ஆதம் மலையும், இலங்கை முஸ்லிம்களின் இருப்பும்...!

உலகின் எப்பாகத்திலும் வசிக்கும் மக்களுக்குக் கிடைக்காத ஒருபாக்கியம் இலங்கையில் வாழும் மக்களுக்குக் கிடைத்திருக்கின்றது, அதுதான் இறைவனால் படைக்கப்பட்ட முதல் மனிதனான ஆதம்( ADAM) இலங்கைக்கு இறக்கப்பட்டமையாகும், குறிப்பாக இலங்கை முஸ்லிம்கள் தமது இருப்பு தொடர்பான பூர்வீக அடிப்படைக்கான மூலக்காரணியான  ஆதம் மலை, (Adams peak)  யையும், அதன் வரலாற்றையும்,  பாதுகாப்பது  பற்றிய பதிவே இதுவாகும்.

அறிமுகம்...

ஆதம்மலை , சிவனொளிபாதமலை, சிறீ பாத  என்ற பெயர்களைக்கொண்ட இம்மலை  இரத்தினபுரி யில் இருந்து 40 KM ல் உள்ளது, 2243 அடி உயரத்தைக் கொண்ட இதன் சிகரத்தில் 5அடி நீளமும்,2அரை அடி அகலமும் கொண்ட கால் தடம் காணப்படுகின்றது, இது பல்லாயிரம் ஆண்டுகள் பழைமையானது என மதிப்பிடப் படுகின்ளது, December - April வரையான காலப்பகுதியில்,  தரிசிக்கக்கூடிய இடமாகவும், பின்னர், இதன். சிகரம் மேகங்களிடையே  மறைந்து விடும் இடமாகவும் உள்ளது

சமய நோக்கு..

இந்துக்கள் ,இது சிவனின் பாதம் எனவும், பௌத்தர்கள் புத்தர் இலங்கைக்கு தனது 3வது வருகையின் போது உருவானது எனவும், கிறிஸ்தவர்களும், முஸ்லிம்களும். ஆதமுடையது எனவும் நம்புகின்றனர், தமது நம்பிக்கையின் பிரகாரம் புனிதபயணங்களிலும், கிரிகைகளிலும் ஈடுபடுகின்றனர். இவ்வாறான தடயங்கள், இந்தியாவின் லோபாக்சி,மலேசியா,தாய்லாந்து,சிரியா,போன்ற நாடுகளிலும் காணப்படுகின்றது.

முஸ்லிம் இருப்பும் ,ஆதமலையும், ...

இலங்கை முஸ்லிம்கள் இந் நாட்டில் வாழ்ந்ததற்கான தமது புராதனத்தை நிறுவுவதற்கான மிகப் பிரதானமான  வரலாற்றுச் சின்னம், இதுவாகும், இலங்கை முஸ்லிம்கள் சர்வ தேச பிரபலமும், அடையாளமும் பெறுவதற்கு  வரலாற்றின் மிக நீண்ட  காலத்தில் இருந்தே இம் மலையும், பாதச் சிகரமும் மிகவும் செல்வாக்குச் செலுத்தியுள்ளன. என்பது மிகப் பலமான ஆதாரமாகும்.

வரலாற்றுப் பதிவுகள்......

இலங்கையை நாடி நாடுகாண் பயணிகளும், ,மன்னர்களும், இறை நேசர்களும்  வந்து சென்றதற்கான அடிப்படையாக அமைந்த்து ,இம்மலைப் பிரதேசமாகும், முஹிதீன் அப்துல் காதிர் ஜீலானி(றஹ்), சாஹூல் ஹமீது வலி யுள்ளாஹ் போன்றோர் இலங்கை வந்த்தற்கான காரணங்களில் பிரதானமானது, இம் மலையும், ஆதமின் பாதமுமாகும்.

,SEYLLAN - (சுவர்க்கம்)  என அறபுக்களால் அழைக்கப் பட்ட இலங்கைக்கு  முஸ்லிம் நாடுகாண் பயணியான இப்னு பதூதா (Ibn Batuta- 1304-1368) தனது இலங்கைக்கான   விஜயத்தினை  கி. பி. 134 4ல் மேற்  கொண்ட  போது இது பற்றிய பல குறிப்புக்களைக் கூறியுள்ளார், அது போல், Marco Polo(1254- 1324)  அவரது வருகை,  குறிப்புக்களும்,மற்றும் , Alexander ( 365- 323 BC) மன்னன் போன்றோரும் இங்கு  வந்ததாக கருதப்படுகின்றது, 

இப்னு பதூதாவின் குறிப்புக்கள்..

இப்னு பதூதா இப்பிரதேசம் பற்றி பல முக்கியமான பதிவுகளை இட்டுச் சென்றுள்ளார், அதில் அவர் இவ்விடம் முஸ்லிம்களாலும், ஏனையோராலும்,  புனிதமாக்க் கருதப்படுகின்ற அதே வேளை, உலக அறபுக்கள் இப்பிரதேசத்தில்  சமய பயணத்திற்காகவும், இரத்தினக்கல் வியாபாரத்திற்காகவும்,  அடிக்கடி விஜயம் செய்து வருவதாக, குறிப்பிட்டுள்ளார். அதே வேளை, இங்கு" பக்கீர்" எனும் சமயத் தியானிகள் தங்கி  ஆழ்ந்த தியானத்தில் ஈடுபட்டுள்ளதாகவும் கூறியுள்ளார்,  

இது பற்றிய ஆய்வுகளில் ஈடுபட்டு வரும், Prof,MSM ANES. அவர்களின் ஆய்வுகளும் இதனை  உறுதிப் படுத்துகின்றன, இன்னும் சில பதிவுகளின் படி, இம்மலை அடிவாரத்திலும், உச்சியிலும்,  பிரபலமான இறை நேசர்களின், சியாறங்கள் இருந்த்தாகவும்,  ஆதார பூர்வமான   பதிவுகளில் குறிப்பிடப் படுகின்றது,  இந்த வகையில் நோக்கினால்  இலங்கையில் முஸ்லிம் பூர்விகத்தின் அடிப்படை ஆதம் மலை என்பதற்கான  அடிப்படைகள். உறுதியாக உள்ளன எனலாம்.

எங்கே தவறு   இடம்பெறுகிறது????

இலங்கை முஸ்லிம் வரலாற்று பூர்வீகத்திற்கான ஆதார மையங்கள் அனைத்தும் இருந்தும், அது பற்றிய தெளிவின்மையும், , சமய இயக்கக்   கருத்து வேறுபாடுகளுமே. அவற்றின் பெறுமானத்தை இல்லாமல் செய்துள்ளன என்ற முடிவுக்கு வரவேண்டி உள்ளது. இதற்கு நல்ல உதாரணம் ஆதம் மலையில் இருந்த " சியாறங்கள்" முஸ்லிம்களின் பராமரிப்பின்மையினால்,  இன்று,அழிந்து இல்லாமல்  போய் விட்டன.   அதே போல் முஸ்லிம்  இளம் தலை முறையினரிடையே இவை பற்றிய விளிப்புணர்வும், தெளிவும் போதியளவின்மையினால், குறித்த மலைக்கு செல்லும் முஸ்லிம்களின் எண்ணிக்கை மிகவும்  குறைவடைந்து, ஏனையோர் குறிப்பாக பௌத்தர்கள்  தமக்கான "ஏக உரிமை" பாராட்டுவதற்கான  வாய்ப்பு எம்மவர்களாலேயே ஏற்படுத்தப் பட்டதே மிகப் பெரிய தவறாகும், 

என்ன செய்யலாம்?...

உலக முஸ்லிம்களின் வரலாற்றுத் தலமான இப்பிரதேசத்தைப் பாதுகாக்கவும், பராமரிக்கவும்,  பின்வரும் வழி முறைகளை மேற்கொள்ள முடியும்., 

1). இவ் இடத்தின்  பெறுமானம் பற்றிய விழிப்புணர்வுகளை,சமூக நல அமைப்புக்கள் மூலம்  ஏற்பாடு செய்யலாம்.

2). புதிய நோக்கிலான  ஆய்வுகளை மேற்கொள்ளல்.அதற்கு உதவலாம், அவற்றினை சர்வ தேச ரீதியாக இணைத்தல்..

3). அறபு மதரஷாக்களில் இதன் வரலாற்றை பாடத் திட்டத்தில் இணைக்கலாம், 

4). அறபுக் கல்லூரி, மற்றும் ஏனைய மாணவர்களுக்கான  FIELD TRIP களை ஏற்பாடு செய்யலாம், 

5).  இதனோடு தொடர்பான சமய நல்லிணக்கத்திற்கான  யாத்திரைகளிலும், பேச்சுக்ளிலும், முஸ்லிம்களும் இணைந்து  செயற்படலாம்.

6).  சுற்றுலாப் பயணங்களை மேற் கொள்ளலாம்.

மேற்படி பூர்வீகங்களை மறந்து, அவற்றைப் பராமரிக்காமல்  விட்டதன் விளைவுகளே,  முஸ்லிம்களுக்கும், தமது வரலாறு தெரியாமலும்,  ஏனையோரும். அவை பற்றி அறிவதற்கான " தடயங்கள்" இல்லாததுமான சூழ் நிலை இன்று உருவாகி உள்ளது, ,  அதன் விளைவுகளே " பல சேனைகளும் , சி(வ)ல சேனைகளும்" முஸ்லிம்களை இந் நாட்டை  விட்டு வெளியேறச் சொல்லும் உடனடிக்  கோஷங்களின் பின்னால் உள்ளன. 

எனவேதான், சவூதிய, மற்றும் ஏனைய  மரபுகளை அழிக்கும், புறக்கணிக்கும், இயக்க வாத சிந்தனைகளை  ஒரு புறம் வைத்துவிட்டு, மரபுகளையும், இருப்புக்களையும், பாதுகாக்க அனைவரும்  முன்வர வேண்டும். இன்றேல் இலங்கையில் முஸ்லிம் இருப்பு என்பது எதிர் காலத்தில் இதனை விட மோசமான நிலையை அடையலாம்.

MUFIZAL ABOOBUCKER

SENIOR LECTURER 

DEPT, OF PHILOSOPHY

UNIVERSITY OF PERADENIYA