June 12, 2017

எண்ணிக்கைப் பலத்தை, நம்பிக்கைப் பலம் எதிர்த்துவென்ற யுத்தம்


பத்ர்

வாழ விடாதவர்க்கெதிராய்
வாளெடுத்த யுத்தம்

மிரட்டிப் பார்த்தவர்களை
விரட்டி வென்ற யுத்தம்

எண்ணிக்கைப் பலத்தை
நம்பிக்கைப் பலம்
எதிர்த்து வென்ற யுத்தம்

அடிக்க அடிக்க
அமைதியாய் இருந்தவர்கள்
துடிக்கத் துடிக்க
துவம்சம் செய்த யுத்தம்

ஆயிரம் வீரர்களும்
ஆயுதமும் இருக்கென்று
முன்னூறு வீரர் மேல்
முன்னேறிப் பாய்ந்தவரை
பின்னிப் பெடலெடுத்த
பெரு வெற்றி யுத்தம்

தூயோனை அவமதித்து
தூதரையும் அவமதித்த
தீயோரை அழித்தொழித்த
தீரர்களின் யுத்தம்

வாழ விடாதவர்
வாயால் மிரட்டுபவர்
எண்ணிக்கை காட்டி
இம்சை தருபவர்கள்
அடிக்கடி கடைகளை
அடித்து எரிப்பவர்கள்
தூயோனை தூதரை
ஓயாமல் ஏசுபவர்கள்
இன்றும் இருக்கின்றார்
எல்லாம் எரிக்கின்றார்

எதிரியின் தோல்வியை
இறைவன் கொடுப்பான்
இதுதான் பொறுமையாய்
இருக்கச் செய்கிறது....!

Mohamed Nizous

2 கருத்துரைகள்:

நிச்சயமாக நாம் உங்களை ஓரளவு அச்சத்தாலும், பசியாலும், பொருள்கள், உயிர்கள், விளைச்சல்கள் ஆகியவற்றின் இழப்பினாலும் சோதிப்போம்; ஆனால் பொறுமையுடையோருக்கு (நபியே!) நீர் நன்மாராயங் கூறுவீராக!
(அல்குர்ஆன் : 2:155)

This is what we need to follow SABR.

Post a Comment