சிறைதான் பரிசு என்றால், பிரச்சினை இல்லை - கோத்தபாய

“உயிரை பணையம் வைத்து இந்த நாட்டை விடுவித்த என்னை சிறையில் அடைப்பதுதான் அதற்கு பரிசு என்றால் அதில் பிரச்சினை இல்லை” என்று பாதுகாப்பு அமைச்சின் முன்னாள் செயலாளர் கோத்தபாய ராஜபக்ஷ தெரிவித்துள்ளார்.

கொழும்பில் நேற்று இடம்பெற்ற நிகழ்வொன்றின் பின்னர் ஊடகங்களிடம் கருத்து வெளியிட்டபோதே அவர் இதனைத் தெரிவித்துள்ளார்.

பாதுகாப்பு அமைச்சின் முன்னாள் செயலாளர் கோத்தபாய ராஜபக்ஷவை அரசாங்கம் கைது செய்ய தயாராக உள்ளதாக முன்னாள் ஜனாதிபதி மஹிந்த ராஜபக்ஷ தெரிவித்திருந்தார்.

இந்த நிலையில், அவர் கைது செய்யப்பட உள்ளதாக கூறப்படுவது தொடர்பில் ஊடகவியலாளர் கேள்வி எழுப்பியபோதே அவர் மேற்கண்டவாறு தெரிவித்துள்ளார்.