பதவியை நிராகரித்த சிராஸ் - ரணில் தூது அனுப்பியும் பயனில்லை

(அன்ஸிர்)

மூத்த சட்டத்தரணியும், முஸ்லிம் சமூக ஆர்வலருமான சிராஸ் நூர்தீனை நடைபெறவுள்ள உள்ளுராட்சி தேர்தலில் களமிறக்க முயற்சிகள் மேற்கொள்ளப்பட்டுள்ளன.

ஐக்கிய தேசியக் கட்சியைச் சேர்ந்த, மூத்த சட்டத்தரணிகள், பிரதமர் ரணில் விக்கிரமசிங்கவின் தூதை சிராஸ் நூர்தீனிடம் எடுத்துச் சென்றுள்ளனர்.

கொழும்பு மாநகர பிரதி மேயர் பதவியை வழங்குவதாகவும், முஸ்லிம் சமூகத்தில் செல்வாக்கும், தமக்கு நம்பிக்கையும் உள்ள ஒருவர் கொழும்பு மாநகர பிரதி மேயர் பதவியில், அமருவது சிறந்ததென பிரதமர் ரணில் விரும்புவதாகவும் சிராஸ் நூர்தீனிடம் சுட்டிக்காட்டப்பட்டுள்ளது.

எனினும் தமக்கு அரசியலில் ஈடுபடவோ அல்லது பிரதி மேயர் பதவியை பெற்றுக்கொள்ளவோ விருப்பமில்லை எனக்கூறி அதனை சிராஸ் நூர்தீன் அடியோடு நிராகரித்துள்ளதாக நம்பகரமான வட்டாரங்களிலிருந்து அறியவருகிறது.