சீனாவின் விளக்கம்

இலங்கை தொடர்பில் சீனாவின் இலங்கைக்கான தூதுவர் வெளியிட்ட கருத்தை பாதுகாக்கும் வகையில் சீன அரசாங்கம் இன்று கருத்து வெளியிட்டுள்ளது

இலங்கையில் சீனா தொடர்பில் நிலவும் பிழையான வாதங்கள் மற்றும் தவறான வழிநடத்தல் என்பவற்றை தெளிவுப்படுத்தும் வகையிலேயே சீனத்தூதுவரின் கருத்து அமைந்துள்ளதாக சீனா குறிப்பிட்டுள்ளது.

சீனாவின் வெளியுறவு அமைச்சின் பேச்சாளர் லூ காங் இந்த கருத்தை வெளியிட்டுள்ளார்.

இலங்கைக்கு சீனா அதிக வட்டியுடனான கடன்களை வழங்கியதாக சுமத்தப்பட்ட குற்றச்சாட்டுக்களுக்கு அண்மையில் பதிலளித்திருந்த இலங்கைக்கான சீனத்தூதுவர் அதனை மறுத்ததுடன், அதிக வட்டியாக இருப்பின் ஏன் தொடர்ந்தும் சீனாவிடம் கடன்களை இலங்கை எதிர்ப்பார்க்கவேண்டும் என்ற கேள்வியை எழுப்பியிருந்தார்.

அத்துடன் சீனா, இலங்கையின் உள்ளுர் அரசியலில் தலையிடாது என்றும் சீன நிறுவனங்கள் எவையும் இலங்கையர்களுக்கோ, இலங்கையின் வர்த்தகங்களுக்கோ லஞ்சம் கொடுக்காது என்றும் அவர் குறிப்பிட்டிருந்தார்.
இதற்கு மாறான கருத்தை இலங்கையின் அமைச்சர் ரவி கருணாநாயக்க வெளியிட்டநிலையில் இரண்டு நாடுகளுக்கு இடையில் தப்பான புரிந்துணர்வுநிலை ஏற்பட்டது. இந்தநிலையிலேயே தமது தூதுவரின் கருத்தை சீன அரசாங்கம் ஆதரித்து கருத்துக்கூறியுள்ளது