மிகச் சிறுவயதில், கர்ப்பம் தரிக்கும் சிறுமிகள் - லக்கலயில் ஆச்சரியம்
மிகச் சிறு வயதிலேயே கர்ப்பம் தரிக்கும் சிறுமிகள் லக்கல தேர்தல் தொகுதியைச் சேர்ந்த லக்கல, வில்கமுவ, நாவுல, அம்பங்கஸ்க ஆகிய நான்கு பிரதேச செயலகப் பிரிவிலே ஆகக் கூடுதலாக காணப்படுவதாகவும் இது தொடர்பாக சுகாதார அமைச்சு நாடளாவிய ரீதியில் மேற்கொண்ட ஆய்வின்போதே மேற்படி தகவல் வெளியிடப்பட்டிருப்பதாகவும் மாத்தளை மாவட்ட நாடாளுமன்ற உறுப்பினர் ரோஹிணி கவிரத்ன தெரிவித்தார்.
சம்பந்தப்பட்ட பெண்களின் குடும்ப சூழல், போதிய கல்வி அறிவின்மை என்பவையே இதற்குக் காரணமென்றும் அவர் குறிப்பிட்டார். மாத்தளை செயலகத்தில் இடம்பெற்ற மாவட்ட ஒருங்கிணைப்புக் குழுக் கூட்டத்தின்போதே அவர் மேற்படி விபரங்களை முன்வைத்தார்.
இது தொடர்பாக பெண்கள் மற்றும் சிறுவர் பராமரிப்பு பிரிவினருக்கு அறிவித்து அவர்கள் மூலம் குறிப்பிட்ட பிரதேசங்களில் விழிப்புணர்வு வேலைத் திட்டமொன்றை உடனடியாக முன்னெடுக்க நடவடிக்கை எடுப்பதென மேற்படி கூட்டத்தில் தீர்மானம் மேற் கொள்ளப்பட்டது.
Post a Comment