3 ஆண்களுடன் ஆபாசத்தில் ஈடுபட்ட, பிக்குவுக்கு 3 வருட கடூழிய சிறை
சுனாமியால் பாதிக்கப்பட்ட 18 வயதுக்கு குறைவான ஆண் ஒருவரையும் மற்றொரு இளைஞரையும் ஈடுபடுத்தி பொலிஸ் அதிகாரி ஒருவருடன் ஆபாச செயற்பாடுகளில் ஈடுபட்ட குற்றச்சாட்டில் குற்றவாளியான பிக்கு ஒருவருக்கு 3 வருட கடூழிய சிறைத்தண்டனை மற்றும் ஒரு இலட்ச ரூபா அபராதமும் விதித்து கொழும்பு மேல் நீதிமன்றம் நேற்று தீர்ப்பளித்துள்ளது.
அத்துடன், மேற்படி அபராதத் தொகையை செலுத்தத் தவறினால் மேலும் 2 வருட சிறைத்தண்டனையை அனுபவிக்க தீர்ப்பளிக்கப்பட்டது.
மாளிகாவத்தை மாடி குடியிருப்பு தொகுதியில் 3 ஆவது மாடியிலுள்ள வீடொன்றில் ஆபாச காணொளிகளை பார்த்துக் கொண்டு ஆபாசமான நடவடிக்கைகளில் ஈடுபட்டதாக மேற்படி நால்வருக்கு எதிராக குற்றஞ்சாட்டப்பட்டிருந்தது.
2008 ஆம் ஆண்டு நவம்பர் 27 ஆம் திகதி வழக்கு விசாரணைக்கு உட்பட்டுவந்த காலப்பகுதியினுள், குற்றச்சாட்டுகளுக்கு ஆளாகியிருந்த பொலிஸ் அதிகாரி உயிரிழந்ததாக அறிவிக்கப்பட்டிருந்தது.
இந்நிலையில், சம்பவத்துடன் தொடர்புடைய ஏனைய குற்றவாளிகளான இளைஞர்கள் இருவருக்கு 10 வருடங்களுக்கு ஒத்திவைக்கப்பட்ட தலா ஒருவருட சிறைத்தண்டனை விதித்து கொழும்பு மேல் நீதிமன்றம் தீர்ப்பளித்தது.
Post a Comment