முஸ்லிம்களின் உணர்வுகளை தூண்டிவிட சதி - உளவுப் பிரிவு தகவல்

நாட்டில் முஸ்­லிம்­களின் உணர்­வு­களைத் தூண்­டி­விடும் நட­வ­டிக்­கைகள் திட்­ட­மிட்டு மேற்­கொள்­ளப்­பட்டு வரு­வ­தாக உளவுப் பிரிவின் அறிக்­கையில் தெரி­விக்­கப்­பட்­டுள்­ளதால் முஸ்­லிம்கள் நிதா­ன­மாக நடந்து கொள்ள வேண்­டு­மெ­னவும் நாட்­டி­லுள்ள பள்­ளி­வா­சல்­க­ளுக்கும் முஸ்­லிம்­க­ளுக்கும் பாது­காப்பு வழங்­கு­வ­தற்கு அர­சாங்கம் தீர்­மா­னித்­துள்­ள­தா­கவும் முஸ்லிம் சமய விவ­கார மற்றும் தபால், தபால் சேவைகள் அமைச்சர் எம்.எச்.ஏ.ஹலீம் தெரி­வித்தார்.

தம்­புள்­ளையில் பள்­ளி­வா­ச­லுக்கும் முஸ்­லிம்­க­ளுக்கும் எதி­ராக மேற்­கொள்ளத் திட்­ட­மிட்­டுள்ள ஆர்ப்­பாட்­டத்­துக்கு தடை­யுத்­த­ரவு பிறப்­பிக்­கு­மாறு பொலிஸ் மா அதி­ப­ரிடம் வேண்­டுகோள் விடுத்­துள்­ள­துடன் இவ்­வி­வ­கா­ரத்தை ஜனா­தி­பதி மற்றும் பிர­த­மரின் கவ­னத்­திற்குக் கொண்டு வந்­துள்­ள­தா­கவும் அவர் தெரி­வித்தார்.

தம்­புள்­ளையில் எதிர்­வரும் 19 ஆம் திகதி ஏற்­பாடு செய்­துள்ள ஆர்ப்­பாட்டம் தொடர்பில் வின­வி­ய­போதே அவர் இவ்­வாறு கூறினார். தொடர்ந்தும் அமைச்சர் ஹலீம் கருத்து தெரி­விக்­கையில், 

தம்­புள்­ளையில் முஸ்­லிம்­களும் பெரும்­பான்மை இனத்­த­வர்­களும் வர­லாறு தொட்டு நல்­லு­ற­வுடன் ஒற்­று­மை­யா­கவே வாழ்ந்து வரு­கின்­றனர். இந்­நி­லையில் சிலர் அர­சியல் சுய­லாபம் கருதி தம்­புள்ளை பள்­ளி­வாசல் விவ­கா­ரத்தை ஊதிப்­பெ­ருப்­பிக்­கின்­றனர். 

இப்­பள்­ளி­வாசல் விவ­கா­ரத்­துக்கு நிரந்­தர தீர்­வு­காண்­ப­தற்கு அனைத்து நட­வ­டிக்­கை­களும் முன்­னெ­டுக்­கப்­பட்­டு­வ­ரு­கின்­றன. நகர அபி­வி­ருத்தி அதி­கார சபை மாற்­றீ­டாக காணி­யொன்­றி­னையும் ஒதுக்­கி­யுள்­ளது.

பள்­ளி­வா­சலை சூழ­வுள்ள குடும்­பங்­க­ளுக்கும் பள்­ளி­வா­ச­லுக்­கென்று ஒதுக்­கப்­பட்­டுள்ள காணிக்கு அருகில் காணி வழங்­கப்­பட வேண்­டு­மென்று கோரிக்கை விடுக்­கப்­பட்­டுள்­ளது.

இது தொடர்பில் நகர அபி­வி­ருத்தி அதி­கார சபை­யுடன் பேச்­சு­வார்த்­தைகள் நடாத்தி வரு­கிறோம். தம்­புள்ளை பிர­தேச செய­லா­ள­ரி­டமும் இக்­கோ­ரிக்கை முன்­வைக்­கப்­பட்­டுள்­ளது. முஸ்­லிம்கள் பெரும்­பான்மை இனத்­த­வர்­க­ளுடன் கலந்து வாழும் பிர­தே­சங்­களில் நாம் முரண்­பட்டுக் கொள்­ளாது எமது தேவை­களை நிறை­வேற்றிக் கொள்ள வேண்டும். 

தம்­புள்ளை பள்­ளி­வாசல் விவ­காரம் தொடர்பில் முஸ்லிம் பாரா­ளு­மன்ற உறுப்பினர்கள் மற்றும் அமைச்சர்களுடன் கலந்து பேசியிருக்கிறேன்.

பள்ளிவாசல் நிர்வாகிகளையும் அழைத்து கலந்துரையாடல்களை நடாத்தத் திட்டமிட்டிருக்கிறேன். விரைவில் தம்புள்ளை பள்ளிவாசலுக்கு நிரந்தரத் தீர்வினைப் பெற்றுக் கொள்ள முடியும் என்றார்.

விடிவெள்ளி  ARA.Fareel