முஸ்லிம் தனியார் சட்ட, முரண்பாடுகளைக் களைய தீவிர முயற்சி - கொழும்பில் 110 பேர் அடங்கிய முக்கிய மாநாடு

-ARA.Fareel-

நீதி­ய­மைச்சர் தலதா அத்­து­கோ­ர­ள­விடம் சமர்ப்­பிக்­கப்­பட்­டுள்ள முஸ்லிம் விவாக, விவா­க­ரத்து சட்ட திருத்த அறிக்­கையில் உள்­ள­டங்­கி­யுள்ள முன்னாள் நீதி­ய­ரசர் சலீம் மர்சூப் மற்றும் பாயிஸ்  முஸ்­தபா ஆகிய இரு தரப்­பி­ன­ருக்­கு­மி­டை­யி­லான முரண்­பா­டு­களை ஆராய்ந்து ஓர் இணக்­கப்­பாட்­டினை எய்­து­வ­தற்­கான நட­வ­டிக்­கை­களை அகில இலங்கை வை.எம்.எம்.ஏ.பேரவை முன்­னெ­டுத்­துள்­ளது.

முன்னாள் நீதி­ய­ரசர் சலீம் மர்சூப் மற்றும் ஜனா­தி­பதி சட்­டத்­த­ரணி பாயிஸ் முஸ்­தபா ஆகிய இரு­வ­ரையும் தனித்­த­னி­யாக சந்­தித்து கலந்­து­ரை­யா­டல்­களை நடாத்­த­வுள்­ளது. இரு­த­ரப்­பி­ன­ரையும் ஓர் இணக்­கப்­பாட்­டுக்குள் கொண்­டு­வர முடி­யாது போனால் அகில இலங்கை வை.எம்.எம்.ஏ. பேரவை முஸ்லிம் விவாக, விவா­க­ரத்து சட்­டத்தில் திருத்­தங்கள் தொடர்பில் தனி­யான பரிந்­து­ரை­களை நீதி­ய­மைச்­ச­ரிடம் சமர்ப்­பிக்­க­வுள்­ள­தாக அகில இலங்கை வை.எம்.எம்.ஏ. பேர­வையின் பொதுச் செய­லாளர் சஹீட் எம்.ரிஸ்மி. ‘விடி­வெள்ளி'க்குத் தெரி­வித்தார்.

சமர்ப்­பிக்­கப்­பட்­டுள்ள அறிக்கையில் இரு­த­ரப்­பி­னரும் முரண்­பட்­டுள்ள  விட­யங்­களை ஆராய்ந்து தீர்­மானம் ஒன்­றினை எட்­டு­வ­தற்­காக எதிர்­வரும் செப்­டெம்பர்  9ஆம் திகதி கொழும்பில் முழுநாள்  மாநா­டொன்று ஏற்­பாடு செய்­யப்­பட்­டுள்­ளது. இம்­மா­நாட்டில் 50சட்­டத்­த­ர­ணிகள், 40 உல­மாக்கள் 20 புத்­தி­ஜீ­விகள் கலந்து கொள்­ள­வுள்­ளனர். இவர்கள் முரண்­பா­டான விட­யங்­களை ஆராய்ந்து தீர்­வொன்­றினை எட்­ட­வுள்­ளனர். முஸ்லிம் விவாக, விவா­க­ரத்துச் சட்­டத்தில் திருத்­தங்­களை சிபா­ரிசு செய்­வ­தற்­காக நிய­மிக்­கப்­பட்ட குழு பிள­வு­பட்டு சிபா­ரி­சு­களை முன்­வைத்­துள்­ளது. பிள­வு­பட்­டுள்ள இரு தரப்­பிலும் அகில இலங்கை வை.எம்.எம்.ஏ. பேர­வையின் அங்­கத்­த­வர்கள் ஒருவர் வீதம் இடம்­பெற்­றுள்­ளனர். சலீம் மர்­சூபின் தலை­மை­யி­லான குழுவில் வை.எம்.எம்.ஏ.யின் முன்னாள் பொதுச் செய­லாளர் சட்­டத்­த­ரணி ரஸ்­மரா ஆப்­தீனும், ஜனா­தி­பதி சட்­டத்­த­ரணி பாயிஸ் முஸ்­த­பாவின்  தலை­மை­யி­லான குழுவில் வை.எம்.எம்.ஏ.யின் முன்னாள் தேசிய தலைவர் சட்­டத்­த­ரணி நத்வி பஹா­வு­தீனும் இடம்­பெற்­றுள்­ளனர். அதனால் இரு தரப்­பி­ன­ரையும் இணக்­கப்­பாட்­டுக்குள் கொண்டு வரு­வ­தற்­கான வாய்ப்­புள்­ளது எனவும் அவர் கூறினார்.

எதிர்வரும் 9 ஆம் திகதி நடைபெறவுள்ள மாநாட்டினை நடாத்துவதற்காக அகில இலங்கை வை.எம்.எம்.ஏ. பேரவையின் தேசிய தலைவர் எம்.என்.எம்.நபீல் முன்னாள் தேசிய தலைவர் கே.எம்.டீனின் தலைமையில் குழுவொன்றினை நியமித்துள்ளார்.

-Vidivelli