என்னை ராஜா என அழைத்த மக்கள், தற்போது ஓநாய் என்கின்றனர் - மஹிந்த வேதனை

“முன்னதாக மக்கள் என்னை பலமிக்க ராஜா எனவும் மந்திரி என்றும் அழைத்தனர் ஆனால் தற்போதோ ஓநாய் என அழைக்கின்றார்கள்” என முன்னாள் ஜனாதிபதி மஹிந்த ராஜபக்ஸ கவலை தெரிவித்துள்ளார்.

வெலிகம பகுதியில் இடம் பெற்ற நிகழ்வொன்றில் கலந்துக் கொண்டு உரையாற்றிய போதே அவர் மேற்கண்டவாறு குறிப்பிட்டுள்ளார்.

முன்னதாக நாங்கள் ஆரம்பித்து வைத்திருந்த அபிவிருத்தி திட்டங்களையே தற்போதைய அரசாங்கம் மேற்கொண்டு வருவதாக அவர் குற்றஞ் சுமத்தியுள்ளார்.

Green பல்கலைக்கழகம் நிர்மாணிக்க தீர்மானித்திருந்தது எனது அரசாங்கம் தான் ஆனால், தற்போதைய அரசாங்கம் அது அவர்களுடைய யோசனை என தெரிவித்துக் கொண்டிருக்கின்றது என அவர் மேலும் கூறியுள்ளார்.

தற்போதைய அரசாங்கம், கூட்டு எதிர்க்கட்சியின் நாடாளுமன்ற உறுப்பினர்களுக்கு எதிரான ஒரு சூனிய வேட்டை நடத்தி வருகின்றது.

இந்த வகையில் அடுத்து கைது செய்யப்போவது யார் என்றால், நாடாளுமன்ற உறுப்பினர் விமல் வீரவன்சவே கைது செய்யப்பட உள்ளார் எனவும் நாடாளுமன்ற உறுப்பினர் மஹிந்த ராஜபக்ஸ தெரிவித்துள்ளார்.