காபிர்களிடம், முஸ்லிம்களை காட்டிக்கொடுக்காதீர்கள்..!

சிறிலங்கா தௌஹீத் ஜமாத்தின் பொதுச்செயலாளர் கைது செய்யப்பட்டிருக்கிறார். அவரை சிறையிடைப்பதில்   காபிர்களின் ஆர்வத்தை விட முஸ்லீம்களின் ஆர்வம் அதிகமாக இருக்கிறது என்று தோன்றுகிறது. இலங்கையில் இருக்கும் ஒரு முஸ்லீம் அரசியல் கோமாளி ஒருவர், தன்னைப் பகிரங்கமாக எப்போதோ விமர்சித்ததற்காக ஆர்ப்பாட்டம் நடத்தியதைப் பெயராக வைத்துப் பழிதீர்த்திருக்கிறார்.

இயக்க வெறி எங்களுக்குள் தலைவிரித்தாடுகிறது. நாம் மட்டும்தான் சரி என்ற அகங்காரம் எங்களின் சிந்தனைத்திறனை சிதைத்து சீரழித்துவிடுகிறது. சரியும் பிழையும் எங்களை விட்டுத்தூரமாகிவிடுகிறது. எமது கொள்கையோடு இணங்கிப்போகாத இன்னொரு முஸ்லிமை எதிரியிடம் மாட்டிவிடுவதற்கு எமது இதயம் ஏங்கித்தவிக்கிறது. எதிரியிடம் அந்த முஸ்லிம் மாட்டிக்கொள்ளும் பொழுது எங்கள் உள்ளம் துள்ளிக்குதிக்கிறது.

பல சமுதாயங்கள் எதிரிகளால் அழிந்ததை விட துரோகிகளால் அழிந்ததே அதிகம்.அறிஞர் அண்ணா ஒரு முறை கூறினார்.”நெஞ்சுக்கு நேரே பாய்ந்துவரும்  சிறுத்தையிடமிருந்து நாம் தப்பித்துவிடலாம்.ஆனால் பச்சைப் புற்தரையில் நடந்து செல்லும்போது பச்சையோடு பச்சையாக ஊர்ந்து வந்து காலைத்தீண்டும் பச்சைப் பாம்பிடம் இருந்து காத்துக்கொள்வது கடினம்” என்று.

சிறிலங்கா தௌஹீத் ஜமாதின் கொள்கைகளின் பகிரங்க விமர்சகன் நான். அவர்களின் தலைகளுக்குள் எல்லாம் இஸ்லாத்தை விட தத்துவமும்,தர்க்கமும் புகைமூட்டமாய் மண்டிக்கிடக்கிறது.அவர்களின் நிதானமில்லாத நடத்தை,விவேகமில்லாத விவாதங்கள், அனாவசியமான விடயங்களைக் கொண்டு சமூகத்தைப் பிரித்து சல்லடையாக்கும் செயற்பாடுகள் என்று அவர்களின் எத்தனையோ விடயங்களுக்கு, பலரைப் போல் நானும் பகிரங்க விமர்சகனாக இருக்கிறேன். அவர்களின் தலைவரையும், இயக்கத்தையும் இறைவனுக்காக வெறுப்பவன் நான்.

அவர்கள் மீதிருக்கும் இத்தனை கோபமும் அல்லாஹுக்காக மட்டுமே என்றால் இஸ்லாம், முஸ்லீம் என்ற எல்லைக்கோட்டை விட்டு அவை தாண்டி விடக்கூடாது. அந்த அழகான கோபங்களை வக்கிரமாக மாற்றி காபிரின் கைகளில் கொடுத்து பழிதீர்ப்பது ஒரு பெரிய பாவம். இந்த வேறுபாடு தெரியாமல் எமது பல முஸ்லீம்கள் அவரின் கைதில் மகிழ்ச்சி அடைகிறார்கள்.

அவர்கள் எங்கள் கொள்கைகளில் வேறுபட்டவர்கள் மாத்திரமே.இஸ்லாத்தை விட்டு வெளியேறியவர்கள் அல்ல. அவர்கள் எங்கள் சகோதரர்கள்தான். அவர்களை நாம்தான் கண்டிக்கவேண்டும். அவர்கள் பிடரியைக் குனியவைத்து நான்கு குட்டுக்குட்டவேண்டும். கதவை மூடிக்கொண்டு சண்டை பிடிக்கவேண்டும். பின்னர் கைகளைக் குலுக்கிக்கொண்டு பிரியவேண்டும். இது எங்கள் உள்வீட்டுச் சண்டை. அதை அயல் வீட்டுக்காதுகளுக்கு எடுத்துச் செல்லக்கூடாது.

ஒரு முஸ்லிமின் கண்ணியம் கஃபாவை விட புனிதமானது என்பது நபிமொழி.ஒரு சிலைவணங்கியின் கிரீடத்தை விட ஒரு சுஜீது செய்பவனின் செருப்பு எவ்வளவோ மேலானது. நாளை எங்கள் வீடுகள் வெள்ளத்தால் அடிபட்டால் ஒரு காபிர் அரிசி மூட்டையைத் தூங்கிக்கொண்டு வரமாட்டான்.ஒரு முஸ்லீம் வருவான்.எமது சகோதரனுக்கு ரத்தம் தேவைப்பட்டால் நரம்பைக்காட்டிக்கொண்டு ஒரு காபிர் வரமாட்டான். ஒரு முஸ்லீம் வருவான்.எமது தந்தையின் சந்தூக்கைத் தூக்க ஒரு சோமபால வரமாட்டான். ஒரு சக்கீ முஹமட் வருவான்.

அவர்களுக்கு தௌஹீத் தம்பிலா, தப்லீக் தம்பிலா என்றெல்லாம் தெரியாது.தம்பிலா என்று மட்டும்தான் தெரியும். இதனை எம்மால் புரிய முடியாமல் இருக்கிறது. எதில் பிரிந்து நிற்க வேண்டும் எதில் சேர்ந்து நிற்கவேண்டும் என்ற வேறுபாடு தெரியாமல் எல்லாவற்றிலும் பிரிந்தே நிற்கிறோம். எங்களை எதிர்ப்பதில் அவர்களுக்குள் இருக்கும் ஒற்றுமையின் ஒரு கயிறு கூட எங்களைச் சேர்ப்பதில் எங்களுக்குள் இல்லாமல் இருப்பது வேதனை அளிக்கிறது.

வீதியில் விளையாடும் குழந்தையைப் பார்த்து ‘வீட்டுக்கு வா.பார்த்துக்கொள்கிறேன்’ என்று கூறும் ஒரு தந்தையின் நாகரீகத்தில் ‘வீட்டுக்கு வா’ என்பதில் உள்ள அன்பும்,’பார்த்துக்கொள்கிறேன்” எனபதில் இருக்கும் கண்டிப்பும்தான் நாம் முரண்படும் ஒரு முஸ்லீமிடம் நடந்து கொள்ளவேண்டிய முறை.ஆனால் வாகனத்தை நிறுத்தி விட்டு நடுவீதியில் எமது சகோதர்களுக்கு அடித்துக்கொண்டிருக்கிறோம்.எனது மகளை நீ கற்பழி நான் பார்த்து ரசிக்கிறேன் என்று கூறும் ஒரு தந்தையின் கீழ் மனம்தான் ஒரு முஸ்லீம் காபிர்களால் சிறைப்படுத்தப்படும்போது மகிழ்ச்சியடைவது.

முஸ்லீம் சட்டத்தை அகற்றாதே என்று ஆர்ப்பாட்டம் செய்ததற்காக ஒரு சகோதரர் சிறையிலடைக்கப்பட்டுள்ளார்.அவர் ஆர்ப்பாட்டத்தில் பிரயோகித்த வார்த்தைகளில் தவறிருக்கலாம். அதை விட முஸ்லீம்களின் இறைவனுக்கெதிராக மோசமாகப் பேசியவர்கள் எல்லாம் வெளியில்தான் இருக்கிறார்கள். அவர்களையெல்லாம் கைதுசெய்யாமல் விட்டிருக்கும் காபிர்களிடம் போய் ஒரு முஸ்லிமைக் கைது செய்யச் சொல்லியிருக்கும் அந்த ஈமான்தாரர்கள் எத்துணை துரோகிகள். அவரை பிடித்துக்கொடுத்த, பிணை எடுக்கத் தடையாக நின்ற முஸ்லீம்கள் அல்லாஹ்வைப் பயந்து கொள்ளட்டும்.

அவர் வீடு வரும் வரைக்கும் அவரோடு நிற்போம். வீடு வந்ததன் பின்னர் முரண்பட்டுக்கொள்வோம்...

-வட்ஸப் மூலம் வந்தது-