இந்து சகோதரர்களின் பார்வைக்கு...!

மாத்தளை கச்சேரியில் அபிவிருத்தி உத்தியோகத்தர் பதவிக்கான  நேர்முகப் பரீட்சை நடந்து 

கொண்டிருக்கிறது.

இப்படியான ஒரு நேர்முகப்பரீட்சை நடைபெறுவது கூட தெரியாமல், இந்தப் பதவிக்கு விண்ணப்பிக்காத  நிறைய இந்து சகோதரிகள் விண்ணப்பப் படிவங்களை எடுத்துக் கொண்டு நேற்றும்,  இன்றும் என்னை சந்திக்க வந்தார்கள்.

எப்படியாவது இந்த நேர்முகப்பரீட்சையில் தங்களையும் பங்குபற்றச் செய்வதற்கு ஆவன செய்யுமாறு தயவாய் வேண்டிக் கொண்டார்கள்.

இன்றும் நேற்றும் மட்டும் எட்டு இந்து சகோதரிகளுக்கு குறித்த நேர்முகப்பரீட்சைக்கு,  தோற்றுவதற்குறிய வாய்ப்பை ஏற்படுத்திக் கொடுத்தேன்.

அதற்காக நான் மாத்தளை கச்சேரியில் எனக்கு இருக்கும் ஒட்டு மொத்த influence யும் பயன்படுத்த வேண்டி வந்தது.

அந்த சகோதிரிகளும் மிக்க மகிழ்சியோடு சென்றார்கள்.

இஸ்லாமிய மதத்தை பின்பற்றும் நான், இந்து மத சகோதரிகளுக்கு எந்த பாரபட்சமும் இன்றி உதவி செய்துவிட்டு பேஸ்புக்கை திறந்து பார்க்கிறேன்...

"ஒரு இந்துப்பாடசாலையில் கற்பிக்கும் முஸ்லிம் ஆசிரியைகளின் அபாயாவுக்கு எதிராக சில இந்து ஆசிரியர்கள் ஆர்ப்பாட்டம் "

என்று ஒரு செய்தி கண்ணில் பட்டது.

-Safwan Basheer-