முஸ்லிம் பெண்கள் போன்று, ஆடை அணிந்துவந்த ஆண் கைது

முஸ்லிம் பெண்கள் முகத்தை மூடும் வகையில் அணியும் ஆடை அணிந்து காணப்பட்ட ஆண் ஒருவரை வெலிகடை பொலிஸார் இன்று கைது செய்துள்ளனர்.

வெலிகடை பிளாசா பொது வர்த்தக நிலைய கட்டிடத்தில் இந்த நபரை பொலிஸார் இன்று கைதுசெய்துள்ளனர்.

முச்சக்கர வண்டியில் வந்த இந்த நபர் மீது ஏற்பட்ட சந்தேகத்தை அடுத்து, அவர் பொலிஸாருக்கு தகவல் வழங்கியுள்ளார்.

இதனையடுத்து அங்கு சென்ற பொலிஸார் சந்தேக நபரை சோதனையிட்ட போது, அவர் ஆண் என்பது தெரியவந்துள்ளது.

எந்த காரணத்திற்காக சந்தேக நபர் முஸ்லிம் பெண்கள் அணியும் ஆடையை அணிந்து வந்தார் என்பது தெரியவரவில்லை. வெலிகடை பொலிஸார் தொடர்ந்தும் விசாரணைகளை மேற்கொண்டு வருகின்றனர்.