முஸ்லிம்களுக்கு கூட்டுத், தலைமைத்துவம் அவசியம் - சம்பிக்க ரணவக்க உபதேசம்

(மொஹமட் அன்ஸிர்)

கிறிஸ்த்தவ சமூகம் சிறந்த முறையில், வழிநடத்தப்டுவதாகவும் அதுபோன்று முஸ்லிம் சமூகமும் சிறந்த முறையில் வழிநடத்தப்பட வேண்டுமெனவும், இதற்கு முஸ்லிம்களிடையே கூட்டுத் தலைமைத்துவம் அவசியமென அமைச்சர் சம்பிக்க ரணவக்க தெரிவித்துள்ளார்.

முஸ்லிம் கவுன்சில் தலைவர் என்.எம். அமீன் தலைமையிலான குழுவினருக்கு அமைச்சர் சம்பிக்க ரணவக்க விடுத்த அழைப்பின் பேரில் இச்சந்திப்பு நடைபெற்றுள்ளது. அமைச்சர் சம்பிக்கவின் வீட்டில் நடைபெற்றுள்ள இச்சந்திப்பில், அவர் மேலும் கூறியுள்ளதாவது,

சமூக மட்டத்திலான அல்லது  தேசிய ரிதியிலான பிரச்சினைகள் எழுகிற போது அதில் தலையீடு செய்து நிலைமையை சமூகமாக்கும் ஒரு சூழ்நிலை கிறிஸ்த்தவ சமூகத்தில் காணப்படுகிறது. ஆனால் அதேநிலையை முஸ்லிம் சமூகத்தில் காலமுடியவில்லை. இந்நிலை மாற்றப்பட வேண்டுமாயின் முஸ்லிம்களிடையே கூட்டுத் தலைமைத்துவம் அல்லது பலமான தலைமைத்துவம் அவசியமாகிறது.

மேலும் கண்டி வன்முறை சம்பவத்துடன் எனக்கு எந்தவித தொடர்பும் இல்லை. மகிந்த ராஜபக்ஸ தரப்பினரே எனக்கு எதிரான பிரச்சாரத்தில் ஈடுபடுகின்றனர். அதில் உண்மையில்லை.

எனினும் நான் தற்போதுள்ள அமைச்சின் மூலம் கொழும்பிலுள்ள முஸ்லிம்களுக்கு அதிக வீடுகளை வழங்கியுள்ளேன். இதுபற்றிய யாரும் அறியாதுள்ளனர். கிரன்ட்பாஸில் பள்ளிவாசலுக்கு என 5 பேர்ச்சச் காணி வழங்குவதாக உறுதியளித்தேன். அதை நிச்சயம் நிறைவேற்றுவேன்.

இச்சந்திப்பில் ஜம்மியத்துல் உலமா, சூறா கவுன்சில் உள்ளிட்ட மற்றும் பல முஸ்லிம் அமைப்புகளின் பிரதிநிதிகளும் பங்கேற்றுள்ளனர்.