முஸ்லிம் பகுதியில் மேற்கொள்ளப்பட்டுள்ள, அதிரடித் தீர்மானம்

பாடசாலைகளின் ஒழுக்க விழுமியங்களை சீரழிக்கும் வகையில் மாணவர்களுக்கு அநாகரிகமாக சிகை அலங்காரம் செய்யும் சிகையலங்கார நிலையங்களின் அனுமதி உடனடியாக இரத்து செய்யப்படும் என காத்தான்குடி நகர முதல்வர் எஸ்.எச்.எம்.அஸ்பர் அறிவித்துள்ளார்.

காத்தான்குடி நகரசபை எல்லைக்குள் அமைந்துள்ள சிகையலங்கார நிலைய உரிமையாளர்கள், ஊழியர்களுடனான கலந்துரையாடல் நகர முதல்வர் தலைமையில் நகரசபை மண்டபத்தில் இன்று இடம்பெற்றுள்ளது.

இந்த கலந்துரையாடலில் காத்தான்குடி நகர சபை முதல்வர், சிகையலங்கார நிலைய உரிமையாளர்கள் மற்றும் அதன் ஊழியர்கள் மத்தியில் கருத்து தெரிவிக்கும் போதே அவர் இதனை குறிப்பிட்டுள்ளார்.

இதில் காத்தான்குடி நகர சபை உறுப்பினர்கள், காத்தான்குடி சுகாதார வைத்திய அதிகாரி யூ.எல். நஸுர்தீன், காத்தான்குடி பொதுச் சுகாதாரப் பரிசோதகர்கள் உட்பட பலரும் கலந்து கொண்டிருந்தனர்.