உலக சாதனை படைத்த, இலங்கை வீரர்

19 வயதுக்குட்பட்டோருக்கான உலக கிண்ண போட்டியில் இலங்கை வீரர் ஹசித போய­கொட 191 ஓட்டங்கள் குவித்து புதிய உலக சாதனை படைத்துள்ளார்.

U19 உலக கிண்ண தொடரில், இலங்கை அணி கென்யாவுடன் மோதியது.

முதலில் துடுப்பாட்டத்தை துவங்கிய இலங்கை அணியில், ஹசித போய­கொட அற்புதமான ஆட்டத்தினை வெளிப்படுத்தினார்.

மிகவும் நேர்த்தியாகவும், நிதானமாகவும் ஷாட்டுகளை அடித்து விளையாடிய ஹசித, 39 பந்துகளில் அரைசதம் கடந்தார்.

அதன் பின்னர் அதிரடி ஆட்டத்தினை தொடங்கியவர், U19-யில் புதிய வரலாறு படைத்தார். 152 பந்துகளை சந்தித்து 191 ஓட்டங்கள் குவித்து அசத்தினார். இதில், இரண்டு சிக்ஸர்கள் மற்றும் 28 பவுண்டரிகள் அடங்கும்.

இதன் மூலமாக, U19-யில் ஒரு போட்டியில் அதிக ஒட்டங்கள் குவித்த வீரர் என்ற பெருமையைப் பெற்றார். மேலும், Jakob Bhula-வின் சாதனையையும் முறியடித்தார்.

ஹசித, பெரும்பாலும் 'Front Foot Stroke' ஷாட்டுகளையே விளையாடினார்.

இந்த போட்டியில் இலங்கை அணி 50 ஓவரில் 4 விக்கெட் இழப்புக்கு 419 ஓட்டங்களை குவித்தது. மேலும், கென்ய அணியை 108 ஓட்டங்களில் சுருட்டி அபார வெற்றி பெற்றது.