''இன்னும் ஓர் பர்மா, உருவாவதை யாராலும் தடுக்க முடியாது''

-M.JAWFER.JP.-

ஒரு சமூதாயத்தின் அழிவு அந்த சமுதாயத்தால் வருகின்றதே தவிர வேறு எங்கிருந்தும் வருவதாக இல்லை. கடந்த காலங்களையும் வரலாறுகளையும் பார்த்தால் அந்தந்த சமுதாயமே அவர்களின் அழிவை தேடிக்கொண்டார்கள். இந்தப்பின்னணியில் தற்போதைய இலங்கை முஸ்லிம்களின் அழிவு காலம் ஆரம்பித்து விட்டதோ என்று என்னத்தோன்றுகிறது.

இருபது இலட்சம் முஸ்லிம்கள் வாழும் இலங்கையில் இருபதுக்கும் மேற்பட்ட பிரிவினைவாதங்கள் உருவாகி சின்னாபின்னமாகிக்கொண்டு இருக்கும் காட்சி நாளுக்கு நாள் அதிகரித்தவண்ணம் இருக்கிறது. அரசியல் ரீதியில் மிக மோசமாக பிருந்து இருக்கும் நமது சமுதாயத்தை ஓன்று படுத்த எந்த நாதியும் இல்லை என்ற முடிவுக்கு வந்து விட்டோமோ என்ற பயம் முஸ்லிம்கள் மத்தியில் ஏற்ப்பட்டுள்ளதை பார்க்கக்கூடியதாக உள்ளது.அரசியல்வாதிகள் மத்தியில் பிரிவுபட்டுக்கிடக்கும் அவர்களை மத ரீதியில் ஓன்று படுத்தி ஒரு குடையின் கீழ் கொண்டு வர மார்க்கப்பற்றுள்ள எந்த அமைப்பாவது முயற்சி எடுப்பதாகவும் இல்லை, அப்படி எடுத்தாலும் அதிலும் மார்க்கம் பேசுபவர்கள் பல தரப்பாக வேறுபட்டுக்கிடக்கும் அபாய காட்சி அரசியலை விட படு பயங்கரமாக இருக்கிறது.

இலங்கையில் ஒன்பது மாகாணத்துக்கும் ஒன்பது இஸ்லாம் ஒன்பது அரசியல்  என்ற அடிப்படையில் உருவாகி இருக்கும் அவல நிலையை பார்த்தால் எதிர்கால முஸ்லிம்களின் இருப்பு கேள்விக்குறியாகவே இருக்கிறது.

இந்த வருசையில் தற்கால முஸ்லிம்களின் இரண்டே இரண்டு  கேள்விதான் ஓன்று  முஸ்லிம் அரசியல்வாதிகள் ஒன்றுபடுவார்களா? இலங்கையில் உள்ள இஸ்லாமிய காவலர்கள் என்று மார் தட்டும் அனைத்து இயக்கங்களும் ஓன்று படுவார்களா?இந்த ஓன்று படுதலின் பிண்ணணியில்தான் முஸ்லிமகளின் எதிர்காலம் தங்கி இருக்கிறது. இல்லையேல் இன்னும் ஓர் பர்மா உருவாவதை யாராலும் தடுக்க முடியாது. அவ்வாறு ஒரு நிலை ஏற்ப்பட்டால் அதற்க்கான முழுப்பொறுப்பையும் இன்றுள்ள அரசியல் தலைவர்கள்தான் நாளை கியாமத் நாளில் அல்லாஹ்விடம் பதில் சொல்லியாக வேண்டும்.

அல்லாஹ்வுக்காக வேண்டி சமுதாய பணியில் இவர்கள் இறங்கி இருந்தால் ஏன் அல்லாஹ்வுக்காக விட்டுக்கொடுத்து ஓன்றுபட முடியாமல் தவிக்கின்றார்கள்?