எங்களுக்கு உதவுங்கள், ரோஹின்ய முஸ்லிம்கள் ஜம்இய்யத்துல் உலமாவிடம் உருக்கம்

மியன்மார் அரசாங்கத்தின் இனவெறித் தாக்குதலுக்கு உள்ளாகி  வங்காளாதேசத்தில் தஞ்சமடைந்துள்ள ரோஹின்ய முஸ்லிம்கள் தமக்கு உதவும்படி அகில இலங்கை ஐம்மியத்துல் உலமாவிடம் உருக்கமான வேண்டுகோள் விடுத்திருப்பதாக உலமா சபையின் செயலாளர் முபாரக் மௌலவி Jaffna Muslim இணையத்திற்கு தெரிவித்தார்.

வங்காள தேசத்திலிருந்து ஐம்மியத்துல் உலமாவுக்கு கிடைத்துள்ள இக்கடிதம் குறித்து, எதிர்வரும் திங்கட்கிழமை 18 ஆம் திகதி கலந்துரையாடி ஜம்இய்யத்துல் உலமா, முக்கிய தீர்மானத்தை மேற்கொள்ளுமெனவும், அதன்பின் வங்களாதேசம் வந்துள்ள ரோஹின்ய முஸ்லிம்களுக்கு எப்படி உதவுவது என்பது பற்றிய விபரம் இலங்கையர்களுக்கு அறிவிக்கப்படுமெனவும் முபாரக் மௌலவி மேலும் தெரிவித்தார்.