இறையில்லங்களை பதிவு செய்யுங்கள் - அப்படிச் செய்யாமையால் ஏற்பட்ட பாதிப்பு

இது­வரை காலம் வக்பு சபையில் பதி­வு­செய்து கொள்­ளப்­ப­டா­துள்ள பள்­ளி­வா­சல்­களைத் தாம­த­மின்றி பதி­வு­செய்து கொள்­ளும்­படி வக்பு சபை பள்­ளி­வாசல் நிர்­வா­கி­க­ளிடம் கோரிக்கை விடுத்­துள்­ளது.

கண்டி வன்­செ­யல்­க­ளின்­போது பாதிக்­கப்­பட்­டுள்ள இது­வரை காலம் பதி­வு­களை மேற்­கொண்­டி­ராத பள்­ளி­வா­சல்­களின் பதி­வுகள் தொடர்பில் வக்பு சபை விஷேட கவனம் செலுத்தும் எனவும் தெரி­விக்­கப்­பட்­டுள்­ளது.

கண்டி, வன்­செ­யல்­க­ளின்­போது பாதிக்­கப்­பட்ட,  எரிக்­கப்­பட்ட 20 பள்­ளி­வா­சல்­க­ளுக்­கான நஷ்­ட­ஈ­டுகள் கோரி புனர்­வாழ்வு, மீள்­கு­டி­யேற்றம், வடக்கு அபி­வி­ருத்தி மற்றும் இந்து சமய விவ­கார அமைச்­சுக்கு அனுப்பி வைக்­கப்­பட்­டுள்ள விண்­ணப்­பங்­களில் பல குறை­பா­டுகள் காணப்­ப­டு­வ­தா­கவும் சில பள்­ளி­வா­சல்கள் சட்ட ரீதி­யாக பதிவு செய்­யப்­பட்­டவை அல்­ல­வெ­னவும், சில­வற்­றுக்கு வங்­கிக்­க­ணக்­குகள் இல்லை எனவும் புனர்­வாழ்வு அமைச்சு சுட்­டிக்­காட்­டி­யி­ருந்­தது. இதனால் பாதிக்­கப்­பட்ட பள்­ளி­வா­சல்­க­ளுக்­கான நஷ்­ட­ஈ­டு­களை வழங்­கு­வதில் தாமதம் ஏற்­படும் எனவும் தெரி­வித்­தி­ருந்­தது. பள்­ளி­வா­சல்­களின் பதி­வுகள் தொடர்பில் வக்பு சபையின் தலைவர் சட்­டத்­த­ரணி எஸ்.எம்.எம்.யாசீனைத் தொடர்­பு­கொண்டு வின­வி­ய­போது, வக்பு சபைக்கு பள்­ளி­வாசல் பதிவு தொடர்­பாக கிடைக்­கப்­பெற்ற விண்­ணப்­பங்கள் அனைத்தும் பரி­சீ­லிக்­கப்­பட்டு பதிவு செய்­யப்­பட்­டுள்­ளன. அவற்­றுக்குப் பதிவு இலக்­கங்­களும் வழங்­கப்­பட்­டுள்­ளன. பதி­வுக்­காக நிலு­வை­யி­லி­ருந்த விண்­ணப்­பங்கள் அனைத்தும் பூர்த்தி செய்­யப்­பட்­டுள்­ளன.

பள்­ளி­வா­சல்­களின் பதிவு கட்­டா­ய­மா­ன­தாகும். பதி­வின்றேல் சட்ட ரீதி­யான எந்த நகர்­வு­க­ளையும் முன்­னெ­டுக்க முடி­யாது. எனவே, பள்­ளி­வாசல் நிர்­வா­கங்கள் பள்­ளி­வா­சல்­களின் பதிவு விட­யத்தில் கூடுதல் கவனம் செலுத்­த­வேண்டும். கண்டி வன்­செ­யல்­களால் பாதிக்­கப்­பட்ட பதிவு செய்­யப்­ப­டாத பள்­ளி­வா­சல்கள் பதி­வுக்­கான விண்­ணப்­பங்­களை உட­ன­டி­யாக வக்பு சபைக்கு அனுப்பி வைக்­க­வேண்டும். பள்­ளி­வாசல் காணி உறுதி விட­யத்தில் சில பள்­ளி­வா­சல்­களில் பிரச்­சி­னைகள் காணப்­ப­டு­கின்­றன என்­பதை வக்பு சபை அறியும்.

பதி­வு­க­ளுக்­கான விண்­ணப்­பங்­களை பள்­ளி­வாசல் நிர்­வா­கங்கள் வக்பு சபைக்கு அனுப்பி வைத்­தால் அதி­லுள்ள குறை நிறை­களை வக்பு சபை நிர்­வா­கங்­க­ளுக்கு தெளி­வு­ப­டுத்தும். தேவை­யான ஆவ­ணங்­களைப் பெற்­றுக்­கொள்­வ­தற்­கான வழி­காட்­டல்­க­ளையும் வழங்கும்.

முஸ்லிம்கள் தமது வியாபார ஸ்தலங்களையும் கட்டாயமாகப் பதிவு செய்து கொள்ளவேண்டும். பதிவுசெய்து தமது வர்த்தகங்களை நிறுவன மயப்படுத்திக் கொள்ளவேண்டும். அப்போதே அனர்த்தங்களின்போது நஷ்டஈடுகளை சட்ட ரீதியாகப் பெற்றுக்கொள்ளக் கூடியதாக இருக்கும் என்றார்.

-Vidivelli