புத்­தர்­சிலை வைப்­பதா­னால் நானும் பணம் கொடுத்து, "சாது" "சாது" எனக் கூறுவேன் - தயா­க­மகே

மாணிக்­க­மடு மலையில் புத்­தர்­சிலை வைத்­தது பற்றி எனக்குத் தெரி­யாது. இந்­நாட்டில் புத்தர் சிலை அமைக்க முடி­யாது என்று எவ­ருக்கும் கூற­மு­டி­யாது. இதற்­காக சண்டை பிடிக்­கா­தீர்கள்.

எங்கும் புத்­தர்­சிலை வைப்­ப­தனால் நானும் பணம் கொடுத்து "சாது" "சாது" எனக் கூறுவேன் என்று ஆரம்ப கைத்­தொழில் அமைச்சர் தயா­க­மகே தெரி­வித்தார்.

அம்­பாறை மாவட்ட ஒருங்­கி­ணைப்­புக்­குழுக் கூட்டம் மாவட்டச் செய­ல­கத்தில் நடை­பெற்­றது. அப்­போது மாணிக்­க­மடு மலையில் சிலை வைப்பு தொடர்­பாக அம்­பாறை மாவட்ட பாரா­ளு­மன்ற உறுப்­பினர் எம்.ஜ.எம்.மன்சூர் கேள்­வி­யெ­ழுப்­பி­ய­போதே அமைச்சர் தயா­க­மகே இவ்­வாறு கூறினார்.  அமைச்சர் தயா­க­மகே அங்கு தொடர்ந்தும் விளக்­க­ம­ளிக்­கையில்;

மாணிக்­க­மடு மலையில் புத்­தர்­சிலை வைத்­தி­ருப்­பது பற்றி இப்­போது தான் நான் அறி­கிறேன். நாட்டில் ஒரு நாளைக்கு 100க்கு மேற்­பட்ட புத்­தர்­சி­லைகள் பன்­ச­லை­க­ளிலும் மற்றும் இடங்­க­ளிலும் வைக்­கப்­ப­டு­கின்­றன.

தமிழ் கட்­சிகள், முஸ்­லிம்கள், கிறிஸ்­தவ மத தலை­வர்கள் பௌத்த மதத்­துக்கு முத­லிடம் வழங்க வேண்­டு­மெனக் கூறி­யுள்­ளார்கள். அமைச்­ச­ரவை, பிர­தமர் ரணில் அனை­வரும் இதனை அங்­கீ­க­ரித்­தி­ருக்­கி­றார்கள்.

வர­லாற்றில் தீக­வாபி பன்­ச­லைக்கு 12 ஆயிரம் ஏக்கர் காணி சொந்­த­மாக இருந்­த­தாக கூறப்­ப­டு­கி­றது. அவ்­வா­றென்றால் கல்­முனை, பொத்­துவில் எல்லாம் தீக­வாபி பன்­ச­லைக்கே சொந்தம்.

எமது நாட்டின் காடு­களிலும் பாகிஸ்­தா­னிலும் நிலத்தை அகழ்ந்தால் அங்கும் புத்தர் சிலை­களே கிடைக்­கின்­றன. நான் கடந்த வாரம் பாகிஸ்­தா­னுக்குச் சென்­றி­ருந்தேன். பாகிஸ்தான் முஸ்­லிம்கள் புத்தர் சிலை­களைப் பாது­காக்­கின்­றார்கள். நீங்கள் இங்கு புத்­தர்­சி­லைக்­காக சண்டை பிடிக்­கின்­றீர்கள். 

இடையில் பாரா­ளு­மன்ற உறுப்­பினர் மன்சூர் குறுக்­கிட்டார். புத்­தர்­சிலை வைக்­கின்­றீர்கள் வணங்­கு­வ­தற்கு மக்கள் இல்­லையே என்றார். "சாது","சாது" என்று  கூறி மக்கள் வரு­வார்கள் என்று அமைச்சர் தயா­க­மகே பதி­ல­ளித்தார்.

தாது கோபுரம் அமைப்பதற்கு நான் 135 சீமெந்து மூடைகளை வழங்கியிருக்கிறேன். இந்நாட்டின் அரசியல் யாப்பில் பௌத்தத்துக்கே முதலிடம் வழங்கப்பட்டுள்ளது என்றார்.

- யூ.எல்.றியாஸ் -