மாறப் போகுது கொழும்பு - பாராளுமன்றத்தில் அறிவிப்பு

தெஹி­வளை, கல்­கிஸ்ஸ உட்­பட கொழும்பு நக­ரங்­களில் வாகன நெரிசல் ஏற்­ப­டு­வ­தற்கு கார­ண­மாகும் வகை­யி­லான எந்­த­வொரு வீட­மைப்பு திட்­டங்­க­ளுக்கும் கட்­டட நிர்­மா­ணத்­திற்கும் இனிமேல் அனு­மதி வழங்­கப்­போ­வ­தில்லை என மாந­கர மற்றும் மேல் மாகாண அபி­வி­ருத்தி அமைச்சர் பாட்­டலி சம்­பிக்க ரண­வக்க தெரி­வித்தார்.

அத்­துடன் கொழும்பு கோட்­டையில் இருந்து பய­ணிக்கும் வகை­யி­லான இலகு ரயில் அபி­வி­ருத்தி வேலைத்­திட்­டத்­தினை அடுத்த வருடம் ஆரம்­பிக்க திட்­ட­மிட்­டுள்ளோம். மேலும் கோட்­டையில் இருந்து பொரளை வரை­யான அதி­வேக பஸ்­சே­வை­யையும் விரைவில் ஆரம்­பிக்­க­வுள்­ள­தா­கவும் அவர் குறிப்­பிட்டார்.

பாரா­ளு­மன்­றத்தில் நேற்று சனிக்­கி­ழமை 2018 ஆம் ஆண்­டுக்­கான வரவு செல­வு­த்திட்­டத்தில் வெளி­வி­வ­கார, போக்­கு­வ­ரத்து மற்றும் சிவில் விமான சேவை, அபி­வி­ருத்தி பணிப்­பொ­றுப்பு அமைச்­சு­க­ளுக்­கான குழு­நிலை விவா­தத்தில் கலந்து கொண்டு உரை­யாற்­று­கை­யி­லேயே அவர் மேற்­கண்­ட­வாறு தெரி­வித்தார். அவர் மேலும் உரை­யாற்­று­கையில்,

நாட்டில் 60 இலட்சம் வாக­னங்கள் உள்­ளன. இவற்றில் 4 மில்­லியன் வாக­னங்கள் செயற்­பாட்டில் உள்­ளன. இதில் 70 வீத­மா­னவை முச்­சக்­கர வண்­டியும் துவி­ச்சக்­கர வண்­டி­யு­மாகும். 10 இலட்­சத்­துக்கும் குறை­வா­கவே ஏனைய வாகன வகைகள் உள்­ளன. இதன்­படி போக்­கு­வ­ரத்து துறைக்கே அரசின் மூல­தன செலவில் பெருந்­தொ­கை­யா­ன­வற்றை செல­வி­டு­கின்றோம். இதன்­படி 300பில்­லியன் ரூபா பெற்றோல் இறக்­கு­ம­திக்கு செல­வி­டப்­ப­டு­கின்­றது. மேலும் வாக­னங்கள் மற்றும் வாகன இயந்­தி­ரங்­க­ளுக்கு 200 பில்­லியன் ரூபா செல­வி­டப்­ப­டு­கின்­றன. எனவே வாக­னங்கள் தொடர்ந்து அதி­க­ரித்தால் வாகன நெரி­ச­லுக்கு வழி­வ­குப்­ப­துடன் பொரு­ளா­தா­ரத்தை கடு­மை­யாக பாதிக்கும்.

இதன்­படி பொது போக்­கு­வ­ரத்தை பலப்­ப­டுத்த வேண்டும். நாட்டில் 50 சத­வீ­த­மா­ன­வர்கள் பொது போக்­கு­வ­ரத்தில் பய­ணிக்­கின்­றனர். எனினும் தற்­போ­தைக்கு 25 ஆயிரம் பஸ் வண்­டி­களே களத்தில் உள்­ளன. ஆனால் ஏனைய 50 வீதத்­தினர் வேறு வாக­னங்­களில் பய­ணிக்­கின்­றனர். இதன்­படி கணக்­கிட்டு பார்க்கும் போது ஒரு பஸ் வண்டி சேவையில் இருந்து வில­கினால் பய­ணிகள் பய­ணிப்­ப­தற்கு 140 வாக­னங்கள் தேவை­யாக உள்­ளன. மேலும் டாடா பஸ்கள் எமக்கு இனிமேல் பிர­யோசன தர முடி­யாது. ஆகையால் சொகுசு பஸ் வண்­டி­களை களத்­திற்கு இறக்க வேண்டும்.

அத்­துடன் ஆங்­கி­லேயர் காலத்தின் பின்னர் ரயில் பாதை கட்­ட­மைப்பில் எந்­த­வொரு மாற்­றமும் வர­வில்லை. இந்­நி­லையில் எமது அர­சாங்­கத்­தினால் கொழும்பு கோட்­டையில் இருந்து பய­ணிக்கும் வகை­யி­லான இலகு ரயில் அபி­வி­ருத்தி வேலைத்­திட்­டத்­தினை அடுத்த வருடம் ஆரம்­பிக்க திட்­ட­மிட்­டுள்ளோம். மேலும் கோட்­டையில் இருந்து பொரளை வரை­யான அதி­வேக பஸ்­சே­வை­யையும் விரைவில் ஆரம்­பிக்­க­வுள்ளோம். மேலும் மின்­சார ரயில் சேவையயையும் ஆரம்­பிப்­ப­தற்­கான நட­வ­டிக்­கை­க­ளையும் ஆரம்­பிக்­க­வுள்ளோம்.

இதே­வேளை தெஹி­வளை, கல்­கிஸ்ஸ உட்­பட கொழும்பு நக­ரங்­களில் வாகன நெரிசல் ஏற்படுவதற்கு காரணமாகும் வகையிலான எந்தவொரு வீடமைப்பு திட்டங்களுக்கும் கட்டட நிர்மாணத்திற்கும் இனிமேல் அனுமதி வழங்கப்போவதில்லை. மேலும் நாடளாவிய ரீதியில் அரச காணிகளில் 10 வீதம் நெடுஞ்சாலை அபிவிருத்திக்கு பிரயோகம் செய்யப்படுகின்றது. இது பாதிப்பான செயற்பாடாகும் என்றார்.