July 18, 2017

7 மாதத்தில் 3,785 சிறுவர் துஷ்­பி­ர­யோக முறைப்­பா­டுகள் - 47 சிறுவர் கடத்தல்கள்

இந்த ஆண்டில் இது­வ­ரை­யி­லான ஏழு­மாத காலத்தில்  3 ஆயி­ரத்து 785 சிறுவர் துஷ்­பி­ர­யோக முறைப்­பா­டுகள் பதி­வா­கி­யுள்­ள­தாக தேசிய சிறுவர் பாது­காப்பு அதி­கா­ர­சபை தெரி­வித்­துள்­ளது. கொழும்­பி­லேயே அதி­க­ள­வி­லான   இவ்­வா­றான சம்­ப­வங்கள் பதி­வா­கி­யுள்­ள­மையும் தெரிய வந்­துள்­ளது. இதே­வேளை, கடந்த ஐந்து மாதங்­களில் 47 சிறுவர் கடத்தல் சம்­ப­வங்கள் பதி­வா­கி­யுள்­ளன.

இலங்­கையில் பல்­வேறு குற்­றங்கள் பதி­யப்­பட்டு வரும் நிலையில் சிறுவர் துஷ்­பி­ர­யோ­கங்கள் இவற்றில் அதி­க­மாக இடம்­பெற்று வரு­வ­தாக கூறப்­ப­டு­கின்­றது. இந்த ஆண்டில் இது­வ­ரை­யி­லான காலப் பகுதி வரையில்  3 ஆயி­ரத்து 785 சிறுவர் துஷ்­பி­ர­யோக குற்­றங்கள் பதி­வா­கி­யுள்­ள­தாக தேசிய சிறுவர் பாது­காப்பு அதி­கா­ர­சபை குறிப்­பிட்­டுள்­ளது. 

இவற்றில் 956 முறைப்­பா­டுகள் சிறு­வர்கள் மீதான வன்­மை­யான தாக்­குதல் எனவும், 602 முறைப்­பா­டுகள் குழந்­தை­களின் கல்வி உரிமை பறிக்­கப்­பட்­டுள்­ளமை தொடர்­பிலும், 426 முறைப்­பா­டுகள் சிறு­வர்கள் பாலியல் துஷ்­பி­ர­யோ­கங்­க­ளுக்கு உட்­ப­டுத்­தப்­பட்­டுள்­ளமை தொடர்­பிலும், 117 முறைப்­பா­டுகள் குழந்­தை­களை மிகவும் மோச­மான வகையில் பாலியல் வன்­கொ­டு­மை­ க­ளுக்கு உட்­ப­டுத்­தி­யமை தொடர்­பிலும் 102 முறைப்­பா­டுகள் சிறு­வர்­களை வேலைக்கு அமர்த்­தி­யமை குறித்தும் பதி­யப்­பட்­டுள்­ளன.  அதேபோல் கடந்த ஐந்து மாதங்­களில் 47 சிறுவர் கடத்தல் சம்­ப­வங்கள் பதி­வா­கி­யுள்­ளன. 

மேலும் இலங்­கையில் அதி­க­ள­வி­லான குற்­றங்கள் பதி­யப்­பட்­டுள்ள மாவட்­ட­மாக கொழும்பு மாவட்டம் பதி­வா­கி­யுள்­ளது. கொழும்பில் கடந்த ஆறு மாத­கா­லத்தில் 569 குற்­றச்­சாட்­டுகள் பதி­வா­கி­யுள்­ளது.

கம்­பஹா மாவட்­டத்தில் 420 முறைப்­பா­டு­களும், களுத்­துறை மாவட்­டத்தில்  283 சம்­ப­வங்­களும் காலி மாவட்­டத்தில் 259 சம்­ப­வங்­களும், இரத்­தி­ன­புரி மாவட்­டத்தில் 214 குற்­றச்­சாட்­டு­களும் பதி­வா­கி­யுள்­ளன. மேலும் சிறுவர் கடத்தல் சம்­ப­வங்கள் மற்றும் சிறுவர் மீதான வன்­கொ­டு­மைகள், பாலியல் தொல்­லைகள் குறித்து முறைப்­பாடு செய்ய தேசிய சிறுவர் பாது­காப்பு அதி­கார சபை 1929  என்ற அவசர இலக்கத்தை வழங்கியுள்ளது.

இந்த இலக்கத்துடன் அழைப்பை  ஏற்படுத்தி குறித்த முறைப்பாடுகளை உடனடியாக அறியப்படுத்த முடியும்.மேலும் இது 24 மணிநேர சேவையாக செயற்படுவதாகவும் தேசிய சிறுவர் பாதுகாப்பு அதிகாரசபை குறிப்பிட் டுள்ளது.

0 கருத்துரைகள்:

Post a Comment