முஸ்லிம் அரசியல்வாதிகள், வெளியிடவுள்ள முக்கிய அறிவிப்பு

நாடாளுமன்றில் அங்கம் வகிக்கும் முஸ்லிம் அமைச்சர்கள் மற்றும் நாடாளுமன்ற உறுப்பினர்கள் 21 பேர் நாட்டு மக்களுக்கு தமது நிலைப்பாட்டை வெளியிட உள்ளனர்.

தற்போது நாட்டில் நிலவி வரும் அரசியல் சூழ்நிலைகள் மற்றும் எதிர்கால நடவடிக்கைகள் குறித்து இந்த 21 பேரும் கூட்டாக இணைந்து தெளிவுபடுத்த உள்ளனர்.

ஐக்கிய தேசியக் கட்சியின் கொழும்பு மாவட்ட நாடாளுமன்ற உறுப்பினர் முஜிபுர் ரஹ்மான் இதனைக் கொழும்பு ஊடகமொன்றுக்குத் தெரிவித்துள்ளார்.

விசேட செய்தியாளர் சந்திப்பு ஒன்றை இன்றைய தினம் அல்லது நாளைய தினத்தில் கூட்டி நாட்டு மக்களுக்கு தங்களது நிலைப்பாட்டை முஸ்லிம் உறுப்பினர்கள் வெளியிட உள்ளனர்.

கண்டியில் இடம்பெற்ற சம்பவங்கள், முஸ்லிம் மக்களின் பாதுகாப்பு, இந்த சம்பவங்களின் போது அரசாங்கம் எடுத்த முடிவுகள், அரசாங்கத்தை பிரதிநிதித்துவம் செய்யும் முஸ்லிம் பிரதிநிதிகளின் எதிர்கால செயற்பாடுகள் உள்ளிட்ட பல்வேறு விடயங்கள் தொடர்பில் செய்தியாளர் சந்திப்பில் தெளிவுபடுத்தப்பட உள்ளமை குறிப்பிடத்தக்கது.