தாமரை மொட்டுகளுடன், சபைக்குவந்த உறுப்பினர்கள்

உள்ளூராட்சி மன்றத் தேர்தலுக்குப் பின்னர், மத்திய மாகாண சபையமர்வு நேற்று (20) முதன்முறையாக நடைபெற்றது.

இதன்போது, ஸ்ரீ லங்கா பொதுஜன பெரமுனவைச் சேர்ந்த உறுப்பினர்கள், தாமரை மொட்டுகளைத் தூக்கிப் பிடித்துகொண்டு சபைக்கு வந்தனர்.

கண்டி-பல்லேகலையில் உள்ள மாகாண சபை கட்டடத் தொகுதிக்கு அருகில் ஒன்றுகூடிய ஸ்ரீ லங்கா பொதுஜன பெரமுனவின் உறுப்பினர்கள், வெளியில் நின்றுகொண்டிருந்த ஆதரவாளர்களிடமிருந்து தாமரை மலர் மொட்டுகளைப் பெற்றுக்கொண்டு, சபையை நோக்கிச் சென்றனர்.

அதன்போது, ஆதரவாளர்கள் பட்டாசுகளைக் கொளுத்தி, வாழ்த்துத் தெரிவித்து அனுப்பிவைத்தனர்.