ஜனாதிபதி மைத்திரிபால கவலைப்படுவார் - அடுத்த ஆட்சி, தன்னுடையதுதான் என்கிறார் மஹிந்த

உங்களுக்கு எது தேவையோ அதனைத்தர நான் தயாராக இருக்கின்றேன் என மஹிந்த ராஜபக்ச தெரிவித்தார்.

இரத்தினபுரியில் இன்று -08- நடைபெற்ற கூட்டு எதிர்க் கட்சியின் கூட்டத்தில் உரையாற்றுகையிலேயே அவர் இதனைத் தெரிவித்தார்.

மேலும் மக்கள் யாரும் பயப்படவேண்டாம் எம்மிடம் இருந்து பிரிந்து சென்றவர்கள் மீண்டும் எம்மிடம் வந்து இணைந்து கொள்வார்கள். அந்த நாள் வெகு தூரத்தில் இல்லை கூடிய விரைவில் அவர்கள் எம்மிடம் வந்து சேரவேண்டிய நிலை ஏற்பட்டு விடும.

இதேவேளை தற்போது நல்லாட்சி என்ற பெயரில் மோசமான ஆட்சியே நடைபெற்று வருகின்றது. அடுத்த ஆட்சி ஒன்றிணைந்த கூட்டு எதிர்க்கட்சி தலைமையிலேயே என்பதனை நான் உறுதியாக கூறிக்கொள்கின்றேன்.

மூழ்கப்போகும் கப்பலில் எவரும் பயணிக்க விரும்ப மாட்டார்கள் அதனால் அடுத்த ஆட்சி கூட்டு எதிர்க்கட்சியின் ஆட்சியே எனவும் நாடாளுமன்ற உறுப்பினர் மஹிந்த ராஜபக்ச தெரிவித்தமை குறிப்பிடத்தக்கது.

மைத்திரியும் ரணிலும் இணைந்து நாட்டை துண்டுகளாக உடைக்க முயற்சித்து வருவதாக முன்னாள் ஜனாதிபதியான நாடாளுமன்ற உறுப்பினர் மகிந்த ராஜபக்ச தெரிவித்துள்ளார்.

அமைச்சர்களை புலனாய்வுப் பிரிவினர் பின் தொடர்கின்றனர். தொலைபேசிகள் ஒட்டுக் கேட்கப்படுகின்றன. எமது வீடுகளுக்கு எதிரிலும் பொலிஸ் பிரிவை போட்டு, அங்கு வந்து செல்பவர்களின் பட்டியலை தயாரிக்கின்றனர்.

நாற்காலி ஒன்றை கொண்டு வந்து அதில் வைத்து எழுதிக் கொள்ளுமாறு நான் கூறினேன். நாங்கள் இரகசிய சதித்திட்டங்களை தீட்ட மாட்டோம். வெளியில் இருந்தே விளையாட்டு ஆடுவோம்.

ஜனநாயகத்தை மதித்து வெளியில் இருந்து கொண்டே தாக்குவோம். இந்த சான்றுதலை எம்மால் தர முடியும். இரவில் அப்பம் சாப்பிட்டு விட்டு அவற்றை செய்ய மாட்டோம்.

படையினர் காப்பாற்றிய நாட்டை பிரித்து அழிக்க விடாமல பாதுகாக்க வேண்டும். பண்டாரநாயக்க ஆரம்பித்த கட்சியை யானையின் பின்னால் தொங்க விட்டுள்ளனர்.

ஜனாதிபதி மைத்திரிபால சிறிசேன, இந்த கூட்டத்தை பார்த்தால், பவித்ராவை ஏன் விலகினோம் என்று கவலைப்படுவார். உங்களுக்கு தேவையானதை வழங்க நான் தயார்.

நாடாளுமன்றத்தில் தலைகளை மாற்றுவது மிகப் பெரிய காரியமல்ல. நீண்டகாலம் செல்வதற்கு முன் அது நடக்கும்.