August 31, 2018

லலித் அத்துலத்முதலியாக மாறப்போகும் "மஹபொல"

மஹபொல புலமைப்பரிசில் நிதியத்தை லலித் அத்துலத்முதலி புலமைப்பரிசில் நிதியமாகப் பெயரிட தீர்மானிக்கப்பட்டுள்ளதாக உயர்கல்வி மற்றும் கலாசார அமைச்சர் விஜயதாச ராஜபக்ஸ தெரிவித்தார்.

கொழும்பில் இன்று முற்பகல் நடைபெற்ற ஊடகவியலாளர் சந்திப்பின் போது அமைச்சர் இதனைக் குறிப்பிட்டார்.

மஹபொல புலமைப்பரிசில் நிதியத்தை பொதுச்சொத்துகள் சட்டத்தின் கீழ் கொண்டுவருவதற்கும் தீர்மானிக்கப்பட்டுள்ளதாக அவர் கூறினார்.

தற்போது இரண்டு நிறுவனங்களின் கீழ் முதலீடு செய்யப்படும் மஹபொல புலமைப்பரிசில் நிதியத்தை இரத்து செய்து, அரச வங்கியொன்றில் அதனை முதலீடு செய்வதற்கு நடவடிக்கை எடுக்கப்படும் எனவும் உயர் கல்வி அமைச்சர் தெரிவித்தார்.

குறித்த நிறுவனங்களில் முதலீடு செய்தமையால் 2500 மில்லியன் ரூபா நட்டம் ஏற்பட்டுள்ளதாகவும் உயர்கல்வி மற்றும் கலாசார அமைச்சர் விஜயதாச ராஜபக்ஸ சுட்டிக்காட்டினார்.

சமகால அரசியல் மற்றும் கல்முனை பிரதேச பள்ளிவாசல்களின் அபிவிருத்திக்கான நிதி ஒதுக்கீடு தொடர்பான கலந்துரையாடல்


கல்முனை பிரதேச பள்ளிவாசல்களின் அபிவிருத்திக்கு அரசி கம்பெரலிய அபிவிருத்தி வேலைத்திட்டத்தின் கீழ் நிதி ஒதுக்கீடு செய்வது மற்றும் சமகால அரசியல் என்பன தொடர்பான கலந்துரையாடல் இன்று (31) வெள்ளிக்கிழமை மாலை கல்முனை ஆசாத் பிலாசா வரவேற்பு மண்டபத்தில் நடைபெற்றது.

ஸ்ரீலங்கா முஸ்லிம் காங்கிரஸ் பிரதித் தலைவரும் அரச தொழில் முயற்சி மற்றும் கண்டி நகர அபிவிருத்தி பிரதி அமைச்சருமான சட்டத்தரணி எச்.எம்.எம். ஹரீஸ் தலைமையில் நடைபெற்ற இக்கலந்துரையாடல் நிகழ்வில் கல்முனை அனைத்து பள்ளிவாசல்கள் சம்மேளனத்தின் தலைவர் வைத்திய கலாநிதி எஸ்.எம்.ஏ. அஸீஸ், கல்முனை மாநகர சபை உறுப்பினர்களான ஏ.சி.ஏ. சத்தார், சட்டத்தரணி அன்புமுகைதீன் றோஷன், ஏ.எம். பைறூஸ், எம்.எஸ்.எம். நிசார், கல்முனை மசூரா குழுத் தலைவர் யூ.எல்.காசிம், அரச தொழில் முயற்சி மற்றும் கண்டி நகர அபிவிருத்தி பிரதி அமைச்சரின் இணைப்புச் செயலாளர்களான கே.எம். தௌபீக், நௌபர் ஏ. பாவா மற்றும் கல்முனை பிரதேச நலன் விரும்பிகள், கல்முனை பிரதேச பள்ளிவாசல்களின் நிர்வாக சபை தலைவர்கள், செயலாளர்கள், உறுப்பினர்கள் எனப் பலரும் கலந்துகொண்டனர்.

இதன்போது கல்முனை பிரதேச பள்ளிவாசல்களின் அபிவிருத்திக்கு நிதி ஒதுக்கீடுகளை மேற்கொள்ளுவதற்கு ஏதுவாக அபிவிருத்தி தேவைப்பாடுகள் தொடர்பான திட்ட அறிக்கைகளை விரைவுபடுத்தி சமர்ப்பிப்பதற்கு ஏதுவாக கல்முனை மாநகர சபை தொழில்நுட்ப உத்தியோகத்தர்களின் உதவியினையும் பெறுவதற்கு தீர்மானிக்கப்பட்டது.

மேலும் இதன்போது சமகால அரசியல் மற்றும் கல்முனை அபிவிருத்தி தொடர்பில் விரிவாக கலந்துரையாடப்பட்டது. 
(அகமட் எஸ். முகைடீன்)

எமக்கு எதிராக செயற்பட்டால், அடித்து முடித்து விடுவோம் - பிறகு இந்நாட்டில் எவரும் இருக்க இடமளிக்க மாட்டோம்.

விடுதலைப் புலிகளின் தலைவர் பிரபாகரனுக்கு தேவையானதை இந்த நாட்டில் செய்ய இடமளிக்க போவதில்லை என முன்னாள் அமைச்சர் மேர்வின் சில்வா தெரிவித்துள்ளார்.

கொழும்பில் உள்ள தனது இல்லத்தில் இன்று நடத்திய ஊடகவியலாளர் சந்திப்பில் அவர் இதனை கூறியுள்ளார்.

இது தமிழ் மக்களின் வாக்குகளை பெற மேற்கொள்ளும் நடவடிக்கை. பிரபாகரனுக்கு தேவையானதை இந்த நாட்டில் செய்ய நாங்கள் இடமளிக்க மாட்டோம். இந்த நாட்டை பிரிக்க இடமளிக்க மாட்டோம். தமிழ் மக்கள் எங்களுடன் கைகோர்த்து வாழ முடியும். முஸ்லிம் மக்களும் எங்களுடன் கை கோர்த்து இருக்க முடியும்.

ஒவ்வொருவருக்கும் தேவையான வகையில் இந்த நாட்டை பிரிக்க முடியாது. அவர்களுக்கு தேவையானதை செய்ய இடமளிக்க முடியாது. இது சிங்கள பௌத்த தர்மம் உள்ள நாடு. இதனை அனைவரும் நினைவில் வைத்துக்கொள்ள வேண்டும்.

கத்தோலிக்கர்கள், பௌத்தர்கள் என இந்த நாட்டில் 76 வீதம் சிங்கள மக்கள் இருக்கின்றனர். உலக நாடுகளை பாருங்கள்.

உதாரணமாக அமெரிக்காவை எடுத்துக்கொண்டால், அமெரிக்கன். இந்தியா இந்து மொழி. இந்தியா புத்த பகவான் பிறந்த நாடு. தமது நாட்டின் அடையாளம். இலங்கையின் அடையாளத்தை இல்லாமல் செய்ய முடியாது.

ஆட்சியாளர்களுக்கும், கூட்டு எதிர்க்கட்சியினருக்கு முதுகெலும்பில்லை. நான் வடமத்திய மாகாண முதலமைச்சர் பதவிக்கு போட்டியிடுவேன். வீர துட்டுகெமுனு (துட்டகைமுனு) அமைப்பின் கீழ் முதலாவதாக மாகாண சபைத் தேர்தலில் போட்டியிடுவோம்.

பிரச்சினைகள் உள்ள, உடைந்த கட்சிகளுக்கு நான் செல்ல மாட்டேன். எனது உடலில் ஓடுவது சிங்கள இரத்தம். சகல இனங்களும் நமது நண்பர்கள் என புத்த பகவான் போதித்துள்ளார்.

அனைத்து மதங்களையும் நாங்கள் மதிக்க வேண்டும். பௌத்த தர்மத்தின் படி எங்களிடம் விரோதங்கள் இல்லை. குரோதங்கள் இல்லை.

தமிழ், முஸ்லிம் மக்களை இரண்டு கைகளில் பிடித்து கொண்டு, பறங்கியர், மலாயர்களுடன் ஒன்றாக முன்னோக்கிச் செல்ல வேண்டும். ஆனால், எமக்கு எதிராக செயற்பட்டால், துட்டகைமுனு மன்னர், எல்லாளனுக்கு செய்தது போல், அடித்து முடித்து விடுவோம். அதற்கு பிறகு இந்த நாட்டில் எவரும் இருக்க இடமளிக்க மாட்டோம். இது எனது கருத்துக்கள் எனவும் மேர்வின் சில்வா குறிப்பிட்டுள்ளார்.

சத்துரவின் திருமணம் குறித்து, பிரதமர் அலுவலகம் வெளியிட்டுள்ள அறிக்கை

அலரி மாளிகையில் நேற்று நடைபெற்ற நாடாளுமன்ற உறுப்பினர் சத்துர சேனாரத்னவின் திருமண வைபவம் தொடர்பாக ஊடகங்கள் மூலம் பொய்யான மற்றும் அடிப்படையற்ற செய்திகள் வெளியிடப்பட்டு வருவதாக பிரதமரின் செயலகம் தெரிவித்துள்ளது.

நாடாளுமன்ற உறுப்பினர் சத்துர சேனாரத்னவின் திருமணம், பிரதமரின் இல்லமான அலரி மாளிகையில் நடைபெறவில்லை எனவும், பிரதமரின் செயலகம் சுட்டிக்காட்டியுள்ளது.

நாடாளுமன்ற உறுப்பினர் என்ற வகையில் சத்துர சேனாரத்னவின் திருமணத்திற்கு மண்டபத்தை வழங்க முடியுமா என கோரிக்கை விடுக்கப்பட்டது. இதற்கு அமையவே மண்டபம் வழங்கப்பட்டது.

இந்த மண்டபம் அரச மற்றும் ஏனைய நிகழ்வுகளுக்கு வழங்குவது ஏற்றுக்கொள்ளப்பட்ட நடைமுறையாகும் எனவும் பிரதமரின் செயலகம் விடுத்துள்ள அறிக்கையில் தெரிவித்துள்ளது.

எனினும் சிலர் கூறுவது போல் இலவசமாக வழங்கப்படவில்லை என்பதுடன், மக்களின் பணத்தை தவறாக பயன்படுத்திய சம்பவம் அல்ல. கட்டணம் செலுத்தியே சத்துர சேனாரத்னவின் திருமணத்திற்கு மண்டபம் பெறப்பட்டது.

அலங்கரிப்பு, உணவு, பானங்கள் வழங்கப்பட்டமையுடன் பிரதமரின் செயலகத்திற்கு எந்த தொடர்பும் இல்லை எனவும் அறிக்கையில் தெரிவிக்கப்பட்டுள்ளது.

அதேவேளை சத்துர சேனாரத்னவின் திருமணம் தொடர்பாக கருத்து வெளியிட்டுள்ள கூட்டு எதிர்க்கட்சியின் நாடாளுமன்ற உறுப்பினர் ஷெயான் சேமசிங்க,

“நாட்டில் உள்ள அனைத்து இளைஞர்களின் திருமணங்களும் இப்படி நடக்க வேண்டும் என பிரார்த்திப்பதாகவும், சத்துர சேனாரத்னவுக்கு வாழ்த்துக்களை தெரிவித்துக்கொள்வதாகவும் கூறியுள்ளார்.

அவுஸ்திரேலியாவில் கைதானவர், அமைச்சர் பைசர் முஸ்தபாவின் மருமகனா...?

இலங்கையைச் சேர்ந்த கமர் நிஜாம்டீன் என்ற 25 வயதுடைய இளைஞர் ஒருவர் அவுஸ்திரேலியாவின் சிட்னி நகரில் வைத்து கைதுசெய்யப்பட்டுள்ளதாக அந்நாட்டு செய்திகள் தெரிவித்துள்ளன.

இலங்கையின் விளையாட்டு துறை அமைச்சர் பைசர் முஸ்தபாவின் மருமகன் என ஆங்கில ஊடகங்கள் செய்தி வெளியிட்டுள்ளன.

கொழும்பின் பிரபல பாடசாலை ஒன்றில் கல்வி கற்ற இவர், முன்னாள் இலங்கை வங்கித் தலைவரான காலம் சென்ற சட்டத்தரணி ஜெஹான் கமர் காஸிம் அவர்களின் பேரனும், உள்ளூராட்சி, மாகாண சபைகள் மற்றும் விளையாட்டுத்துறை அமைச்சர் பைஸர் முஸ்தபா அவர்களின் மருமகனும் ஆவார். இவரது பிணைக் கோரிக்கை நிராகரிக்கப்பட்டுள்ளதுடன் அடுத்த நீதிமன்ற விசாரணை ஒக்டோபர் 24ஆம் திகதி இடம்பெறும்.

குறித்த தகவல் சர்வதேச ரீதியில் பல்வேறு சர்சைகளை ஏற்படுத்தியுள்ளது.

இவர் மல்கம் டேர்ன்புல், யூலி பிசப் போன்ற முக்கிய தலைவர்களை குறிவைத்துள்ளதாக அரசியல் வட்டாரங்கள் தெரிவிக்கின்றன.

இருப்பினும் சந்தேக நபரை இன்று நீதிமன்றில் ஆஜர்ப்படுத்திய வேளை நீதிமன்றம் பிணை வழங்க மறுத்துள்ளது.

மொகமட் நிசாம்டீன் எனும் குறித்த இளைஞர் சிட்னியிலுள்ள பல்கலைக்கழகம் ஒன்றில் பணியாற்றிவந்த நிலையில் ஐ.எஸ்.ஐ.எஸ் பயங்கரவாத அமைப்புடன் தொடர்புகொண்டதாக சந்தேகிக்கப்பட்டு கைதுசெய்யப்பட்டார்.

அவுஸ்திரேலியாவின் பயங்கரவாத தடுப்புப் பொலிஸார் குறித்த இளைஞரை கைது செய்தனர்.

இணையதளம் வாயிலாக குறித்த இளைஞர் ஐ.எஸ் அமைப்புடன் தொடர்புகொண்டுள்ளாரா என்ற கோணத்தில் அவர்மீதான விசாரணைகள் முன்னெடுக்கப்பட்டிருந்தமை குறிப்பிடத்தக்கதாகும்.

பேஸ்­புக்கில் எழுதியபடி நடந்த மரணம் - திடீர் மரணத்தில் இருந்து, இறைவா எங்களை பாதுகாப்பாயாக...

-M.Suhail-

இறு­தி­நேர கஷ்­டங்­களை தவிர்த்­துக்­கொள்ள பெரு­நா­ளைக்கு 5 நாட்­க­ளுக்கு முன்­னரே மனை­வி­யையும் மக­னையும் ஊருக்கு அழைத்­துச்­சென்று அங்கு விட்­டு­விட்டு மீண்டும் கொழும்­புக்கு திரும்­பி­விட்டேன். ஏனெனில், செவ்­வா­யன்றும் அலு­வ­லக வேலைகள் இருப்­பதால் அன்று அரைநாள் விடுப்பு கிடைக்­கா­விடின் பெருநாள் தினத்­தன்று அதி­கா­லையே ஊருக்கு செல்­ல ­வேண்­டிய நிலை தோன்றும் என்­ப­தற்­கான முன்­னேற்­பாடே. இருந்­தாலும் அலு­வ­லக வேலை­களை பகிர்ந்­து­கொண்டு கடந்த செவ்­வா­யன்று மதியம் தெல்­தோட்டை நோக்கி புறப்­பட்டு மீண்டும் கடந்த சனி­யன்று இரவு கொழும்­புக்கு திரும்­பு­கை­யி­லேயே அந்த சம்­பவம் நடந்­தது.

நானாவும் அவ­ரது குடும்பம் மற்றும் எனது மனைவி, பிள்ளை மாவ­னெல்­லையில் இறங்க நானும் சகோ­த­ரியின் குடும்­பத்­தி­ன­ரு­மாக பயணம் தொடர்­கி­றது. தமிழ் சகோதர் ஒரு­வரின் வாக­னத்தில் வந்­து­கொண்­டி­ருக்­கிறோம். கொழும்பை அடைய இன்னும் ஒரு மணித்­தி­யா­லம்தான் இருக்கும். வீதி நெரி­சல்­க­ளின்றி சீராக இருக்க நமது வாக­னமும் ஓர­ளவு வேகத்தில் பய­ணிக்­கி­றது. பஸ்­யாலை நாற்­சந்தி அண்­மிக்க 150 மீற்றர் இருக்­கையில் கொஞ்சம் வாகன நெரிசல் இருந்­தது. வேகத்தை கட்­டுப்­ப­டுத்த முடி­யாது முன்னே இருந்த புதி­ய­தொரு காரின் மீது மோதுண்டு கடும் சத்­தத்­துடன் எமது வேன் நின்­றது.

முன் ஆச­னத்தில் அமர்ந்­தி­ருந்த எனக்கு கொஞ்சம் அதிர்ச்சி. பின்னே உள்ள சகோ­த­ரியின் பிள்­ளைகள் மீதே எனது கவனம் திரும்­பி­யது. இறை­வனின் அருளால் எந்தப் பாதிப்­பு­களும் இல்லை. மோதப்­பட்ட காரி­லி­ருந்து வேக­மாக இரு இளை­ஞர்கள் எமது வேனை நோக்கி வந்­தனர். கடும் கோபத்­துடன் வரு­வது போன்று தெரிந்­தாலும், கார் ஓட்­டு­ந­ரான அந்த இந்­தியர், வாக­னத்தில் உள்­ள­வர்­க­ளுக்கு ஏதா­வது நேர்ந்­ததா என்றே முதலில் கேட்டார். தமது புதிய வாக­னத்­திற்கு பாதிப்பு ஏற்­பட்­டி­ருந்த நிலையில் அவர் அடுத்­த­வரின் நலன் குறித்து விசா­ரித்­ததில் மனம் பூரிப்­ப­டைந்­தது. விபத்தில் இரு வாக­னங்­க­ளுக்கும் சேதம் ஏற்­பட்­டதே தவிர வேறு எந்த தேதங்­களும் ஏற்­ப­ட­வில்லை. அல்­லாஹ்­விற்கு நன்றி தெரி­வித்­த­வர்­க­ளாக ஒரு மணி நேரத்தை அவ்­வி­டத்­தி­லேயே செல­விட்டு வேறொரு வேனில் பய­ணத்தை தொடர்ந்தோம்.

கடந்த செவ்வாய் முதல் வீதிப் பய­ணங்கள் அதி­க­ரித்­தி­ருந்­தன. பிர­தான காரணம் முஸ்­லிம்­களில் ஹஜ்ஜுப் பெரு­நாளும் சிங்­கள மக்­களின் பாரம்­ப­ரிய கொண்­டாட்­ட­மான கண்டி பெர­ஹெ­ர­வும்தான். இது­த­விர போயா தினம் மற்றும் விடு­மு­றை­க­ளையும் நாட்டு மக்கள் கழித்­துக்­கொண்­டி­ருந்­தனர்.

எமக்கு நேர்ந்தது ஒரு சாதா­ரண விபத்து. சார­தியின் கவ­னக்­கு­றைவா? அல்­லது வேகத்தை கட்­டுப்­ப­டுத்த 'பிறேக்' ஒத்­து­ழைக்­க­வி­லையா? என்ற விசா­ரணை இடம்­பெ­று­கி­றது. இது பாரிய அசம்­பா­வி­த­மாக பதி­வாகவில்லை. எனினும், குறித்த காலப்­ப­கு­தியில் நாட்டின் பல்­வேறு பிர­தே­சங்­க­ளிலும் பார­தூ­ர­மான விபத்­துக்­களால் பல உயி­ரி­ழப்­பு­களும் சோக சம்­ப­வங்­களும் நேர்ந்­துள்­ளன. குறிப்பாக முஸ்லிம் இளைஞர்கள் பலர் மரணித்துள்ளனர். விடு­முறை நாட்­களில் வீதி விபத்­துக்கள் மற்றும் நீரில் மூழ்கி மர­ணித்தல் என்­பது ஊட­கங்­களில் பிர­தான செய்­தி­க­ளாக ஆக்­கி­ர­மிக்­கின்­றன. இவற்றை அறிக்­கை­யி­டும்­போது சில நிமி­டங்கள் ஆசி­ரியர் பீடத்தில் நமது கண்கள் கலங்கி இத­யமும் கனக்­கி­றது.

மின்­னேரி சம்­பவம்

மிகவும் பார­தூ­ர­மான சம்­ப­வ­மாக நாம் கடந்த ஞாயி­றன்று அதி­காலை மின்­னே­ரியில் இடம்பெற் வீதி விபத்துச் சம்­ப­வத்தை குறிப்­பி­டலாம்.

சம வய­து­டைய ஆறு நண்­பர்கள் ஹஜ் பெருநாள் கொண்­டாட்­டத்­தை­யொட்டி கடந்த வெள்­ளி­யன்று அதி­காலை நுவ­ரெ­லி­யா­வுக்கு சுற்­றுலா சென்­றுள்­ளனர். வெள்ளி மற்றும் சனிக்­கி­ழமை அங்கு இருந்­து­விட்டு சனிக்­கி­ழமை இரவு சொந்த ஊரான கது­ரு­வெல முஸ்லிம் கொல­னிக்கு திரும்­பி­யுள்­ளனர். இம்ஸித் என்ற இளைஞன் ஆரம்­பத்தில் வாக­னத்தை ஓட்டி வந்­துள்­ள­போ­திலும் தம்­புள்­ளையில் தேனீர் அருந்­தி­விட்டு 'எனக்கு தூக்கம் வரு­கி­றது' என்று கூறி­விட்டு பின் ஆச­னத்தில் போய் உறங்­கி­விட்டார். சாரதி ஆச­னத்­துக்கு அரு­கி­லி­ருந்த முன் ஆச­னத்தில் இன்சாப் அமர்ந்து பய­ணித்­தார். கது­ரு­வெ­லக்கு சுமார் அரை மணி நேர தூரம் இருக்கும். மின்­னேரி பகு­தியில் வீதியை விட்டு வில­கிய வேன் மரத்தில் மோதி விபத்­துக்­குள்­ளா­கி­யது.

இந்த விபத்தில் கது­ரு­வெல, முஸ்லிம் கொல­னியைச் சேர்ந்த காமில் இன்ஷாப் (வயது 23) மற்றும் முஸ்­தபா  இம்ஷித் (வயது 23) ஆகிய இளை­ஞர்­களே உயி­ரி­ழந்­துள்­ளனர். மேலும் இவ்­வி­பத்­தின்­போது வேனில் பய­ணித்த 6 பேரில்  இருவர் மர­ணித்த நிலையில் 3 பேர் காயங்­க­ளுக்­குள்­ளாகி பொலன்­ன­றுவை வைத்­தி­ய­சா­லையில் அனு­ம­திக்­கப்­பட்­டுள்­ளனர். இவர்­களில் ஒரு­வ­ருக்கு முதுகில் முறி­வேற்­பட்­டுள்­ளது. இது­த­விர வாக­னத்தை செலுத்­தி­வந்­தவர் கைது­செய்­யப்­பட்டு விளக்­க­ம­றி­யலில் வைக்­கப்­பட்­டுள்ளார்.

இந்த சம்­பவம் கது­ரு­வெல முஸ்லிம் கொல­னியை பெரும் சோகத்தில் ஆழ்த்­தி­யி­ருந்­தது.

இந்த சம்­ப­வத்தில் உயி­ரி­ழந்த இம்ஸித் இரு வாரங்­க­ளுக்கு முன்னர் தனது முகப்­புத்­த­கத்தில் ''யா அல்லாஹ், எங்­களை திடீர் மர­ணத்­தி­லி­ருந்து பாது­காப்­பா­யாக' என பதி­விட்­டி­ருந்தார். இது­த­விர கடந்த 15 ஆம் திகதி இன்­ஷாபின் பிறந்த தினத்­திற்கு இம்ஷித், 'நானும் அவனும்' என்ற தலைப்பில் இப்­படி வாழ்த்துக் கவி­யொன்றை பதி­விட்­டி­ருக்­கிறார். ''கண் திறந்த நாள் முதல் மண்­மூடும் நாள் வரை என்றும் நிறம் மாறா நண்­பனாய் என்­னுடன் என் நிழல் Happy Birthday” என பதி­விட்­டி­ருந்தார். அப்­ப­டியே மண்­மூடும் நாள் வரை இரு­வரும் ஒன்­றா­கவே இருந்­துள்­ளனர். இதற்­கப்பால் ஒரே கப்ரில் இரு நண்­பர்­க­ளது ஜனா­ஸாக்­களும் அடக்கம் செய்­யப்­பட்­டன.

செம்­மண்­ணோ­டை விபத்து

10 ஆம் வகுப்­புடன் பாட­சாலை கல்­விக்கு முற்­றுப்­புள்ளி வைத்­தவர் அஸீம். குடும்பக் கஷ்டம் படிப்பை நிறுத்­தி­விட்டு கொழும்பில் வேலை செய்ய நிர்ப்­பந்­தித்­தி­ருக்­கி­றது. ஹஜ்­ஜுப்­பெ­ருநாள் விடு­மு­றையில் சொந்த ஊரான வாழைச்­சேனை, செம்­மண்­ணோ­டைக்கு சென்ற அவர் கடந்த சனிக்­கி­ழமை மதி­ய ­வே­ளையில் தனது நண்­பர்கள் சகிதம் பாசிக்­குடா கட­லுக்கு நீராடச் சென்­றி­ருக்­கிறார். நீண்­ட­நேரம் பாசிக்­குடா கடலில் நேரத்தை செல­விட்ட பின்னர் 5 மணி கடந்து வீடு திரும்பத் தீர்­மா­னித்­தி­ருக்­கின்­றனர். அப்­போது ஏனைய நண்­பர்கள் முச்­சக்­கர வண்­டி­யிலும் மோட்டார் சைக்­கி­ளிலும் முன்னே செல்ல தனது நண்­பரான நிப்­ரா­ஸிடம் மோட்டார் சைக்­கிளை தான் செலுத்­தப்­போ­வ­தாக கேட்­டி­ருக்­கிறார் அஸீம். பிடி­வா­த­மாகக் கேட்க, நிப்ராஸ் மோட்டார் சைக்­கிளை கொடுக்க இவர் வேறு வீதி ஊடாக வீடு­வர எத்­த­னித்­தி­ருக்­கிறார். இதன்­போது பாசிக்­குடா மாலு மாலு ஹோட்டல் பகு­தியை அண­மித்­த­போது மோட்டார் சைக்கிள் வேகக்­கட்­டுப்­பாட்டை இழந்து விபத்­துக்­குள்­ளா­கி­யது. இதன்­போது அஹ­மது லெப்பை மொஹம்மட் அஸீம் ஸ்தலத்­தி­லேயே பலி­யா­ன­தோடு நிப்ராஸ் படு­கா­ய­ம­டைந்­துள்ளார்.

தாய் முன் மகன் பலி

கிண்­ணியா, மதீனா நகரில் சாதா­ரண குடும்­பத்தில் வசிக்கும் 9 வய­தான முகம்­மது றிஸாத் குடும்­பத்தில் இரண்­டா­வது பிள்ளை. வீட்டில் எந்­நே­ரமும் சுறு­சு­றுப்­பாக இயங்­கக்­கூ­டிய பிள்ளை. அல் இக்ராஹ் வித்­தி­யா­ல­யத்தில் 4 ஆம் தரத்தில் படித்­துக்­கொண்­டி­ருந்தார்.

அன்று ஞாயிற்­றுக்­கி­ழமை மாலை வீட்டில் அலுப்புத் தட்­டி­யதால் பிள்­ளைகள், ஏதா­வது கொறித்­துக்­கொள்ள வேண்டும் என கேட்க தாய், மகனை கடைக்கு அனுப்பி ஏதா­வது சிற்­றுண்டி வாங்கிக் கொடுக்க முயற்­சித்­தி­ருக்­கிறார். கிண்­ணியா மதீனா நகர் பகு­தியில் கிண்­ணியா - மட்­டக்­க­ளப்பு வீதிக்­க­ருகே வீட்­டுக்கு மறு­பக்­கத்தில் ஒரு சிற்­றுண்டிக் கடைக்கு மகனை அனுப்பி வீதி­யோ­ரத்­தி­லி­ருந்து தாய் பார்த்­துக்­கொண்­டி­ருக்­கிறார். பாத­சாரி கட­வையில் மகன் செல்­கிறார்.

வீதியில் மூதூ­ரி­லி­ருந்து கிண்­ணியா நோக்கி வேக­மாக வந்த மோட்டார் சைக்கிள், முகம்­மது றிஸாத் மீது மோதி­யதில் அவ்­வி­டத்­தி­லேயே பலி­யா­கிறார். இந்த சம்­பவம் கிண்­ணி­யாவை மிகவும் சோகத்தில் ஆழ்த்­தி­யது.

விடு­முறை காலங்­களில் அதி­க­மாக கடல் மற்றும் நீரே­ரிகள் என்­ப­வற்றை பார்­வை­யிட சுற்­றுலா செல்­கின்றோம்.  இவ்­வா­றா­ன­தொரு சந்­தர்ப்­பத்தில் நீர் நிலை­களில் நாம் குளிப்­ப­தற்கு ஆசைப்­பட்டு விப­ரீ­தங்கள் ஏற்­ப­டு­கின்­றன. இந்த ஹஜ் விடு­முறை காலத்­திலும் இப்­ப­டி­யான சம்­ப­வங்கள் பல பதி­வா­கி­யி­ருந்­தன. அரபுக் கல்­லூரி மாண­வர்கள்

இன்னும் ஆறு மாதங்­களில் மௌலவி பட்டம் பெறக் காத்­தி­ருக்கும் மாண­வர்கள் அவர்கள். ஏறாவூர் பாக்­கி­யதுஸ் ஸாலிஹாத் மத்­ர­ஸாவில் கல்­வியை தொடர்ந்த ஏறா­வூரை சேர்ந்த 5 மாண­வர்கள் ஹஜ் விடு­முறை சுற்­றுலா செல்ல ஆசைப்­பட்டு ஜெயந்­தி­யாய பகு­தி­யி­லுள்ள நண்­பர்­களை சந்­திக்கப் போயுள்­ளனர். அங்கு சென்ற அவர்கள் அப்­ப­கு­தி­யி­லுள்ள குளத்தை பார்­வை­யிடச் சென்­றி­ருக்­கின்­றனர். அங்கு மீன்­பிடிப் பட­குகள் நிறுத்தி வைக்­கப்­பட்­டி­ருந்­தன. இதி­லொன்றில் ஏறிய நான்கு மெள­லவி மாண­வர்கள் குளத்தில் சவாரி செய்­த­போது படகு கவிழ்ந்து நீரில் மூழ்­கி­யுள்­ளது.

நீரில் மூழ்­கிய பட­கி­லி­ருந்த ஒரு­வ­ருக்கு மட்டும் நீந்தத் தெரியும் ஏனை­யோ­ருக்கு நீச்சல் தெரி­யாது. இந்­நி­லையில் ஒருவர் மரக்­கட்­டை­யொன்றைப் பற்றிப் பிடித்­து­கொண்டு கூக்­கு­ர­லிட்­டுள்ளார். நீச்சல் தெரி­யாத ஒருவர் நீரில் மூழ்­கி­ய­போது அவரை காப்­பாற்ற முயன்ற மற்­ற­வரும் நீரில் மூழ்­கி­யுள்ளார்.

அவ்­வே­ளையில் அக்கம் பக்­க­த்தி­லுள்­ள­வர்கள் ஓடோடிச் சென்று நீரில் மூழ்­கி­ய­வர்­களை மீட்­டெ­டுத்­த­போதும் அவர்­களில் ஏறாவூர் மீரா­கேணி ஸக்காத் கிரா­மத்தில் வசிக்கும் முகம்­மது அனஸ் முகம்­மது சாக்கிர் (வயது 24), ஏறாவூர் ஆர்.டீ.எஸ்.வீதி மிச் நகரைச் சேர்ந்த முகம்­மது உசனார் முகம்மட் சாதிக் (வயது 21) ஆகியோர் நீரில் மூழ்கி உயி­ரி­ழந்­துள்­ளனர்.  வீ.ரீ.இஸ்ஸத் (வயது 23) எனும் மாணவர் மீட்­கப்­பட்டு ஆபத்­தான நிலையில் வாழைச்­சேனை ஆதார வைத்­தி­ய­சா­லையில் சிகிச்­சைக்­காக அனு­ம­திக்­கப்­பட்டார்.

துடிப்­பான இளைஞன் ரஷாட் பதுளை, திரி­கம கிரா­மத்தை சேர்ந்­தவர். வீட்­டுக்கு ஒற்­றைப்­பிள்ளை. சமூகப் பணியில் மும்­மு­ர­மாக செயற்­ப­டக்­கூ­டி­யவர். முச்­சக்­கர வண்டி ஓட்­டு­ந­ராக இருந்த அவர் ஒரு வாரத்­திற்கு முன்னர் கொழும்பில் தனியார் நிறு­வ­ன­மொன்றால் சார­தி­யாக வேலை­வாய்ப்பை பெற்றார். 

18 வயது மொஹமட் ரஷாடின் குடும்­பத்­தினர் 27 பேர் ஹஜ்ஜுப் பெருநாள் தினத்­திற்கு மறுநாள் வியா­ழக்­கி­ழமை ஹம்­பாந்­தோட்டை கிரிந்த கடற்­ப­கு­திக்கு சுற்­றுலா சென்­றி­ருக்­கின்­றனர்.

கடலில் நீரா­டி­விட்டு திரும்­பு­கையில் புதிய தம்­ப­தி­க­ளான ரஷாதின்  மாமாவும் மாமியும் கடல் அலையில் அள்­ளுண்டு செல்­வதை அவ­தா­னித்த ரஷாத் உடனே சென்று அவர்­களை காப்­பாற்ற முயற்சி செய்­துள்ளார். ஒரு­வ­ழி­யாக மாமா­வையும் மாமி­யையும் காப்­பாற்­றி­விட்டு கரையை அடைய முயற்­சிக்­கையில் ரஷாடை மற்­று­மொரு அலை கட­லுக்கு இழுத்துச் சென்­றுள்­ளது.

அவரை காப்­பாற்ற கடற்­ப­டை­யினர், பொது­மக்கள், பொலிஸார் என பலரும் முயற்­சித்­தனர். அரை மணி நேரத்தின் பின்னர் ஒரு பாறைக்­கி­டையில் அவ­ரது உடல் சிக்­குண்­டி­ருந்த நிலையில் மீட்­கப்­பட்டார். அவ­ரது ஜனாஸா பது­ளைக்கு எடுத்­துச்­செல்­லப்­பட்டு அடக்கம் செய்­யப்­பட்­டது.

வீதி விபத்­துக்­களும் நீர் நிலை­களில் மூழ்கி ஏற்­படும் உயி­ரி­ழப்­பு­களும் கவ­ன­யீனம் கார­ண­மா­கவே அதிகம் இடம்­பெ­று­கின்­றன. குறிப்­பாக இள­வ­ய­தினர் இவ்­வாறு திடீர் மர­ண­மா­வது அதி­க­ரித்து செல்­கின்­றது.

வாக­னங்கள் செலுத்­தும்­போது மிகக் கவ­ன­மாக செயற்­பட வேண்டும் என்­ப­தற்­கா­கவும் வீதி விபத்­துக்­களை குறைப்­ப­தற்­கா­க­வுமே அர­சாங்கம் தண்­டப்­ப­ணத்தை பன்­ம­டங்கு அதி­க­ரித்­தது. எனினும் எமது சமூ­கத்தில் ஏற்­றுக்­கொள்ள முடி­யாத திடீர் மர­ணங்கள் அதி­க­ரித்­த­வண்­ணமே இருக்­கின்­றன.

குறிப்­பாக, விடு­முறைக் காலத்தை கண்­மூ­டித்­த­ன­மாக குதூ­க­ல­மாக கழிக்­கவே இளை­ஞர்கள் எத்­த­னிக்­கின்­றனர். இது தவ­றாகும். எதற்கும் ஒரு வரை­யறை இருக்­கி­றது.

வீதியில் வாக­னத்தை செலுத்­தும்­போது வீதி ஒழுங்குகளை பேணுமிடத்து வாகனத்தை ஓரிடத்தில் நிறுத்தி நன்றாக தூங்கிவிட்டுப் பின்னர் பயணத்தை தெடரலாம். எல்லாவற்றிற்கும் பொறுமை மிக அவசியம். பெரும்பாலான சாரதிகள் பொறுமை இழந்தவாறே வாகனத்தை செலுத்துகின்றனர். அவர்களுக்கு தனது பயண நேரத்தை சுருக்கிக்கொள்வது இலக்காக இருக்கின்றதே தவிர வாகனத்தில் இருப்போர் மற்றும் பாதசாரிகள் குறித்து கவலைப்படுவதில்லை. இந்நிலைமை மாறவேண்டும்.

நாம் வீதியில் வாகனத்தை செலுத்தும்போது உயிர்கள் விலைமதிக்க முடியாதவை என்ற சிந்தனை நமக்குள் ஏற்பட வேண்டும்.

இதுதவிர, தற்போது அதிகம் ஏற்படும் நீர் நிலைகளில் மூழ்கி மரணித்தல் என்பது அங்கு செல்பவர்களின் கவனயீனமே காரணம் எனலாம். ஏனெனில் தெரியாத இடங்களுக்கு செல்லும்போது அங்குள்ளவர்களின் ஆலோசனைகளின்றி நீராடச் செல்வது, சிலபோது எச்சரிக்கைகளை மீறி குளிக்க முற்படுவது மற்றும் மற்றவர்களை வியக்கவைக்க வேண்டும் என்பதற்காக வித்தைகள் காட்ட முற்படுவதாலும் இவ்வாறான அனர்த்தங்களை எதிர்கொள்ள வேண்டியேற்படுகின்றது.

உயர்தர பரீட்சைகள் நிறைவடைந்திருக்கிறது. இத்தறுவாயில் நண்பர்கள் இணைந்து சுற்றுலா செல்வர். இதுதவிர, தப்லீக் ஜமாஅத் அல்லது வேறு நிகழ்வுகளுக்காக இளைஞர்கள் வெளிப்பிரதேசங்களுக்கு செல்வர். இவர்கள்குறித்து பொறுப்பாளர்கள் மிகுந்த அவதானம் செலுத்த வேண்டும் என்பதையும் இந்த இடத்தில் நினைவுபடுத்த விரும்புகிறோம். ஏனெனில், கடந்த காலங்களில் தப்லீக் ஜமாஅத்தில் வெளி பிரதேசங்களுக்கு சென்று கடல், ஆறு, குளங்களில் நீராடப் போய்  பல உயிரிழப்புகளை சந்தித்திருக்கிறோம். இதன்பிறகும் அவ்வாறான சம்பவங்கள் இடம்பெறாதிருக்க அவதானத்துடன் செயற்பட வேண்டும்.

குமார் சங்கக்காரவை துரத்தும் கோடீஸ்வரர், தேர்தலில் சகல செலவுகளை ஏற்பதாகவும் அறிவிப்பு

இலங்கை கிரிக்கெட் அணியின் முன்னாள் தலைவர் குமார் சங்கக்காரவை ஜனாதிபதி பொது வேட்பாளராக களமிறக்குவதற்கு பலர் முயற்சித்து வருகின்றனர்.

இந்நிலையில் சங்கக்கார விடயத்தில் பிரபல கோடீஸ்வரர் ஒருவர் நேரடியாக தலையிட்டுள்ளதாக கொழும்பு தகவல்கள் தெரிவிக்கின்றன.

குறித்த வர்த்தகர் கடந்த ஆட்சியின் போது மஹிந்த ராஜபக்ச அமைச்சின் செயலாளராக செயற்பட்டுள்ளார். அத்துடன் அவர் இலங்கையில் உள்ள பிரதான தரப்பு கோடீஸ்வரர்களில் ஒருவராகும்.

எனினும் அரசியலுக்கு வர வேண்டிய அவசியம் தனக்கு இல்லை என்றே தொடர்ந்தும் குமார் சங்கக்கார கூறி வருகின்றார். இது தொடர்பில் அவரது சமூக வலைத்தளங்களில் கருத்து வெளியிட்டு வருகிறார்.

ஆனாலும் சங்கக்காரவின் கருத்தை ஏற்றுக் கொள்ள மறுக்கும் கோடீஸ்வரர், ஜனாதிபதி வேட்பாளராக களமிறங்குவதில் தீவிரமாக செயற்பட்டு வருகிறார்.

இதற்காக சங்கக்காரவுக்கு தொடர்ந்து அழுத்தம் பிரயோகித்து வருவதாக உள்ளக தகவல்கள் தெரிவிக்கின்றன.

தேர்தலில் போட்டியிடுவதற்கான அனைத்து செலவுகளை தான் ஏற்றுக்கொள்ளவதா குறித்த கோடீஸ்வரர் சங்கக்காரவிடம் உறுதியாக தெரிவித்துள்ளார்.

புலமைப்பரீட்சை சித்திடைந்து ஹெரோயின் பாவித்த மாணவன் இறப்பு - நிர்வாண நிலையில் 3 பேர் மீட்பு

குருநாகல் மாவட்டத்தில் துஷ்பிரயோகங்களும் போதைப்பொருள் விநி யோகமும் அதிகரித்து வருவதாக பொலிஸார் தெரிவித்துள்ளனர்.

தென் மாகாணத்தை விட குருநாகல் பிரதேசத்தில் வெளிநாட்டு சுற்றுலாப் பயணிகள் வரும் பிரதான ஹொட்டல்கள் 5000இற்கும் அதிகமாக கணப்படுவதாகவும் 5 பொலிஸ் நிலையங்களில் போதைப்பொருள் பாவனை மற்றும் தவறான சம்பவங்கள் இடம்பெற்றுள்ளதாக அறிக்கைகள் தெரிவிக்கின்றன.

இது தொடர்பாக மேல் மாகாண மற்றும் வட மத்திய மாகாண பிரதி பொலிஸ் மா அதிபர் வசந்த கித்சிறி ஜெயலத் குறிப்பிடுகையில்,

பாடசலை மாணவர்களை இலக்கு வைத்து குருநாகல் பிரதேசத்தில் போதைப்பொருள் வியாபாரம் இடம்பெறுகிறது.

அண்மையில் வெல்லவ பொலிஸாரால் மெத்தேக 'ரிட்ச்சின்' ஹோட்டலில் இடம்பெற்ற கூட்டத்தில் கிராம உத்தியோகத்தர்கள், உள்ளூர் அதிகாரிகள் மற்றுமசிவில் அதிகாரிக்கு இதனை வெளியிட்டார்:

அவர்மேலும் குறிப்பிடுகையில்,

சமீபத்தில், குருநாகல் நகரில் மேற்கொள்ளப்பட்ட சுற்றிளைப்பில் பிரபல பாடசலைகளில் கல்வி பயிலும் 17 மாணவர்களிடம் ஹெரொயின் கண்டுபிடிக்கப்பட்டது. இவர்கள் சமூகத்தில் பிரபலமான பெற்றோர்களின் குழந்தைகள்.

மேலும் நகரிலுள்ள ஹோட்டல் அறைகளை சோதனை செய்தபோது 15 வயதான மூன்று பாடசலை சிறுமிகளுடன் மூன்று ஆண்கள் நிர்வாணமாக இருந்தமை கண்டுபிடிக்கப்பட்டது.

இவர்கள் வீட்டில் பிரத்தியேக வகுப்புக்குச் செல்வதாக வீட்டாரிடம் கூறி வந்துள்ளனர்.

இதேவேளை, கிராம பாடசலையில் புலமைப்பரீட்சை சித்திடைந்து குருநாகல் நகரத்தில் ஒரு முன்னணிப் பாடசாலைக்குச்சென்ற சிறுவன் ஹெரோயின் பாவிக்க பழகி, பாதிக்கப்பட்டு மருத்துவமனையில் இரண்டு மாதங்கள் அனுமதிக்கப்பட்டிருந்தார்.

அதன் பிறகு, நான் கடந்த வாரம் இறந்துவிட்டார். அவை ஊடகங்களில் வெளிவரவில்லை.

எனவே, பெற்றோர்கள் தங்கள் பிள்ளைகளை பாடசாலைக்கு அனுப்பும்போது அவர்கள் தொடர்பாக மேலும் தேடிபார்க்க வேண்டும் என்றார்.

எந்த விதத்திலும் சிறிலங்காவுக்கு உதவுவோம் – மோடி உறுதி


சிறிலங்காவுக்கு எந்தவிதத்திலும் இந்தியா உதவும் என்று இந்தியப் பிரதமர் நரேந்திர மோடி, சிறிலங்கா அதிபர் மைத்திரிபால சிறிசேனவிடம் உறுதியளித்துள்ளார்.

காத்மண்டுவில் நேற்று இந்தியப் பிரதமரும், சிறிலங்கா அதிபரும் சந்தித்து இருதரப்பு விவகாரங்கள் குறித்துப் பேச்சு நடத்தினர்.

இதன்போது, இரு நாடுகளின் தலைவர்களும், இரு நாடுகளும் இணைந்து முன்னெடுக்கும், அபிவிருத்தி ஒத்துழைப்புத் திட்டங்கள் குறித்து மீளாய்வு செய்தனர் என்று இந்திய வெளிவிவகார செயலர் விஜய் கோஹலே தெரிவித்தார்.

“சிறிலங்காவில் இந்தியா முன்னெடுக்கும் திட்டங்கள் குறித்து கலந்துரையாடப்பட்டது.

இந்த திட்டங்களை முன்னெடுத்துச் செல்வதில் எந்த விதத்திலும் சிறிலங்காவுக்கு நாங்கள் உதவுவோம் என்பதை உறுதிப்படுத்த இந்தியா முழுமையான கடமைப்பட்டுள்ளது என்று இந்தியப் பிரதமர் கூறினார்.

சிறிலங்காவின் அபிவிருத்தியை, பிராந்தியத்தில் பரஸ்பர நன்மைக்காக இந்தியாவின் பங்களிப்பாக பார்க்க நாம் விரும்புகிறோம்” என்றும் அவர் தெரிவித்துள்ளார்.

மேன்முறையீட்டு தீர்ப்புக்கு எதிராக, உயர் நீதிமன்றத்தை நாடப்பேவதாக ஞானசாரரின் சட்டத்தரணிகள் அறிவிப்பு

சிறைத் தண்டனை விதிக்கப்பட்ட ஞானசார தேரர் தனது தண்டனைக்கு எதிராக மேன் முறையீடு செய்வதற்கு அனுமதி கோரிய மனு மேன்முறையீட்டு நீதிமன்றத்தால் நிராகரிக்கப்பட்டுள்ளது. 

இது தொடர்பான மனு இன்று 31ம் திகதி மேன்முறையீட்டு நீதிமன்ற தலைமை நீதிபதி ப்ரீதி பத்மன் சுரசேன மற்றும் சிரான் குணரத்ன ஆகிய நீதியரசர்கள் முன்னிலையில் இன்று விசாரணைக்கு வந்தது. 

நீதிமன்றத்தை அவமதித்ததாக பொதுபலசேனா அமைப்பின் பொதுச் செயலாளர் கலகொடஅத்தே ஞானசார தேரருக்கு கடுமையான உழைப்புடன் 06 வருடங்களில் அனுபவிக்கும் படியாக 19 வருட சிறைத்தண்டனை விதித்து தீர்ப்பளிக்கப்பட்டுள்ளது. 

கடந்த 2016ம் ஆண்டு ஊடகவியலாளர் பிரகீத் எக்னலிகொட காணாமல் ஆக்கப்பட்டமை தொடர்பான வழக்கு ஹோமாகம நீதவான் நீதிமன்றத்தில் விசாரிக்கப்படும் போது, நீதிமன்றத்திற்கு அபகீர்த்தி ஏற்படுத்தும் வகையில் செயற்பட்டதாக இவர் மீது குற்றம் சுமத்தப்பட்டது. . 

அப்போது ஹோமாகம நீதவானாக இருந்த ரங்க திஸாநாயக்கவால் இது தொடர்பில் மேன்முறையீட்டு நீதிமன்றத்தில் முறையிடப்பட்டு வழக்கு விசாரணை இடம்பெற்றது. 

எவ்வாறாயினும் மேன்முறையீட்டு நீதிமன்றத்தின் இந்த தீர்மானித்துக்கு எதிராக உயர் நீதிமன்றத்தில் மனுத் தாக்கல் செய்வதாக ஞானசார தேரரின் சட்டத்தரணிகள் தெரிவித்துள்ளனர்.

4 யானைகளினால் சுற்றிவளைக்கப்பட்ட இளைஞன், ஒரு யானையின் தாக்குதலில் பலி

றாணமடு மாலையர்கட்டு கிராமத்தில், இன்று (31) அதிகாலை காட்டுயானை தாக்கி, 18 வயதுடைய, சிவலிங்கம் லயனிதன்  என்ற  இளைஞன் உயிரிழந்துள்ளாரென, பொலிஸார் தெரிவித்தனர்.

குறித்த இளைஞனின், வீட்டு வளாகத்தில் வைத்தே, யானை தாக்கியுள்ளதாக தெரிவிக்கப்படுகிறது.

காட்டு யானைகள் ஊருக்குள் நுழைந்ததால், பொதுமக்கள் பதறி ஓடியுள்ளனர் இதன்போது, குறித்த இளைஞன் நான்கு யானைகளுக்கு இடையில் சிக்கித் தவித்த போது, ஒரு யானை இளைஞனை தாக்கியுள்ளது.

தாக்குதலில் படுகாயமடைந்த குறித்த இளைஞன், ஸ்தலத்திலே​யே உயிரிழந்துள்ளார் என, தெரிவிக்கப்படுகிறது.

உயிரிழந்த, இளைஞனின் சடலம், மத்திய முகாம் வைத்தியசாலையில் வைக்கப்பட்டுள்ளதுடன், வெல்லாவெளி பொலிசார் , மேலதிக விசாரணைகளை மேற்கொண்டு வருகின்றனர்.

தமிழ் - சிங்கள தலைவர்கள், முஸ்லிம்களுக்கு செய்த துரோகங்கள் (வீடியோ)


தமிழ் - சிங்கள தலைவர்கள், முஸ்லிம்களுக்கு செய்த துரோகங்கள் (வீடியோ)


மாவனல்லையில் சட்டவிரோத, சாராயம் விற்பனை - பின்னணியில் மஹிந்த ஆதரவு முக்கிய எம்.பி.

மாவனல்லை நகரில் சட்டவிரோதமான முறையில் சாராயம் உற்பத்தி செய்த பொது ஜன பெரமுனவின் மாவனல்லை பிரதே சபை உறுப்பினர் பிரியந்த அல்லேகம உள்ளிட்ட குழுவினர்  பொலிஸார் மற்றும் விசேட அதிரடிப் படையினர் மேற்கொண்ட சுற்றிவளைப்பின் போது கைது செய்யப்பட்டுள்ளனர். 

இது தொடர்பான தகவலை லங்கா ஈ நியூஸ் எனும் பிரபல சிங்கள இணையதளமொன்று நேற்று வியாழக்கிழமை வெளியிட்டிருந்தது. 

அமைதியான மாவனல்லை நகரை கெட்ட நடத்தையுள்ள பிரதேசமாக மாற்றுவதற்கு அங்குள்ள பொது ஜன பெரமுன கட்சி ஆதரவாளர்கள் சிலர் முயற்சிப்பதாக குறித்த செய்தியில் சுட்டிக்காட்டப்பட்டுள்ளது.

அதில் மேலும் கூறப்பட்டுள்ளதாவது:- 

முன்னாள் ஜனாதிபதி மஹிந்த ராஜபக்ஷவின் பொது ஜன பெரமுனவில் போட்டியிட்டு மாவனல்லை பிரதேச சபைக்கு தெரிவு செய்யப்பட்ட பிரியந்த அல்லேகம என்பவர் உள்ளிட்ட குழுவினர் சட்டவிரோதமான முறையில் சாராயம் உற்பத்தி செய்வதாக கிடைத்த தகவலுக்கு அமைய மாவனல்லை பொலிஸார் மற்றும் விசேட அதிரடிப் படையினர் நேற்று முன்தினம் புதன்கிழமை  மேற்கொண்ட சுற்றிவளைப்பின் போது, சாராயம் உற்பத்தி செய்வதற்கு பயன்படுத்தப்படும் ‘கோடா’ என்ற திரவம் அடங்கிய 125 கலண்களுடன் குறித்த சந்தேக நபர்கள் கைது செய்யப்பட்டுள்ளனர். 

அவர்களிடம் பொலிஸார் மேற்கொண்ட விசாரணையின் போது,  பொது ஜன பெரமுன எதிர்வரும் 5ஆம் திகதி கொழும்பில் நடாத்தவுள்ள ‘மக்கள் சக்தி’ என்ற அரசுக்கு எதிரான பொதுக் கூட்டத்தில் கலந்து கொள்பவர்களுக்கு வழங்குவதற்காகவே மேற்படி சாராயம் உற்பத்தி செய்யப்பட்டதாகவும், இந்த சம்பவத்துடன் பொது ஜன பெரமுனவின் குருநாகல் மாவட்ட நாடாளுமன்ற உறுப்பினர் ஒருவர் சம்பந்தப்பட்டுள்ளதாகவும் குறித்த செய்தியில் மேலும் குறிப்பிடப்பட்டுள்ளது.

சரதியல் நியூஸ் (2018.08.31)

நேருக்கு நேர் மோதி, ஏற்படவிருந்த பாரிய விபத்து தடுக்கப்பட்டது

யாழ்தேவியும் மற்றுமொரு புகையிரதமும் நேருக்கு நேர் மோதி ஏற்படவிருந்த பாரிய விபத்தொன்று தவிர்க்கப்பட்டுள்ளது.

இந்த சம்பவம் கொழும்பு - சிறிவத்சிபுர பகுதியில் இன்று -31- காலை நடந்துள்ளது.

யாழ்தேவி புகையிரத சமிக்ஞையை கவனிக்காமல் பயணித்த போது, அதே தண்டவாளத்தில் நேருக்கு நேர் மற்றுமொரு புகையிரதமும் பயணித்துள்ளது.

இந்த நிலையில் இது குறித்து உடனடியாக தகவல் பரிமாறப்பட்டு, யாழ்தேவி பயணித்த தண்டவாளம் மாற்றப்பட்டு விபத்து தவிர்க்கப்பட்டுள்ளதாக தெரிவிக்கப்படுகின்றது.

ஞானசாரருக்கு ஆப்பு, மேன்முறையீடு மறுப்பு - கடூழியச் சிறைத்தண்டனை உறுதியானது


மேன்முறையீட்டிற்கான அனுமதி கோரி, பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரரினால் தாக்கல் செய்யப்பட்ட மனு இன்று வெள்ளிக்கிழமை மேன்முறையீட்டு நீதிமன்றத்தில் ஆராயப்பட்டது.

அதனை அடுத்து அவரால் மேற்கொள்ளப்பட்ட மறுபரிசீலனை மனு மேன்முறையீட்டு நீதிமன்றத்தில் சற்றுமுன் மறுக்கப்பட்டுள்ளது.

அதன்படி அவரது கடூழிய சிறைத்தண்டனைக்கு எதிராக மேன்முறையீடு செய்ய அனுமதி வழங்கல் மறுக்கப்பட்டுள்ளது.

நீதிமன்றத்தை அவமதித்த குற்றச்சாட்டில், 6 வருட கடூழியச் சிறைத்தண்டனை விதிக்கப்பட்டுள்ள, ஞானசார தேரர், பொது வைத்தியசாலையில் அனுமதிக்கப்பட்டு சிகிச்சை பெற்று வந்த நிலையில், நேற்று சிறைச்சாலை வைத்தியசாலைக்கு மாற்றப்பட்டுள்ளார்.

சிங்கள பௌத்தன் என்ற வகையில், ஞானசாரரை பார்வையிடச் செல்வேன்

சிங்கள பௌத்தன் என்ற வகையில் பொதுபல சேனா இயக்கத்தின் பொதுச் செயலாளர் கலகொட அத்தே ஞானசார தேரரை பார்வையிடச் செல்வேன் என அமைச்சர் துமிந்த திஸாநாயக்க தெரிவித்துள்ளார்.

கொழும்பு ஊடகமொன்று எழுப்பிய கேள்விக்கு பதிலளித்த போது அவர் இதனை தெரிவித்துள்ளார். தொடர்ந்தும் கூறுகையில்,

நீதிமன்றை அவமரியாதை செய்த குற்றச்சாட்டின் பேரில் தண்டனை விதிக்கப்பட்டுள்ள ஞானசார தேரரை பார்வையிடத் திட்டமிட்டுள்ளேன்.

எதிர்வரும் நாட்களில் சிறைச்சாலைக்கு சென்று ஞானசார தேரரை பார்வையிடுவேன்.

ஆளும் கட்சியின் அமைச்சர் என்ற ரீதியில் நான் சிறைச்சாலைக்கு செல்லப் போவதில்லை.

சிங்கள பௌத்தன் என்ற வகையில் நான் ஞானசார தேரரை பார்வையிடச் செல்வேன்.

ஏற்கனவே சிறைச்சாலைக்குச் சென்று ஞானசார தேரரை பார்வையிட்டேன்.

மீண்டும் ஒரு தடவை அவரை பார்வையிடுவதற்கு எவ்வித தடையும் கிடையாது என துமிந்த திஸாநாயக்க தெரிவித்துள்ளார்.

அவுஸ்திரேலியாவில் கைதான நிஸாம்தீன் பற்றி, வெளியாகியுள்ள புதிய தகவல்கள்


அவுஸ்திரேலியாவில் பயங்கரவாத செயற்பாட்டுடன் தொடர்புடைய குற்றச்சாட்டில் இலங்கையை பின்னணி கொண்ட இளைஞர் ஒருவர் கைது செய்யப்பட்டுள்ளார்.

மொஹமட் நிஸாம்தீன் என்ற 25 வயதுடைய இளைஞன் சிட்னி கென்ஸின்டன் (Kensington) பகுதியில் வைத்து நேற்று பயங்கரவாத குற்றத்தடுப்பு பிரிவினரால் கைது செய்யப்பட்டுள்ளார்.

குறித்த நபருக்கும் ஐ.எஸ். அமைப்புக்கும் இடையில் தொடர்பு இருக்கலாம் என நம்பப்படுவதாக சிட்னி புலனாய்வு அதிகாரி மைக்கல் மெக்டிமென் கூறியதாக அவுஸ்திரேலிய ஊடகம் ஒன்று தகவல் வெளியிட்டுள்ளது.

தீவிரவாத தாக்குதல் நடத்துவதற்கான திட்டங்கள் அடங்கிய குறிப்பேடு ஒன்று பல்கலைக்கழக ஊழியர் ஒருவரால் பொலிஸாரிடம் கையளிக்கப்பட்டதன் அடிப்படையில் குறித்த நபர் கைது செய்யப்பட்டுள்ளார்.

குறித்த நபர் மாணவர் விசாவில் அவுஸ்திரேலியாவில் தங்கியிருக்கும் அதேநேரம் UNSW பல்கலைக்கழகத்தில் ஒப்பந்த அடிப்படையில் பணி புரிந்து வருகிறார்.

சிட்னியில் பல இடங்களில் தீவிரவாத தாக்குதலை நடத்த திட்டமிட்டதற்கான ஆவணங்கள் கிடைக்கப்பெற்றதன் அடிப்படையில் அவர் மீது குற்றப்பத்திரிகை தாக்கல் செய்யப்படவுள்ளதாகவும் பொலிஸார் தெரிவித்துள்ளனர்.

தற்போது கிடைத்திருக்கும் தகவல்களின்படி இந்நபர் தனியாகவே இயங்கியதாக நம்பப்படுவதாகவும் இதற்கு முன்னர் இவர் மீது எவ்வித குற்றச்சாட்டுக்களும் பதிவு செய்யப்படவில்லை எனவும் பொலிஸார் கூறியுள்ளனர்.

குற்றம் சாட்டப்பட்டவரின் மாணவர் விசா செப்டம்பர் மாதம் முடிவடைந்த நிலையில், அவர் தொடர்ந்தும் இங்கே தங்கியிருப்பதற்கான நடடிவக்கைகளில் ஈடுபட்டுள்ளார். அதேநேரம் இவர் இலங்கை உட்பட சில நாடுகளுக்கு சென்று திரும்பியதாகவும் கூறியுள்ளனர்.

குறித்த நபர் இன்று வெவெர்லி (Waverley) நீதிமன்றில் முன்னிலையான போது இவருக்கு பிணை வழங்க அனுமதி மறுக்கப்பட்ட அதேநேரம் அவரது வழக்கு எதிர்வரும் ஒக்டோபர் 24-ம் திகதி வரை ஒத்தி வைக்கப்பட்டுள்ளது.

4 பிக்குகளை கைதுசெய்ய, பிடியாணை பிறப்பிப்பு

பொதுச் சொத்துகளுக்கு சேதம் விளைவித்தனர் என்றக் குற்றச்சாட்டின் கீழ், பெங்கமுவே நாலக்க, இத்தாகந்த சத்தாதிஸ்ஸ, மாளிகாகந்த சுத்தா மற்றும் மடிலே பன்னலோகோ ஆகிய நான்கு தேரர்களுக்கும் பிடியாணை பிறப்பிக்கப்பட்டுள்ளது.

பயங்கரவாத குற்றச்சாட்டில், இலங்கையர் அவுஸ்திரேலியாவில் கைது

அவுஸ்திரேலியா, சிட்னி நகரிலுள்ள பல்கலைக்கழகமொன்றில் பணியாற்றிய இலங்கையர் ஒருவர், பயங்கரவாத குற்றச்சாட்டின் கீழ் கைது செய்யப்பட்டுள்ளார்.

பயங்கரவாத தாக்குதல்களுக்கான திட்டங்கள் உள்ளிட்ட ஆவணங்கள் சில அவரிடமிருந்து கைப்பற்றப்பட்டதென, அவுஸ்திரேலிய ஊடகம் செய்தி வெளியிட்டுள்ளது.

அவுஸ்திரேலிய பயங்கரவாத ஒழிப்பு பொலிஸாரினால் நேற்று மாலை கைதுசெய்யப்பட்ட இலங்கையர், 25 வயதானவர் என்றும் அந்தச் செய்தியில் தெரிவிக்கப்பட்டுள்ளது.

இலக்கு வைக்கப்பட்டுள்ள நபர்கள், இடங்களில் பெயர்கள் உள்ளிட்டவை அவரிடமிருந்து கைப்பற்றப்பட்ட குறிப்பேட்டு புத்தகத்தில் குறிப்பிடப்பட்டிருந்த என்றும் அந்தச் செய்தியில் தெரிவிக்கப்பட்டுள்ளது.

அவரிடம் மேற்கொள்ளப்பட்ட விசாரணைகளின் ​பின்னர், இன்று (31) காலை மேற்கொள்ளப்பட்ட சுற்றிவளைப்பு தேடுதல்களின் போது, இலத்திரனியல் உபகரணங்கள் சிலவும் அவுஸ்திரேலிய பொலிஸாரினால் கைப்பற்றப்பட்டுள்ளன.   

பயங்கரவாத தடைச்சட்டத்தின் கீழ், மேற்​படி குற்றச்சாட்டுகளின் கீழ், இந்த இலங்கையருக்கு எதிராக குற்றச்சாட்டுகள் தாக்கல்செய்யப்பட்டுள்ளன. அத்துடன், அவருக்கு பிணைவழங்குவதற்கான கோரிக்கையும் நிராகரிக்கப்பட்டுள்ளது என்றும் அந்தச் செய்தியில் தெரிவிக்கப்பட்டுள்ளது.

ஐஸ், அமைப்புடன் தொடர்புபட்டவரென சந்தேகிக்கப்படும் மேற்படி சந்தேநபருக்கு எதிரான குற்றச்சாட்டுகள் கடுமையானவை என்றும் அவுஸ்திரேலிய பொலிஸார் தெரிவித்துள்ளனர்.

சவூதி அரேபியா, யுத்தக் குற்றம் புரிந்துள்ளது - ஐ.நா. குற்றச்சாட்டு


சவூதி அரேபியா தலைமையிலான கூட்டுப்படை யெமன் மீது நடத்திய சில தாக்குதல்கள் யுத்த குற்றம் என குறிப்பிட்ட ஐ.நா அறிக்கை ஒன்றை அந்தக் கூட்டுப்படை நிராகரித்துள்ளது.

பல தெளிவற்ற உள்ளடக்கங்களுடனான கூட்டுப்படையின் அறிக்கை ஒன்று சவூதி அரச செய்தி நிறுவனத்தில் வெளியாகியுள்ளது.

ஐ.நா மனித உரிமை நிபுணர்கள் வெளியிட்ட ஆவணத்தில், யெமன் யுத்தத்தில் ஈடுபட்டிருக்கும் அனைத்து தரப்பும் யுத்த குற்றத்தில் ஈடுபட்டிருக்க வாய்ப்பு இருப்பதாக விமர்சிக்கப்பட்டிருந்தது.

இந்நிலையில் அரச சார்பற்ற நிறுவனங்களால் இந்த அறிக்கை தவறாக வழிநடத்தப்பட்டிருப்பதாக கூட்டுப்படை அறிக்கையில் குறிப்பிடப்பட்டுள்ளது.

யெமனில் கூட்டுப்படை மேற்கொண்டிருக்கும் மிகப்பெரும் மனிதாபிமான செயற்பாடுகள் குறித்து இந்த ஐ.நா அறிக்கையில் சுட்டிக்காட்டப்படவில்லை என்றும் அது குறிப்பிட்டுள்ளது.

ஐ.நா அறிக்கையில் யெமன் அரச படை, அதற்கு ஆதரவான சவூதி தலைமையிலான கூட்டுப்படை மற்றும் ஹூத்தி கிளர்ச்சியாளர்கள் பொதுமக்கள் உயிரிழப்புகளை தவிர்க்க குறைந்த அளவே முயற்சிப்பதாக குற்றம்சாட்டப்பட்டது.

வீடொன்றில் தந்தை, மகளின் சடலங்கள் கண்டெடுப்பு

மஹியங்கனை, தம்பகொல்ல பிரதேசத்தில் வீடொன்றில் உயிரிழந்திருந்த ஒரே குடும்பத்தைச் சேர்ந்த தந்தை மற்றும் மகளின் சடலங்கள் கண்டெடுக்கப்பட்டுள்ளன.

மஹியங்கனை பொலிஸாருக்கு கிடைத்த தகவலின் பிரகாரம் சடலங்கள் கண்டெடுக்கப்பட்டதாக பொலிஸ் ஊடகப் பேச்சாளர் அலுவலகம் கூறியுள்ளது.

31 வயதுடைய தந்தை மற்றும் 11 வயதுடைய மகள் ஆகிய இருவரே உயிரிழந்துள்ளனர்.

இலங்கைக்கு மேலாக இன்று, சூரியன் உச்சம் கொடுக்கிறார்

சூரியனின் தெற்கு நோக்கிய தொடர்பான இயக்கம் காரணமாக இவ் வருடம் ஒகஸ்ட் 28 ஆம் திகதியில் இருந்து செப்டம்பர் 7 ஆம் திகதி வரை இலங்கையின் அகலாங்குகளுக்கு நேராக உச்சம் கொடுக்க உள்ளது. இன்று (31ஆம் திகதி) நண்பகல் 12.10 அளவில் முசல்குட்டி, துடாரிக்குளம், குடாகம, மெதியாவ மற்றும் மாங்கானை ஆகிய நகரங்களுக்கு அண்மையிலுள்ள பிரதேசங்களுக்கு மேலாக சூரியன் உச்சம் கொடுக்குமென எதிர்பார்க்கப்படுகின்றது. 

காங்கேசன்துறையில் இருந்து முல்லைத்தீவு ஊடாக திருகோணமலை வரையான கடற்பரப்புகளில் மாலையில் அல்லது இரவில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. 

நாட்டைச் சூழவுள்ள ஏனைய கடற்பரப்புகளில் பிரதானமாக சீரான வானிலை நிலவும் என எதிர்பார்க்கப்படுகின்றது. 

கொழும்பில் இருந்து காலி ஊடாக மாத்தறை வரையான கடற்பரப்புகளில் காற்றானது மேற்கு திசையில் இருந்து வீசுவதுடன் நாட்டைச் சூழவுள்ள ஏனைய கடற்பரப்புகளில் காற்றானது தென்மேற்கு திசையில் இருந்து வீசக்கூடும். காற்றின் வேகமானது மணித்தியாலத்துக்கு 30-40 கிலோ மீற்றர் வரை காணப்படும். 

ஹம்பாந்தோட்டையில் இருந்து பொத்துவில் வரையான கடற்பரப்புகளில் காற்றின் வேகமானது அவ்வப்போது 50 கிலோ மீற்றர் வரை அதிகரித்து வீசக்கூடுவதுடன் அவ்வேளைகளில் இக் கடற்பரப்புகள் கொந்தளிப்பாகவும் காணப்படும். 

(வளிமண்டளவியல் திணைக்களம்)

திருகோணமலையில் அமெரிக்க தரையிறக்கப், போர்க்கப்பல் பயிற்சி


சிறிலங்காவுக்கு பயணம் மேற்கொண்டிருந்த அமெரிக்க கடற்படையின் யுஎஸ்எஸ் அங்கரேஜ் தரையிறக்கப் போர்க்கப்பல், சிறிலங்கா கடற்படையுடன் இணைந்து கூட்டுப் பயிற்சியில் ஈடுபட்டுள்ளது.

திருகோணமலை துறைமுகத்தில் தரித்து நின்ற அமெரிக்க கடற்படையின் யுஎஸ்எஸ் அங்கரேஜ் தரையிறக்கப் போர்க்கப்பல், நேற்றுமுன்தினம் புறப்பட்டுச் சென்றது.

இதன்போது, சிறிலங்கா கடற்படையுடன் இணைந்து கூட்டுப் பயிற்சியில் ஈடுபட்டது.

சிறிலங்கா கடற்படையின் சுரணிமல என்ற அதிவேக ஏவுகணைக் கப்பலும், அமெரிக்க கடற்படையின் யுஎஸ்எஸ் அங்கரேஜ் கப்பலும் அதில் அடங்கியிருந்த, தரையிறங்கு கலங்களும், ஒரு AH-1Z கோப்ரா உலங்கு வானூர்தியும்,  ஒரு,  UH-1Y Huey உலங்கு வானூர்தியும்,  இந்தக் கூட்டுப் பயிற்சியில் பங்கேற்றன.

சிறிலங்கா கடற்படையுடனான இந்தக் கூட்டுப் பயிற்சிகளையிட்டு பெருமைப்படுவதாகவும், இந்த உறவுகள் வலுப்படும் என்றும்  அமெரிக்காவின் 7 ஆவது கப்பல் படையின் ஈரூடப் படைப்பிரிவின் தளபதி றியர் அட்மிரல் பிராட் கூப்பர் மற்றும் யுஎஸ்எஸ் அங்கரேஜ் கப்பலின் கட்டளை அதிகாரி கப்டன் டெனில் ஜாகோ ஆகியோர் கருத்து வெளியிட்டுள்ளனர்.



ஆட்சியை கவிழ்ப்புக்கு, சில நிறுவனங்கள் முயற்சிக்கின்றன

சக்திவாய்ந்த சில பெரு நிறுவனக் குழுக்கள் ( corporate groups)  அரசாங்கங்களை கவிழ்க்கும் சூழ்ச்சிகளுடன் தொடர்புபட்டுள்ளதாக சிறிலங்கா அதிபர் மைத்திரிபால சிறிசேன எச்சரித்துள்ளார்.

நேபாளத்தின் தலைநகர் காத்மண்டுவில் நேற்று ஆரம்பமான பிம்ஸ்ரெக் நாடுகளின் தலைவர்களின் நான்காவது உச்சிமாநாட்டில் உரையாற்றிய போதே அவர் இவ்வாறு குறிப்பிட்டார்.

சில சக்திவாய்ந்த பெரு நிறுவனக் குழுக்கள் அரசாங்கங்களை கவிழ்ப்பதில் சிலவேளைகளில் வெற்றிபெற்றிருக்கின்றன. எனவே, இந்தப் பெரு நிறுவனக் குழுக்கள் விடயத்தில், நாடுகளின் தலைவர்கள் விழிப்பாக இருக்க வேண்டும்.

உலக சமூதாயத்தின் முன்னேற்றத்துக்கு போதைப்பொருள் ஒரு பெரிய தடையாக மாறியிருக்கிறது. போதைப் பொருள் கடத்தல்களை தடுப்பதில் நாடுகள் ஒன்றிணைய வேண்டும்.” என்றும் அவர் அழைப்பு விடுத்துள்ளார்.

August 30, 2018

180 இந்து - தலித் குடும்பங்கள், இஸ்லாத்தை தழுவியது ஏன்..?

தொல். திருமாவலவனின் அயராத முயற்ச்சியை வாழ்த்துவதுடன், மீனாட்ச்சிபுர மக்களுக்கு கிடைத்த நேர்வழி திருமாவுக்கும் கிடைக்க அல்லாஹ்விடம் பிரார்த்திப்போம்.

================
✿ மீனாட்ச்சிபுரம் இந்துக்கள் முஸ்லிம்களினால் அச்சுறுத்தப்பட்டு இஸ்லாத்தை ஏற்றார்களா?
✿ அப்போதைய முதல்வர் MGR சொன்னதைப் போல் அரபு நாட்டுப் பணத்திற்க்கு மதம் மாறினார்களா?
✿ தலித்துகளின் தலைவர் அம்பேத்கர் தேர்ந்தெடுத்த பௌத்த மதத்தை மீனாட்சிபுரம் மக்கள் ஏன் புறக்கணித்தார்கள்?
✿ பௌத்த மதம், கிருத்தவ மதத்தை விடுத்து இஸ்லாத்தை தேர்ந்தெடுத்தது காரணங்கள் என்ன?
✿ கிருத்தவ மதத்திற்கு சென்றவர்கள் கூட மீண்டும் இஸ்லாத்திற்க்கு வந்தது ஏன்?
✿ அப்போதைய பா.ஜ.க தலைவர் வாஜ்பாய் நேரில் வந்து அழைத்தும் மீண்டும் இந்து மதத்திற்கு வராதது ஏன்?

தலித் பிரிவை சார்ந்தவரும், விடுதலை சிறுத்தைகள் கட்சியின் தலைவருமான தொல். திருமாவளவன் அவர்களின் முனைவர் பட்டத்திற்கான ஆய்வின் தெளிவான முடிவுகள். இஸ்லாம் பற்றியும், மதமாற்றம் பற்றியும் பரப்பப்படும் அடிப்படையற்ற பல்வேறு விமர்சனங்களுக்கும் பதிலளிக்கும் ஆய்வு.
1981ல் திருநெல்வேலி மாவட்டம் மீனாட்சிபுரத்தைச் சேர்ந்த 180 தலித் குடும்பங்கள் இஸ்லாமியர்களாக மதம் மாறினர். இது அகில இந்தியாவையும் உலுக்கியது. அதனை மையமாக வைத்து விடுதலைச் சிறுத்தைகள் கட்சியின் தலைவர் தொல். திருமாவளவன் திருநெல்வேலி மனோன்மணீயம் சுந்தரனார் பல்கலைக்கழகத்தில் "Mass Religious Conversion of Meenakshipuram - A Victimological Perspective" என்ற தலைப்பில் முனைவர் பட்ட ஆய்வை முடித்துள்ளார். இந்த ஆய்வில் அவர் கண்டறிந்த முடிவுகள் குறித்து பிபிசியின் செய்தியாளர் முரளிதரன் காசி விஸ்வநாதனிடம் பேசினார். அந்தப் பேட்டியிலிருந்து:
கே. இந்த ஆய்வை எப்போது துவங்கினீர்கள்?
-------------
பதில்:
மனோன்மணீயம் சுந்தரனார் பல்கலைக்கழகத்தில் இந்த ஆய்வைச் செய்வதற்காக 2002ல் பதிவுசெய்தேன். பல்வேறு பணிச்சுமைகளால் எனது ஆய்வை விரைந்து முடிக்க இயலவில்லை.
அவ்வப்போது இந்தப் பதிவை புதுப்பித்துவந்தேன். அண்மையில் கடைசி வாய்ப்பாக 2017 பிப்ரவரிக்குள் முடிக்க வேண்டுமென பல்கலைக்கழகம் அனுமதி அளித்தது. அதன் அடிப்படையில் விரைந்து இந்த பணியை முடித்து, அறிக்கை சமர்ப்பித்தேன். கடந்த ஆகஸ்ட் 24ஆம் தேதி பொது வாய் மொழித் தேர்வு நடைபெற்றது. அதன் அடிப்படையில் முனைவர் பட்டம் வழங்கப்பட்டது.
கே. மீனாட்சிபுரம் மதமாற்ற சம்பவத்தை உங்கள் ஆய்வுக் களமாகத் தேர்வுசெய்தது ஏன்?
-------------
பதில்:
மதமாற்றம் தொடர்பான விவாதங்கள் தொடர்ச்சியாக இந்திய அளவில் நடந்து வருகின்றன. அம்பேத்கர் அவர்கள் லட்சக் கணக்கானவர்களோடு பௌத்தத்தைத் தழுவினார்.
சாதி ஒழிப்புக்கான போரட்டங்களில் மதமாற்றத்தையும் ஒன்றாக முன்வைத்தார். இந்த நிலையில், மீனாட்சிபுரத்தில் அம்பேத்கரை பின்பற்றக்கூடிய மக்கள், கலாசார ரீதியாக அவரோடு மாறுபட்ட நிலைப்பாடுகளை மேற்கொள்ளும் போக்குகளைப் பார்த்தேன். அரசியல் ரீதியாக அவரைத் தலைவராக ஏற்றாலும் கலாசார ரீதியாக சிலர் கிறிஸ்தவத்தை ஏற்பதையும் இஸ்லாத்தை ஏற்பதையும் பார்க்க முடிகிறது.
திருநெல்வேலி மாவட்டத்தில் செங்கோட்டை தாலுகாவில் உள்ள மீனாட்சிபுரம் கிராமத்தில் உள்ள மக்கள் அம்பேத்கரை அரசியல்ரீதியாக ஏற்றவர்கள்தான். ஆனால், அவர்கள் ஏன் அம்பேத்கரைப் பின்பற்றி பௌத்தத்தை ஏற்கவில்லை; இஸ்லாத்தை ஏற்றார்கள் என்ற கேள்வி எனக்குள் எழுந்தது. இரண்டாவதாக, இஸ்லாமியர்கள் திட்டமிட்டு, தலித்துகளை ஏமாற்றி வற்புறுத்தி, அச்சுறுத்தி மதமாற்றம் செய்ய வைத்தார்கள் என்றும் அதில் அரபு நாட்டுப் பணம் பின்னணியில் உள்ளது என்கிற குற்றச்சாட்டுகளும் இன்னும் இருக்கவே செய்கின்றன. ஆகவே சாதிக் கொடுமைகளால் இவர்கள் மதம் மாறினார்களா அல்லது வேறு காரணங்களால் மதம் மாறினார்களா என்று அறியும் வேட்கையும் எனக்குள் உருவானது.
இஸ்லாத்தை ஏற்றதால் அவர்களின் சமூக மதிப்பு உயர்ந்திருக்கிறதா, அவர்கள் சாதிக் கொடுமைகளிலிருந்து விடுபட்டிருக்கிறார்களா என்ற கேள்விக்கும் விடைதேட வேண்டிய தேவை எழுந்தது. ஆகவேதான் இந்த மதமாற்றம் குறித்து ஆராய்ச்சி செய்யும் முடிவுக்கு வந்தேன். அதற்கு எனக்கு வழிகாட்டியவர் மனோன்மணியம் சுந்தரனார் பல்கலைக்கழகத்தின் முன்னாள் துணைவேந்தர் பேராசிரியர் கு. சொக்கலிங்கம் அவர்கள். ஏற்கனவே, நான் சென்னைப் பல்கலைக்கழகத்தில் குற்றவியல் முதுகலை படிக்கும்போது அவர் பேராசிரியராக இருந்தவர்.
கே. இந்த ஆய்வில் உங்களுக்கு என்ன முடிவு கிடைத்தது?
-------------
பதில்:
அச்சுறுத்தலால் தலித்துகளை மதம் மாற்றினார்கள் என்பது உண்மையல்ல என இந்த ஆய்வில் உறுதியாகியிருக்கிறது. காவல்துறையின் வன்முறையும் அரசு அதிகாரிகளின் தலித் விரோத நடவடிக்கைகளும்தான் மதம் மாறக் காரணிகளாக இருந்துள்ளன என்பதை இந்த ஆய்வில் உறுதிப்படுத்தியுள்ளேன்.
கே. தமிழ்நாடு முழுவதுமே ஜாதிக்கொடுமைகள் இருக்கவே செய்கின்றன. ஆனால், மீனாட்சிபுரத்தில் மட்டும் தலித்துகள் மொத்தமாக மதம் மாற எந்தச் சம்பவம் தூண்டுதலாக அமைந்தது?
-------------
பதில்:
சாதிக் கொடுமைகள் இந்தியா முழுவதும் இருக்கவே செய்கின்றன. இது அடிப்படையான காரணி. மீனாட்சிபுரத்தில் சாதிக் கொடுமைகளிலிருந்து விடுதலை பெறும் எண்ணத்தோடு இருந்த மக்களுக்கு மதம் மாற வேண்டும் என்ற சிந்தனையைத் தூண்ட உடனடிக் காரணியாக ஒரு சம்பவம் நடந்தது. 1980 டிசம்பரில் மீனாட்சிபுரம் அருகே மேக்கரை என்னும் மலையடிவாரப் பகுதியில் திருவாவடுதுறை ஆதீனத்துக்குச் சொந்தமான ஒரு பண்ணையில் மறவர் சமுதாயத்தைச் சார்ந்த இருவர் கொல்லப்பட்டனர். அந்த இரட்டைக் கொலையில் மீனாட்சிபுரத்தைச் சார்ந்த தலித்துகள் குறிப்பாக தங்கராஜ் என்பவரும் அவருடைய கூட்டாளிகளும் சம்பந்தப்பட்டிருக்கிறார்கள் என்று காவல்துறையினர் மீனாட்சிபுரம் குடியிருப்புக்குள் நுழைந்து, கண்ணில் பட்டவர்களையெல்லாம் கைதுசெய்து, விசாரணை என்ற பெயரில் மிக மோசமான வன்முறைகளை, கொடுமைகளைச் செய்திருக்கிறார்கள். மாதக் கணக்கில் இது நடந்திருக்கிறது.
அத்துடன் கைது நடவடிக்கையில் ஈடுபட்ட காவல்துறை ஆய்வாளர் கொல்லப்பட்டவர்களின் சமூகத்தைச் சேர்ந்தவர். அவருக்கு மேல் உள்ள மாநில அளவிலான உயர் காவல்துறை அதிகாரிகள் சிலரும் அதே சமூகத்தைச் சார்ந்தவர்கள். அதனால்தான் இந்த ஒடுக்கு முறை கூடுதலாக உள்ளது என தலித் மக்கள் கருதினார்கள். இதனால் அரசாங்கத்தின் மீதிருந்த நம்பிக்கையை அவர்கள் இழக்க நேர்ந்தது. இந்த நிலையில்தான் சாதிக் கொடுமைகளுக்கும் அரசு ஒடுக்குமுறைகளுக்கும் ஒரு முடிவுகட்ட மத மாற்றத்தை வழிமுறையாக அவர்கள் தேர்வுசெய்தார்கள். ஆகவே, காவல்துறை மற்றும் அதிகாரிகளின் ஒடுக்குமுறை சாதியின் பெயரால் நிகழ்ந்தது என்பது இந்தப் பகுதிக்கான தனிக் காரணியாக உள்ளது.
கே. மதம் மாறுவதன் மூலம் காவல்துறையின் அத்துமீறல்களிலிருந்து விடுதலை கிடைக்கும் என அவர்கள் நம்பக் காரணம் என்ன?
-------------
பதில்:
காவல்துறையிடமிருந்து மட்டுமல்ல; சமூகப் புறக்கணிப்பு உள்ளிட்ட பல கொடுமைகளிலிருந்து தப்ப முடியும் என நினைத்தார்கள். இந்து மதத்தில் பள்ளர் என்ற ஜாதியில் இருப்பதால்தானே இப்படி நடக்கிறது; நாம் மதம் மாறிவிட்டால் பிற்காலத்திலாவது நமது வாரிசுகள் நிம்மதியாக இருப்பார்கள் என எதிர்கால நலனை மனதில் கொண்டு அவர்கள் இந்த முடிவை எடுத்தார்கள்.
கே. மதம் மாறும்போது பௌத்தத்திற்கு மாறும்படி அம்பேதகர் கூறியிருந்த நிலையில், மீனாட்சிபுரம் மக்கள் இஸ்லாத்தைத் தேர்வுசெய்தது ஏன்?
-------------
பதில்:
இஸ்லாத்தில் மட்டும்தான் சமூக பாதுகாப்பு கிடைக்கிறது. மறுபடியும் ஜாதி தொடர்வதில்லையென நினைக்கிறார்கள். ராமைய்யா என்பவர் இந்தச் சம்பவம் நடப்பதற்கு 20 ஆண்டுகளுக்கு முன்பே கிறிஸ்தவத்திற்கு மாறினார். தனக்கு ராசைய்யா எனப் பெயர் சூட்டிக்கொண்டார். அங்கேயும் சாதியின் பெயரால் இழிவும் கொடுமையும் தொடர்ந்ததால் அவர் கிறிஸ்தவத்தைவிட்டு இஸ்லாத்தை ஏற்றுக்கொண்டார். தற்போது இப்ராஹிம் எனப் பெயர் சூட்டிக்கொண்டிருக்கிறார். ராமைய்யா ராசைய்யாவானார். ராசைய்யா இப்ராஹிமானார். அவர்தான் அங்கு கட்டப்பட்ட மசூதிக்கு முதல் முத்தவல்லி. அதற்குப் பிறகு அவரை முஸ்லிமாகத்தான் சமூகம் பார்க்கிறது. காவல்துறை அவரைச் சீண்டவில்லை.
கே. பௌத்தத்தை ஏன் அவர்கள் ஏற்கவில்லை. இங்குள்ள பௌத்ததில் ஜாதிப் பாகுபாடு உள்ளதா?
-------------
பதில்:
மகாராஷ்டிரத்தில் பௌத்தம் நிறுவப்பட்ட ஒன்றாக உள்ளது. இங்கே அப்படி இல்லை. அம்பேத்கர் அங்கே 10 லட்சம் பேரை மாற்றியதுபோல இங்கே நடக்கவில்லை. தவிர, மீனாட்சிபுரத்தைச் சுற்றிலும் இஸ்லாமியர்களின் எண்ணிக்கைதான் அதிகம். பக்கத்துக் கிராமங்களில் ஒருவேளை பௌவுத்தர்கள் அதிகம் இருந்திருந்தால் அம்மாதிரி சிந்தனை ஏற்பட்டிருக்கும். ஆனால், மீனாட்சிபுரத்தைச் சுற்றியுள்ள கடையநல்லூர், தென்காசி போன்ற பகுதிகளில் வேறு மதத்தினர் என்று பார்க்கும்போது முஸ்லிம்களே அதிகம் இருந்தனர். அவர்களும் முன்பு தலித்துகளாக இருந்து மதம் மாறியவர்கள்தான். அவர்களுக்குக் கிடைக்கும் மரியாதையை இவர்கள் கவனித்தார்கள். இது அவர்களுக்கு ஒரு உந்துதலைத் தந்திருக்கலாம்.
இரண்டாவதாக, அம்பேத்கர் மதம் மாறும்போது பௌத்தம் இடஒதுக்கீடு கிடைக்கக்கூடிய சமூகமாக அங்கீகரிக்கப்படவில்லை. பிற்படுத்தப்பட்டோர் அடுக்கில்தான் வைக்கப்பட்டிருந்தது. ஆனால், இன்று பௌத்தத்திற்கு மாறியவர்கள் 'புதிய பௌத்தர்கள்' என்று அழைக்கப்பட்டு, தாழ்த்தப்பட்டோர் பட்டியலில் அவர்களுக்கு இடம் கிடைக்கிறது. ஆனால், இஸ்லாத்திற்கு மாறினால் அப்படி ஒரு நிலை இல்லை. எனவேதான் இடஒதுக்கீடு உரிமையை இழந்தும் இஸ்லாத்தை ஏற்றுக்கொண்டார்கள்.
கே. மீனாட்சிபுரத்தில் இஸ்லாத்திற்கு மதம் மாறியவர்கள் பிற்படுத்தப்பட்டவர்களாகத்தானே கருதப்படுவார்கள்?
-------------
பதில்:
ஆமாம். அவர்கள் கல்வி, அரசுப் பணிகளில் வேலைவாய்ப்பு, அதற்கான இட ஒதுக்கீடு ஆகியவற்றைப் பற்றி கவலைப்படவில்லை. மனிதன், மனிதனாக வாழ வேண்டும். சமூக மதிப்புதான் முக்கியம் என நினைத்தார்கள்.
கே. இந்த மதமாற்றம் நடந்தபோது அரசும் தமிழக அரசியல் கட்சிகளும் எப்படி நடந்துகொண்டன?
-------------
பதில்:
அரசு எப்போதுமே மதமாற்றத்திற்கு எதிராகத்தான் இருந்திருக்கிறது. அப்போதைய முதல்வர் எம்.ஜி.ஆர். "இது அரபு நாட்டுப் பணம் செய்த வேலை" என்று சொன்னார். சில நாட்களுக்குப் பிறகு சட்டப்பேரவையில் விவாதம் நடந்தபோது பேசிய நாவலர் நெடுஞ்செழியன், "அவர்கள் சமூகக் கொடுமைகளால்தான் மாறினார்கள்" என ஒப்புதல் வாக்குமூலம் அளித்தார். மதம்மாறியவர்களை அதிகாரிகள் மிரட்டினார்கள். சம்பவம் நடந்தவுடனேயே பா.ஜ.க. தலைவரான வாஜ்பேயி அங்கு சென்றார்.
அப்போது இந்திரா காந்தி பிரதமராக இருந்தார். காங்கிரஸ் சார்பில் மத்திய அமைச்சர் யோகேந்திர மக்வானா அங்கு சென்றார். தமிழக காங்கிரஸ் கமிட்டியின் சார்பில் அப்போதைய தலைவரான இளைய பெருமாள் சென்றார். பிற கட்சிகள் ஏதும் இது குறித்து பெரிதாக அலட்டிக்கொள்ளவில்லை. ஆனால், இந்து அமைப்புகளான ஆர்.எஸ்.எஸ்., விஸ்வஹிந்து பரிஷத், ஆரிய சமாஜம் போன்ற அமைப்புகள் மிகப் பெரிய யாகம் நடத்தி, அங்குள்ள மக்களுக்கு பள்ளிக்கூடங்களைக் கட்டித்தருகிறோம், கழிப்பறைகளைக் கட்டித்தருகிறோம் என்றெல்லாம் ஆசைகாட்டினார்கள். அப்போது அவர்கள் கட்டிக்கொடுத்த பள்ளிக் கட்டடம் இப்போதும் இயங்கிவருகிறது.
அம்பேத்கர் லட்சக்கணக்கானவர்களோடு மதம் மாறியபோது இந்திய அளவில் பெரிய அதிர்ச்சி ஏற்பட்டது. ஆனால், இந்து மதத் தலைவர்கள் யாரும் அங்கே போகவில்லை. இங்கே பெரிய, பெரிய தலைவர்கள் வந்து இறங்கினார்கள். பேரணி நடத்தினார்கள். பன்பொலியிலிருந்து மீனாட்சிபுரம் வரை ஒன்றரை கிலோ மீட்டர் தூரத்திற்கு வாஜ்பேயி நடந்தே சென்றார். மறு மதமாற்றத்திற்கும் முயற்சித்தார்கள். எல்லா வசதிகளையும் செய்து தருவதாகச் சொன்னார்கள். ஆனால், மதம் மாறிய 180 குடும்பங்களைச் சேர்ந்தவர்கள் யாரும் இந்து மதத்திற்கு மீண்டும் திரும்பவில்லை. மீண்டும் மதம் மாறிய சம்பவத்தை வைத்து கருப்பாயி என்று புத்தகம் வந்ததாகச் சொல்லப்படுகிறது. ஆனால், உண்மையில் யாரும் திரும்பவும் இந்து மதத்திற்கு மாறவில்லை.
கே. பிறகு எப்படி மதம் மாறியவர்களில் சிலர் மீண்டும் இந்து மதத்திற்குத் திரும்பியதாக பேச்சுகள் அடிபடுகின்றன?
-------------
பதில்:
என்ன நடந்ததென்றால் முதலில் 200 குடும்பங்கள் மதம் மாற முடிவுசெய்தனர். ஆனால், மதமாற்றம் நிகழ்ந்த தினத்தன்று 180 குடும்பத்தினர் மட்டுமே நிகழ்வில் பங்கேற்று மதம் மாறினர். 20 குடும்பங்கள் பின்வாங்கிவிட்டனர். இந்த 180 குடும்பங்களில் இருந்து யாரும் மீண்டும் இந்து மதத்திற்குத் திரும்பவில்லை. ஆனால், திருமண உறவு என்று வரும்போது மதம் பார்க்காமல் சிலர் சம்பந்தம் செய்கிறார்கள். அப்போது தம்பதிகளில் ஒருவர் இந்துவாகவும் ஒருவர் முஸ்லிமாகவும் இருப்பார்கள். மதம் மாறியவரின் உறவினர்கள் இந்துவாக இருப்பார்கள். அவர்கள், மதம் மாறியவரை பழைய இந்துப் பெயரைச் சொல்லி அழைப்பார்கள். அவ்வளவுதான்.
தவிர, மதம் மாறியவர்களுக்குப் பிறந்த குழந்தைகள் பிறவி முஸ்லிம்களாகிவிட்டார்கள். அவர்களுக்கு பழைய வரலாறு தெரியாது. அது குறித்த நினைவும் கிடையாது.
கே. புதிதாக மதம் மாறியவர்களோடு ஏற்கனவே இஸ்லாமியர்களாக உள்ளவர்கள் திருமண உறவுகளை மேற்கொள்கிறார்களா?
-------------
பதில்:
செய்கிறார்கள். ஆனால், அது பொருளாதாரத்தை அடிப்படையாக வைத்து நடக்கிறது. மிக வசதியான முஸ்லிம்கள் இவர்களோடு திருமண உறவு வைத்துக்கொள்ள மாட்டார்கள். நடுத்தர வசதியுள்ள முஸ்லிம்கள் செய்துகொள்கிறார்கள்.
கே. மதம் மாறிய குடும்பங்களின் பொருளாதாரம், சமூக நிலை மேம்பட்டிருக்கிறதா?
-------------
பதில்:
கூரை வீடு போட்டிருந்தவர்கள், ஓட்டுவீட்டில் இருக்கிறார்கள். ஓட்டுவீட்டில் இருந்தவர்கள் காரை வீட்டில் வசிக்கிறார்கள். 50 சதவீதம் பேருக்கு மேல் அரபு நாடுகளுக்கு வேலைக்குப் போயிருக்கிறார்கள். உமர் ஷரீஃப் என்பவர் பிரதான சாலையில் பெரிய வணிக வளாகத்தைக் கட்டியிருக்கிறார். இன்றும் அவர் பள்ளராக இருந்திருந்தால் இந்த நிலைக்கு அவரால் வந்திருக்க முடியாது.
என்னுடைய அறிக்கையில் இவர்களது பொருளாதார மேம்பாட்டைப் பற்றிக் குறிப்பிடும்போது, "There is no significant change in their economic conditions" என்றுதான் குறிப்பிட்டிருக்கிறேன். அதாவது பெரிய அளவில் பொருளாதார மாற்றமில்லை எனச் சொல்லியிருக்கிறேன். யாரும் பெரிய தொழிலதிபராக வரவில்லை. கணிசமான எண்ணிக்கையில் விவசாயத் தொழிலாளர்களாக இருக்கிறார்கள். வீடு மாறியிருக்கிறது. உணவு மாறியிருக்கிறது. வெளிநாடுகளுக்கு போகிறார்கள். அவ்வளவுதான்.
அதேவேளையில் அவர்களை அழுத்திக்கொண்டிருந்த சமூக அடக்குமுறையிலிருந்து தற்போது விடுபட்டிருக்கிறார்கள் என்பது உறுதிப்படுத்தப்பட்ட உண்மை.
கே. அந்தத் தருணத்தில் தமிழகத்தில் இருந்த தலித் அமைப்புகளின் நிலைப்பாடு என்னவாக இருந்தது?
-------------
பதில்:
இப்போது இருப்பதைப் போன்ற சூழல் 35 ஆண்டுகளுக்கு முன்பாக இல்லை. தலித் இளைஞர்கள், அம்பேத்கர் இயக்கங்களில் செயல்பட்டவர்கள்தான் மத மாற்றத்திற்கான பணிகளை மேற்கொண்டவர்கள். திருநெல்வேலியில் இதற்கென ஒரு சபை இருக்கிறது. அது இஷா அத்துல் சபை. முன்பு நான் குறிப்பிட்ட தங்கராஜ் என்பவர் மறவர் இனப் பெண் ஒருவரை கேரளாவுக்கு அழைத்துச் சென்று, மதம் மாறி திருமணம் செய்து திரும்பிவந்தார். அவர்தான் முதன் முதலாக தனிநபராக மதம் மாறியவர். மதம் மாறிய பிறகு யூஃசுப் எனப் பெயர் சூட்டிக்கொண்டார்.
இதையெல்லாம் பார்த்த தலித் இளைஞர்கள் தாங்களும் எப்படி மதம் மாறுவது என யோசித்தபோது இஷா அத்துல் சபையை அணுகினார்கள். அவர்கள் முதலில் மறுத்துவிட்டார்கள். மீண்டும் மீண்டும் அவர்களைச் சந்தித்து, மதம் மாற விரும்பும் குடும்பங்களின் பெயர்ப் பட்டியலைத் தந்து சம்மதிக்கச் செய்தார்கள். பிறகு அவர்களும் மீனாட்சிபுரத்திற்கே வந்து, மதம் மாறிவிரும்பும் குடும்பங்களிடம் பேசி, அவர்கள் உறுதியாக இருக்கிறார்களா என்பதைத் தெரிந்துகொண்டார்கள்.
இதெல்லாம் நடந்தபோது, காங்கிரஸ் கட்சித் தலைவர் இளையபெருமாள் அவர்களைத் தவிர வேறு யாரும் தலித் தலைவர்கள் அங்கு சென்றதாகத் தெரியவில்லை.
கே. இந்த மத மாற்றம் அரசியல் ரீதியாக அவர்களை உயர்த்தியதா?
-------------
பதில்:
அப்படிச் சொல்ல முடியாது. எந்தக் கட்சியிலும் மாவட்டத் தலைவராகவோ மாநிலப் பொறுப்பாளராகவோ, சட்டமன்ற உறுப்பினராகவோ யாரும் ஆகவில்லை. ஆனால், ஒரு பெரிய சமூகத்தோடு இணைந்ததால் அச்சுறுத்தல் இல்லை.
கே. அவர்கள் வாக்களிக்கும்போது தங்களை என்னவாகக் கருதி வாக்களிக்கிறார்கள்?
-------------
பதில்:
அவர்கள் தங்களை இஸ்லாமியராகக் கருதித்தான் வாக்களிக்கிறார்கள். அவர்களுடைய உறவினர்கள் என்று வரும்போது ஒருவேளை தங்கள் பழைய சமூககூறுகளோடு அடையாளப்படுத்திக் கொள்ளலாம்.
கே. இந்த மத மாற்ற சம்பவத்திற்குப் பிறகு அங்குள்ள தலித் மக்களைப் பற்றிய அரசாங்கத்தின் பார்வை மாறியிருக்கிறதா?
-------------
பதில்:
முன்பைப்போல அரசின், அரசு அதிகாரிகளின் அத்துமீறல்கள் அங்கு நடப்பதில்லை. இந்த சம்பவத்திற்குப் பிறகும் இதற்கு ஒரு ஆண்டுக்குப் பிறகு நடைபெற்ற மண்டைக்காடு கலவரத்திற்குப் பிறகும் நியமிக்கப்பட்ட நீதியரசர் வேணுகோபால் கமிஷன், கட்டாய மதமாற்றத்தை தடை செய்யும் சட்டத்தை பரிந்துரைத்தது. அதன் அடிப்படையில்தான் கட்டாய மத மாற்றத் தடைச் சட்டத்தை ஜெயலலிதா கொண்டுவந்தார். இது மீனாட்சிபுர சம்பவத்தின் எதிரொலிதான்.

நாட்டுக்காகவே இதுவரை, குரல் கொடுத்தேன் - ஞானசார

நாட்டுக்காக தியாகங்களை செய்யும்போது பல சவால்களை எதிர்கொள்ள வேண்டிய நிலைமை தோற்றம் பெறும் என பொதுபல சேனா அமைப்பின் பொது செயலாளர் ஞானசார தேரர் தெரிவித்தார்.

ஸ்ரீ ஜயவர்தனபுர வைத்தியசாலையில் சிகிச்சை பெற்று வந்த ஞானசார தேரர், அங்கிருந்து சிறைச்சாலை வைத்தியசாலைக்கு இன்று இட மாற்றப்படும்போதே அவர் மேற்கண்ட கருத்தினை கூறியுள்ளார்.

மேலும் நாட்டுக்காகவே நான் இதுவரையில் குரல் கொடுத்து வந்தேன். தீர்ப்புக்களை வழங்கும்போது கடந்த கால விடயங்களையும் நினைவுபடுத்தி பார்க்க வேண்டும் என்று அவர் இதன்போது சுட்டிக்காட்டினார்.

காணிப் பிரச்சினைக்காக, தாயை கொன்ற மகன் - வீரகெட்டியவில் சம்பவம்

பெற்ற தாயை கழுத்தை நெறித்து கொலை செய்த சம்பவம் தொடர்பாக உயிரிழந்தவரின் மூத்த மகனை வீரகெட்டிய பொலிஸார் இன்று கைது செய்துள்ளனர்.

வீரகெட்டிய - ஹக்குருவெல பிரதேசத்தை சேர்ந்த 33 வயதான நபரே இவ்வாறு கைது செய்யப்பட்டுள்ளார்.

உயிரிழந்த பெண்ணின் இறுதிக்கிரியைகள் ஹக்குருவெலவில் நேற்று நடைபெற்றுள்ளது. மரணம் தொடர்பில் சந்தேகம் ஏற்பட்ட ஒருவர், நேற்றைய தினம் வீரகெட்டிய பொலிஸ் நிலையத்தில் தொலைபேசி மூலம் சந்தேகத்தை தெரியப்படுத்தியுள்ளார்.

இதற்கு அமைய விசாரணைகளை நடத்திய பொலிஸ் அதிகாரிகள் வலஸ்முல்ல நீதவான் நீதிமன்றத்திற்கு அறிவித்துள்ளனர்.

ஹம்பாந்தோட்டை சட்ட வைத்திய அதிகாரி மூலம் அறிக்கை ஒன்றை பெற்றுக் கொள்ளுமாறு நீதவான் நீதிமன்றம் வழங்கிய உத்தரவுக்கு அமைய பொலிஸ் அதிகாரிகள் சட்ட வைத்திய அறிக்கையை பெற்றுக் கொண்டுள்ளனர்.

சம்பவம் தொடர்பான மேலதிக விசாரணைகளை மேற்கொண்ட வீரகெட்டிய பொலிஸார் உயிரிழந்த பெண்ணின் மூத்த மகனை கைது செய்துள்ளனர். இந்த நபர் பொலிஸாரிடம் வழங்கிய வாக்குமூலம் முன்னுக்குபின் முரணாக இருந்துள்ளளது.

இதனையடுத்து மேலும் விசாரணைகளை மேற்கொண்ட அதிகாரிகள், உயிரிழந்த பெண் சமையல் அறையில் உட்கார்ந்து சமைத்துக் கொண்டிருந்த போது, பெண்ணின் மூத்த மகன், பெண்ணை தாக்கி, அவரது கழுத்தை நெறித்து கொலை செய்ததை கண்டறிந்துள்ளனர்.

சம்பவத்தை நேரில் பார்த்த பெண்ணின் இளைய மகன், பொலிஸாரிடம் இது சம்பந்தமாக சாட்சியமளித்துள்ளதாக பொலிஸார் தெரிவித்துள்ளனர்.

இதேவேளை காணி பிரச்சினை காரணமாக சந்தேக நபர் தனது தாயை இவ்வாறு கொலை செய்துள்ளதாகவும் விசாரணைகளில் தெரியவந்துள்ளது.

'ராஜபக்சவின் தீய வட்டம்' என்றால் என்ன..?

முன்னாள் ஜனாதிபதி மகிந்த ராஜபக்ச தனது ஒரு தசாப்த கால தீய வட்டத்தை மீண்டும் கொண்டு வர முயற்சித்து வருவதாக தேசிய மக்கள் சபையின் ஒருங்கிணைப்பாளர் சமீர பெரேரா தெரிவித்துள்ளார்.

கொழும்பில் இன்று -30- நடைபெற்ற ஊடகவியலாளர் சந்திப்பில் அவர் இதனை கூறியுள்ளார். அவர் மேலும் தெரிவிக்கையில்,

செப்டம்பர் 5 ஆம் திகதி ராஜபக்ச தரப்பினர் அல்லது கூட்டு எதிர்க்கட்சியினர் கொழும்பில் ஆர்ப்பாட்டம் நடத்தவுள்ளனர். இந்த எதிர்ப்பு ஆர்ப்பாட்டம் சம்பந்தமாக கருத்துக்கள் வெளியிடப்பட்டு வருகின்றன.

இந்த ஆர்ப்பாட்டம் காரணமாக பொதுமக்கள் கஷ்டங்களுக்கு உள்ளாவார்கள் என நாடாளுமன்ற உறுப்பினர் உதய கம்மன்பில தெரிவித்துள்ளார். முழு கொழும்பு நகரமும் செயலிழக்கும். கொழும்பு நகரம் விடுமுறை தினம் போல் இருக்கும். மக்கள் கஷ்டங்களை அனுவிப்பார்கள் என கம்மன்பில கூறியுள்ளார்.

உதய கம்மன்பில கூறியது உண்மையே. மகிந்த ராஜபக்ச எந்த வேலையை செய்தாலும் அது பொது மக்களுக்கு கஷ்டம்தான். கடந்த ஒரு தசாப்தமாக மகிந்த ராஜபக்ச பொதுமக்களை கஷ்டங்களுக்கே உள்ளாகினார்.

இதனால், உதய கம்மன்பில இதனை புதிதாக கூறவேண்டியதில்லை. கடந்த ஒரு தசாப்த காலத்தில் மகிந்த ராஜபக்சவின் செயல்கள், வேலைத்திட்டங்கள் அனைத்து மக்களுக்கு கஷ்டங்களை கொடுப்பதாக இருந்தன மக்கள் பீதியடைந்தனர்.

இதனை நாங்கள் ராஜபக்ச தீய வட்டம் என்று கூறுகிறோம். ராஜபக்சவின் தீய வட்டத்திற்குள் கடந்த ஒரு தசாப்த காலத்தில் மக்கள் சிக்கிக்கொண்டனர். அந்த தீய வட்டத்தை மீண்டும் கொண்டு வரவே முயற்சித்து வருகின்றனர்.

மகிந்த ராஜபக்ச அதிகாரத்தை கையில் எடுப்பதே தீய வட்டம், அதிகாரத்தை கைப்பற்றுவார், கைப்பற்றிய பின்னர் சீனாவிடம் கடன் வாங்குவார். அதன் பின்னர் கடனை செலுத்த வரியை அறவிடுவார். மக்கள் வரியை செலுத்துவார்கள்.

வரிப் பணத்தில் மகிந்த ராஜபக்சவுக்கு கமிஷன் கிடைக்கும். அந்த பணத்தை தனக்கு கீழ் உள்ளவர்களிடம் வழங்குவார். அதனை பயன்படுத்தி உணவு, குடிப்பானங்களை கொடுத்து மக்களை கொழும்புக்கு அழைத்துவர செய்வார்.

மக்களை கொழும்புக்கு அழைத்து வந்து மீண்டும் அதிகாரத்தை கைப்பற்ற முயற்சிப்பார். இதுதான் மகிந்த ராஜபக்சவின் தீய வட்டம். கடந்த காலங்களில் கமிஷன் பணமாக மகிந்தவுக்கு 7 மில்லியன் டொலர்கள் கிடைத்ததாக ஊடகங்களில் செய்திகள் வெளியாகின. இதனை செலவிட்டு மக்களை கொழும்புக்கு அழைத்து வருவார்கள்.

தனது தீய வட்டத்தில் இருந்து மக்கள் மீள முயற்சித்த போது, மகிந்த ராஜபக்ச தனது அதிகாரத்தை பயன்படுத்தி ஆட்களை கடத்தினார் அல்லது தாக்கினார் அல்லது கொலை செய்தார், சிறையில் அடைத்தார்.

அனைத்தையும் முற்றிலும் தரை மட்டமாக்கினார். இதுதான் மகிந்த ராஜபக்ச கடந்த தசாப்தத்தில் மக்களுக்கு கொடுத்த கஷ்டம். இவற்றில் இருந்து மீள முயற்சித்த கீத் நொயார் தாக்கப்பட்டார், லசந்த விக்ரமதுங்க கொலை செய்யப்பட்டார்.

பிரகீத் எக்னேலிகொட கடத்திச் செல்லப்பட்டு காணாமல் ஆக்கப்பட்டார். மக்கள் கொலை செய்யப்பட்டனர் அல்லது தாக்கப்பட்டனர். மகிந்த ராஜபக்சவின் அழுத்தங்களில் இருந்து விடுபட நினைத்தவர்களுக்கு இப்படியான பதில்களே வழங்கப்பட்டன.

உதய கம்மன்பில உண்மையை கூறியுள்ளார். உதய கம்மன்பில அரசியலுக்கு புதியவர் என்பதால், தாம் என்ன செய்ய போகிறோம் என்ற உண்மையை கூறியுள்ளார் எனவும் சமீர பெரேரா குறிப்பிட்டுள்ளார்.

மரண தண்டனை கைதிக்கு, பேஸ்புக் கணக்கு - விசாரிக்குமாறு நீதிமன்றம் உத்தரவு

இரத்தினபுரியில் மூன்று பேரை கொலை செய்த வழக்கில் மரண தண்டனை விதிக்கப்பட்டுள்ள சப்ரகமுவ மாகாண சபையின் முன்னாள் உறுப்பினர் சர்பயா (பாம்பு) என்ற ஹசித சமந்த முஹாந்திரம் என்பவரின் முகநூல் கணக்கு தொடர்ந்தும் புதுப்பிக்கப்படுவது குறித்து ஆராய்ந்து அறிக்கை ஒன்றை வழங்குமாறு கொழும்பு மேல் நீதிமன்றம், சிறைச்சாலை அத்தியட்சகருக்கு இன்று உத்தரவிட்டுள்ளது.

அந்த அறிக்கையை தனிப்பட்ட ரீதியில், நீதிமன்றத்தில் தாக்கல் செய்யுமாறு நீதிபதி சம்பா ஜானகி ராஜரத்ன உத்தரவிட்டுள்ளார்.

அத்துடன் இந்த முகநூல் கணக்கு தொடர்பான விசாரணை ஒன்றை நடத்தி, அது எங்கிருந்து பதிவேற்றம் செய்யப்படுகிறது என்பது பற்றிய அறிக்கையை வழங்குமாறும் நீதிபதி, குற்றப் புலனாய்வு திணைக்களத்தின் பணிப்பாளருக்கு உத்தரவிட்டுள்ளார்.

கடந்த 1999 ஆம் ஆண்டு செப்டம்பர் 9 ஆம் திகதி சப்ரகமுவ மாகாண முன்னாள் அமைச்சர் ரஞ்சித் நந்தசிறி, அவரது சாரதி உட்பட மூன்று பேரை கொலை செய்த குற்றத்திற்காக முன்னாள் மாகாண சபை உறுப்பினர் ஹசித சமந்த முஹாந்திரத்திற்கு மேல் நீதிமன்றம் மரண தண்டனை விதித்தது.

முஸ்லிம்களிடம் ஆயுதங்களா..? முக்கிய தலைவர்களிடம் ஹிஸ்புல்லாஹ் விடுத்துள்ள கோரிக்கை

விடுதலைப் புலிகளிடம் இருந்த ஆயுதங்களை கொள்வனவு செய்து முஸ்லிம் இளைஞர்களுக்கு வழங்கியதாக தன் மீது சுமத்தப்பட்டுள்ள குற்றச்சாட்டை முற்றாக நிராகரித்த நெடுஞ்சாலைகள் மற்றும் வீதி அபிவிருத்தி இராஜாங்க அமைச்சர் கலாநிதி எம்.எல்.ஏ.எம்.ஹிஸ்புல்லாஹ், இந்த விடயம் தொடர்பில் முறையான  தீவிர விசாரணையொன்று மேற்கொள்ளுமாறு அரசாங்கத்திடம் கோரிக்கை விடுத்தார். 

இதேவேளை, இக்குற்றச்சாட்டின் பின்னணியில் தேச விரோத, இனவாத சக்திகள் செயற்படுவதாகவும் இதனால் தனது பாதுகாப்புக்கு அச்சுறுத்தல் ஏற்பட்டுள்ளதாகவும் அவர் மேலும் குறிப்பிட்டுள்ளார். 

ஜனாதிபதி மைத்திரிபால சிறிசேன, பிரதமர் ரணில் விக்கிரமசிங்க, சபாநாயகர் கரு ஜயசூரிய, சட்டம் ஒழுங்கு அமைச்சர் ரஞ்சித் மத்தும பண்டார மற்றும் பொலிஸ் மா அதிபர் பூஜித ஜயசுந்தர ஆகியோருக்கு இராஜாங்க அமைச்சர் ஹிஸ்புல்லாஹ் இன்று வியாழக்கிழமை அனுப்பி வைத்த விசேட கடிதத்திலேயே மேற்கண்டவாறு தெரிவிக்கப்பட்டுள்ளது.  

அதில் மேலும் கூறப்பட்டுள்ளதாவது:- 

‘புனர்வாழ்வளிக்கப்பட்ட தமிழ் விடுதலைப் புலிகள் கட்சி 2018.08.18ஆம் திகதி கொழும்பில் நடத்தியிருந்த ஊடகவியலாளர் சந்திப்பில் அதன் தலைவர் இன்பராசா கந்தசாமி முன்வைத்த கருத்துக்கள் எவ்வித ஆதாரமும் அற்ற, பாராதூரமான போலிக் குற்றச்சாட்டாகும்.  

விடுதலைப் புலிகளிடம் இருந்த 5ஆயிரத்துக்கும் அதிகமான ஆயுதங்களை நானும் அமைச்சர் ரிஷாட்; பதியூதீனும் பெற்று அதனை கிழக்கு மாகாணத்திலுள்ள மூதூர், கிண்ணியா, காத்தான்குடி உள்ளிட்ட முஸ்லிம் பிரதேசங்களில் உள்ள இளைஞர்களுக்கு வழங்கியதாக தெரிவித்திருந்தார். 

இந்த குற்றச்சாட்டை நான்  முற்றாக நிராகரிப்பதோடு, ஊடகவியலாளர் சந்திப்பொன்றில் இவ்வாறான போலிக் குற்றச்சாட்டொன்றை முன்வைத்தமை தொடர்பில் தீர விசாரணை நடத்தப்பட வேண்டும். அத்துடன், அவ்வாறு ஆயுதங்கள் இருக்குமாயின் அது எங்குள்ளது? விற்பனை செய்யப்பட்டுள்ளதாயின் அது யாருக்கு? எப்போது? எவ்வாறு? விற்பனை செய்யப்பட்டுள்ளது போன்ற தகவல்களை வெளிப்படுத்த வேண்டும்.  

இவ்வாறான போலிக் குற்றச்சாட்டுக்கள் காரணமாக சிங்கள, தமிழ் மற்றும் முஸ்லிம் மக்கள் மத்தியில் எழுந்துள்ள சந்தேகங்கள் எனது கௌரவத்துக்கு பாதிப்பை ஏற்படுத்தியுள்ளது. அத்துடன், எனது பாதுகாப்புக்கும் அச்சுறுத்தலாக அமைந்துள்ளது. 

இக்குற்றச்சாட்டின் பின்னணியில் தேச விரோத, இனவாத சக்திகள் செயற்படலாம். நாட்டின் அமைதியை சீர்குழைத்து சாதாரண மக்களை குழப்பி நாட்டில் மீண்டுமொரு யுத்த சூழலை ஏற்படுத்துவதே குறித்த சக்திகளின் எதிர்பார்ப்பும் - முயற்சியுமாகும். 

இதேவேளை, புனர்வாழ்வளிக்கப்பட்ட விடுதலைப் புலிகள் கட்சி முன்வைத்த போலிக் குற்றச்சாட்டினை  பெரிதுபடுத்தும் வகையில் தேசிய சுதந்திர முன்னணி, ராவன்னா பலய, தேசிய ஒறுங்கமைப்பு ஒன்றியம் மற்றும் சிங்கள ராவய போன்ற அமைப்புக்களும் - கட்சிகளும் நடாத்திய ஊடகவியலாளர் சந்திப்புக்களினாலும் எனது நற்பெயருக்கு கலங்கம் ஏற்பட்டுள்ளது. 

எனவே, இது சம்பந்தமாக சட்டம் ஒழுங்கு அமைச்சின் ஊடாக முறையான தீவிர விசாரணையொன்று நடத்தப்பட வேண்டும். அத்துடன், இவ்வாறு போலிக் குற்றச்சாட்டு முன்வைத்த தரப்பை தீர விசாரிப்பதோடு, தேசிய பாதுகாப்புக்கு அச்சுறுத்தலான இவ்வாறான பிரச்சாரங்களை செய்வதற்கு பின்னணியில் இருந்து செயற்பட்டவர்கள் யார் ? என்பது தொடர்பிலும் விசாரணை மேற்கொள்வது அத்தியவசியமாகும். இது தொடர்பில் மேற்கொள்ளும் விசாரணைக்கு எனது பூரண ஒத்துழைப்பினை வழங்குவேன் - என குறித்த கடிதத்தில் தெரிவிக்கப்பட்டுள்ளது.

இன்பராசாவுக்கு எதிராக, கிண்ணியா பொலீஸில் முறைப்பாடு


புனர் வாழ்வளிக்கப் பட்ட முன்னாள்  விடுதலைப் புலி உறுப்பனர் இன்பராசா என்பவரால் நடாத்தப் பட்ட ஊடக சந்திப்பொன்றில் காத்தான்குடி, மூதூர், கிண்ணியா ஆகிய பிரதேசங்களில் வாழும்  முஸ்லீம்களிடம் விடுதலைப் புலிகளின் 5000 க்கும் மேற்பட்ட ஆயுதங்கள் இருப்பதாகவும், அதனால் இந் நாட்டு சிங்கள, தமிழ் மக்களுக்கு அச்சுறுத்தல் இருப்பதாகவும் கூறிய சம்பவம் ஒரு சில தினங்களுக்கு முன்னர் சமூக வலைத்தலங்களில் உலா வந்ததை நாம் அறிவோம்.

உண்மைக்குப் புறம்பான இவ்விடயம் குறிப்பிட்ட பிரதேச மக்களை மாத்திரம் அன்றி இந் நாட்டு முஸ்லீம்கள் அனைவரின் உள்ளங்களை மிகவும் புன்படுத்தியுள்ளதோடு இம்முஸ்லீம்களுக் கெதிராக ஏதும் திட்டமிட்ட சதி ஒன்று அரங்கேற்றப் படலாம் என்ற அச்சத்தையும் ஏற்படுத்தியுள்ளது. 

 எனவே இவ்வாறான சதிகாரர்களுக் கெதிராக எமது அரசும் பொலீஸாரும் உரிய சட்ட நடவடிக்கை எடுக்க வேண்டும் என கேட்டுக் கொண்டு இன்று கிண்ணியா பொலீஸ் நிலையத்தில் ACMC கட்சியின்  கிண்ணியா நகரசபை உறுப்பினர் மஹ்தியினால்   அது குறித்த முறைப்பாடு இன்று (2018.08.30) செய்யப்பட்டது.


அபாயா அணிந்தது ஏன்..? கைதான இளைஞனின் விசித்திர வாக்குமூலம்


முஸ்லிம் பெண்கள் அணியும் ஹபாயா ஆடையுடன் அலைந்து திரிந்த ஆண் ஒருவரை பொலிஸார் நேற்று கைது செய்திருந்தனர்.

என்ன காரணத்திற்காக உடலை முழுமையாக மறைக்கும் ஆடையுடன் ஆண் ஒருவர் திரிந்தார் என பொலிஸார் விசாரணை நடத்தியுள்ளனர்.

இது தொடர்பான தகவல்களை தற்பொது வெலிக்கடை பொலிஸார் வெளியிட்டுள்ளனர்.

வெலிக்கடை ப்லாஸா பொது சந்தை கட்டட தொகுதிக்கு அருகில் நின்ற நிலையில் குறித்த நபர் நேற்று கைது செய்யப்பட்டார்.

முச்சக்கர வண்டியில் வந்த இந்த நபர் தொடர்பில் சந்தேகம் ஏற்பட்டமையினால் அவர் கைது செய்யப்பட்டார்.

முச்சக்கர வண்டி சாரதி வழங்கிய தகவலுக்கு அமைய சோதனையிட்ட போது அவர் ஆண் என தெரியவந்துள்ளது.

குறித்த நபர் பலரிடம் கடன் வாங்கிய நிலையில் அதனை செலுத்த முடியாத நிலையில் இருந்தமையினால் இவ்வாறு மறைந்து வாழ்ந்து வந்துள்ளார்.

போதைப்பொருள் குற்றவாளிகளுக்கு இலக்கு வைத்து மேற்கொண்ட விசாரணையில் இந்த நபர் சிக்கிக் கொண்டதாக பொலிஸார் தெரிவித்துள்ளனர்.

Newer Posts Older Posts Home