எம்மிடம் இனவாதம் இல்லையா..? (சுயவிசாரணைக்கான அழைப்பு)
இலங்கையில் வாழும் சிறுபான்மைச் சமூகங்களில் ஒன்றான இஸ்லாமிய சமூகம் இன்று மிகவும் நிதானித்து அணுகவேண்டிய காலகட்டத்தில் இருந்துகொண்டிருக்கின்றது. இலங்கையில் தற்போது பௌத்தர்களுக்கும் இஸ்லாமியர்களுக்கும் மத்தியில் இனவாதத் தீயினை மூட்டிக் குளிர்காய ஏதோ ஒரு தரப்பு முயற்சியை முடுக்கிவிட்டிருப்பதனை உணரமுடிகிறது. இதன் தாற்பரியங்களைப் புரிந்துகொள்ளாமல் பௌத்தர்களில் ஒரு பகுதியினரும் இஸ்லாமியர்களில் ஒரு பகுதியினரும் ஆளுக்காள் பல்வேறுபட்ட பரஸ்பரக் குரோதச் செயற்பாடுகளில் ஈடுபட்டுக்கொண்டிருக்கிறார்கள்.
இக்கட்டுரையை எழுதும் நான் ஓர் இஸ்லாமிய சமூகத்தைச் சேர்ந்த இலங்கையன் என்பதனால் எமது சமூகம் பற்றிய சுயவிசாரணையாக இந்தக் கட்டுரையை நமது சகோதரர்களை நோக்கிச் சமர்ப்பிக்கிறேன்.
நமக்கும் இன்னொரு தரப்பிற்குமிடையிலான பிரச்சினைக்குத் தீர்வு காணுதல் என்கின்ற நிலைமை வரும்போது நாம் நமது தரப்பினைப்பற்றி சுயவிசாரணை செய்வதும் நமது பக்கம் ஏதாவது தவறுகளோ குறைகளோ இருப்பின் அவற்றைச் சரி செய்வதுமே தீர்வுக்கான முதலாவது அடித்தளமாகும். அந்த வகையில் இன்று தோன்றியிருக்கின்ற இனங்களுக்கிடையிலான முறுகல் நிலைக்கு சிறந்ததொரு தீர்வை எட்டுவதற்கு நாம் உண்மையிலேயே இதயசுத்தியுடன் ஆசைப்படுவோமாக இருந்தால் நாம் நமது தரப்பினைச் சுயவிசாரணைக்கு உட்படுத்துதல் தலையாய கடமையாக இருக்கின்றது.
எம்மிடம் இனவாதம் இல்லையா?
எம்மிடம் இனவாதம் இல்லையா?
இன்றும் எம்மில் பலர் இலங்கை அணிக்கும் பாகிஸ்தான் அணிக்கும் கிரிக்கட் போட்டி இடம்பெறும்போது பாகிஸ்தான் அணிக்கு ஆதரவு வழங்கும் நிலையில் பலர் இருக்கிறார்கள். அதுவும் அப்போட்டி இலங்கையில் உள்ள மைதானத்தில் இடம்பெறும் போதே தங்களது ஆதரவை வெளிப்படையாக பாகிஸ்தான் அணிக்கு காண்பித்து பாகிஸ்தான் கொடியை அசைப்பவர்கள் இன்னும் இருந்துகொண்டுதானிருக்கிறார்கள். “சிங்க லே” என்று ஸ்டிக்கரை பௌத்த சகோதரர்கள் ஒட்டுவதற்கு முன்னரே சவூதி அரேபியாவின் வாள் சின்னத்துடன் கூடிய அரபு எழுத்தணியை எமது இஸ்லாமிய சகோதரர்கள் வாகனங்களில் ஒட்டத்தொடங்கிவிட்டார்கள் என்பதை நாமனைவரும் ஏற்றுக்கொள்ளவேண்டும். அவ்வாறிருக்கும் போது “சிங்க லே” என்ற வாசகம் தாங்கிய ஸ்டிக்கரை கண்டிக்க எமக்கு என்ன அருகதையிருக்கிறது?
நாம் நாட்டில் எங்காவது பயணம் சென்றால் எமது உணவுத் தேவைக்காக இஸ்லாமியர்களால் நடாத்தப்படும் உணவகங்களைத் தேடியலைகிறோம். ஆனால் ஏராளமான பௌத்த சகோதரர்கள் எமது இஸ்லாமியர்களில் உணவகங்களில் சாப்பிட்டுச் செல்வதனைக் கண்குளிரக் காண்கிறோம். இவ்விடயத்தை நான் சொல்லும் போது ஹறாம் ஹலால் பிரச்சினையை உடனே நினைவுபடுத்துவீர்கள். எனவே அந்த நியாயத்தை ஏற்றுக்கொண்டு உண்மையிலேயே பௌத்த சகோதரர்கள் யாவரும் இனவாதிகளாகவும் இஸ்லாமிய விரோதிகளாகவும் இருந்தால் அவர்கள் நமது சகோதரர்களின் உணவகங்களுக்கு வரமாட்டார்கள் எனும் தகவலைச் சொல்லிக்கொள்கிறேன். நாம் ஆடைக் கடைகளுக்குச் செல்வதாக இருந்தாலும் பெரும்பாலும் எமது இஸ்லாமிய சகோதரர்களின் கடைகளுக்கே நாடிச் செல்கின்றோம். ஆனால் பௌத்த சகோதரர்களின் ஆடையகங்களில் பன்றி மற்றும் நாய் போன்ற விலங்குகளின் தோலினால் செய்யப்படுகின்ற ஆடைகளில்லையே? ஆனால் பெரும்பாலான பௌத்த சகோதரர்களோ எமது இஸ்லாமிய சகோதரர்களின் முன்னணி ஆடையகங்களில்தான் அலைமோதிக்கொண்டிருக்கிறார்கள்.
பள்ளிவாசல்களும் புத்தர்சிலைகளும்
புத்தர் சிலைகள் வைக்கப்படுதல் எனும் விடயம் இன்று பூதாகரமாகியுள்ளது. புத்தர் சிலைகள் வைக்கப்படும் முயற்சிகள் ஆங்காங்கே நடந்துகொண்டுதானிருக்கின்றன. அதை மறுப்பதற்கில்லை. ஆனால் அதைக்கண்டு எமது இஸ்லாமிய சகோதரர்களில் சிலர் கூச்சலிடுவதிலும் அதை வைத்து எமது இஸ்லாமிய அரசியல் தலைவர்கள் அரசியல் செய்வதிலும் மனக் கசப்புக்களும் இனங்களுக்கிடையிலான முறுகல்களும்தான் மிஞ்சப்போகின்றன. புத்தர் சிலைகள் இது வரைக்கும் இஸ்லாமியர்களின் பள்ளிவாசல்களுக்குள் கொண்டு வந்து பலவந்தமாக வைக்கப்பட்ட தகவல்கள் எங்கும் கிடையாது. அதுபோலவே எமக்குச் சொந்தமான நிலங்களில் வைத்த தகவல்களும் கிடையாது.
அவற்றையும் தாண்டி புத்தர் சிலையை வைத்துவிட்டு அதனை பிறரும் கட்டாயம் வணங்கித்தானாக வேண்டும் என்று யாரும் யாரையும் கட்டாயப்படுத்தவுமில்லை. அதுபோல புத்தர் சிலைகளை அடிக்கடி காண நேரிட்டால் மதம் மாற நேரிடும் என்கின்ற நிலையும் இஸ்லாமியர்களிடத்தில் இல்லை. அப்படியிருக்க இதற்கு ஏன் முரண்பட்டுக் கொள்ளவேண்டும் என்று வினவினால் சில இஸ்லாமிய சகோதரர்கள் சில விளக்கங்களைத் தருகிறார்கள்.
1. பௌத்தர்கள் செறிவாக வாழாத இடத்தில் எதற்கு புத்தர் சிலை? சிலர் இதனை பௌத்தர்கள் இல்லாத இடத்தில் எதற்கு புத்தர் சிலை என்று வினவுகிறார்கள். ஆனால் அவ்வாறு வினவுவது தவறு. முஸ்லிம்கள் இல்லாத மாவட்டம் ஒன்று எவ்வாறு இலங்கையில் இல்லையோ அதுபோல பௌத்தர்கள் இல்லாத மாவட்டமும் இலங்கையில் கிடையாது.
2. புத்தர் சிலையை வைக்கும் நோக்கம் எதிர்காலத்தில் சிங்களக் குடியேற்றத்தை மேற்கொள்வதற்கான முன்னெடுப்பேயாகும் என்று சில இஸ்லாமியர்கள் அஞ்சுகிறார்கள்.
3. இஸ்லாமியர்கள் செறிந்து வாழும் இடத்தில் எதற்கு புத்தர் சிலை? இதனால் இஸ்லாமியர்களின் கலாசாரம் கேள்விக்குள்ளாகும் என வருந்துகிறார்கள்.
இவர்களிடம் வினவ என்னிடமும் சில வினாக்கள் உண்டு.
1. முஸ்லிம்கள் செறிவாக வாழாத இடங்களில் நாம் இதுவரையிலும் பள்ளி வாசல்கள் அமைக்கவே இல்லையா? பௌத்தர்களின் புனித பூமி எனப் பிரகடனப்படுத்தப்பட்டுள்ள இடங்களிலேயே எமது பள்ளிவாசல்கள் அமையப்பெற்றிருக்கின்றனவே. இது மாத்திரமன்றி நாம் இன்னுமின்னும் பள்ளிவாசல்களைக் கட்டிக்கொண்டுதானே இருக்கின்றோம்?
2. முஸ்லிம்கள் செறிவாக வாழுகின்ற இடங்களில் புத்தர் சிலை வைப்பது தவறு என்றால் மாற்று மத சகோதரர்களுக்கு அவர்களுடைய மொழியில் அல்குர்ஆன் பிரதிகளை அச்சிட்டு வழங்குவதும் தவறாகுமோ?
3. புத்தர் சிலையை வைத்துவிட்டு சிங்களக் குடியேற்றத்தை மேற்கொள்ளுவார்கள் என்றும் எமது தனித்துவத்தையும் கலாசாரத்தையும் இழந்துவிடுவோம் என்றும் பயந்தால் பௌத்த சகோதரர்கள் பெரும்பான்மையாக வாழுகின்ற நிறைய இடங்களில் ஆங்காங்கே இஸ்லாமிய சகோதரர்கள் நாடு முழுவதும் வாழ்கிறார்களே...? அந்த இஸ்லாமியர்களால் பௌத்தர்களின் தனித்துவமும் கலாசாரமும் பாதிக்கப்படுகிறதா? அன்றேல் அவ்வாறு அஞ்சி பௌத்த சகோதரர்கள் தம்மிடையே வாழும் இஸ்லாமியர்களை இலங்கையில் எங்காவது வெளியேற்றுகிறார்களா...?
4. எல்லாவற்றையும் விட மேலான அல்லாஹ்வையும் அவனது அளவற்ற சக்தியையும் ஈமான் கொண்டிருக்கும் நாம் ஏன் ஒரு சிலையைக் கண்டு இவ்வளவு அஞ்ச வேண்டும்?
சில பௌத்த துறவிகள் கடும்போக்குடன் நடந்துகொள்கிறார்கள் என்பதற்காக அவர்களுக்கான எதிர்ப்பை வெளிப்படுத்தும் பொருட்டு ஒட்டுமொத்த பௌத்த சகோதரர்களையும் சாடுதல் அல்லது அவர்கள் பற்றிய தவறான பதிவுகளை முகப்புத்தகத்தில் பதிவிடுதல் ஓர் இஸ்லாமிய சமூகத்தின் பண்பாகுமா? அதாவது பௌத்த துறவியொருத்தர் பெண்னொருத்தியுடன் தவறாக இருப்பதைப் போன்றதான காணொளியொன்று அண்மைக் காலமாக எமது இஸ்லாமிய சகோதரர்களின் முகப்புத்தகங்களில் பகிரப்பட்டவண்ணமிருக்கிறது. இது இஸ்லாமியர்களுக்கான முன்மாதிரியாகுமா? இவ்வாறு எதிர்ப்பினை வெளிக்காட்டும் முறை இஸ்லாத்தில் எங்காவது போதிக்கப்பட்டிருக்கிறதா?
எது எமது வீரம்?
மகிந்த ராஜபக்ஷ ஆட்சியில் இருந்தபோது தற்போதைய நிலையை விடவும் பன்மடங்கு இஸ்லாமிய விரோதச் செயற்பாடுகள் தலைதூக்கியிருந்தன. ஆனால் அந்தக் காலத்தில் இந்தியாவில் வெளியான சினிமாப் படத்திற்கு எதிராக ஆர்ப்பாட்டம் நடாத்தியவர்கள் மகிந்த அரசுக்கு எதிராக அவ்வளவாக சத்தமிடவில்லை. ஏனென்றால் அப்போது வெள்ளைவேன் இருந்தது. தமது இயக்கத்தின் இருப்பிற்கே பங்கமேற்பட்டு விடும் என்ற அச்சமும் இருந்தது. ஆனால் இன்றைய அரசாங்கம் அவ்வாறான சட்ட விரோத செயற்பாட்டில் ஈடுபடாது என்கிற நம்பிக்கையிருப்பதால் அரசாங்கத்தை வீட்டுக்கு அனுப்புவோம் எனக் கூச்சலிடுவது உண்மையான வீரமாகுமா? அது மாத்திரமன்றி நாங்கள் சிறுபான்மையல்ல... எனக் கூறி உலகிலுள்ள ஒட்டுமொத்த இஸ்லாமியர்களின் எண்ணிக்கையையும் சொல்லி அச்சுறுத்துவது ஒரு நாட்டின் இறைமை பற்றிய அறிவின்மையின் அடையாளமல்லவா?
மகிந்த ராஜபக்ஷ ஆட்சியில் இருந்தபோது தற்போதைய நிலையை விடவும் பன்மடங்கு இஸ்லாமிய விரோதச் செயற்பாடுகள் தலைதூக்கியிருந்தன. ஆனால் அந்தக் காலத்தில் இந்தியாவில் வெளியான சினிமாப் படத்திற்கு எதிராக ஆர்ப்பாட்டம் நடாத்தியவர்கள் மகிந்த அரசுக்கு எதிராக அவ்வளவாக சத்தமிடவில்லை. ஏனென்றால் அப்போது வெள்ளைவேன் இருந்தது. தமது இயக்கத்தின் இருப்பிற்கே பங்கமேற்பட்டு விடும் என்ற அச்சமும் இருந்தது. ஆனால் இன்றைய அரசாங்கம் அவ்வாறான சட்ட விரோத செயற்பாட்டில் ஈடுபடாது என்கிற நம்பிக்கையிருப்பதால் அரசாங்கத்தை வீட்டுக்கு அனுப்புவோம் எனக் கூச்சலிடுவது உண்மையான வீரமாகுமா? அது மாத்திரமன்றி நாங்கள் சிறுபான்மையல்ல... எனக் கூறி உலகிலுள்ள ஒட்டுமொத்த இஸ்லாமியர்களின் எண்ணிக்கையையும் சொல்லி அச்சுறுத்துவது ஒரு நாட்டின் இறைமை பற்றிய அறிவின்மையின் அடையாளமல்லவா?
அல்குர்ஆனைக் கொச்சைப் படுத்தியதாகச் சொல்லி கொச்சையான வார்த்தைகளை அடுத்தவர்கள் மீது பிரயோகிப்பதா இஸ்லாம் எமக்குக் காட்டித்தந்துள்ள வழிமுறை? கோபம் வரும் போது பொறுமை செய்வதல்லவா உண்மையான வீரம் என எமது இஸ்லாம் எமக்குக் கற்றுத் தந்துள்ளது. அல்குர்ஆனைப் பாதுகாப்பவன் எல்லாம் வல்ல அல்லாஹ் என ஈமான் கொண்டு ஏன் எம்மால் பொறுமை காக்கமுடியவில்லை? தொழுகையைக் கொண்டும் பொறுமையைக் கொண்டும் அல்லாஹ்விடம் உதவி தேடுமாறு கட்டளையிட்டுள்ள அல்குர்ஆனின் விவகாரத்திற்கே நாம் பொறுமையிழந்து வீதியில் கூச்சலிடலாமா? எனவே இவையனைத்து விடயங்களையும் சீர்தூக்கிச் சிந்தித்து நாம் செயற்படுவோமாக இருந்தால் எம்மத்தியில் பக்குவப்பட்ட ஒரு மனநிலையை எல்லாம் வல்ல அல்லாஹ் ஏற்படுத்துவான். இதனால் எமது இலங்கைத் திருநாட்டில் யாவருமாய்க் கூடி வாழ்கின்ற நிம்மதியான நிலைமை மலரும்.
-ரா.ப.அரூஸ் விடிவெள்ளி-
Great reporting,
ReplyDeleteமாஷா அல்லாஹ் அழகிய விளக்கம் நண்பரே இது எத்தனை பேருக்கு விளங்கும் இதை ஜீரனிப்பார்களா.இதற்கு எதிராகவும் com. போடுவார்கள்
ReplyDeleteWow!what a wonderful reporting. Every muslim in sri lanka should read it and underatand what we should do what shouldn't.....Great writing.
ReplyDeleteHeart touching report .... Allah has to protect all innocent people in our country.
ReplyDeleteஅரூஸ் அவர்களே, சுயவிசாரணை கருத்தில் கொள்ளப்பட வேண்டிய விடயம் என்பதில் மாற்று கருத்து கிடையாது. ஆனால் தற்போதைய பிரச்சினை, நீங்கள் சொன்ன காரணத்தினால் தான் இடம் பெறுகிறது என்று கூற முடியாது. ஆக இதட்கான முழு காரணமும் துவேஷமும் ( சிங்கள குண்டர்கள், சில தேரர்கள்) அரசியல் பின்னணியும் ( ராஜபக்ச அன் கோ ) தான் காரணம். முஸ்லிம்களின் உரிமையை பாதுகாப்பது அரசின் கடமை. எனவே அரசு அதன் கடமையை செய்கிறதா என்று பார்க்க வேண்டும். அந்த கடமையை உறுதிப்படுத்துக் கொள்வது இந்த நாட்டின் முஸ்லீம் அமைச்சர்களினதும், எம்பிகளினதும் தலையாய கடமையாகும்.
ReplyDeleteமுஸ்லிம்கள் மீது சிங்கள துவேஷிகள் பணியாரம் சுடுகிறார்கள், அதன் போது வரும் சலசலப்பை தான் நீங்கள் கூறினீர்கள் ஆனால் அந்த பணியாரத்தை என்ன செய்வது என்று கூறவில்லையே???
அரூஸ் அவர்களே, சுயவிசாரணை கருத்தில் கொள்ளப்பட வேண்டிய விடயம் என்பதில் மாற்று கருத்து கிடையாது. ஆனால் தற்போதைய பிரச்சினை, நீங்கள் சொன்ன காரணத்தினால் தான் இடம் பெறுகிறது என்று கூற முடியாது. ஆக இதட்கான முழு காரணமும் துவேஷமும் ( சிங்கள குண்டர்கள், சில தேரர்கள்) அரசியல் பின்னணியும் ( ராஜபக்ச அன் கோ ) தான் காரணம். முஸ்லிம்களின் உரிமையை பாதுகாப்பது அரசின் கடமை. எனவே அரசு அதன் கடமையை செய்கிறதா என்று பார்க்க வேண்டும். அந்த கடமையை உறுதிப்படுத்துக் கொள்வது இந்த நாட்டின் முஸ்லீம் அமைச்சர்களினதும், எம்பிகளினதும் தலையாய கடமையாகும்.
ReplyDeleteமுஸ்லிம்கள் மீது சிங்கள துவேஷிகள் பணியாரம் சுடுகிறார்கள், அதன் போது வரும் சலசலப்பை தான் நீங்கள் கூறினீர்கள் ஆனால் அந்த பணியாரத்தை என்ன செய்வது என்று கூறவில்லையே???
Brother need more Islamic knowledge, jaffna Muslim shouldn't publish this kind of article . He didn't understand real facts. He doesn't care anything just want to live with KFC and pizza hurt.
ReplyDeleteI am on the same page with Kuruvi's argument:
ReplyDelete"Protecting the minority is the duty of those in power. Those who are made to access that power supposed to ensure that." If they are not ensuring that- then people need to get to those whom they made to access power. What they should do is to break their face, if they can't do that, then demand them to resign and go home. When people skip the very vital 'protocol' and take the inappropriate step/s, things get complicated and worse, ultimately end up only ruining their image with no fruitful aftermath.
" Now what is the aftermath of SLTJ protest? "
I fully agreed with the writer and thumps up for JM for posting it and then see 'TRUE NEVER DIE' gotta say something.
// True Never Die //, can you elaborate how the writer lacks Islamic knowledge, what he doesn't understand and what he doesn't care about, briefly? You see, your KFC & Pizza comment wont do any good to the society you know!
Good Thinking Eye Opener,
ReplyDeleteThere is some thing which some Sinhalese and some Muslim brethren don't
understand at this point.
There is no hatred among this two communities but its been created for political mileage.The Masters of the of all groups from either side are same.(The Indian Cinema style)
The above article is a nice one with real facts.These type of thinking has to be encouraged rather than finding fault.
உண்மையில் உங்களது கட்டுரை வரவேற்க தக்கது . இது ஓர் இரு மாதங்களுக்கு முன்பு வந்திருந்தால் பல பேருக்கு பயன் உள்ளதாகவும் ,நம்மவர்களால் முன்னெடுக்கப்பட்ட சில அசம்பாவிதங்களும் தடுக்கப்பட்டிருக்கலாம் எனத்தோன்றுகிறது.அதேநேரம் இனவாதிகள் செய்யும் சிங்களவரகளே இல்லாத முஸ்லீம்கள் வாழுகின்ற இடங்களில் சிலை வைப்பது போன்ற செயற்பாடுகள் மற்றும் சில விடயங்களை அவர்கள் செய்தால் நமக்கென்ன பிரச்சினை என்று இருந்து விட முடியாது. ஏன்னெனில் இனவாதிகளால் ஏற்படுத்தப்பட்ட பல விடயங்கள் முஸ்லீம்களுக்கு எதிராகவே என்பது தெட்ட தெளிவாகின்றது.முஸ்லீம்கள் பல விடயங்களில் பொருமை செய்து ஏராலமான சொத்துக்களையும் உறிமைகளையும் இழந்தும் இழந்து கொண்டும் வருகின்றோம் என்பதையும் மறுக்கவும் மறக்கவும் முடியாது.. இலங்கையில் வாழுகின்ற மூவின மக்களுக்கும் சம உரிமை கிடைக்க வேண்டும் நமது உரிமைகள் மீறப்படுகின்றபோது அதற்காக நாம் குறல் கொடுக்க வேண்டிய கட்டாயத்திலேயே இருக்கின்றோம். எனவே நமது உறிமைக்காக போறாடுகின்றவர்களை அமைப்பு வேறுபாடு காட்டாமல் நாமும் ஒத்துழைப்பு வழங்கி ஒற்றுமையாக வாழ எல்லாம் வல்ல இறைவன் நமக்கு அருள் புரிவானாக ் ஆமீன்
ReplyDeleteWell Said, great Reporting Bro.,
ReplyDeleteகருத்து என்னமோ சரிதான் பிரச்சினை அதுவல்ல நீங்க சிலை வைக்க விட்டாலும் சரி விடாட்டாலும் சரி உங்க பொருளாதாரம் மற்றும் இஸ்லத்தின் வளர்ச்சி
ReplyDeleteஇன்னொரு முக்கியமான விடயம், நம்மவர்கள் நடாத்துகின்ற hotelகளில் முஸ்லீம் hotel என பெயர் இட்டிருப்பார்கள். இது முற்றாக தவிர்க்கப்பட வேன்டும் முஸ்லீம் பெயர் இட்டு hotel என்று எழுதினால் போதுமானது . இல்லாவிட்டால் அது பாரிய விபரீத்தை கொண்டு வரலாம் .
ReplyDeleteநண்பர் அசீஸ்! இஸ்லாமிய விரோதிகளுக்கு நீங்கள் எந்தப்பெயரில் உங்கள் வியாபார நிலையங்களை நிறுவினாலும் ஒன்றுதான்.
Deleteமுஸ்லிம்களை பொருளாதார ரீதியாக பின்னடையச்செய்யவேண்டுமென்பது உலகலளாவிய ரீதியில் இன்று மேற்கொள்ளப்படுகிறது.
Fashion Bug , No Limit எல்லாம் முஸ்லிம் பெயரா? அதை இஸ்லாமிய விரோதிகள் தாக்கவில்லையா?
It's not the Sinhalese you set the plan they just implement the Zionists plan which comes to Gnanasara and his associates.
They gather every information about Muslims through grama sevaka, bank managers , ministries etc...
Deleteநீங்கள் சொல்வது சரி முஸ்லீம்களின் பொருலாதாரத்தை முடக்க பல முயற்சிகள் இடம்பெருகின்றன் but நான் சொன்னது இப்படியான பெயர்கள் வைப்பபதனால் அது நமது நாட்டில் இனவாத்தைதூண்டும் காரணியாக அமையக் கூடும் என்பதற்காகவே
Delete