்வைத்துள்ள போதிலும் அரசாங்க தரப்பில், அவற்றுக்கு ஏற்றுக்கொள்ளக் கூடிய பதில்கள் கிடைக்காத காரணத்தினால் இந்த பேச்சுவார்த்தைகள் நடப்பதாக கூறப்படுகிறது.

இதனடிப்படையில், அடுத்த சில தினங்களில் கூட்டு எதிர்க்கட்சியினருடன் இந்த கட்சிகளின் பிரதிநிதிகள் பேச்சுவார்த்தைகளை நடத்த திட்டமிட்டுள்ளதாக தெரிவிக்கப்படுகிறது.

அமைச்சர்கள் ரவூப் ஹக்கீம், றிசார்ட் பதியூதீன் மற்றும் ராஜாங்க அமைச்சர் வீ. ராதாகிருஷ்ணன் ஆகிய தலைவர்கள் இது சம்பந்தமான பிரதான கட்சிகளுடன் தீர்க்கமான பேச்சுவார்த்தைகளை நடத்தவுள்ளதாக பேசப்படுகிறது.

எவ்வாறாயினும் இது சம்பந்தமாக இந்த கட்சிகளிடம் இருந்து உத்தியோகபூர்வமான தகவல்கள் எதுவும் வெளியாகவில்லை என்பது குறிப்பிடத்தக்கது.

ஞானசாரரை ஜனாதிபதி வேட்பாளராக, நிறுத்த முயற்சி - 2 அமைச்சர்கள் ஆதரவு

ஆறு ஆண்டுகள் சிறைத்தண்டனை விதிக்கப்பட்டுள்ள பொதுபல சேனா அமைப்பின் செயலாளர் கலகொட அத்தே ஞானசார தேரருக்கு ஜனாதிபதி ஊடாக பொது மன்னிப்பை பெற்றுக்கொடுத்து, அடுத்த ஜனாதிபதித் தேர்தலில் அவரை வேட்பாளராக நிறுத்துவது சம்பந்தமான திட்டத்தை அரசாங்கத்தில் அங்கம் வகிக்கும் இரண்டு முக்கிய அமைச்சர்கள் முன்னெடுத்து வருவதாக அரசியல் தரப்புத் தகவல்கள் கூறுகின்றன.

அடுத்த ஜனாதிபதித் தேர்தல் நடைபெறும் தினம் அறிவிக்கப்பட உள்ள தருவாயில் அவருக்கு பொதுமன்னிப்பை வழங்குமாறு இவர்கள் ஜனாதிபதி மைத்திரிபால சிறிசேனவிடம் கோரிக்கை விடுக்க திட்டமிட்டுள்ளதாக கூறப்படுகிறது.

இதன் பின்னர் ஞானசார தேரரை ஜனாதிபதித் தேர்தலில் நிறுத்துவது அல்லது, அவர் தலைமையிலான பொதுபல சேனா ஊடாக மாற்று ஜனாதிபதி வேட்பாளர் குறித்து நாட்டுக்குள் நிலைப்பாடு ஒன்றை உருவாக்குவது இவர்களின் இரண்டாவது திட்டம் எனவும் பேசப்படுகிறது.

முன்னாள் ஜனாதிபதி மகிந்த ராஜபக்சவின் ஆசியுடன் போட்டியிடும் வேட்பாளருக்கு கிடைக்கும் சிங்கள பௌத்த வாக்குகளின் ஒரு பகுதியை உடைப்பது என்பது இவர்களின் இறுதித்திட்டம் எனவும் தெரியவருகிறது.

எவ்வாறாயினும் அரசாங்கத்தின் அமைச்சரவை அந்தஸ்துள்ள இந்த அமைச்சர்களின் திட்டத்திற்கு இதுவரை ஞானசார தேரரின் இணக்கம் கிடைக்கவில்லை எனவும் கூறப்படுகிறது.

நீதிமன்றம் தண்டனை விதித்து சிறையில் அடைக்கப்பட்ட ஒருவருக்கு ஜனாதிபதி பொது மன்னிப்பு வழங்கினால், அவர் தேர்தலில் போட்டியிட எந்த சட்டரீதியான தடைகளும் இல்லை.

வைத்தியர் இல்லியாஸ் மயங்கி விழுந்தார் - கொழும்பு குப்பைக்கு எதிரான உண்ணாவிரதம் தொடருகிறது


இன்று -29-  அதிகாலை தொடக்கம் புத்தளம் கொழும்பு முகத்திடலில் இடம்பெற்று வரும் கொழும்பிலிருந்து கொண்டுவரப்படவுள்ள குப்பைக்கு எதிரான உண்ணாவிரதப்போராட்டத்தில் முன்னால் பாராளுமன்ற உறுப்பினரும், அகில இலங்கை மக்கள் காங்கிரஸின் உயர்பீட உறுப்பினருமான வைத்தியர் இல்லியாஸ் அவர்கள் மயக்கமுற்று ,சுய நினைவற்று இருப்பதுடன் ,  மேலும் ஒரு இளைஞன் மயக்கமுற்ற நிலையில் புத்தளம் தள வைத்திய சாலையில் அனுமதிக்கப்பட்டுள்ளார்.

நல்லாட்சியின் வெற்றிக்கு பங்காற்றிய புத்தளம் தொகுதிமக்களின் பிரச்சினை தொடர்பில் இதுவரை எவ்வித முடிவும் எட்டப்படாதது மிகவும் கவலையளிப்பதாகவும் மேலும் பொலிஸ் நிலையத்திறப்பிற்கு கௌரவ பிரதமர் ரணில் விக்ரம சிங்ஹ அவர்கள் புத்தளம் வண்ணாத்திவில்லு பகுதிக்கு வந்து சென்றும் இப்பிரச்சினைப்பற்றிய கருத்தில் கொள்ளாததும் கவலையளிப்பதாகவும் புத்தளம் தொகுதிமக்கள்,பிரதிநிதிகள் கருத்து தெரிவித்தனர்.


கறுவாக்காட்டு குப்பைகள், அருவாக்காட்டுக்கு ஏன்..??

-அஜ்மல் மொஹிடீன்-

கொழும்பில் சேரும் குப்பைகள்,கொழும்புக்குள் தினமும் வந்து போகும் வெளியாரால்தான் சேருகின்றதாம், கொழும்பு மேயர் ரோசி செனநாயக்காவும்,அமைச்சர் பட்டாளி சம்பிக அவர்களும் கூறுகின்றார்கள்.

சேகரிக்கப்படும் குப்பைகள் யாவும் களனிக்கு கொண்டுவந்து அங்கிருந்து தினமும்  இரண்டு புகையிரதங்கள் மூலமாக 600,'600 தொன்களாக குப்பைகள் புத்தளத்தின், அருவாக்காட்டுக்குகொண்டு செல்லப்படுமாம், களனியில் இருந்து கொன்டு செல்லப்படும் குப்பை இரண்டு புகையிரதங்களிலும் நிரப்பப்பட்டு நன்றாக சீல் பண்ணி புத்தளத்திற்கு அனுப்பப்படுமாம்.

அதாவது கொழும்பிலிருந்து கொழும்பு நகர் சூழலையும்,கொழும்பு மக்களையும் பாதுகாப்பதோடு குப்பை கொண்டு செல்லப்படும் புகையிரதப் பாதை ஓரங்களில் வாழ்கின்ற மக்களும் பாதிக்கப்படக் கூடாது முற்று முழுதாக புத்தளப் பிரதேச சூழலும்,அம்மக்களும் எக்கேடு கெட்டாலும் பரவாயில்லை.

கொழும்பின் அதிகாரிகளே, அமைச்சர் பட்டாளி சம்பிக அவர்களே, கொழும்பு மேயர் ரோசி செனநாயக்க அவர்களே

கொழும்புக்கு வரும் பிற மாவட்ட மக்களெல்லாம் உங்கள் கொழும்புக்கு ஆசைப்பட்டு வரவில்லை,
எல்லாவற்றையும் கொழும்பிலே குவித்து வைத்திருக்கிறீர்களே,அதனால்தான் அம்மக்களெல்லாம் தினமும் கொழும்புக்குள் வரவேண்டி உள்ளது.

மாகாணரீதியாக அல்ல,மாவட்ட ரீதியாக‌ மக்களின் அவசர அத்தியாவசிய தேவைகளை பூர்த்தி செய்யும் வகையில் பரவல்படுத்தச் சொல்லுங்கள்,ஆகக் குறைந்தது மாவட்டத்துக்கு ஒரு நகரையாவது சகல வசதிகளையும் கொண்ட நகராக மாற்றச் சொல்லுங்கள் அதன் பின்னர் ஒருவரும் வர மாட்டார்கள் உங்கள் கொழும்பிற்கு,

கொழும்பின் அபிவிருத்தியில் தலைநகரம் என்ற அடிப்படையில் நாட்டின் மக்களால் மத்திய அரசிற்கு செலுத்தப்படும் நேர்,நேரில் வரிகளின் கணிசமான ‌பங்கு செலவு செய்யப்படுகின்றது. என்பதையும் கவனத்திற்கு கொள்ளுங்கள்.

மீப்பே எனும் பிரதேசத்தில் குப்பைகள் கொண்டுசெல்ல நடவடிக்கை எடுக்கப்பட்டது,அப்பிரதேச மக்களும்,அரசியல்வாதிகளும் எதிர்த்ததால் அத்திட்டம் கைவிடப்பட்டது.

பின்னர் வில்பத்து சரணாலயத்திற்கப்பால் கொட்டுவதற்கு தீர்மானிக்கப்பட்டது,ஆனால் வன‌ பரிபாலன அதிகாரிகள் அனுமது கொடுக்காது எதிர்த்ததால் அத்திட்டம் கைவிடப்பட்டது.

இவ்விரண்டையும் கூறுவது கௌரவ அமைச்சர் பாட்டளி சம்பிக்க அவர்கள்தான். ஆக மீப்பேயில் அரசியல்வாதிகள் முன்னின்று மக்களோடு எதிர்த்ததால் அப்பிரதேச மக்களும்,அப்பிரதேச சூழலும் பாதுகாக்கப்பட்டது.

அதிகாரிகள் எதிர்த்ததால் வில்பத்து பிரதேசமும் வனஜீவராசிகளும் பாதுகாக்கப்பட்டன.

புத்தளப் பிரதேசத்தையும்அம்மக்களையும் பாதுகாக்க மத்திய அரசாங்கமும் தயாரில்லை,புத்தள பிரதேச அரசியல்வாதிகளும் எதிர்ப்பை மக்களுடன் சேர்ந்து முன்னெடுக்க தயாரில்லை.

அரசியல்வாதிகளுக்கு அவர்கள் இருப்பும்,பதவியும்,மேலிட அனுசரனையும் அவசியம்.

மீப்பே மக்களை விட,வில்பத்து சரணாலய ஜீவராசிகளைவிட புத்தள மக்களின் வாழ்க்கையும்,பிரதேச சூழலும் பெரிதல்ல.

ஏனெனில்  அரசியல்வாதிகள் உரிய காத்திரமான எதிர்ப்ப்பு நடவடிக்கைகளில் இறங்கவில்லை,

புத்தளத்தில் கணிசமான முஸ்லிம் மக்களும்,வறுமைக் கோட்டில் இருக்கும் மக்களும் அதிகமாக இருப்பதால் எந்த எதிர்ப்பும் அவர்களுக்கு ஒரு பொருட்டில்லை. குப்பை அகற்றுவதில் கூட சரி ரியான முகாமைத்துவம் இல்லாத குப்பை அரசியல் கூட ஒழுங்கற்றிருக்கும் அரசுக்கு ஒரு குட்பை, முடியாண்ட மன்னரும் ஒரு பிடி சாம்பராவார் என்பதை மறந்து விடாதீர்கள் அரசியல்வாதிகளே.

இந் நாட்டில் வாழ்ந்து கொண்டிருக்கும் புத்தள மக்களே நாம் உங்களோடு கைகோர்த்து நிற்கின்றோம்.

அனாதரவற்று, அகதியாய் உங்கள் பிரதேசம் வந்த போது எம்மை ஆதரித்து, அரவனைத்தவர்கள் நீங்கள் ,எங்கள் வாழ்வும்,இறப்பும் உங்களோடுதான்...!

இன்று இரவுமுதல், வாகன இறக்குமதிக்கு தடை

ரூபாவின் வீழ்ச்சியைக் கட்டுப்படுத்துவதற்காக இன்று -29- நள்ளிரவு முதல் அமுலாகும் வகையில் பாராளுமன்ற உறுப்பினர்களுக்கான வாகன இறக்குமதி அனுமதிப்பத்திரங்கள் வழங்கும் செயற்பாடு ஒரு வருட காலத்திற்கு இடைநிறுத்தப்பட்டுள்ளது.

நிதி மற்றும் ஊடக அமைச்சினால் இன்று வெளியிடப்பட்டுள்ள அறிக்கையிலேயே குறித்த விடயம் தொடர்பில் தெரிவிக்கப்பட்டுள்ளது.

அமைச்சுக்கள், திணைக்களங்கள், கூட்டுத்தாபனங்கள் மற்றும் மன்றங்களுக்கான வாகனங்களைக் கொள்வனவு செய்யும் செயற்பாடுகள் மீள் அறிவித்தல் வழங்கும் வரை இடைநிறுத்தப்பட்டுள்ளதாகவும் குறித்த அறிக்கையில் சுட்டிக்காட்டப்பட்டுள்ளது.

அத்துடன், அரச ஊழிர்களுக்கு வழங்கப்பட்ட அனுமதிப் பத்திரங்களுக்கு அமைய வாகனங்கள் இறக்குமதி செய்யப்படும் செயற்பாடு 6 மாதங்களுக்கு இடைநிறுத்தப்பட்டுள்ளதாகவும் அறிவிக்கப்பட்டுள்ளது.

கோணேஸ்வரர் ஆலய குரு விசாகேஸ்வர சர்மாவுக்கான, தூக்குத் தண்டனை மீண்டும் உறுதி செய்யப்பட்டது

திருகோணமலையில் பெரும் பரபரப்பை ஏற்படுத்திய அம்பிகா கொலை வழக்கின் எதிரியான கோணேஸ்வரர் ஆலயத்தின் முன்னாள் பிரதம அர்ச்சகரான சிவகடாட்சக் குருக்கள் விசாகேஸ்வர சர்மாவுக்கு விதிக்கப்பட்ட தூக்குத் தண்டனையை உயர் நீதிமன்றின் சிறப்பு அமர்வு உறுதி செய்தது.

புதன்கிழமை இடம்பெற்ற உயர் நீதிமன்ற சிறப்பு அமர்வில் இந்த தீர்ப்பு உறுதி செய்யப்பட்டுள்ளது.

இந்த வழக்கு குறித்து தெரியவருவதாவது,

1996ஆம் ஆண்டு பெப்ரவரி மாதம் 13ஆம் திகதி தனது மனைவியான அம்பிகா என அழைக்கப்படும் சொக்கலிங்கம் சிவபாதசுந்தரம்பிள்ளை புவனேஸ்வரியை, சிவகடாட்சக் குருக்கள் விசாகேஸ்வர சர்மா நைலோன் கயிற்றினால் கழுத்தில் சுருக்கிட்டு கொலை செய்து, ஆலய வளாகத்தில் தான் வசித்து வந்த விடுதி வளவுக்குள் புதைத்திருந்தார்.

இந்த கொலைக்கு ஆலய பூசைகளில் உதவியாளராக பணியாற்றிய வெங்கட்ராமன் பாலமுரளி சர்மா உதவியாக இருந்துள்ளார்.

இவர் கொலை இடம்பெற்று ஒரு வருடத்தின் பின் 1997 ஆம் ஆண்டு ஏப்ரல் மாதம் 15ஆம் திகதி திருகோணமலை பொலிஸ் நிலையத்தில் முறையிட்டிருந்தார்.

இதனையடுத்து ஆலய பிரதேசத்துக்கு சென்ற பொலிஸார் எதிரி வசித்து வந்த விடுதி வளவில் புதைக்கப்பட்டிருந்த அம்பிகாவின் எலும்புக் கூட்டை கைப்பற்றியிருந்தனர்.

இந்தச் சம்பவம் தொடர்பில் திருகோணமலை நீதிவான் நீதிமன்றில் சுருக்கமுறையற்ற விசாரணைகள் முன்னெடுக்கப்பட்டன.

சிவகடாட்சக் குருக்கள் விசாகேஸ்வர சர்மா மீது குற்றயவில் தண்டனைக் கோவை 296ஆம் பிரிவின் கீழ் கொலைக் குற்றச்சாட்டை முன்வைத்து சட்டமா அதிபரினால் திருகோணமலை மேல் நீதிமன்றில் வழக்கு தாக்கல் செய்யப்பட்டிருந்தது.

மேல் நீதிமன்றத்தில் வழக்கு விசாரணைக்கு எடுத்துக் கொள்ளப்பட்ட போது எதிரியும் முக்கிய சாட்சியான பாலமுரளி சர்மாவும் தலைமறைவாகியிருந்தனர். அவர்களுக்கு பிடியாணை பிறப்பிக்கப்பட்டிருந்தது.

குப்பை தொட்டியில் உட்கார்ந்து படம் வரைந்த Abdulrezzak Cuma க்கு பள்ளிக்கூடம் கிடைத்தது

துருக்கியில் அகதி சிறுமி ஒருவர் குப்பை தொட்டியில் உட்கார்ந்து படம் வரைந்து கொண்டிருந்ததையடுத்து, தற்போது அவருக்கு பள்ளியில் இடம் கிடைத்துள்ளது.

சிரியாவைச் சேர்ந்தவர் Abdulrezzak Cuma. இவர் தன் மனைவி மற்றும் குழந்தைகளுடன் கடந்த ஒரு வருடங்களுக்கு முன்பு துருக்கிக்கு சென்றுள்ளார்.

துருக்கியின் இஸ்தான்புல் நகரத்தில் உள்ள Arnavutkoy பகுதியில் இவர்கள் வசித்து வருவதாக கூறப்படுகிறது. இந்நிலையில் படிப்பின் மீது ஆர்வம் கொண்ட இவரின் 11 வயது குழந்தையான Halime Cuma அங்கிருக்கும் குப்பை தொட்டிக்கு அருகே இருக்கும் குப்பை குவியலின் மீது அமர்ந்து ஏதோ எழுதிக் கொண்டிருந்தார்.

அதன் பின் அருகில் சென்று பார்த்த போது, அவர் ஒரு நோட்டில், வரைந்து கொண்டிருந்தார். அதற்கு கலர் கொடுத்துக் கொண்டிருந்தார்.

தன் குடும்ப சூழ்நிலை காரணமாக அந்த சிறுமி, பேப்பர் போன்றவைகளை சேகரித்து அப்பாவிற்கு உதவியாக இருந்து வருகிறார். இதனால் அவரால் பள்ளிக்கு செல்ல முடியவில்லை.

இந்நிலையில் இது தொடர்பான வீடியோ இணையத்தில் வைரலானதைத் தொடர்ந்து, Halime Cuma-வுக்கு உதவ அந்நாட்டு கல்வி அதிகாரிகள் முன் வந்துள்ளார்.

கடந்த புதன் கிழமை Halime Cuma அங்கிருக்கும் பள்ளி ஒன்றில் சேர்க்கப்பட்டார். அவருக்கு அனைத்துவிதமான பாடப்புத்தகங்களும் கொடுக்கப்பட்டது. அவர் படிப்பிற்கு தேவையான செலவுகளும் ஏற்றுக் கொள்ளப்பட்டுள்ளது.

இது குறித்து அவர் கூறுகையில், நான் மிகவும் மகிழ்ச்சியாக இருப்பதாகவும் என்னிடம் நிறைய புத்தகங்கள் வரவுள்ளன, என் அப்பா தான் எனக்கு எல்லாம் என்று கூறியுள்ளார்.

அவரின் தந்தை Abdulrezzak Cuma கூறுகையில், நானும் என் குழந்தைகளை பள்ளிக்கு அனுப்ப வேண்டும் என்று தான் ஆசைபடுவேன், ஆனால் அது என்னால் முடியாது. இன்று என்னுடைய மகள் Halime Cuma பள்ளிக்க் சென்றிருக்கிறாள். இதை சொல்ல வார்த்தையே இல்லை என்று மகிழ்ச்சியாக கூறியுள்ளார்.

இந்தோனீசியா சுனாமியில் 400 பேர் மரணம், கரை ஒதுங்கும் உடல்கள்

இந்தோனீசியாவில் நேற்று (வெள்ளிக்கிழமை) 7.5 என்ற அளவில் ஏற்பட்ட சக்திவாய்ந்த நிலநடுக்கத்தை தொடர்ந்து ஏற்பட்ட சுனாமியில் சிக்கி கிட்டத்தட்ட 400 க்கும் மேற்பட்டோர் உயிரிழந்துள்ளது உறுதிசெய்யப்பட்டுள்ளதாக தகவல்கள் தெரிவிக்கின்றன.

இந்தோனீசியாவின் சுலாவெசி தீவிலுள்ள பாலு என்ற பகுதியில் சுமார் 2 மீட்டர் உயரத்துக்கு எழுந்த சுனாமி அலைகள் அங்கிருந்தவர்களை கடலுக்குள் இழுத்து சென்றது.

மக்கள் அச்சத்தில் அலறியடித்துக்கொண்டு ஓடுவது போன்ற பல காணொளிகள் சமூக வலைதளங்களில் வைரலாக பரவி வருகின்றன.

நேற்று ஏற்பட்ட நிலநடுக்கம் மற்றும் அதைத்தொடர்ந்து ஏற்பட்ட சுனாமியில் சிக்கி குறைந்தது 384 பேர் உயிரிழந்திருக்கலாம் என்று இந்தோனீசியாவின் பேரிடர் மீட்பு படை தெரிவித்துள்ளது.

"தகவல் தொடர்பு முற்றிலும் துண்டிக்கப்பட்டுள்ளதால், சேத விவரங்கள் சரிவர கிடைக்கவில்லை. சுனாமி பேரலைகளால் கடலுக்குள் இழுத்து செல்லப்பட்ட பலரது உடல்கள் தொடர்ந்து கரையொதுங்கி வருவதால் உயிரிழந்தோர் எண்ணிக்கையை சரியாக கணக்கிட இயலவில்லை" என்று இந்தோனீசிய பேரிடர் மீட்புப் படையின் செய்தித்தொடர்பாளர் சுடோபோ புர்வோ நுகரோஹோ ராய்ட்டர்ஸ் செய்தி முகமையிடம் கூறினார்.

பெரும்பாலான உயிரிழப்புகள் நிலநடுக்கத்தினால் ஏற்பட்டுள்ளதா அல்லது சுனாமியால் ஏற்பட்டுள்ளதா என்பது குறித்த தெளிவான தகவல்கள் இன்னும் வெளிவரவில்லை.

சுனாமி பெரியளவில் தாக்கிய பாலு என்ற பகுதியில் மூன்று லட்சத்துக்கும் மேற்பட்ட மக்கள் வசித்து வருகின்றனர். தகவல் தொடர்பும், உள்ளூர் விமான நிலையத்தின் ஓடுபாதையும் பாதிக்கப்பட்டிருந்தாலும், மீட்புப்பணிகள் தொடங்கியுள்ளதாகவும், ஹெலிகாப்டர்கள் தரையிறங்குவதில் எவ்வித பிரச்சனையும் இல்லை என்றும் இந்தோனீசிய அரசின் அமைச்சர் ஒருவர் தெரிவித்துள்ளார்.

இந்தோனீசியாவின் சுலாவெசி தீவின் மத்திய பகுதியை மையமாக கொண்டு பூமிக்கு கீழே 10 கிலோ மீட்டர் ஆழத்தில், உள்ளூர் நேரப்படி மாலை 6 மணியளவில் நிலநடுக்கம் ஏற்பட்டதாக அமெரிக்க புவியியல் ஆராய்ச்சி அமைப்பு கூறியுள்ளது.

நிலநடுக்கத்தை தொடர்ந்து விடுக்கப்பட்ட சுனாமி எச்சரிக்கை ஒரே மணிநேரத்தில் திரும்ப பெறப்பட்டது.

நிலநடுக்கம் ஏற்பட்ட சுலாவெசி தீவின் மத்திய பகுதியிலிருந்து சுமார் 80 கிலோ மீட்டர் தொலைவிலுள்ள பாலு என்ற பகுதியில் எழுந்த சுனாமி அலைகள் அங்குள்ள மசூதி உள்பட பல கட்டடங்களை சூழ்வதை தற்போது வெளியாகியுள்ள காணொளிகள் காட்டுகின்றன.

"குழப்பம் நிறைந்த சூழ்நிலையை சமாளிக்க முடியாமல் மக்கள் இடிந்து விழுந்த கட்டடங்கள் மற்றும் தெருக்களில் ஓடி வருகின்றனர். மேலும், சுனாமி அலைகளால் அடித்துவரப்பட்ட கப்பல் ஒன்று கரையை தட்டியுள்ளது" என்று இந்தோனீசியாவின் வானிலை மற்றும் பூகோளவியல் அமைப்பின் தலைவர் தீவொரிடா கார்னவாட்டி கூறியுள்ளார்.

2004 டிசம்பர் 26-ம் தேதி இந்தோனீசியாவின் சுமத்ரா கடற்பரப்பில் நிகழ்ந்த ஒரு மிகப் பெரிய நிலநடுக்கத்தால் தூண்டப்பட்ட மிக மோசமான சுனாமியால் இந்தியப் பெருங்கடலில் 2.26 லட்சம் பேர் கொல்லப்பட்டனர். இவர்களில் 1.2 லட்சம் பேருக்கு மேல் இந்தோனீசியாவை சேர்ந்தவர்கள்.

வாகன நெரிசலினால் வருடாந்தம் 360 பில்லியன் ரூபா நஷ்டம்


வீதிகளில் ஏற்படும் வாகன நெரிசல் காராணமாகவே பாரிய நஷ்டம் ஏற்படுவதாக நிபுணர் ஓருவர் தெரிவித்துள்ளார்.இத்தகைய நெரிசலால் ஏற்படும் இழப்பு வருடாந்தம் 360 பில்லியன் ரூபா வரை உயர்வதாக போக்குவரத்து பட்டய நிறுவகத்தின் தலைவி கயனி டீ அல்விஸ் தெரிவித்துள்ளார்.

இலங்கை தொழில்துறை சார்ந்தோர் சங்கத்தின் 31 ஆவது வருடாந்த மாநாட்டில்  அவர் தனது உரையாடலின் போதே மேற்கண்டவாறு குறிப்பிட்டிருந்தார்.

குறித்த இம் மாநாடு நேற்று கொழும்பு சினமன் லேக்சைட் ஹோட்டலில் இடம்பெற்றமை குறிப்பிடத்தக்கது.

பொன்சேக்காவிடமிருந்து மைத்திரியின் உரைக்கு பதிலடி

இறுதிக்கட்ட போரின் போது இராணுவத் தளபதியாக இருந்த நானோ அல்லது ஜனாதிபதியாக இருந்த மஹிந்த ராஜபக்‌ஸவோ போருக்கு அஞ்சி ஓடி ஒளியவில்லை என்று அமைச்சர் பீல்ட் மார்ஷல் சரத் பொன்சேகா அறிவித்துள்ளார்.

"போர் முடிவடைய இருந்த கடைசி இரண்டு கிழமைகளில் நான் தான் நாட்டின் பதில் பாதுகாப்பு அமைச்சர். ஜனாதிபதி , இராணுவத் தளபதி, பாதுகாப்புச் செயலாளர் ஆகியோர் நாட்டில் இருக்கவில்லை. புலிகள் கொழும்பைத் தாக்கி அழிப்பார்கள் என்று கருதி முக்கியமானவர்கள் நாட்டில் இருக்கவில்லை. பாதுகாப்பு கருதி நானும் ஆங்காங்கு பாதுகாப்பாக இருந்தேன். எவரையும் விட எனக்கு அந்த இறுதி நாட்கள் பற்றி நன்கு தெரியும்” என்று ஜனாதிபதி மைத்திரிபால சிறிசேன அமெரிக்காவில் குறிப்பிட்டடிருந்தார்.

அவரின் இக் கூற்றுக்கு பதிலடி கொடுக்கும் வகையில் களனியில் நேற்று நடைபெற்ற நிகழ்வொன்றில் அமைச்சர் சரத் பொன்சேகா மேற்கண்டவாறு கூறியுள்ளார்.

மேலும் கூறுகையில்,

“போரின் இறுதிக் கட்டத்தில் படையினரை பலப்படுத்தல் உட்பட மேலும் பல நிர்வாக நடவடிக்கைகள் இடம்பெறும். வெறுமனே இருந்து போர் செய்யமுடியாது.

போர் முடிவடையும் நேரத்தில் வெளிநாடு சென்றிருந்த அப்போதைய ஜனாதிபதி மஹிந்த மே - 16ஆம் திகதி நாடு திரும்பினார். எனக்கும் சீனா செல்லவேண்டிய நிலை ஏற்பட்டது.

இறுதிக்கட்டப் போரின் இரண்டு வாரங்கள் என்பது முக்கிய கட்டம் அல்ல. சாதாரண சிப்பாய்களால் கூட இலகுவாக அதை முடிக்கக் கூடிய களநிலைவரம் இருந்தது. இரண்டு வாரங்கள் பதில் அதிகாரியாக இருப்பவருக்கு என்ன செய்யமுடியும்?

போர் குறித்து முழுமையாக அறியமுடியுமா என்ன? எம்மிடையே ஓடி ஒளியும் இராணுவம் இருக்கவில்லை. அப்போதைய ஜனாபதி, பாதுகாப்புச் செயலாளர் ஆகியோர்கூட பினவாங்கவில்லை”என்றார்.

மைத்திரிபால பொய் சொன்னாரா..? கோத்தபாயவின் விளக்கம் இதோ...!

இலங்கையில் நடைபெற்ற போரின் இறுதி வாரங்களில் விடுதலைப் புலிகள் அமைப்பு கொழும்பில் விமான தாக்குதல் நடத்த திட்டமிட்டிருந்ததாக தான் அறிந்திருக்கவில்லை என முன்னாள் பாதுகாப்புச் செயலாளர் கோத்தபாய ராஜபக்ச தெரிவித்துள்ளார்.

அத்துடன் போரின் இறுதிக்கட்டத்தில் தான் வெளிநாடு செல்லவில்லை எனவும் அவர் கூறியுள்ளார்.

“முன்னாள் ஜனாதிபதி மகிந்த ராஜபக்ச, பிரதமர், அப்போதைய இராணுவ தளபதி சரத் பொன்சேகா, முன்னாள் பாதுகாப்புச் செயலாளர் கோத்தபாய ராஜபக்ச ஆகியோர் போரின் இறுதிக் கட்டத்தின் போது இலங்கையில் இருக்கவில்லை” என ஜனாதிபதி மைத்திரிபால சிறிசேன தெரிவித்திருந்தமை குறித்து கருத்து வெளியிடும் போதே கோத்தபாய இதனை கூறியுள்ளார்.

“போரின் இறுதி இரண்டு வாரங்களில் நான் தான் பதில் பாதுகாப்பு அமைச்சர். இறுதிப் போரில் பின்நோக்கி நகரும் விடுதலைப் புலிகள் தென் இந்தியாவின் சென்னை அல்லது, வேறு ஒரு இடத்தில் இருந்து வந்து கொழும்பை முற்றாக அழிக்க, விமானத்தில் இருந்து குண்டு வீச போகின்றனர் என தகவல் கிடைத்திருந்தது. இதன் காரணமாகவே அனைவரும் வெளிநாடுகளுக்கு சென்றனர்” என ஜனாதிபதி மைத்திரிபால சிறிசேன கூறியிருந்தார்.

எனினும் ஜனாதிபதியின் இந்த கருத்து புதிய செய்தி. நான் அறிந்திருக்காத தகவல் ஒன்றையே ஜனாதிபதி கூறியுள்ளார் என கோத்தபாய குறிப்பிட்டுள்ளார்.

இது நான் அறிந்திருக்காத செய்தி. எனக்கு அப்படியான தகவல் எதுவும் கிடைத்திருக்கவில்லை. நான் இலங்கையிலேயே இருந்தேன். வெளிநாடுகளுக்கு சென்றிருக்கவில்லை.

இலங்கை இராணுவம் போர் குற்றம் செய்ததாக பொய்யான குற்றச்சாட்டு முன்வைக்கப்படுகிறது. ஜனாதிபதி மைத்திரிபால சிறிசேன கூறியது போல், அவர் போருக்கு அரசியல் ரீதியான தலைமைத்துவத்தை வழங்கிய காலத்துடன் இது சம்பந்தப்பட்டுள்ளதால், சர்வதேச ரீதியில் சுமத்தப்படும் இந்த குற்றச்சாட்டில் இருந்து நாட்டை காப்பாற்ற வேண்டியது ஜனாதிபதியின் பொறுப்பு எனக் கூறியுள்ளார்.

கோத்தபாய ராஜபக்ச தொடர்ந்தும் கருத்து வெளியிடுகையில்,

“ஜனாதிபதிக்கு அறிவிக்காமல் வெளிவிவகார அமைச்சர் ஜெனிவாவில், இலங்கைக்கு எதிரான யோசனைக்கு இணை அனுசரணை வழங்கியுள்ளார்.

ஜனாதிபதி இறுதிக்கட்ட போரை வழிநடத்தியதால், போர் குற்றங்கள் நடக்கவில்லை என்பது அவருக்கு நன்றாக தெரிந்திருக்கும் என்பதால், குறித்த யோசனையில் இருந்து விலகிக் கொள்ளுமாறு வெளிவிவகார அமைச்சுக்கு உடனடியாக உத்தரவிட வேண்டும்.

அதேவேளை நியூயோர்க்கில் நிகழ்வு ஒன்றில் உரையாற்றிய ஜனாதிபதி மைத்திரிபால சிறிசேன, போரின் இறுதிக்கட்டத்தில் தனது உயிருக்கும் அச்சுறுத்தல் இருந்தாக கூறியுள்ளார். “போரின் இறுதி இரண்டு வாரங்கள் நான் கொழும்பில் இருக்கவில்லை. நாட்டில் அங்காங்கே இருந்தேன். நான் இருக்கும் இடத்தை அறிந்து கொள்வார்கள் என்பதால் இடத்தை மாற்றிக்கொண்டிருந்தேன்” என்று கூறப்படுவதை கோத்தபாய ராஜபக்ச மறுத்துள்ளார்.

2 கைகளுமின்றி, சாதிக்கத் துடிக்கும் சிறுமி


உடற்குறைபாடுகள் குழந்தைகளுக்கு பிறப்பிலேயே ஏற்படலாம். சில குழந்தைகளுக்கு பிறந்தபின் இடையில் ஏற்படுகின்றன.

பிறப்பிலேயே குறைகொண்ட குழந்தைகளுக்கு தாழ்வு மனப்பான்மை போன்ற பிரச்சனைகள் பிறந்த பின் இடையில் ஊனம் ஏற்பட்ட குழந்தைகளை விட குறைவாக இருக்கும்.

ஊனமுற்ற குழந்தைகளை வளர்க்கும் போது அவர்களுக்கு சாதாரண குழந்தைகளை போல் எல்லா விவரங்களையும் தெரிவித்து சமூகத்தில் தன்னம்பிக்கை உள்ள குழந்தைகளாகவும் வளர்க்க வேண்டும்.

இவ்வாறு பிறப்பிலே இரண்டு கைகளுமின்றி பிறந்து வாழ்க்கையை வென்று முன்னுதாரணமாக திகழ்பவர் தான் துலாஞ்சலி ஆரியதிலக.

என்னை இந்த நாடு முழுவதும் அடையாளம் கண்டது சோமரத்ன திசாநாயக்க மாமாவின் பட்டாம்பூச்சி இறக்கைகள் என்ற திரைப்படத்தின் மூலம்.

உண்மையைச் சென்னால் அந்த திரைப்படம் தான் என்னை முழுமையாக மாற்றியது. 13 ஆண்டுகளுக்கு முன்பு தான் அந்த திரைப்படத்தில் நடித்தேன். அப்போது எனக்கு 9 வயது.

அதுவரை நான் பாடசாலை செல்லவில்லை. நான் மட்டுமல்ல எமது இல்லத்தில் இருந்த மற்ற சகோதர, சகோதரிகளும் பாடசாலைக்குச் செல்லவில்லை.

பட்டாம்பூச்சி இறக்கைகள் என்ற திரைப்படத்தில் நடித்த பிறகு பாடசாலை செல்ல வாய்ப்புக் கிடைத்து. ஏனென்றால் அதற்கு முன்னர் பாடசாலைக்கு செல்ல எங்களுக்கு பயம் இருந்தது. ஆனால் படத்தில் நடித்தவுடன் பயம் இல்லை.

என்னுடைய கை இரண்டும் இல்லாத காரணத்தினால் குழந்தை பருவத்தில் இருந்து கால்களாலே வேலை செய்கிறேன்.

இசைக்கருவி வாசித்தல், எழுதுதல் மற்றும் ஏனைய வேலைகள் எல்லாமே கால்களினாலே செய்தேன். அவ்வாறு எழுதி தான் க.பொ.த சாதாரண தரப்பரீட்சையில் 6 ஏ சித்தியும், பி சித்தி ஒன்றும், சி இரண்டும் பெற்றேன்.

அதன்பின் உயர்தரம் படித்தேன். அதில் இரண்டு ஏ மற்றும் பீ கிடைத்தது. நான் ஏ 3 கிடைக்குமென்று எதிர்பார்தேன்.

ஆனால் இரண்டு பாடங்களுக்கு ஒரே நாளில் ஆறு மணி நேரம் எழுத வேண்டி இருந்தது. அது மிகவும் கடினமாக இருந்தது. கடைசி கேள்வியை எழுதாமல் விட்டேன். அதனால்தான் அந்த பாடத்திற்கு 'பி' கடன் கிடைத்தது. அதனால் நான் கவலைப்படவில்லை.

இவை என்னுடைய புத்தகங்கள். எங்கள் வீட்டிற்கு வருகின்ற அனைவரிடமும் புத்தகங்களை கேட்கிறேன்.

ஒரு நாளில் ஒரு புத்தகத்தை வசித்து முடிக்கிறேன். இந்த நாட்களில் பரீட்சை முடிந்துவிட்டதால் புத்தகங்களை வாசிக்கிறேன்.

நான் ஒருபோதும் நினைத்துப் பார்த்ததில்லை இப்படி வருவேன் என்று என துலாஞ்சலி ஆரியதிலக தெரிவித்துள்ளார்.

இலங்கையில் உயர, எழும் அலைகள் - சுனாமிக்கு தொடர்பில்லை


இலங்கையின் கடற்பரப்பில் வழமையை விடவும் கடல் அலைகள் உயர்ந்து காணப்படுவதாக வளிமண்டவியல் திணைக்களம் அறிவித்துள்ளது.

நேற்று இந்தோனேசிஷியாவில் ஏற்பட்ட சுனாமி பேரலைகள், இலங்கையில் எந்தவித தாக்கத்தையும் ஏற்படுத்தாது என வளிமண்டலியல் திணைக்கள வானிலை அதிகாரி மொஹமட் சாலிஹின் தெரிவித்துள்ளார்.

எனினும் பாணந்துறையிலிருந்து அம்பாந்தோட்டை ஊடாக காலி மற்றும் மாத்தறை கரையை அண்மித்த கடலலைகள் 2 தொடக்கம் 2.5 மீற்றர் உயரத்திற்கு மேலெழும். எனினும் அலைகள் கரையை அண்மித்த பிரதேசங்களுக்குள் பிரவேசிக்காது என திணைக்களம் தெரிவித்துள்ளது.

தற்போது மலையகப் பகுதிகளில் நிலவும் மழையுடனான காலநிலை மேலும் சில தினங்களுக்கு நீடிக்கும் சாத்தியம் உள்ளதாக திணைக்களம் விடுத்துள்ள வானிலை அறிக்கையில் குறிப்பிட்டுள்ளது.

இதேவேளை இந்தோனேஷியாவில் நேற்று ஏற்பட்ட சுனாமி பேரலைகள் காரணமாக நூற்றுக்கும் மேற்பட்டோர் உயிரிழந்துள்ளமை குறிப்பிடத்தக்கது.

கொழும்பு குப்பை வேண்டாம் - புத்தளத்தில் உண்ணாவிரதப் போராட்டம்

கொழும்பிலிருந்து புத்தளத்திற்கு கொண்டுவந்து கொட்டப்படவிருக்கும் குப்பைக்கு எதிரான உண்ணாவிரதப்போராட்டம்  இன்று புத்தளம் கொழும்பு முகத்திடலில் இடம் பெற்றது.

சீமெந்து தொழிற்சாலை, அனல் மின் நிலையக்கழிவுகளால் பல்வேறு அசௌகரியங்களை புத்தளம் மக்கள் எதிர்நோக்கி வருகின்றனர்.

அனல் மின் நிலையத்திலிருந்து வெளியேறும் தூசுத்துணிக்கைகளால் முற்றாக அப்பகுதி விவசாயம் பாதிப்புக்குள்ளாகியுள்ளதுடன், சுவாச நோய் உள்ளிட்ட பல நோய்களால் , உயிர் இழப்புக்களாலும் பாதிக்கப்பட்டுள்ளதும்,  குறிப்பிடத்தக்கதாகும்.

முறையான சுற்றாடல் பாதுகாப்பு பத்திரமில்லாத அனல் மின் நிலையத்தினை மக்கள் பல எதிர்ப்புக்களைத்தெரிவித்தும் கடந்த அரசு அத்திட்டத்தை அமைத்தது.

அதே போல் தற்போது கொட்டப்படவுள்ள இலத்திரணியல்,பிளாஸ்த்திரிக்,மருத்துவக்கழிவுகளால் அவ்விடத்தை அண்மித்துள்ள பகுதிகள் பல தரப்பட்ட வளங்களை இழக்கும் அபாயம் நிலவுவதுடன்,  பல தரப்பட்ட நோய்களுக்கு ஆளாகும் நிலைக்காணப்படுகின்றது.

இவ்வாறான அடிப்படை சூழலியல் பிரச்சினைகள் தொடர்ந்தும் புத்தளத்தில் தினிக்கப்பட்டு வருகின்றமையைக்கண்டித்து, அப்பகுதிகமக்களின் உரிமைகளுக்காக உண்ணாவிரதம் போராட்டம் இருந்தனர் .

இவ் உண்ணாவிரத போராட்டத்தில்  அகில இலங்கை மக்கள் காங்கிரஸின் மாவட்ட அமைப்பாளரும் நகர சபை உறுப்பினருமான அலி சப்ரி ரஹீம்,  மாகாண சபை உறுப்பினர் நியாஸ், நகர சபை தலைவர் பாயிஸ், முன்னால் மாகாண சபை உறுப்பினர் ஆப்தீன் எஹியா உள்ளிட்ட பல அரசியல் பிரமுகர்கள் எதிர்ப்பினைத்தெரிவிக்கும் வகையில் தலையில் கருப்பு நிறப்பட்டியணிந்து கலந்துக்கொண்டனர்.

(இஹ்ஸான்)

இலங்கை அதிபர் சேவையில் பதவியுயர்வு

மூதூர் கல்வி வலயத்தில் இலங்கை அதிபர் சேவையைச் சேர்ந்த Mr.சிராஜுதீன் முஹம்மது உவைஸ் அவர்களுக்கு கடந்த2018.09.17ஆந்  திகதி அன்று கல்வி அமைச்சில் வைத்து இலங்கை அதிபர் தரம்-1யிற்கான பதவியுயர்வுக் கடிதம் (2010.12.12 முதல் செயற்படும் வண்ணம்) வழங்கி வைக்கப்பட்டது.

தற்போது வலயத்தில் SLPS - 1தரத்திலுள்ள ஒரே அதிபர் இவரென்பது குறிப்பிடத்தக்கதாகும்.  இவர் 1988 யில் ஆசிரியராகவும், 2000ம்ஆண்டு இலங்கை அதிபர் சேவையில் உள்ளீர்க்கப்பட்டு சதாம் வித்தியாலயம்,அந்-நஹார் மகளிர் கல்லூரி, அல்-மினா ம.வி என்பவற்றில் அதிபராகவும் Zonal Computer Resource Center Manager ஆகவும் பணியாற்றி உள்ளார்.

புல்மோட்டையில் பௌத்த பிக்கு அடாவடி - முஸ்லிம்களின் காணிகளை பிடிப்பதில் குறி


புல்மோட்டை 13ம் கட்டை குஞ்சுக்குளம் பகுதியில் 1966 ம் ஆண்டு காலப்பகுதியில் அனுமதிப்பத்திரம் வழங்கப்பட்டு விவசாயம் மேற்கொண்டு வந்த நிலங்கள் கடந்த முப்பது வருடகால யுத்தத்தின் பின்னர் மீண்டும் மக்கள் போகமுடியாத நிலை இதற்கிடையில் புல்மோட்டை அரிசிமலை பௌத்த பிக்குவினால் கடந்த மாதம் குறித்த பகுதிக்குள் பௌத்த சமய பாடசாலை அமைப்பதற்காக கொழும்பு வன பரிபாலன அதிகாரிகளால் வன பரிபாலன திணைக்களத்திற்கு சொந்தமான என கூறி குறித்த அனுமதி பத்திர காணிக்குள் 80 பேஜ் காணியை வழங்கிய கடித்ததோடு கடந்த சில நாட்களுக்கு முன் டோசர் இயந்திரமூலம் காணிகளை துப்பரவு செய்ய முட்பட்ட வேளை காணி சொந்த காரர்களால் பொலிஸில் முறைப்பாடு செய்யப்பட்டு தடுத்து நிறுத்தப்பட்டது

நேற்று 28.09.2018 மீண்டும் இயந்திரத்தை கொண்டு துப்பரவு செய்யப்பட்ட வேளை காணி சொந்தக்காரர் முன்னாள் மாகாண சபை உறுப்பினர் உள்ளிட்ட உள்ளூர் அரசியல் பிரமுகர்கள் பள்ளி தலைவர்கள் பிரதேச வாசிகள் குறித்த பகுதிக்கு சென்ற வேலை இரு சாராருக்குமிடையில் பதற்றம் ஏற்பட்டு காணி சொந்தக்காரர்கள் கொட்டகை அமைத்து இரவு தங்கியிருந்த வேலை காலை 3.30 மணியளவில் பௌத்த மதகுருவும் சில பெரும்பான்மையினரும் குறித்த பகுதிக்கு சென்ற வேலை முறுகல் ஏற்பட்டது.

 பின்னர் பொலிஸார் குவிக்கப்பட்டு கலக்கம் அடக்கும் பொலிஸார் மேலதிகமாக திருகோணமலையில் இருந்து வரவழைக்கப்பட்டு தயார் நிலையில் வைக்கப்பட்டிருந்தனர் 

பின்னர் குறித்த பகுதிக்கு முன்னாள் மாகாண சபை உறுப்பினர் அன்வர் தவிசாளர் முன்னாள் உதவி தவிசாளர் உள்ளிட்ட அரசியல் பிரமுகர்கள் சம்பவ இடத்திற்கு சென்றிருந்தனர் பின்னர் மாவட்ட அரசாங்க அதிபர்,மாவட்ட பொலிஸ் மா அதிபர்,குச்சவெளி பிரதேச செயலாளர்,பொலிஸ் உயர் அத்தியட்சகர் புல்மோட்டை பொலிஸ் நிலைய பொறுப்பதிகாரி உள்ளிட்டோர் குறித்த பகுதியில் கலந்துரையாடியதை அடுத்து இரு சாராரும் வெளியேற்றப்பட்டு அரசாங்க அதிபரால் தடை செய்யப்பட்டு பொலிஸ் மாவட்ட பொறுப்பதிகாரிக்கு அப்பகுதிக்குள் முழுமையான பாதுகாப்பை வழங்க நடவடிக்கை எடுக்க பணித்துள்ளார் அதனை இது விடயமாக ஜனாதிபதியின் தொழிநுட்ப பகுதிக்கு அழைக்கப்பட்டு ஆராயப்படும் எனவும் இது விடயமாக நியாயமான தீர்வு பெற்றுத்தரப்படும் எனவும் அரசாங்க அதிபர் தெரிவித்தார்

மக்கள் அரசாங்க அதிபர் மற்றும் மாவட்ட பொலிஸ் மா அதிபர் இடத்தில் தொடர்ந்தும் குறித்த பிக்குவினால் கிராமத்தில் பிரச்சினை ஏற்பட்டு வருவதாகவும் தெரிவித்தனர்

முஸ்லிம் - தமிழ் மோதலை உருவாக்க சதி - தமிழ் டயஸ்போராவிடமிருந்து நிதி, கொரில்லா தாக்குதலுக்கும் திட்டம்

-Sharthaar Mjm-

கிழக்கில் இஸ்லாமியருக்கும் தமிழ் சகோதரர்களுக்கும் இடையில் பிணக்குகளை உண்டாக்க தமிழ் "டயஸ்போரா"விடமிருந்து பணம் அனுப்பப்பட்டதாகவும், அந்த கொடுக்கல் வாங்கள்கள் சம்பந்தமான ஆவணங்களை தான் ரகசிய பொலிசாருக்கு கொடுத்துள்ளதாகவும் புலனாய்வுத்துறையுடன் சேர்ந்து இயங்கிய "நாமல் குமார" என்பவன் ஆதாரங்களுடன் கூறுகின்றான்.

பள்ளிவாசல்களை உடைப்பது, இஸ்லாமிய அரசியல் தலைமைகளை கொல்வது, அதன் பெயரில் "கரில்லா" படையணி ஒன்றை அமைத்து நாட்டில் குழப்பம் விளைவிப்பது என பல பயங்கர‌ திட்டங்கள் தீட்டப்பட்டதாகவும் இவர் கூறுகின்றார். 


ஆடம்பர இறக்குமதிகளை நிறுத்துங்கள், அரசியல்வாதிகளின் சொகுசுக்கும் தடை

இறக்குமதி செய்யப்படும் ஆடம்பரப் பொருட்களைக் கொள்வனவு செய்வதை நிறுத்தி, தேசிய பொருளாதாரத்தைப் பாதுகாப்பதற்கு நடவடிக்கை மேற்கொள்ளுமாறு நிதி மற்றும் ஊடகத்துறை அமைச்சர் மங்கள சமரவீர கொழும்பில் நடைபெற்ற நிகழ்வில் தெரிவித்தார்.

சந்தைக்கு நிதியைப் பகிர்ந்தளிப்பது தீர்வல்ல எனவும் டொலரை சேமிப்பதே முக்கியம் எனவும் மங்கள சமரவீர குறிப்பிட்டார்.

அனைத்து அமைச்சர்கள், பாராளுமன்ற உறுப்பினர்களுக்கான சொகுசு வாகனங்களை வௌிநாட்டில் இருந்து இறக்குமதி செய்வதை நிறுத்த வேண்டும் எனவும் அடுத்த வருடம் அதற்கான சந்தர்ப்பத்தை அவர்களுக்கு வழங்கப் போவதில்லை எனவும் மங்கள சமரவீர தெரிவித்தார்.

ஆடம்பரப் பொருட்களை சில நாட்களுக்கு இறக்குமதி செய்வதை நிறுத்துவது இந்த சந்தர்ப்பத்தில் சிறந்தது என கூறிய அமைச்சர், ஆடம்பர வைன் வகைகளைக் கொள்வனவு செய்வதை நிறுத்துமாறும் அனைத்து வீடுகளிலும் உணவுகளுக்குப் பயன்படுத்தக்கூடிய பொருட்களை உள்நாட்டு உற்பத்திகளாக வரையறை செய்துகொள்ளுமாறும் கேட்டுக்கொண்டார்.

பொருளாதார வீழ்ச்சி உலக முடிவல்ல. எமது நாட்டின் ஏற்றுமதிகளை அதிகரித்துக் கொண்டு நாட்டை ஏற்றுமதி நாடாக மாற்றுவதற்கு இது நல்ல சந்தர்ப்பம். தற்போது எமது ஏற்றுமதியாளர்கள் சிறந்த முறையில் செயற்படுகின்றனர். டொலரின் பெறுமதி அதிகரிக்க ஏற்றுமதியாளர்களுக்கான இலாபமும் அதிகரிக்கும். அதேபோல், வௌிநாட்டில் பணிபுரிவோருக்கும் தங்களுடைய வருமானத்தை குடும்பங்களுக்கு அனுப்பி வைப்பதற்கு இது ஒரு சிறந்த சந்தர்ப்பம்.
என மங்கள சமரவீர மேலும் தெரிவித்தார்.

சர்வதேச சந்தையில் எரிபொருளின் விலை 81 டொலர் வரை அதிகரித்துள்ளது. அமெரிக்கா மற்றும் ஈரானுக்கு இடையிலான தற்போதைய நிலை காரணமாக எரிபொருளின் விலை 100 டொலர் வரை அதிகரிக்கக்கூடும் என செய்திகள் வெளியாகியுள்ளன.  இதனை இலங்கையர்களும் எதிர்கொள்ள வேண்டி வரும். எரிபொருள் விலைச்சூத்திரம் மீண்டும் தேவைப்படும். அதற்கும் தயாராக இருங்கள். என அவர் குறிப்பிட்டார்.

நிதியமைச்சர் இவ்வாறு கூறிய போதிலும், 244 மில்லியன் ரூபாவுக்கும் அதிகப் பெறுமதியான வாகனங்களை தமது அமைச்சின் கீழுள்ள திணைக்களங்களுக்கு அமைச்சர் ஃபீல்ட் மார்ஷல் சரத் பொன்சேக்கா இன்று பகிர்ந்தளித்தார்.

அமைச்சர்கள் மக்களுக்கு ஆலோசனை வழங்கிய போதிலும், வெளிநாட்டுப் பயணங்கள், சொகுசு வாகனங்களை இறக்குமதி செய்தல் ஆகியவற்றைக் குறைத்துள்ளனரா?

எதிர்வரும் நவம்பர் மாதம் 5 ஆம் திகதி சமர்ப்பிக்கப்படவுள்ள வரவு செலவுத் திட்டத்தில், அரசாங்கத்தின் வருமானத்தை அதிகரித்தல், பாரியளவிலான அரச திட்டங்களை துரிதமாக மீளமைத்தல், சமூகப் பாதுகாப்பு வலையமைப்பிற்காக குடும்பங்களை உரிய முறையில் இனங்காணுதல் உள்ளிட்ட விடயங்களை எதிர்பார்ப்பதாக சர்வதேச நாணய நிதியம் எதிர்வுகூறியுள்ளது.

இலக்கை விடவும் அரசாங்கத்தின் வருமானம் குறைவடைந்துள்ளதாக 5ஆவது கடன் தவணையை விடுவிப்பது தொடர்பில் மேற்கொள்ளப்பட்ட மீளாய்வின் இறுதியில் அவர்கள் வெளியிட்ட ஊடக அறிக்கையில் குறிப்பிடப்பட்டுள்ளது.

அதனால் வரிக்கொள்கையை மேலும் பயன்தரும் வகையில் செயற்படுத்துவது தொடர்பில் அவதானம் செலுத்த வேண்டியுள்ளதாக கூறப்பட்டுள்ளது.

எரிபொருள் விலை தொடர்பில் மேற்கொள்ளப்பட்ட மாற்றத்தை பாராட்டுவதாகவும் மின்சாரம் தொடர்பில் சுயமாக விலையை தீர்மானிக்கும் பொறிமுறையொன்றை அறிமுகப்படுத்த வேண்டும் எனவும் அறிக்கையில் சுட்டிக்காட்டப்பட்டுள்ளது.

இலங்கையில் கிரிக்கெட்டை அழித்தது, ரணதுங்க குடும்பமே - தயாசிறி

இந்த நாட்டில் கிரிக்கெட் விளையாட்டை அழித்தது தான் அல்லவென்றும் ரணதுங்க குடும்பமே என்று முன்னாள் விளையாட்டுத்துறை அமைச்சர் தயாசிறி ஜயசேகர கூறினார்.

அவர் இதனை  கொழும்பு நிப்போன் ஹோட்டலில் நடைபெற்ற ஊடக சந்திப்பின் போதே குறிப்பிட்டார்.

தான் ஒரு போதும் சூதாட்டக்கார்களுடன் இணைந்து கொடுக்கல் வாங்கல்களை எடுக்கவில்லையென்றும் ஆனால் தன் மீது குற்றம் சுமத்துபவர்கள் பல வருடங்களுக்கு முன்னர் சூதாட்டக்காரர்களுடன் இணைந்து நடவடிக்கையில் ஈடுபட்டதாக பாராளுமன்றத்தில் கூட குற்றஞ்சாட்டப்பட்டவர்கள் என ஜயசேகர கூறினார்.

“நான் விளையாட்டுத்துறை அமைச்சராக இருந்த வேளையில் விளையாட்டை சரியான வழியில் கொண்டு செல்ல பல அர்ப்பணிப்புகளை செய்துள்ளேன். நான் செய்தவற்றை சொல்லவிரும்பவில்லை. என்னிடமும் குறைகள் இருக்கலாம்.

அனைவரும் 100% நல்லவர்கள் அல்ல. ஆனால் தொடர்ந்து என் மீது அர்ஜுன ரணதுங்க குற்றஞ்சாட்டுவதை பொறுத்துக்கொள்ள முடியாது. தவறு செய்தவர்கள் அவற்றை கேட்டுக் கொண்டிருக்கலாம். ஆனால் தவறு செய்யாமல் அவற்றை என்னால் கேட்க முடியாது.

நான் சூதாட்டக்காரர்களோடு இல்லை. எனக்கு சுமதிபாலவை சில காலம் தெரியும். ஆனால் அர்ஜுன ரணதுங்கதான் அவரின் வீட்டுக்குச் சென்று விருந்துண்டவர். இன்று அவருக்கு திலங்க சுமதிபால சூதாட்டக்காரராகத் தெரிகின்றார்.

அர்ஜுன ரணதுங்க தலைவராக இருந்தபோது கிரிக்கெட் நிர்வாக சபைத் தேர்தலில் திலங்க சுமதிபாலவுக்கு உதவி செய்தது ரணதுங்க குடும்பமேயாகும். 1998ம் ஆண்டிலிருந்து கிரிக்கெட் நிர்வாக சபையின் தலைவராக திலங்க சுமதிபால இருந்தபோது, பிரதான நிறைவேற்று அதிகாரி தம்மிக்க ரணதுங்க, உப தலைவர் பிரசன்ன ரணதுங்க, நிறைவேற்று உறுப்பினர் நிஷாந்த ரணதுங்க, இவர்கள் ஏற்கனவே இருந்தவர்கள்.

அர்ஜுன ரணதுங்க திலங்கவுடன் தனது சகோதரர் தம்மிக்க ரணதுங்கவை கிரி்க்கெட் நிர்வாக சபையிலிருந்து நீக்கியதற்காகவே கோபித்துக் கொண்டார்.

அதற்குக் காரணம் தனது தாயாருக்குக் கிடைத்த வரிவிலக்குடனான வோல்வோ வாகனமொன்றை கிரிக்கெட் நிர்வாக சபைக்கு தம்மிக்கவால் விற்கப்பட்டதே காரணமாகும். அதேபோல் தொலைக்காட்சி ஒளிபரப்பு உரிமை தொடர்பாகவும் பிரச்சினை இருந்தது. தற்போது எமக்கு சூதாட்ட குற்றச்சாட்டை சுமத்துபவர்கள் அன்று திலங்கவுடன் வேலை செய்யும் போது எதுவும் கூறவில்லை எனவும் கூறினார்.

நான் குற்றமற்றவன் என, நம்பியவர்களுக்கு நன்றி தெரிவிக்கிறேன் - கமீர் நிசாம்தீன்.

பயங்கரவாத குற்றச்சாட்டில் அவுஸ்திரேலியாவில் கைது செய்யப்பட்ட இலங்கை இளைஞர், பிணையில் விடுதலை செய்யப்பட்டமை தொடர்பில் இலங்கை வாழ் பொதுமக்களுக்கு நன்றியை தெரிவித்துள்ளார். 

அத தெரண செய்திப் பிரிவுக்கு வழங்கிய விசேட செவ்வியின் போதே அவர் இவ்வாறு தெரிவித்துள்ளார். 

அவர் எமக்கு தன்னுடைய விடுதலை குறித்து கருத்து தெரிவிக்கையில், 

"ஹாய், நான் கமீர் நிசாம்தீன். உங்கள் எல்லோருக்கும் தெரியும் எனக்கு பிணை வழங்கப்பட்டது. நான் இப்போது சுதந்திர மனிதன். ஒரு குறிப்பிட்ட சிலருக்கு எனது நன்றி தெரிவிக்க விரும்புகிறேன். 

அவுஸ்திரேலியாவில் உள்ள இலங்கை உயர்ஸ்தானிகர் ஸ்கந்தகுமார் மற்றும் லால் விக்ரமதுங்க, பிரமுதிதா ஆகியோர் எனக்கு உறுதுணையாக இருந்து உதவியமைக்காக அவர்களுக்கு மிகவும் நன்றிகள். 

மேலும், இலங்கை வாழ் பொதுமக்கள் மற்றும் உயரதிகாரிகள் நான் குற்றமற்றவர் என நம்பியமைக்காகவும் நான் மனதார நன்றிகளை தெரிவித்துக் கொள்கின்றேன். பெளத்த, கிறிஸ்தவ, இந்து மத குருமார்கள் மற்றும் இலங்கை ஊடகங்களுக்கும் எனது நன்றிகள். 

குறிப்பாக உண்மையான மற்றும் சரியான செய்திகளை வெளியிட்ட இலங்கை ஊடகங்களுக்கும், அத தெரண செய்தி சேவைக்கும் ஒரு மிகப் பெரிய நன்றிகள். 

கமீர் நிசாம்தீன் அவுஸ்திரேலியாவின் சிட்னி நகரில் வைத்து கடந்த ஆகஸ்ட் 30 ஆம் திகதி கைது செய்யப்பட்டார். 

பயங்கரவாத தாக்குதல்களுக்கான திட்டங்களைக் கொண்டுள்ளதாகவும், அது தொடர்பான ஆவணம் ஒன்று அவரிடம் இருந்துள்ளதாகவும் அந்த இளைஞர் மீது அவுஸ்திரேலிய பொலிஸார் குற்றம் சாட்டியிருந்தனர். 

Newer Posts Older Posts Home