இலங்கையிலுள்ள மியன்மார் முஸ்லிம்களை, உடனடியாக திருப்பி அனுப்பு - ஞானசாரா

 -ARA.Fareel-

இலங்­கையில் தங்க வைக்­கப்­பட்­டுள்ள மியன்மார் ரோஹிங்யா முஸ்லிம் அக­திகள் உட­ன­டி­யாக அவர்­க­ளது நாட்­டுக்குத் திருப்­பி­ய­னுப்­பப்­பட வேண்டும்.  அக­திகள் என்ற போர்­வையில் முஸ்­லிம்கள் இலங்­கையை ஆக்­கி­ர­மிப்­ப­தற்கு அரசு இட­ம­ளிக்கக் கூடாது. கட­லோர பாது­காப்பு பலப்­ப­டுத்த வேண்டும் என அர­சாங்­கத்­திடம் கோரிக்கை விடுப்­ப­தாக பொது­ப­ல­சேனா அமைப்பின் பொதுச் செய­லாளர் கல­கொட அத்தே ஞான­சார தேரர் குறிப்­பிட்டார்.

இவர்கள் அவுஸ்­தி­ரே­லி­யாவில் குடி­யே­று­வ­தற்கு அல்­லது வில்­பத்­துவில் குடி­யே­று­வ­தற்கு வந்­தி­ருக்க வேண்டும். ரோஹிங்யா முஸ்­லிம்கள். அவர்­க­ளது நாட்­டிலே பௌத்­தர்­க­ளுக்கு எதி­ராக செயற்­ப­டு­ப­வர்கள். இவர்­களைப் பற்றி அறி­யாது கிழக்கு மாகாண முத­ல­மைச்சர் அவர்­களை கிழக்கில் அல்­லது நாட்டில் எங்­கா­வது குடி­யேற்ற வேண்டும் என்று அறிக்கை வெளி­யிட்­டி­ருப்­பது கண்­டிக்­கத்­தக்­கது என்றும் தெரி­வித்தார்.

பௌத்த மத்­திய நிலை­யத்தில் இடம்­பெற்ற பொது­ப­ல­சே­னாவின் ஊடக மாநாட்டில் கலந்து கொண்டு உரை­யாற்­று­கை­யி­லேயே அவர் இவ்­வாறு கூறினார்.

கிழக்கில் எங்­க­ளுக்­கென்று புரா­தன வர­லாறு ஒன்று இருக்­கி­றது. தொல்­பொ­ருள்கள் பரந்து கிடக்­கின்­றன. என்­றாலும் அங்கே சிங்­க­ள­வர்கள் அக­திகள் போன்றே வாழ்க்கை நடத்­து­கி­றார்கள். முஸ்லிம் அடிப்­ப­டை­வா­திகள் எப்­போதும் அவர்­களை எதிர்த்து வரு­கி­றார்கள். எங்­க­ளது காணி­களை அப­க­ரித்­தி­ருக்­கி­றார்கள். அர­சாங்­கமோ கிழக்கு மாகாண முத­ல­மைச்­சரோ இப்­பி­ரச்­சி­னை­க­ளுக்குத் தீர்வு காண­வில்லை. ஆனால் கிழக்கு மாகாண முத­ல­மைச்சர் எங்­கி­ருந்தோ வந்த முஸ்லிம் அக­தி­களை கிழக்கில் குடி­யேற்ற முயற்­சிக்­கிறார்.

ஸ்ரீ லங்கா முஸ்லிம் கவுன்சில், தேசிய ஷுரா கவுன்ஸில், முஸ்லிம் அர­சியல் தலை­வர்கள் இலங்­கையில் முஸ்­லிம்­க­ளுக்குப் பிரச்­சினை முஸ்­லிம்கள் தாக்­கப்­ப­டு­கி­றார்கள், பள்­ளி­வா­சல்கள் தாக்­கப்­ப­டு­கின்­றன, பௌத்­தர்கள் முஸ்­லிம்­க­ளுக்கு எதி­ராக செயற்­ப­டு­வதால் பீதி­யுடன் வாழ்­கி­றார்கள் என்­றெல்லாம் உள்­நாட்­டிலும் சர்­வ­தே­சத்­திலும் பிர­சாரம் செய்­த­வர்கள் இன்று மியன்மார் முஸ்லிம் அக­தி­களைக் குடி­யேற்­று­வ­தற்­கான முயற்­சி­களில் ஈடு­பட்­டுள்­ளார்கள்.

10 வரு­டங்­க­ளுக்கு முன்பு ரோஹிங்­யாவில் பௌத்த முஸ்லிம் கல­வ­ரங்கள் நடக்­க­வில்லை. ஆனால் அவர்கள் இது எமது நாடு என்று கூறி பௌத்த மத­கு­ரு­மா­ரையும் பௌத்­தர்­க­ளையும் தாக்க முற்­பட்­ட­த­னா­லேயே பிரச்­சி­னைகள் ஏற்­பட்­டுள்­ளன. பங்­க­ளா­தே­ஷி­லி­ருந்து ரோஹிங்­யா­வுக்கு முஸ்­லிம்கள் சொல்­கி­றார்கள். இதனால் அங்கு முஸ்லிம் சனத்­தொகை அதி­க­ரித்­துள்­ளது.

வெளி­நா­டு­க­ளி­லி­ருந்து தொடர்ந்து முஸ்­லிம்கள் அக­தி­க­ளாக வந்து குடி­யே­று­கி­றார்கள். நீர்­கொ­ழும்பில் மாத்­திரம் 1500 பேர் தங்­கி­யி­ருக்­கி­றார்கள். இவர்கள் போதைப்­பொருள் விற்­பனை போன்ற சட்­ட­வி­ரோத செயல்­களில் ஈடு­பட்டு வரு­கி­றார்கள். இவர்­களால் எமது கலா­சாரம் பாதிக்­கப்­பட்­டுள்­ளது.

பங்­க­ளா­தே­ஷி­லி­ருந்து முஸ்­லிம்கள் பௌத்த மத குருக்கள் போல் வேட­மிட்டு காவி­யுடை அணிந்து இலங்கை வந்து தங்­கி­யி­ருக்­கி­றார்கள். பாது­காப்பு பிரி­வி­ன­ரதும் உளவுப் பிரி­வி­ன­ரதும் தக­வ­லின்­படி இந்­தி­யாவில் 14 ஆயிரம் பேர் அக­தி­க­ளாக இலங்­கைக்கு அனுப்பி வைக்­கப்­ப­டு­வ­தற்குத் தயா­ராக இருக்­கி­றார்கள். சவூதி அரே­பியா அக­தி­க­ளுக்கு புக­லிடம் வழங்­கு­வ­தற்கு மறுத்­துள்ள நிலையில் ஏன் நாம் அவர்­க­ளுக்குப் புக­லிடம் வழங்க வேண்டும். எனவே மியன்மார் அக­திகள் உட­ன­டி­யாக நாட்­டி­லி­ருந்தும் வெளி­யேற்­றப்­பட வேண்டும்.

பல்­வேறு நாடு­க­ளி­லி­ருந்தும் முஸ்­லிம்கள் இலங்­கைக்கு வந்து தங்­கி­யி­ருக்­கி­றார்கள். மாலை­தீ­வி­ருந்து மாத்­திரம் இங்கு வந்து 50 ஆயிரம் பேர் தங்­கி­யி­ருக்­கி­றார்கள். இவர்கள் பல்­வேறு சட்ட விரோத செயல்­களில் ஈடு­பட்­டுள்­ளார்கள். பல்­வேறு நாடு­களைச் சேர்ந்த முஸ்­லிம்­களால் கொழும்பு மீதொட்­ட­முல்லை குப்­பை­மேடு போலா­கி­யுள்­ளது. எதிர்­கா­லத்தில் மீதொட்­ட­முல்லை அனர்த்­தத்தை விட பாரிய அனர்த்தம் இங்கு ஏற்­படும். இந்த விட­யங்­களை நாம் எடுத்துச் சொன்னால் நாம் சதி செய்­ப­வர்கள், இனக்­க­ல­வ­ரத்தை உரு­வாக்க முயற்­சிப்­ப­வர்கள் என எம்­மீது குற்றம் சுமத்­தப்­ப­டு­கி­றது.