ஞானசாரர் சிறையிலிருந்து விடுதலை, 5 இலட்சம் ரூபாய் பெறுமதியான 2 சரீர பிணைகள், வெளிநாடு செல்லவும் தடை

6 மாதகால கடூழிய சிறைத் தண்டனை விதிக்கப்பட்டு, வெலிக்கடை சிறையில் தண்டனை அனுபவித்துவந்த கலகொட அத்தே ஞானசார தேரருக்கு பிணை வழங்கப்பட்டுள்ளது.

காணாமலாக்கப்பட்டுள்ள ஊடகவியலாளர் பிரகீத் எக்னெலிகொடவின் மனைவி, சந்தியா எக்னெலிகொடவை அச்சுறுத்தினார் மற்றும் நீதிமன்றத்தை அவமதிக்கும் வகையில் செயல்பட்டார் என்றக் குற்றச்சாட்டில் குற்றவாளியாக இனங்காணப்பட்டு, சிறைத்தண்டனை அனுபவித்துவரும் ஞானசார தேரரை,  ஹோமாகம நீதவான் நீதிமன்ற நீதவான் உதேஷ் ரணதுங்க இன்று -22- உத்தரவிட்டார்.

கடூழிய சிறைத்தண்டனை உத்தரவின் பிரகாரம், வெலிக்கடை சிறைச்சாலையில் தண்டனை அனுபவித்து வரும், பொதுபல சேனாவின் பொதுச்செயலாளர் கலகொட அத்தே ஞானசார தேரரினால் தாக்கல் செய்யப்பட்ட மேன்முறையீட்டு மனு, ஹோமாகம நீதவான் நீதிமன்றில் இன்று (22) விசாரணைக்கு எடுத்துக்கொள்ளப்பட்டது.

இதன்போதே, நீதவான் மேற்படி உத்தரவைப் பிறப்பித்துள்ளா்ர.

ஹோமாகம மேல்நீதிமன்றத்தில் கடந்த 15 ஆம் திகதி இந்த மேன்முறையீட்டு மனுவை கலகொட அத்தே ஞானசார தேரரின் சட்டத்தரணி தாக்கல் செய்திருந்தார்.

கடந்த 19 ஆம் திகதி இந்த மேன்முறையீட்டு மனு விசாரணைக்கு எடுத்துக் கொண்ட போது  சட்ட மா அதிபர் திணைக்களத்தின் அதிகாரிகள் வருகைதராதன் காரணமாக குறித்த மனு இன்று 22 ஆம் திகதி வரையில் ஒத்திவைக்கப்பட்டிருந்தமை குறிப்பிடத்தக்கது.