ஞானசாரர் பற்றிய. கசப்பான உண்மைகள்

-Ajaaz Mohamed-

1. நாம் நினைத்துக் கொண்டிருப்பது போல #ஞானசார ஒரு கிறுக்கன் அல்ல ! அவனுக்குப் பின்னால் தேசிய, சர்வதேச மட்டத்தில் பலமான சக்திகள் உண்டு !

2. அவனை மகிந்த உருவாக்கவில்லை !  அவன் ஏற்கெனவே முஸ்லிம்களுக்கு எதிராக மேற்கத்திய சக்திகளால் குறிப்பாக நோர்வே மூலம் உருவாக்கப் பட்டிருந்தான் ஆனால் இடையில் மகிந்தவின் ஆட்சியில் கோட்டாவின் மூலம் ஒரு கட்டத்தில் ஞானசார போசிக்கப்பட்டது உண்மை தான் அதுதான் கடைசியில் அந்த ஆட்சிக்கே ஆப்பாகவும் அமைந்து விட்டது.

3. இப்போது ஞானசார இயங்குவது நிச்சயமாக மகிந்தவுக்காகவோ மைத்திரிக்காகவோ அல்ல ! அவன் தனது தனிப்பட்ட அடிப்படையான முஸ்லிம் விரோத நிகழ்ச்சித் திட்டத்தின் அடிப்படையில் தான் தொடர்ந்தும் இயங்கி வருகிறான்.

4. நேரடியாக மைத்திரி இப்போது ஞானவைப் பாதுகாக்கவில்லை ! மாறாக அரசில் இருக்கும் முக்கியமான இரண்டு அமைச்சர்கள் உள்ளிட்ட இன்னும் சில உயர் அரச பீடங்களால்தான் அவன் பாதுகாக்கப்பட்டு வருகிறான்.

5. மைத்திரியே விரும்பினாலும் இப்போது ஞானசாரவை உடனடியாக கட்டுப்படுத்த முடியாது !

அது அரசியல் பிரச்சனையாக மாறிவிடும்.

6. விரும்பியோ விரும்பாமலோ ஏதோ ஓர் அடிப்படையில் மைத்திரியே ஞானவைக் கட்டுப்படுத்த வேண்டும் ! அதைச் செய்ய அவர் தொடர்ந்தும் தாமதிப்பதால் முஸ்லிம்களின் பாதுகாப்பு பாரிய அச்சுறுத்தலுக்கு நிச்சயமாக இலக்காகி விடும் !  மகிந்தவுக்கு நடந்ததே மைத்திரிக்கும் நிச்சயமாக நடக்கும் !

7. நமது கீபோட் போராளிகள் தொடர்ந்து கோஷம் போடுவது போல நமது 22 பா.உ.க்களும் ஒரேயடியாக ராஜினாமா பண்ணினாலும்கூட இந்தப் பிரச்சனை உடனே தீர்ந்துவிட மாட்டாது.

8. இந்தக் கட்டத்தில் நாம் அவசரப்படவும் கூடாது அதேபோல் சும்மா வெறுமனே பார்த்துக் கொண்டிருக்கவும் கூடாது.

9. நமக்கு எதிராக சிங்கள இனவாதிகள் சாதாரண சிங்கள மக்கள் மத்தியில் ஏற்படுத்தி விட்டுள்ள, பரப்பியுள்ள தவறான அபிப்பிராயங்களை அச்சங்களைச் சந்தேகங்களை நாம் பொறுமையாக நீக்க வேண்டும் ! அதற்காக சிங்கள சமூகத்தோடு, புத்திஜீவிகளோடு, பெளத்த உயர்பீடங்களோடு மனம் திறந்து உரையாட வேண்டும் அதை உடனே தொடங்க வேண்டும் !

10. நமக்கு எவ்வளவு அநீதிகள், இழப்புகள் ஏற்பட்டாலும், நம்மில் சிலர் கொல்லப்பட்டாலும் கூட எந்த சந்தர்ப்பத்திலும் நாம் வன்முறைகளில் பதில் தாக்குதல்களில் இறங்கி விடக்கூடாது ! அதனால் ஞானசாரவின் பாரிய இன அழிப்பு நோக்கமே நிச்சயமாக வெற்றி பெறும் ! நாம் கோபப்பட்டு வீதிகளில் இறங்க வேண்டும் என்பதே ஞானவின் ஒரே நோக்கம் அப்போது கண் மண் தெரியாமல் நாடளாவிய ரீதியில் முஸ்லிம் கிராமங்களைச் சூறையாட அவனுக்கு வசதியாக இருக்கும் !  எனவே பொறுமை நமக்கு மிக மிக முக்கியமானது !

11. நாம் இந்த நாட்டின் போலிஸையோ ராணுவத்தையோ நீதிமன்றங்களையோ ஜனாதிபதியையோ முற்றிலும் நம்பிக் காரியங்களில் இறங்க முடியாது ! 

நல்லெண்ணம் கொள்வோம் ! ஆனால் நம்பி ஏமாறாதிருப்போம் ! 

எந்த அரபு நாடுகளும் வேறு நாடுகளும் நமக்காக உடனடியாக எதுவும் செய்து விடப் போவதில்லை ! அதையும் மனம் கொண்டு நிதானமாக செயற் படுவோம் !