'பள்­ளி­வா­சல்­க­ளுக்கு பாது­காப்பு வழங்­கு­வ­தாகக் கூறி, பத­விக்குவந்த அரசு முஸ்­லிம்­களை ஏமாற்றிவிட்­டது'

குரு­நாகல் நகர எல்­லைக்குள் அமைந்­தி­ருக்கும் தெலி­யா­கொன்ன ஜும்ஆ பள்­ளி­வாசல் இனந்­தெ­ரி­யாத நபர்­க­ளினால் கடந்த வெள்­ளிக்­கி­ழமை இரவு 11.23 மணி­ய­ளவில் கல்­லெ­றிந்து தாக்கி சேதப்­ப­டுத்­தப்­பட்­டுள்­ளது.

பள்­ளி­வாசல் நிர்­வாக சபைத்­த­லை­வ­ரினால் நள்­ளி­ரவு 1.30 மணி­ய­ளவில் பொலி­ஸா­ருக்கு சம்­பவம் தொடர்பில் அறி­விக்­கப்­ப­டவே பொலிஸார் உடன் நட­வ­டிக்­கை­களை மேற்­கொண்­டனர். பள்­ளி­வாசல் சி.சி.ரி.வி. கமரா மற்றும் பள்­ளி­வா­ச­லுக்கு அரு­கி­லுள்ள கடைகள் மற்றும் வீடு­களின் சி.சி.ரி.வி. கமரா பதி­வு­களை பொலிஸார் பெற்று விசா­ர­ணை­களை முன்­னெ­டுத்­துள்­ளனர்.

முஸ்லிம் முற்­போக்கு முன்­னணி கண்­டனம்

பள்­ளி­வாசல் தாக்­குதல் குறித்து முஸ்லிம் முற்­போக்கு முன்­ன­ணியின் செய­ல­தி­பரும் முன்னாள் அமைச்­ச­ரு­மான ஏ.எச்.எம்.அஸ்வர் கண்­டனம் தெரி­வித்­துள்ளார். அவர் வெளி­யிட்­டுள்ள கண்­டன அறிக்­கையில் ‘மஹிந்த ராஜபக் ஷவின் ஆட்­சிக்­கா­லத்தில் பள்­ளி­வா­சல்கள் தாக்­கப்­ப­டு­வ­தாக குற்றம் சாட்­டி­னார்கள்.

பள்­ளி­வா­சல்­க­ளுக்கு எதி­ரான நட­வ­டிக்­கை­க­ளுக்கு சமாதி கட்­டு­வ­தா­கவும் நல்­லாட்­சியில் பள்­ளி­வா­சல்­க­ளுக்கும் முஸ்­லிம்­க­ளுக்கும் பாது­காப்பு வழங்­கப்­படும் என்றும் கூறி பத­விக்கு வந்­தார்கள். ஆனால் இந்த நல்­லாட்­சியில் பள்­ளி­வா­சல்கள் தாக்­கப்­ப­டு­கின்­றன. நல்­லாட்சி அர­சாங்கம் பத­வி­யேற்­றதன் பின்பு பல பள்­ளி­வா­சல்­க­ளுக்­கெ­தி­ரான சம்­ப­வங்கள் பதிவு செய்­யப்­பட்­டுள்­ளன.

முஸ்­லிம்­களின் பள்­ளி­வா­சல்­க­ளுக்கு பாது­காப்பு வழங்­கு­வ­தாகக் கூறி பத­விக்கு வந்த அரசு முஸ்­லிம்­களை ஏமாற்றி விட்­டது. பள்­ளி­வாசல் தாக்­கு­தல்­களை நிறுத்­து­வ­தற்கு ஜனா­தி­ப­தியும் பிரதமரும் உடன் நடவடிக்கை மேற்கொள்ள வேண்டும். நல்லாட்சி உருவாகுவதற்கு பங்களிப்புச் செய்த முஸ்லிம்களுக்கு அனைத்து வழிகளிலும் உதவி செய்ய வேண்டும்’ என்றார்.

இதேவேளை சந்தேக நபர்களைக் கைது செய்வதற்கு தேவையான அனைத்து நடவடிக்கைகளையும் மேற்கொள்வதற்கு முயற்சிகள் மேற்கொண்டுள்ளதாக பொலிஸார் தெரிவிக்கின்றனர்.