October 31, 2016

வடக்கு முஸ்லிம்கள், நிறைவேற்றியுள்ள 7 முக்கிய தீர்மானங்கள்..!


வடக்கு முஸ்லிம்கள் 1990 ஆம் வருடம், ஒக்டோபர் மாதம் பாசிசப் புலிகளின் இனச்சுத்திகரிப்புக்கு உள்ளாகினர். அதன் 26 ஆவது வருட துயரத்தினத்தை வடக்கு முஸ்லிம்கள் கனத்த மனதுடன் நினைவுகூர்ந்தனர்.

இதன்பொருட்டு சர்வதேச யாழ்ப்பாண அமைப்பு ஒன்றுகூடலினை (30.10.2016) அன்று பிரான்ஸில் ஏற்பாடு செய்திருந்தது. இதில் ஐரோப்பிய வாழ் வடக்கு முஸ்லிம்கள் பங்கேற்றனர்.

இதன்போது முக்கிய சில தீர்மானங்களும் நிறைவேற்றப்பட்டன. அவை கீழ்வருமாறு,

1, தென்னிலங்கையில் கடந்தகாலங்களில் இடம்பெற்ற இனவாதச் செயற்பாடுகள் குறித்து பூரண விசாரணை நடாத்தி, அதன் பின்னணியில் செயற்பட்டவர்களுக்கு எதிராகசட்டநடவடிக்கை மேற்கொள்ள வேண்டும்.

2, வடக்கும் கிழக்கும் இணைக்கப்படக்கூடாது. அவ்வாறு இணைத்தால் கிழக்கு முஸ்லிம்களின் பூரண சம்மதம் பெறப்பட வேண்டும்.

3, வடக்கு முஸ்லிம்களின் மீள்குடியேற்றத்தை உறுதிப்படுத்தமுஸ்லிம் அரசியல் தலைமைகள், முஸ்லிம் அமைப்புக்கள் அனைத்தும் ஒன்றுபட்டு செயற்பட வேண்டும்.

4, வடக்கு முஸ்லிம்களுக்கு எதிரான தமிழ் அரசியல்வாதிகளின், தமிழ் அரச அதிகாரிகளின், தமிழ் ஊடகங்களின் இனவாதச் செயற்பாடு உடனடியாக நிறுத்தப்பட வேண்டும்.

5, அகதி முகாம்களில் அல்லற்படும் வடக்கு முஸ்லிம்கள் மீள்குடியேற்றப்படுவதுடன், தமது தாயகத்தில் மீள்குடியேறியுள்ள முஸ்லிம்களுக்கான அடிப்படைத் தேவைகள் நிவர்த்தி செய்யப்பட வேண்டும்.

6, இலங்கைக்கு வெளியே வாழும் சகல வடக்கு முஸ்லிம்களையும் ஒன்றுபடுமாறு இந்த ஒன்றுகூடல் வேண்டிக்கொள்கிறது.

7 வடக்கு முஸ்லிம்கள் பெயங்களரலாதப் புலிகளினால் இனச்சுத்திகரிப்பு செய்யப்பட்ட போது, அவர்களுக்கு அடைக்கலம் வழங்கிய புத்தளம் மாவட்டம் உள்ளிட்ட அனைத்து முஸ்லிம்களுக்கும், முஸ்லிம் ஊர்களுக்கும், முஸ்லிம் அமைப்புகளுக்கும் நன்றி சொல்கிறோம்.

என்றும் மேற்படி இந்த நிகழ்வில் பங்கு கொண்டவர்களினால் ஏகமனதாக தீர்மானம் நிறைவேற்றப்பட்டது.

இந்த தீர்மானங்கள் pனாதிபதி மைத்திரிபால சிறிசேனா, பிரதமர் ரணில் விக்கிரமசிங்க, எதிர்க்கட்சித் தலைவர் ரணில் விக்கிரமசிங்க ஆகியோருக்கும் அனுப்பி வைக்கப்படவுள்ளது.


முஸ்லிம்களின் மீள்குடியேற்றத்திற்காக, விக்னேஸ்வரனிடம் கெஞ்சமாட்டோம் - றிசாத் சூளுரை

முஸ்லிம்கள் விவகாரத்தில் வடக்கு மாகாண சபை மிகவும் ஆபத்தானது போன்று அதன் முதலமைச்சர் விக்னேஸ்வரன் முஸ்லிம்களை கேவலப்படுத்துவதில் தீவிரம் காட்டுவதாக் அமைச்சர் றிசாத் பதியுதீன் பகிரங்கமாக குற்றம் சுமத்தினார்.

வடக்கு முஸ்லிம்களுக்கு எதிரான புலிகளின் 26 ஆவது பலாத்கார இனச்சுத்திகரிப்பின் கறுப்பு ஒக்டோபர் நிகழ்வு, பிரான்சில் நடைபெற்றது. இந்நிகழ்வில் உரையாற்றும் போதே றிசாத் பதியுதீன் இவ்வாறு குறிப்பிட்டார். அவர் மேலும் உரையாற்றும் போது தெரிவித்ததாவது,

வடக்கு முஸ்லிம்கள் விவகாரத்தில் மாறிமாறி பதவிக்கு வந்த அரசாங்கங்களும் சரி, அரச சார்பற்ற நிறுவனங்களும் சரி அசமந்தப் போக்குடன் செயற்படுகின்றன. இதனால் வடக்கு முஸ்லிம்களின் அவலங்கள்  மறைக்கப்படுகின்றன. வடக்கிலிருந்து முஸ்லிம்களாகிய நாம் பயத்தினால் வெளியேறவில்லை. நாங்கள் கலீமா சொல்லியிருந்தோம். நாங்கள் முஸ்லிம்களாகியிருந்தோம். அதனால்தான் வெளியேற்றப்பட்டோம். வடக்கு முஸ்லிம்கள் பயங்கரவாதப் புலிகளினால் இனச்சுத்திகரிப்பு செய்யப்பட்ட போது தமிழ் மக்கள் சக்தியற்றிருந்தனர். இதுவே உண்மையாகும்.

தற்போது வடக்கில் மீள்குடியேறியுள்ள முஸ்லிம்கள் மிகுந்த கஷ்டப்படுகின்றனர். அவர்களின் அடிப்படைத் தேவைகள் நிறைவேற்றப்படவில்லை.  அவர்களின் பிரச்சினை தீர்க்கப்படவில்லை. முஸ்லிம்களின் பிரச்சினை தீர்க்கப்பட வேண்டுமென்பதில் தமிழ் தலைவர்களான சம்பந்தன், சுமந்திரன், மாவை மற்றும் சத்தியலிங்கம், டெனீஸ்வரன் ஆகியோர்  ஆர்வமாக உள்ளனர். நிரந்தர அரசியல் தீர்வை தமிழ் சமூகம் எதிர்பார்க்கிறது. அதற்கு குறுக்காக முஸ்லிம்கள் நிற்கமாட்டார்கள்.

இருந்தபோதும் வடமாகாண சபையிடமிருந்தும், முதலமைச்சர் விக்னேஸ்வரனிடமிருந்தும் சாதக நிலைப்பாட்டை காணவில்லை. வடக்கு மாகாண சபை முஸ்லிம்களுக்கு ஆபத்தாக உள்ளது. விக்னேஸ்வரன் முஸ்லிம்களை கேவலப்படுத்துகிறார். பிரதமர் ரணில் விக்கிரமசிங்க தலைமையில் வடமாகாண சிங்கள முஸ்லிம் மீள்குடியேற்றத்தை துரிதப்படுத்த செயலணி அமைக்கப்பட்டது. எனினும் வின்னேஸ்வரன் அதற்கு எதிராக அறிக்கை வெளியிட்டார். 

தற்போது வடக்கு முஸ்லிம்களின் மீள்குடியேற்றத்திற்கு தடை போடுகிறார். சில சக்திகளின் கைப்பிள்ளையாக அவர் செயற்படுகிறார் என சிந்திகத் தோன்றுகிறது. தமது வீட்டில் ஒரு முஸ்லிம் மரத்தை வெட்டியதற்காக, ஒட்டுமொத்த முஸ்லிம் சமூகத்தை கேவலப்படுத்தி, வேதனைப்படுத்தியவர்தான் இந்த விக்னேஸ்வரன்.

இதற்காக நாம் விக்னேஸ்வரனிடம் கெஞ்சத் தேவையில்லை. ஒரு சமூகம் தமது தாயகத்தில் மீள்குடியேறுவதற்கு அவர் தடை போடுகிறார் என்றால் அவர்  வழிகேடுக்கிறார் என்பதுதான் அர்த்தம்.

எனவே இவ்வாறான சூழ்ச்சிகளை தகர்த்து, தடைகளை நீக்க வேண்டுமாயின் நாம் ஒன்றுபட வேண்டும். அப்போதுதான் வடக்கு முஸ்லிம்களின் மீள்குடியேற்றம் சாத்திமாகும் எனவும் அமைச்சர் றிசாத் பதியுதீன் மேலும் குறிப்பிட்டார்.

மரணம் வரும்பொழுது, நீங்கள் சொல்லும் வார்த்தை என்ன..?


எனக்கு வயது 28 தானே ஆகுது இன்னும் காலம் இருக்கு பார்த்துக்கலாம் என்று சொல்லும் வாலிபர்களுக்கும்...

உனக்கு வயசு இருக்கு அதுக்குள்ள இதெல்லாம் எதுக்கு என்று சொல்லும் பெரியவர்களுக்கும்....

மரணத்திற்கு வயது தெரியாது.

மரணம் வரும்பொழுது நீங்கள் சொல்லும் வார்த்தை எது?
எனக்கு 28 தான் ஆகுது என்றா?
எனக்கு முன்னாள் பல வயதானவர்கள் இருக்கின்றார்கள் என்றா?
நான் வீட்டிற்கு செல்லப்பிள்ளை என்றா?
நான் உடற்கட்டான(gym body) நபர் என்றா?
நான் ஆரோக்கியமாகவும் அழகாகவும் அறிவாகவும் இருக்கின்றேன் என்றா?
என்னை சுற்றி நிறையப்பேர் இருக்கின்றார்கள் என்றா?
என்னுடன் என் குடும்பம் உறவினர்கள் மற்றும் நண்பர்கள் இருக்கின்றார்கள் என்றா?
என் தந்தை அல்லது நான் பெரிய பதவியில் இருக்கின்றார்(றேன்) என்றா?
நான் அப்பாவி நல்லவன் என்றா?
நான் வீரமிக்கவன் என்றா?
எனக்கு இன்னும் திருமணம் ஆகவில்லை என்றா?
எனக்கு இன்னும் குழந்தைகள் இல்லை என்றா?
நான் என் பெற்றோர்க்கு எந்த கடமையும் செய்யவில்லை என்றா?
இன்னும் சில காலம் வாழ்ந்துக்கொள்கிறேன் என்றா?

இறைவன் சிந்திக்க சொன்ன சமுதாயமே!
சிந்திக்காமல் தடுமாறும் சமுதாயமே!

தடுமாறும் காரணம் எது?
வீரமா?
அழகா?
அறிவா?
செல்வமா?
குடும்பமா?
இளமையா?
அரசியலா?
சினிமா-வா?
பெருமையா?
கர்வமா?
ஆடம்பரமா?
பதவியா?
சிந்திக்காமல் தடுமாற வைப்பது எது?

தெரிந்துக்கொள்ளுங்கள்.

மரண நேரம் விதிக்கப்பட்டுவிட்டது. (அல்குர்ஆன் 3 :145)

“நீங்கள் உங்கள் வீடுகளில் அடைந்திருந்தாலும் யாருடைய விதியில் மரணம் எழுதப்பட்டு விட்டதோ, அவர்கள் தம் மரணக்களங்களை நோக்கி வந்தே தீருவர்”. (அல்குர்ஆன் 3:154)

நீங்கள் எங்கிருந்தாலும் மரணம் உங்களை அடைந்தே தீரும். நீங்கள் உறுதி மிக்க கோட்டைகளில் இருந்தாலும் சரியே!. (அல்குர்ஆன் : 4:78)

ஒவ்வொரு மனிதனும் மரணத்தைச் சுவைக்க வேண்டியவனாய் இருக்கின்றான். (அல்குர்ஆன் : 3:185)

தடுத்துவிட முடியுமா?

“நீங்கள் வாய்மையுடையோராயின், மரணம் வரும்போது உங்களை விட்டு அதனைத் தடுத்து விடுங்கள் பார்ப்போம்!” (அல்குர்ஆன் : 3:168)

வாழ்வும், மரணமும் அவன் கைவசமே உள்ளன. மேலும், அல்லாஹ்வைத் தவிர உங்களைப் பாதுகாப்பவரும் உதவிபுரிபவரும் யாருமில்லை. (அல்குர்ஆன் : 9:116)

யா அல்லாஹ்

“எங்கள் அதிபதியே! எங்கள் குற்றங்குறைகளை மன்னித்து அருள்வாயாக! எங்களிடம் உள்ள தீமைகளை அகற்றுவாயாக! மேலும், எங்களை நல்லவர்களுடன் மரணிக்கச் செய்வாயாக!" (அல்குர்ஆன் : 3:193)

Suvanapparavai

உலகின் மிகப்பெரும், கல்வி வள்ளல்

உலகின் மிகப்பெரும் கல்வி வள்ளல் அப்துல் அஜீஸ் அல் குரைர் 1.14 பில்லியன் கல்வி உதவி.....!!

ஐக்கிய அரபு அமீரகத்தை சேர்ந்த அப்துல் அஜீஸ் அல் குரைர் மிகப்பெரும் கல்வி வள்ளலாவார்.

இவர் தற்போது 1.14 பில்லியன் ஏழை மாணவ மாணவிகளின் கல்விக்காக வாரி வழங்கியுள்ளார்.
இவருடைய முழு சொத்தின் மதிப்பு 3 பில்லியன் ஆகும்.
இவர் உலக பணக்காரர்களின் வரிசையில் முதல் 100 இடத்தில் கூட இவர் இல்லை, உலக பணக்காரர்களின் வரிசையில் 420 வது இடத்தில் இருக்கிறார்.
அப்படியிருந்தும் தம்முடைய பொருளாதாரத்தை முன்னேற்றி உலக பணக்காரர்களின் வரிசையில் முன்னிலையில் வருவதற்கு முயற்சிக்காமல் இறைவனின் பொருத்தத்தை மட்டும் நாடி தனது சொத்தில் மூன்றில் ஒரு பங்கான 1.14 பில்லியன் கல்விக்காக வாரி வழங்கியுள்ளார். 1.14 பில்லியன் என்பது அமீரக மதிப்பில் 4.2 பில்லியன் திர்ஹம், இந்திய ரூபாயின் மதிப்பில் 76 லட்சம் கோடி.
உலகில் 1.14 பில்லியன் தொகை கல்விக்காக யாரும் கொடுத்ததில்லை, உலகின் மிகப்பெரும் கல்வி வள்ளலாக அப்துல் அஜீஸ் அல் குரைர் திகழ்கிறார்.
இதேப்போல் சவூதி அரேபியாவை சேர்ந்த இளவரசரான வலீத் பின் தலால் தனது சொத்தில் பெரும் பங்கை ஏழைகளின் வாழ்வாதாரத்திற்காக அள்ளி கொடுத்தார்.
முஸ்லிம்களுக்கு இஸ்லாமிய மார்க்கம் 2.5 சதவீதம் கட்டாயமாக தர்மம் செய்ய கட்டளையிட்டுள்ளது.
ஆனால் அப்துல் அஜீஸ் அல் குரைர், வலீத் பின் தலால் போன்றவர்கள் 2.5 சதவீத ஜக்காத் மட்டுமின்று பில்லியன் கணக்கில் சதக்காவை வாரி வாரி வழங்கியுள்ளார்கள்.
அல்லாஹ் இவர்களுக்கு மென்மேலும் நல்லருள் புரிந்து இவர்களின் பொருளாதாரத்தை பன்மடங்கு பெருக செய்வானாக...

ஈரான் ஜனாதிபதியின் உத்தரவுக்கமையவே, மக்கா நோக்கி ஏவுகணைத் தாக்குதல்


ஈரான் அதிபர் கோமேனியின் உத்தரவிர்கு கட்டு பட்டு தான் ஹவுத்தி பயங்கரவாதிகள் மக்காவை நோக்கி ஏவு கணையை செலுத்தியதாக  ஈரான் எதிர்ப்பு தேசிய கவுன்சில் தலைவர் மர்யம் ரஜ்வி இன்று -31- பகிரங்கமாக குற்றம் சாட்டினார்

பாரிஸில் இருந்து அவர் இன்று வெளியிட்ட அறிக்கையில்

கோமேனியின் ஆணைபடி தான் மக்காவை நோக்கி ஏவுகணை ஏவபட்டது என்றும் ஈரான் பாதுகாப்பு துறையை சார்ந்தவர்கள் அதை கண்காணித்தனர் என்றும் கூறினார்

இஸ்லாமிய ஆட்சி என்ற பெயரில் ஈரானில் சாத்தனிய அரசு செயல் பட்டு கொண்டிருக்கிறது

ஒவ்வொரு கால கட்டத்திலும் புனித மக்காவின் புனிதத்தை குலைக்கும் முயர்ச்சியில் ஈரானை ஆளும் ஆட்சியாளர்கள் தொடர்ந்து முயர்ச்சித்து வந்துள்ளனர்

1986 ஆம் ஆண்டு தர்கொலைபடையை மக்காவிர்கு அனுப்பி வைத்தது

1987 மக்காவில் ஈரானியர்களை வைத்து கலகம் செய்தது என ஈரானிய சாத்தானிய அரசின் கொடுமைகள் தொடர்கிறது

இஸ்லாமிய வேசத்தில் வலம் வரும் ஈரானிய சாத்தானிய அரசின்  உண்மை முகத்தை உலக முஸ்லிம்களுக்கு தோலுரித்து காட்டுவதாக மக்காவை நோக்கிய ஏவ பட்ட ஏவுகணை சம்பவம் அமைந்துள்ளது

இனியும் தாமதிக்காமல் ஈரானிய சாத்தானிய அரசிற்கு எதிரான நடவடிக்கைகளை இஸ்லாமிய உலகம் விரைவு படுத்த வேண்டும்
இஸ்லாமிய கூட்டமைப்பில் இருந்து ஈரானை விரட்டியுங்கள்
இவ்வறு அவர் தனது அறிக்கையில் கேட்டு கொண்டுள்ளார்

ஷியாக்கள் அட்டூழியங்களில் ஈடுபட்டால், அதற்கு எதிராக நடவடிக்கை எடுப்போம் - எர்துகான் எச்சரிக்கை


 (ஐ.எஸ்) குழுவுக்கு எதிரான மொசூல் யுத்தத்தில் ஈராக்கிய ஷியா போராளிகள் அட்டூழியங்களில் ஈடுபட்டால் அதில் துருக்கி தலையிடும் என்று எச்சரிக்கை விடுக்கப்பட்டுள்ளது.

தால் அபார் மோதலில் ஷியாகள் பொதுமக்கள் மீது வன்முறைகளில் ஈடுபட்டால் தமது படையினர் அதற்கு எதிராக நடவடிக்கை எடுக்கும் என்று துருக்கி ஜனாதிபதி ரிசப் தையிப் எர்துவான் எச்சரித்தார்.

ஈராக்கில் ஏற்கனவே துருக்கி படையினர் நிலைகொண்டுள்ளமை குறிப்பிடத்தக்கது.

மொசூலின் தால் அபார் நகரை மீட்கும் முயற்சியாக ஷியா போராளிகள் தாக்குதல்களை ஆரம்பித்துள்ளனர். ஈராக் இராணுவத்திற்கு ஆதரவாக செயற்படும் ஷியா போராளிகளுக்கு ஈரான் உதவி வழங்கி வருகிறது.

துர்க்மன்கள் வாழும் தால் அபார் பகுதி, துருக்கியுடன் வரலாற்று ரீதியில் தொடர்புபட்ட இடமாகும்.

“தால் அபார் எமக்கு மிக உணர்வுபூர்வமானதாகும். தால் அபார் மற்றும் சின்ஜாரில் (ஷியா போராளிகள்) தலையிடுவதை நாம் நிச்சமாக ஏற்க மாட்டோம்.

தால் அபார் பாதி ஷியா முஸ்லிம்கள், பாதி சுன்னி முஸ்லிம்கள் கொண்ட முழுமையான ஒரு துர்க்மன் நகரம். நாம் அவர்களது மதப் பிரிவுகளை வைத்து மக்களை எடைபோடுவதில்லை. எம்மை பொறுத்தவரை அனைவரும் முஸ்லிம்களே.

ஆனால் ஹஷிட் ஷாபி தீவிரவாதிகள் (ஷியா) என்று வரும்போது எமது நிலைப்பாடு வேறு மாதிரி இருக்கும்” என்று அங்காராவில் வைத்து எர்துவான் கடந்த ஞாயிறன்று எச்சரித்தார்.

வடக்கு இராக்கில் தீவிரவாதிகளுக்கு எதிரான தாக்குதலுக்காக சுமார் 2,000 துருக்கி துருப்பினர்கள் நிலைநிறுத்தப்பட்டுள்ளர். இந்த படையினரின் பிரசன்னத்தை தொடர்ந்து நீடிக்க துருக்கி பாராளுமன்றத்தில் கடந்த மாதம் ஆதரவு கிடைத்தது. சுன்னி பெரும்பான்மை மொசூல் நகருக்குள் ஷியா போராளிகளை நுழைய விடுவதால் ஏற்படும் மதப்பிளவு வன்முறைகள் குறித்து துருக்கி ஏற்கனவே எச்சரிக்கை விடுத்து வருகிறது.

முன்னதாக பலுௗஜா மற்றும் ரமடி போன்ற நகரங்களை மீட்கும் இராணுவ நடவடிக்கையில் ஷியா போராளிகள் நகருக்குள் அனுமதிக்கப்பட்டதால் அவர்கள் சுன்னி சிவிலியன்களுக்கு எதிராக வன்முறைகளில் ஈடுபட்டதாக குற்றச்சாட்டு உள்ளது.

இதில் ஈராக்கிய ஷியா போராளிகளுக்கு ஈரானே இராணுவ பயிற்சிகளை வழங்கி வருகிறது. ஈராக் குத்ஸ் படையணியின் கட்டளைத் தளபதி ஜெனரல் கஸ்ஸாம் சுலைமானுடன் இந்த ஷியா ஆயுததாரிகளுக்கு நெருங்கிய தொடர்பு உள்ளது. கடந்த வாரம் மொசூல் முன்னரங்குகளில் சொலைமானை காண முடிந்ததாக செய்திகள் கூறுகின்றன.

மொசூல் யுத்தத்தில் சுமார் 15,000 ஷியா போராளிகள் பங்கேற்றிருப்பதாக அந்த குழுவின் ஒரு பிரிவான ஹிஸ்புல்லாஹ் படையணியின் பேச்சாளர் ஒருவர் குறிப்பிட்டுள்ளார். 

மனித மிருகங்களிடமிருந்து, எமது உறவுகளை காப்பாற்ற பிரார்த்திப்போம்


மனித மிருகங்களிடமிருந்து எமது பர்மா உறவுகளைக் காப்பாற்றிவிடு யா அல்லாஹ்! அவர்களுக்கு மகிழ்ச்சியான வாழ்க்கையை கொடுத்துவிடு ரஹ்மானே!

// ஒவ்வொரு தொழுகையிலும் பர்மா முஸ்லிம்களுக்காக பிரார்த்திப்போம் //



புலிகள் - ஹமாஸ் மீதான, தடைநீக்கம் - ஐரோப்பிய யூனியன் முடிவு

விடுதலைப் புலிகள் மற்றும் ஹமாஸ் அமைப்பு ஆகிய இரண்டு அமைப்புகளின் மீதான தடை விவகாரத்தில் ஐரோப்பிய யூனியன் அதிரடி முடிவெடுத்துள்ளது.

2 அமைப்புகளையும் தடை பட்டியலில் இருந்து நீக்க முதன் முறையாக ஐரோப்பிய யூனியன் முடிவு செய்துள்ளது.

இது தொடர்பான அறிக்கை விரைவில் வெளியாகும் என குறிப்பிடப்பட்டுள்ளது.

சமீபத்தில் ஐரோப்பிய யூனியன் தடை நீக்கம் தொடர்பாக இலங்கை மற்றும் இஸ்ரேலிடம் கருத்து கேட்டிருந்தது.

இரு நாடுகளும் குறித்த அமைப்புகளின் மீதான தடையை நீக்க கடும் எதிர்ப்பு தெரிவித்திருந்தது குறிப்பிடத்தக்கது.

எனினும், இரு நாடுகளின் எதிர்ப்பையும் மீறி தடைப்பட்டியலில் இருந்து விடுதலைப்புலிகள் மற்றும் ஹமாஸ்அமைப்புகளின் பெயர்களை நீக்க உள்ளதாக ஐரோப்பிய யூனியன் அறிவித்துள்ளது.

இது இலங்கையில்..?

இலங்கையில் முதல் முறையாக சிகரெட் கொள்வனவு செய்வதற்கான பெண்கள் உட்பட பெருமளவானோர் வரிசையில் காத்திருந்திந்த சம்பவம் ஒன்று இன்று பதிவாகியுள்ளது.

அனுராதபுரத்தில் அமைந்துள்ள சிகரெட் விற்பனை செய்யப்படும் கடையொன்றில் இவ்வாறு நீண்ட வரிசையில் மக்கள் காத்திருந்தனர்.

இலங்கையில் நாளை முதல் பெறுமதி சேர்க்கப்பட்ட வரி அறிமுகம் செய்யப்படவுள்ளது. இதன்காரணமாக சிகரெட்டின் விற்பனை விலையில் பாரியளவு அதிகரிப்பு ஏற்படவுள்ளது. இதனை கருத்திற் கொண்டு முன்கூட்டியே கொள்வனவு செய்ய நீண்ட வரிசையில் மக்கள் காத்திருந்துள்ளனர்.

இதேவேளை, போலியாக தட்டுப்பாடு என கூறி அநுராதபுரம் நகரத்தில் உணவகங்கள் மற்றும் கடைகள் பலவற்றில் 42 ரூபாய்க்கு விற்பனை செய்யப்பட வேண்டிய சிகரெட் ஒன்று 60 ரூபாய்க்கு விற்பனை செய்துள்ளதாக தெரியவந்துள்ளது.


முஸ்லிம் சட்டத்தில் மாற்றங்கள் கொண்டுவர, தீர்மானங்கள் எடுக்கப்பட்டுள்ளன - கலாநிதி ஜயம்பதி விக்கிரமரத்ன


சிறுபான்மைச் சமூகங்களது நலன்களையும் உள்வாங்கி நவீன அரசியல் யாப்பு ஒன்றை உருவாக்குவதற்கு நாம் நடவடிக்கை எடுத்து வருகின்றோம் என பாராளுமன்ற உறுப்பினர் கலாநிதி ஜயம்பதி விக்கிரமரத்ன தெரிவித்தார்.


தென் ஆபிரிக்கா, கென்யா, நேபாளம், கிழக்கு டிமோர் ஆகிய நாடுகளில் பன்மைத்தன்மை பேணுதல், சமூகநீதி, சமத்துவம் போன்ற அம்சங்களை உள்ளடக்கி இந்த அரசியலமைப்புத் திட்டம் தயாரிக்கப்படும்.

முஸ்லிம் இயக்கங்களின் கட்டமைப்பான முஸ்லிம் கவுன்சில் ஒப் ஸ்ரீலங்கா ஏற்பாடு செய்திருந்த அரசியலமைப்புச் சீர்திருத்த செயற்பாடுகள் பற்றிய கருத்தரங்கில் உரையாற்றுகையிலேயே அவர் இதனைத் தெரிவித்தார். முஸ்லிம் கவுன்சில் தலைவர் என்.எம். அமீன் தலைமையில் நடைபெற்ற இக்கருத்தரங்கில் அவர் மேலும் கூறியதாவது,

அரசியல் யாப்பு தொடர்பாக நியமிக்கப்பட்ட ஆறு குழுக்களும் அவற்றின் அறிக்கைகளைச் சமர்ப்பித்துள்ளன. அடுத்த இரு வாரத்திற்குள் இவை மொழி  பெயர்க்கப்பட்டு வெளியிடப்படும்.

வழி காட்டல்குழு பிரதமர் தலைமையில் செயற்பட்டு வருகின்றது. சகல கட்சிகளதும் பிரதிநிதிகள் இதில் இடம் பெற்றுள்ளார்கள். தேர்தல் முறை பற்றி ஆலோசனைகள் மேற்கொள்ளப்பட்டு வரப்படுகின்றன.

அரசியல் யாப்பு தொடர்பாக ஒரு வசனம் கூட இதுவரைக்கும் வகுக்கப்படவில்லை. சில சமூக ஊடகங்களால் வெளிநாட்டு உதவியுடன் அரசியல் யாப்பு தயாரிக்கப்பட்டு விட்டதாகச் செய்திகள் வெளியிடப்பட்டுள்ளன. எங்களுக்கு அரசியல் யாப்பினைத் தயாரிப்பதற்கு எந்த வெளிநாட்டு உதவியும் தேவையில்லை. உபகுழுக்களது அறிக்கையே நகலாக வெளியிடப்படும். அதன் பின் வழிகாட்டல்குழு யாப்பினைத் தயாரிக்கும். இதன் பின் பாராளுமன்றத்திலும் வெளியிலும் இது தொடர்பாக விவாதிக்க இடமளிக்கப்படும்.

உலகில் மிகச் சிறந்த அரசியல் யாப்பினைத் தயாரிக்க முடியாவிட்டாலும் உரிய சூழலுக்கு ஏற்ப  சிறந்த அரசியல் திட்டம் ஒன்றைத் தயாரிக்க வேண்டும்.

தமிழர் கூட்டமைப்பில் ஆர். சம்பந்தன் போன்ற ஒருவர் தலைவராக இருக்கும் போது இதனை நிறைவேற்ற  முடியாமல் போனால் இனி ஒரு அரசியல் யாப்பினை எங்களால் தயாரிக்க முடியமா  என்பது சந்தேகத்துக்குரியதே.

மேற் கொள்ளப்படும் தேர்தல் முறையில் மாற்றங்கள் பற்றி இப்போது கலந்துரையாடப்படுகின்றது. தொகுதி மற்றும் விகிதாசார முறையிலான தேர்தல் முறையை அறிமுகப்படுத்துவது பற்றி ஆலோசிக்கப்படுகின்றது. இந்த முறையின் கீழ் கட்சிக்கும் அபேட்சகருக்கும் வாக்களிப்பதற்கு ஒருவருக்கு இரு வாக்குகள் வழங்கப்படும். 

சிறுபான்மை மற்றும் சிறு கட்சிகளது நலன்களை உள்வாங்குவதற்காக பல அங்கத்தவர் தொகுதிமுறை இழப்பீட்டு பிரதிநிதித்துவம் என்பனவும் அறிமுகப்படுத்தப்படவுள்ளன. ஜேர்மன் மற்றும் நியூசிலாந்தில் பின்பற்றும் தேர்தல் முறையை ஒத்ததாகவே இத்தேர்தல் முறை அமையும்.

பெரிய கட்சிகள் ஸ்திரமான அரசினை அமைப்பதற்கு போனஸ் முறை இருக்க வேண்டும் என்றும் கோரிக்கை விடுத்து வருகிறார்கள்.

வெட்டுப்புள்ளி இருக்கக் கூடாது என்பது எனது அபிப்பிராயமாகும்.

தேர்தல் தொகுதி அகில இலங்கை ரீதியாக அமைய வேண்டுமா? மாகாண ரீதியாக அமைய வேண்டுமா? என்பது பற்றி கருத்து முரண்பாடுகள் உள்ளன. தமிழர் கூட்டமைப்பு மாகாண மட்டத்தையே விரும்புகிறது. கூடுதலானவர்கள் தேசிய விகிதாசாரத்தை விரும்புகிறார்கள்.

உத்தேச அரசியலமைப்புத் திருத்தங்கள் தொடர்பாக மக்கள் விடுதலை முன்னணி சாதகமான முறையில் கருத்துக்களை வெளியிட்டு வருகின்றது. 
அதிகாரப் பரவலாக மாகாண மட்டத்தில் அமைய வேண்டும் என்ற கருத்து முன் வைக்கப்பட்டுள்ளது.

மாகாணங்கள் இணைய வேண்டுமா? என்பது பற்றி குறிப்பிட்ட மாகாணங்களே தீர்மானம் எடுப்பதற்கு யாப்பில் வசதி செய்யப்படுதல் வேண்டும். அந்த இரு மாகாண மக்கள் இணங்கினால் மாகாணங்கள் இணைந்து செயற்படலாம்.

முஸ்லிம் தனியார் சட்டத்தில் மாற்றங்கள் கொண்டுவரப்பட வேண்டுமென தீர்மானங்கள் எடுக்கப்பட்டுள்ளன. இது தொடர்பாக நான் கருத்துக்கள் எதனையும் கூற விரும்பவில்லை. தேசவழமை மற்றும் கண்டிய சட்டங்களிலும் மாற்றங்கள் கொண்டு வருவதற்கு இணக்கம் தெரிவிக்கப்பட்டுள்ளது.

தற்போதைய அரசியல் யாப்பில் சில ஷரத்துக்களை மாற்றுவதற்கு பொதுசன அபிப்பிராய வாக்கெடுப்பு நடத்தப்படல் வேண்டும். ஒரு கமாவை மாற்றுவதாக இருந்தாலும் பொதுசன அபிப்பிராய வாக்கெடுப்பு நடத்தப்பட வேண்டும்.மக்களது அங்கீகாரம் பெற்றே யாப்பு திருத்தப்படும்.
அரசியலமைப்பு விவகார ஆலோசகர் வை.எல்.எஸ். ஹமீத், முஸ்லிம் கவுன்சில் உப தலைவர் ஹில்மி அஹமட் ஆகியோரும் உரையாற்றினர். எம்.ஐ.எம். முகைதீன், அசாத் சாலி உட்பட பலர் இதில் பங்குபற்றினர்.

தொலைபேசி கட்டணங்கள், நாளைமுதல் அதிகரிக்கிறது

15 சதவீத வற் வரி அதிகரிப்பு, நாளை செவ்வாய்க்கிழமை முதல் நடைமுறைக்கு வரவுள்ளது.

அதற்கிணங்க ​​தொலைபேசி, அலைபேசி அழைப்புக் கட்டணங்கள் நாளைமுதல் அதிகரிக்கின்றன.

80 பொருட்கள் மற்றும் சேவைகள் வற் அதிகரிப்பிலிருந்து விடுவிக்கப்பட்டுள்ளதுடன் அழைப்புக்கட்டணம், தபால் கட்டணம் உள்ளிட்டவை உள்வாங்கப்பட்டுள்ளன.

தொலைபேசி, அலைபேசி அழைப்புக் கட்டணங்களுக்கு அமுல்படுத்தப்படும் 15 சதவீத வற் வரி உள்ளடங்களாக அழைப்புக் கட்டணத்தில் 48 சதவீதம் வரியாக, பாவனையாளர்கள்  செலுத்தும் நிலைக்கு தள்ளப்பட்டுள்ளமை குறிப்பிடத்தக்கது.

முஸ்லிம்களின் மீள்குடியேற்றத்தை, வடமாகாண சபை தடுக்கிறது - சுமந்திரன்

-Jvp-

வடக்கில் வாழ்ந்த முஸ்லிம்கள் அனைவரும் மீள்குடியேற்றம் செய்யப்பட வேண்டும் இல்லாவிட்டால் தமிழ் மக்களுடைய மீள்குடியேற்றத்தையும் மேற்கொள்ள முடியாத நிலை ஏற்படும் என தமிழ் தேசிய கூட்டமைப்பின் நாடாளுமன்ற உறுப்பினர் எம்.ஏ. சுமந்திரன் தெரிவித்துள்ளார்.

வடக்கிலிருந்த முஸ்ஸிம் மக்கள் வெளியேற்றப்பட்டு இன்றுடன் 26 வருடங்கள் பூர்த்தியாகின்ற நிலையில், இதனை முன்னிட்டு இன்று (ஞாயிற்றுக்கிழமை) கொழும்பில் வடமாகாண முஸ்லிம் சிவில் சமூகம் ஏற்பாடு செய்திருந்த விஷேட கலந்துரையாடல் நிகழ்வொன்றில் கலந்துக்கொண்டு உரையாற்றுகையிலேயே அவர் இதனை தெரிவித்தார். இதன் போது அவர் மேலும் கூறுகையில்,

வடமாகாண சபை வேண்டுமென்றே மிகத் தெளிவான முறையில் முஸ்லிம் மக்களின் மீள்குடியேற்றத்தை தடுப்பதற்கான நடவடிக்கைகளில் ஈடுபட்டு வருகின்றது. அதை நான் முழுமையாக ஏற்றுக் கொள்கின்றேன். இந்த நிலை மாற வேண்டும்.

வடக்கில் வாழ்ந்த அனைவரும் மீள்குடியேற்றம் செய்யப்பட வேண்டும். இல்லாவிட்டால் தமிழ் மக்களுடைய மீள்குடியேற்றத்தையும் மேற்கொள்ள முடியாத நிலை ஏற்படும். என தெரிவித்தார்.

தங்க குதிரை இருக்கின்றது, என்பதை நம்ப முடியுமா..?

கடந்த ஆட்சிக் காலத்தில் வெள்ளை வான்களில் ஆட்கள் கடத்தப்பட்டதாக சுமத்தப்படும் குற்றச்சாட்டு உண்மைக்கு புறம்பானது என முன்னாள் பாதுகாப்புச் செயலாளர் கோத்தபாய ராஜபக்ச தெரிவித்துள்ளார்.

கடந்த ஆட்சிக் காலத்தில் பாதுகாப்புச் செயலாளராக பணியாற்றிய தன்னை இலக்கு வைத்து பகிரங்கமாக சுமத்தப்பட்ட இந்த குற்றச்சாட்டு மோசமான, பொய்யான கட்டுக்கதை எனவும் அவர் கூறியுள்ளார்.

வெள்ளை வான்களில் கடத்தப்பட்ட உறவினர்கள், நண்பர்கள் அல்லது வேறு எவராவது இருக்கின்றார்களா எனவும் அவர் கேள்வி எழுப்பியுள்ளார்.

கொழும்பில் நடைபெற்ற கருத்தரங்கொன்றில் உரையாற்றும் போதே முன்னாள் பாதுகாப்புச் செயலாளர் இதனை கூறியுள்ளார்.

அன்று கூறியவை எல்லாம் தற்போது பொய்யாகியுள்ளன. சில பொய்கள் எம்மால் நினைத்தும் பார்க்க முடியாத பொய்கள்.

மக்கள் அந்த பொய்களை நம்பினர். தங்க குதிரை இருக்கின்றது என்பதை நம்ப முடியுமா? எனினும் அதனை நம்பியவர்கள் இருந்தனர்.

மகிந்த ராஜபக்ச 18 பில்லியன் டொலர்களை கொள்ளையிட்டு டுபாய் நாட்டுக்கு எடுத்துச் சென்றதாக சிலர் நம்பினர். ஆட்சி நடத்திய காலத்தில் 18 பில்லியன் டொலர்களை இலங்கையில் கூட பயன்படுத்தியதில்லை. எனினும் அவற்றை நம்பினர்.

மகிந்த நாட்டில் 30 வருடங்கள் நடந்த பயங்ரவாத போரை முடிவுக்கு கொண்டு வந்தார் என்று தெரிந்து கொண்டே இந்த பொய் குற்றச்சாட்டுக்களை சுமத்தினர்.

நாட்டில் என்றும் நடைபெறாத கண்ணுக்கு தெரியும் பாரிய அபிவிருத்தி மேற்கொள்ளப்பட்டது. கண்ணுக்கு தெரிகின்ற, தாம் அனுபவிக்கும் சிறந்தவற்றை மறந்து விட்டு, பொய்களை நம்ப வைக்க முடிந்ததன் காரணமாவே மகிந்த ராஜபக்சவை தோற்கடிக்க முடிந்தது.

இன்னும் பலர் இவற்றை நம்பிக் கொண்டிருக்கின்றனர். நீங்கள் போரை முடிவுக்கு கொண்டு வந்தீர்கள், அபிவிருத்தி செய்தீர்கள், ஆனால் வெள்ளை வான் இருந்ததே என்று என்னிடம் ஒருவர் கூறினார்.

வெள்ளை வான் எப்போதும் இருந்தது. கறுப்பு, பச்சை வான்கள் இருந்தன. 86,87 ஆம் ஆண்டுகளில் ஆட்களை கடத்திய மொறிஸ் மைனர் காரும் இருந்தது.

பித்தாளை சந்தியில் பாதுகாப்புச் செயலாளர் மீதும், இராணுவ தலைமையகத்தில் இராணுவ தளபதி மீதும் தாக்குதல் நடத்தும் அளவுக்கு கொழும்பில் இருந்த விடுதலைப் புலிகளின் வலையமைப்பு இருந்தது.

இராணுவ தளபதியின் தலைமையகத்தில் இராணுவ தளபதி மீது தாக்குதல் நடத்தும் அளவுக்கு விடுதலைப் புலிகளின் வலுவான வலையமைப்பு கொழும்பில் இருந்தது.

அந்த வலையமைப்பு ஒழிக்க, அந்த கொலையாளிகளை இராணுவப் புலனாய்வுப் பிரிவினர் கடத்திச் சென்றால் அது குற்றம் என நான் நினைக்கவில்லை.

ஆனால், நாங்கள் ஒருபோதும் ஐக்கிய தேசியக் கட்சியை சேர்ந்த ஒருவரை கடத்தவில்லை. நாங்கள் அவர்களை சிறையில் அடைக்கவும் இல்லை. வழக்குகளை நடத்திக்கொண்டிருக்க எமக்கு நேரம் இருக்கவில்லை எனவும் கோத்தபாய ராஜபக்ச குறிப்பிட்டுள்ளார்.

கொழும்பில் 5 பேருக்கு, மரண தண்டனை

ஒருவர் கொலை செய்யப்பட்ட சம்பவம் தொடர்பான வழக்கில் 5 குற்றவாளிகளுக்கு கொழும்பு மேல் நீதிமன்றம் மரண தண்டனை விதித்து தீர்ப்பளித்துள்ளது.

உறவினரான சகோதரர் ஒருவரை கொலை செய்த 5 பேருக்கே கொழும்பு மேல் நீதிமன்ற நீதிபதி பத்மினி என். ரணவக்க இந்த மரண தண்டனையை விதித்துள்ளார்.

2001ஆம் ஆண்டு மருதானை சங்கராஜ மாவத்தை பிரதேசத்தல் ஒருவர் வெட்டிக்கொலை செய்யப்பட்டார். சம்பவம் தொடர்பில் சட்டமா அதிபர் 5 பேருக்கு எதிராக வழக்கு தாக்கல் செய்திருந்தார்.

வழக்கு விசாரணைகளில் குற்றம் சுமத்தப்பட்ட நபர்களுக்கு எதிரான குற்றச்சாட்டு சந்தேகத்திற்கு இடமின்றி நிரூபிக்கப்பட்டுள்ளதால், அவர்களுக்கு மரண தண்டனை வழங்கி தீர்ப்பளிப்பதாக நீதிபதி தெரிவித்துள்ளார்.

பாத்திமா றிப்கா, மருத்துவ உதவி கேட்கிறார்

திடீர் முள்ளந்தண்டு வளைவு காரணமாக அவதியுறும் மேற்படி சிறுமியின் மருத்துவ செலவுக்கு பெற்றோர்களின் வருமையின் காரணமாக இரு கரம் ஏந்துகின்றனர். 

சாதாரண வாகன ஓட்டுனரான தந்தை ரிபாய் அவர்கள் மூன்று கட்டமாக நடைபெறவுள்ள சத்திர சிகிச்சைக்காக  பாரிய மருத்துவ தொகையான 18 இலட்சம் ரூபாயை செலுத்துவதட்கு இயலாமை காரணமாக .எமது உறவுகளிடமம் தனவந்தர்களிடமும் உதவி கரம் கோருகிறார்.

இக்குடும்பத்தினர் பிரபல்யமான புத்தளம் இஜித்துமா மைதானம் முன்னாள் இருக்கும் வீட்டில் வசித்து வருகிறார்கள் .

J.M RIFAI (Father)
Account Number : 009200294496014
Peoples Bank Puttalam branch
Tel No : 0725233463






முஸ்லிம் சட்டத்தில் அரசாங்கம் கைவைப்பதை எதிர்த்து, தவ்ஹீத் ஜமாஅத் ஆர்ப்பாட்டம்

GSP + வரிச் சலுகைக்காக முஸ்லிம் தனியார் சட்டத்தில் அரசு கை வைப்பதை எதிர்த்து SLTJ நடத்தும் - மாபெரும் பேரணி மற்றும் ஆர்ப்பாட்டம்.

GSP+ வரிச் சலுகைக்காக முஸ்லிம் தனியார் சட்டத்தில் அரசாங்கம் கை வைப்பதை எதிர்த்து ஸ்ரீ லங்கா தவ்ஹீத் ஜமாஅத் சார்பில் மாபெரும் பேரணி மற்றும் ஆர்ப்பாட்டம் எதிர்வரும் 03.11.2016 (வியாழக் கிழமை) நடைபெறவுள்ளது. SLTJ தலைமையகத்திலிருந்து சரியாக 01.00 மணிக்கு ஆரம்பமாகும் பேரணி கொழும்பு, கோட்டை, புகையிரத நிலையம் வரை செல்வதுடன், புகையிரத நிலையத்திற்கு முன்பதாக கண்டன உரை ஆற்றப்படும். - பறிக்கப்படும் உரிமையை காத்திட அலை கடலென ஆர்ப்பரிக்க வருமாறு அனைவரையும் அழைக்கிறது.


அகார் முஹம்மதின் துணைவியாரின் ஜனாஸா நல்லடக்கம் - மாற்று மதத்தினரும் பங்கேற்பு (படங்கள்)

நேற்று (ஞாயிற்றுக்கிழமை)  நடைபெற்ற விபத்தில் மரணமடைந்த அகார் முஹம்மது அவர்களின் துணைவியாரின் ஜனாஸா நல்லடக்கம் இன்று மாலை -31- நடைபெற்றது. இதில் பெரும் எண்ணிக்கையிலானவர்கள் பங்கேற்றனர். இதன்போது பிடிக்கப்பட்ட படங்கள்..!




புத்தளத்தில் உணர்வுபூர்வமாக நடைபெற்ற, யாழ்ப்பாண முஸ்லிம்களின் கறுப்பு ஒக்டோபர் நினைவு நாள் (படங்கள்)


தமது பூர்வீக தாயகத்திலிருந்து இனச்சுத்திகரிப்பு செய்யப்பட்ட யாழ்ப்பாண முஸ்லிம்கள், அந்தக் கோர சம்பவத்தை நேற்று புத்தளத்தில் நினைவுகூர்ந்தனர். இதில் பெரும் எண்ணிக்கையிலான யாழ்ப்பாண முஸ்லிம்களும் புத்தளம் வாழ் முஸ்லிம் உறவுகளும் பங்கேற்றனர். இதன்போது பிடிக்கப்பட்ட படங்கள்.





போர் வரலாற்று நூல்களை, பாடத்திட்டத்தில் சேர்க்க வேண்டும் - மகிந்த அறிவுரை

சிறிலங்காவில் நடந்த போர் வரலாற்றைக் கூறும் நூல்கள், பாடசாலை பாடநூல்களில் இடம்பெற வேண்டும் என்று சிறிலங்காவின் முன்னாள் அதிபர் மகிந்த ராஜபக்ச தெரிவித்துள்ளார்.
சிறிலங்காவின் முன்னாள் இராணுவத் தளபதி ஜெனரல் ஜெரி டி சில்வா எழுதிய, ‘நடவடிக்கையில் கொல்லப்பட்ட போர் வீரர்கள்’ என்ற நூலை வெளியிட்டு வைத்து உரையாற்றிய போதே அவர் இவ்வாறு கூறியுள்ளார்.
கொழும்பு பண்டாரநாயக்க ஞாபகார்த்த மண்டபத்தில் இந்த நிகழ்வு கடந்த 28ஆம் நாள் மாலை இடம்பெற்றது.
இங்கு உரையாற்றிய சிறிலங்காவின் முன்னாள் அதிபர் மகிந்த ராஜபக்ச,
‘ஜெனரல் ஜெரி டி சில்வாவினால் எழுதப்பட்ட ‘நடவடிக்கையில் கொல்லப்பட்ட போர் வீரர்கள்’ மற்றும் மேஜர் ஜெனரல் கமால் குணரத்னவினால் எழுதப்பட்ட ‘நந்திக்கடலுக்கான பாதை’ போன்ற போர்வரலாறு தொடர்பாக எழுதப்பட்டுள்ள நூல்கள், பாடசாலைப் பாடத்திட்டத்துக்குப் பரிந்துரைக்கப்பட வேண்டும்.
போர் வீரர்கள் பாரபட்சமாக நடத்தப்படுகின்ற தருணத்தில், ஒரு காலத்தில் போரின் போது சிறிலங்கா படையினர் பட்ட துன்பங்கள், துயரங்கள், பாதிப்புகள் மற்றும் அவர்களின் பொறுப்புணர்வு என்பனவற்றை நினைவுபடுத்தும் இலக்கியங்கள் படைக்கப்பட வேண்டும்.” என்றும் அவர் தெரிவித்துள்ளார்.
அத்துடன் ஐ.நா மனித உரிமைகள் பேரவையுடன் செய்து கொண்டுள்ள இணக்கப்பாட்டுக்கு அமைய, சிறிலங்கா படையினருக்கு எதிரான போர்க்குற்றச்சாட்டுகள் தொடர்பான விசாரணைகளில் அனைத்துலக நீதிபதிகள் ஈடுபடவுள்ளனர்.
அவர்கள்  எமது படைவீரர்களை போர்க்குற்றவாளிகளாக அடையாளப்படுத்த முனைகின்றனர். அனைத்துலக நீதிபதிகளை விசாரணையில் ஈடுபடுத்தி எமது படையினரை இந்தக் குற்றச்சாட்டுகளின் பேரில் தண்டிக்க முயற்சிக்கின்றனர்.
புலிகளுக்கு இழப்பீடு வழங்கப்படுகிறது. போரில் இறந்த படையினரின் மனைவிமாருக்கு இழப்பீடுகள் எதுவும் வழங்கப்படவில்லை.” என்றும் அவர் தெரிவித்தார்.

அரண்மனை போன்ற 15 கிலோ, பளிங்கு கல் கண்டெடுப்பு

அரண்மனையின் உள்ளே மின்னுவதனை போன்ற 15 கிலோ நிறையுடைய பளிங்கு கல் ஒன்று ரத்கம திலக்கரத்ன மாவத்தை சேர்ந்த எல்.எம்.கருணாவங்க என்ற இரத்தினக்கல் வர்த்தகர் ஒருவருக்கு கிடைத்துள்ளது.

பல வருடங்களுக்கு முன்னர் இந்த பளிங்கு கல்லை இரத்தினபுரி பிரதேசத்தில் தான் கொள்வனவு செய்துள்ளதாக தெரிவித்த அவர், குறித்த கல்லில் பல்வேறு வகையில் செதுக்கப்பட்ட அரண்மனை, நீர் மலர் உட்பட அறைகளை கொண்ட மின் விளக்குகளை காணமுடிந்துள்ளதென அவர் மேலும் குறிப்பிட்டுள்ளார்.

இதேவேளை, கடந்த 20 வருடங்களாக அனுமதிபத்திரத்துடன் தான் இரத்தினகற்கள் கொள்வனவு செய்துள்ள போதிலும் பளிங்கு கல் ஒன்றை இதற்கு முன்னர் ஒரு போதும் கண்டதில்லை எனவும் அவர் தெரிவித்துள்ளார்.


'1990 கறுப்பு ஒக்டோபர் 30' நிகழ்வில், சம்பந்தன் பேசியது..!

-ARA.Fareel-

‘வடக்கும் கிழக்கும் மீண்டும் இணைக்­கப்­ப­ட­வேண்டும் என்­பதே எமது நிலைப்­பாடு. இந்த இணைப்பு தமிழ் – முஸ்லிம் மக்கள் ஏற்­றுக்­கொள்ளும் வகையில் அமைய வேண்டும்.

எமக்குள் ஒற்­று­மை­யில்லா விட்டால் கிழக்கு மாகாணம் பறி­போய்­விடும்' என எதிர்க்­கட்சித் தலைவர் இரா. சம்­பந்தன் தெரி­வித்தார்.

கொழும்பு – ஹெக்டர் கொப்பேகடுவ நிலை­யத்தில் நடை­பெற்ற வடக்கு முஸ்­லிம்கள் இனச்­சுத்­தி­க­ரிப்பு செய்­யப்­பட்ட நினைவு நாள் நிகழ்வில் “வடக்கு முஸ்­லிம்­க­ளுக்கும் தீர்வு அவ­சியம்” என்ற கருப்­பொ­ருளில் நடை­பெற்ற கருத்தரங்கில் கலந்து கொண்டு உரை­யாற்­று­கை­யி­லேயே அவர் இவ்­வாறு கூறினார்.
எமக்குள் முரண்­பா­டுகள் இருக்­கலாம். பிரச்­சி­னைகள் இருக்­கலாம். அவற்றை நாம் பேசித் தீர்த்­துக்­கொள்­ளலாம். வட­மா­காண முஸ்­லிம்­களின் பிரச்­சி­னை­களை வட மாகாண முத­ல­மைச்சர் மற்றும் மீள்குடியேற்ற அமைச்­ச­ருடன் பேசி த.தே. கூட்­ட­மைப்பு தீர்த்து வைக்கும் என்றும் அவர் கூறினார்.
அவர் தொடர்ந்தும் உரை­யாற்­று­கையில் தெரி­வித்­த­தா­வது;
1990 ஆம் ஆண்டு வட மாகா­ணத்­தி­லி­ருந்து முஸ்­லிம்கள் பல­வந்­த­மாக வெளி­யேற்­றப்­பட்­டனர். இதுவோர் பார­தூ­ர­மான விட­ய­மாகும். இது இடம்­பெற்­றி­ருக்­கவே கூடாது. இதுவோர் துன்­பியல் சம்­பவம் என்று கூறி எம்மால் முடிவு காண­மு­டி­யாது.
வெளி­யேற்­றப்­பட்ட மக்கள் நீண்­ட­கா­ல­மாக வெளி மாவட்­டங்­களில் வாழ்ந்து வரு­கி­றார்கள். அவர்­க­ளது மீள் குடி­யேற்ற விட­யங்­களில் சில பிரச்­சி­னைகள் தொடர்ந்து நில­வு­கின்­றன. அம்­மக்கள் மீண்டும் குடி­யேற்­றப்­பட வேண்டும் என்­பதில் மாற்­றுக்­க­ருத்­துக்கு இட­மில்லை. அவர்­க­ளது காணிகள் அப­க­ரிக்­கப்­பட்­டி­ருக்­கின்­றன.
வெளி­யேற்­றப்­பட்ட மக்­களின் காணிப்­பி­ரச்­சி­னைகள் தீர்க்­கப்­ப­ட­வில்லை. அவர்­க­ளது காணிகள் மீள ஒப்­ப­டைக்­கப்­பட வேண்டும். அவர்கள் மீள் குடி­யே­று­வ­தற்­கான அனைத்து வச­தி­களும் செய்து கொடுக்­கப்­பட வேண்டும். இதில் வேறு­பட்ட கருத்­துகள் எம்­மிடம் இல்லை.
வடக்­கி­லி­ருந்து யாரால் முஸ்­லிம்கள் வெளி­யேற்­றப்­பட்­டார்­களோ அவர்கள் முஸ்­லிம்­களை மாத்­தி­ர­மல்ல, தமிழ் மக்­க­ளையும் வெளி­யேற்­றி­னார்கள். சந்­தி­ரிகா அம்­மை­யாரின் அர­சுக்கும் தமி­ழீழ விடு­தலைப் புலிகள் இயக்­கத்­துக்கும் இடை­யி­லான யுத்த நிறுத்த ஒப்­பந்தம் 1995 இல் முடி­வுக்கு வந்­ததும் வடக்கில் சில இரா­ணுவ முயற்­சிகள் முன்­னெ­டுக்­கப்­பட்­டன. அச்­சந்­தர்ப்­பத்தில் தமிழ் மக்கள் வெளி­யேற்­றப்­பட்­டார்கள். வடக்கில் அனைத்து மாவட்­டங்­க­ளி­லி­ருந்தும் தமி­ழர்கள் வெளி­யேற்­றப்­பட்­டார்கள். 
வெளி­யேற்­றப்­பட்ட தமிழ் பேசும் மக்கள் அனை­வரும் மீள் குடி­யேற்­றப்­பட வேண்டும். ஆனால் மீள்­கு­டி­யேற்ற நட­வ­டிக்கைள் திருப்­தி­க­ர­மாக இருக்­கி­றதா? என்­ப­துதான் பிரச்­சினை மீள்­கு­டி­யேற்ற மக்­க­ளுக்கு தொழில், கல்வி மற்றும் வாழ்­வா­தார வச­திகள் செய்து கொடுக்­கப்­பட வேண்டும்.
இது தொடர்பில் நாம் பாரா­ளு­மன்­றத்தில் பேசியும் மீள்­கு­டி­யேற்ற நட­வ­டிக்­கைகள் இன்னும் முற்றுப் பெற­வில்லை.
நான் இந்த நிகழ்­வுக்கு வரு­வ­தற்கு முன்பு யாழ். இரா­ணுவ தள­ப­தி­யுடன் பேசினேன். இரா­ணுவ வச­முள்ள மக்­க­ளது காணிகள் மீள கைய­ளிக்­கப்­பட வேண்டும் என அவ­ரிடம் கோரிக்கை விடுத்தேன். அவர் எனது கோரிக்­கையை ஏற்றுக் கொண்டார்.
இவற்­றுக்­கான ஒழுங்­கு­களைச் செய்­வ­தா­கவும் உறு­தி­ய­ளித்தார். ஆனால் இதில் சில தடைகள் இருப்­ப­தா­கவும் கூறினார்.
பலஸ்தீன் மக்கள் தமது சொந்த பூமியில் எத்­தனை வரு­ட­காலம் அகதி வாழ்க்கை வாழ்­கி­றார்கள். அவர்­க­ளது பூமியில் வீடுகள் நிர்­மா­ணிக்­கப்­ப­டு­கின்­றன. ஆனால் அந்த வீடுகள் அவர்­க­ளுக்­காகக் கட்­டப்­ப­ட­வில்லை. மற்­ற­வர்­க­ளுக்­கா­கவே கட்­டப்­ப­டு­கி­றது. அந்த வீடு­களில் பலஸ்­தீ­னர்­க­ளுக்கு குடி­யேற முடி­யா­துள்­ளது. சமா­தா­ன­மொன்று இல்­லாமல் இருந்தால் இது போன்ற விட­யங்கள் நடை­பெறும்.
முஸ்­லிம்கள் உப்­பட தமிழ் மக்­களின் மீள் குடி­யேற்ற பிரச்­சி­னையை நாமெல்­லோரும் ஒன்று சேர்ந்தே தீர்க்க வேண்டும். இதற்­கென்று புனர்­வாழ்வு அமைச்­சொன்று இருக்­கி­றது. அமைச்சர் ஒரு­வரும் நிய­மிக்­கப்­பட்­டி­ருக்­கிறார். வடக்கில் மாகாண சபை என்று ஒன்­றி­ருக்­கி­றது. அதற்கு முத­ல­மைச்சர் ஒருவர் இருக்­கிறார். அவர்­க­ளுடன் நாம் பேச்­சு­வார்த்தை நடத்தி இந்தப் பிரச்­சி­னை­க­ளுக்குத் தீர்வு பெற்­றுக்­கொள்ள வேண்டும்.
வட­மா­கா­ணத்­தி­லி­ருந்து வெளி­யேற்­றப்­பட்ட முஸ்­லிம்கள் தொடர்பில் புனர்­வாழ்வு அமைச்­சு­டனும் வட­மா­காண முத­ல­மைச்­ச­ரு­டனும் பேசி சில ஒழுங்­கு­களைச் செய்து குறை­களைத் தீர்த்துக் கொள்வோம். முஸ்­லிம்கள் சார்­பாக அர­சாங்­கத்தில் பல முஸ்லிம் அமைச்­சர்கள் இருக்­கி­றார்கள். கடந்த மஹிந்த ராஜபக் ஷ அர­சாங்­கத்­திலும் இருந்­தார்கள்.
அர­சாங்­கங்­களில் தொட­ராக அமைச்­சுப்­ப­த­வி­களை வகிக்கும் முஸ்லிம் அமைச்­சர்­களால் முஸ்­லிம்­களின் பிரச்­சி­னை­களைத் தீர்க்க ஏன் முடி­யாமல் இருக்­கி­றது. இதனால் தான் 1949 இல் தந்தை செல்­வ­நா­யகம் சமஷ்டி ஆட்சி வேண்­டு­மென்ற கோரிக்­கையை முன்­வைத்தார். அந்­தக்­கா­லப்­ப­கு­தியில் முஸ்­லிம்கள் தமி­ழ­ரசுக் கட்­சியில் போட்­டி­யிட்டு வெற்றி பெற்­றுள்­ளார்கள் என்­பதை மறுக்க முடி­யாது.
சமஷ்டி ஆட்சி முறை அன்று வந்­தி­ருந்தால் முஸ்லிம் தமிழ் மக்கள் ஒற்­று­மை­யாக வடக்­கையும் கிழக்­கையும் ஆட்சி செய்­தி­ருக்க முடியும். ஆனால் துர­திஷ்­ட­வ­ச­மாக இது நடை­பெ­ற­வில்லை. இதற்­காக நாம் நீண்­ட­கா­ல­மாக சாத்­வீக ரீதியில், அர­சியல் ரீதியில் போராட வேண்­டி­யி­ருக்­கி­றது
. இதற்­காக நாம் ஜன­நா­யக ரீதியில் போரா­டி­யுள்ளோம். ஆயுதம் ஏந்­தியும் போராட்டம் இடம்­பெற்­றுள்­ளது. இப்­போது ராஜ­தந்­திர ரீதியில் போராடி வரு­கிறோம்.
இந்த விட­யத்தில் முஸ்லிம் அர­சியல் தலை­வர்­களின் பங்­க­ளிப்பு குறை­வா­கவே உள்­ளது. முஸ்­லிம்கள் வெளி­யேற்­றப்­பட்­டதை நாம் மறக்க முடி­யாது. முஸ்லிம் மக்­களை நாம் புறக்­க­ணிக்க முடி­யாது.
முஸ்­லிம்கள் வட கிழக்­கிலும் நாடு பூரா­கவும் வாழ்­வ­தற்கு உரித்­து­டை­ய­வர்கள். எமது போராட்­டங்­க­ளுக்கு முஸ்லிம் தலை­வர்கள் உத­வ­வில்லை. ஜெனீ­வாவின் தீர்­மானம் அழுத்­த­மாக உள்­ளது. ஜெனீவா தீர்­மா­னத்­தின்­போது முஸ்லிம் அமைச்­சர்கள் மஹிந்த ராஜபக் ஷவுக்கு பிர­சாரம் செய்­தார்கள். அதை எம்மால் மறக்க முடி­யாது. இதற்­காக முஸ்லிம் மக்­களை உதா­சீனம் செய்­யவும் முடி­யாது.
நிறை­வேற்று அதி­காரம் எங்­க­ளிடம் இருக்க வேண்டும். அதைப்­பெ­று­வ­தற்கே புதிய அர­சியல் தீர்­வுக்­கான பேச்­சு­வார்த்­தையில் ஈடு­பட்­டுள்ளோம். கல்வி, காணி, சட்டம், சமயம் உட்­பட அனைத்து விட­யங்­க­ளிலும் அதி­காரம் எம்­மிடம் இருக்க வேண்டும். இந்த அதி­கா­ரங்கள் இருந்தால் முஸ்­லிம்­களின் பிரச்­சி­னை­களைத் தீர்க்க முடியும்.
வட கிழக்கில் தமிழ், முஸ்லிம் மக்கள் ஒற்­று­மை­யாக செயற்­பட வேண்டும். கிழக்கில் எமது ஆத­ர­வு­டனே முஸ்லிம் முத­ல­மைச்சர் இருக்­கிறார். சிங்­கள மக்­களை நான் அன்­பாக நேசிப்­பவன். இந்த நாட்டில் பெரும்­பான்­மை­யாக வாழும் சிங்­கள மக்­களை நேசிக்க வேண்டும். மதிக்க வேண்டும். அவர்­க­ளுடன் ஒற்­று­மை­யாக வாழ வேண்டும்.
இன்று நாடு முன்­னேற்­றப்­பட வேண்­டு­மென திட்­டங்கள் போடப்­ப­டு­கின்­றன. இதன் மூலம் சிங்­கள மக்கள் எமது பகு­திக்குள் வரப்­போ­கி­றார்கள். கைத்­தொழில் முயற்­சிகள் மற்றும் அபி­வி­ருத்­திகள் ஊடாக இது நடை­பெ­றப்­போ­கி­றது. இதை நாம் எப்­படித் தாங்­கப்­போ­கிறோம். வட கிழக்கை தவிர ஏனைய பகு­தி­களில் சிங்­கள மொழி முத­லி­டத்தில் உள்­ளது.
வட கிழக்கில் தமிழ்­மொழி உத்­தி­யோ­க­பூர்வ மொழி­யாக இருக்க வேண்டும். அங்­கீ­க­ரிக்­கப்­பட வேண்டும். இதைத்தான் நாம் கேட்­கிறோம். இதை சிங்­க­ள­வர்கள் எதிர்க்­கி­றார்கள்.
வடக்கு கிழக்கு இணைப்பில் குறைகள் உள்­ளன என்றே அது தடுக்­கப்­பட்­டது. வடக்கு கிழக்கு இணைப்பு மீண்டும் ஏற்­பட வேண்டும் என்­பதே எமது நிலைப்­பாடு. இந்த இணைப்பு தமிழ் முஸ்லிம் மக்கள் ஏற்­றுக்­கொள்ளும் வகையில் அமைய வேண்டும். வட கிழக்கில் நாம் பரம்­ப­ரை­யாக ஒற்­று­மை­யாக வாழ்ந்­தி­ருக்­கிறோம். எமக்குள் ஒற்­றுமை தேவை.
ஜே.ஆர். ஜெய­வர்­தன 1977 இல் எமக்கு அமைச்சுப் பதவி தரு­வ­தாகக் கூறினார். நாம் எவரும் ஏற்றுக் கொள்­ள­வில்லை. அதி­காரம் எமது மக்­களின் கையில் வர­வேண்டும் என்­ப­தற்­கா­கவே ஏற்­றுக்­கொள்­ள­வில்லை.
எமக்குள் ஒற்­று­மை­யில்­லா­விட்டால் கிழக்கு மாகாணம் பறி­போய்­விடும். எமக்குள் முரண்­பா­டுகள் இருக்­கலாம். அவற்றை நாம் பேசித்­தீர்த்­துக்­கொள்­ளலாம். இரு சமூ­கமும் ஏற்­றுக்­கொள்­ளக்­கூ­டி­ய­வாறு நாம் பிரச்­சி­னை­களைத் தீர்த்துக் கொள்­ளலாம்.
புதிய அர­சியல் யாப்பில் கணி­ச­மான அதி­காரம் மற்றும் வளங்களும் மத்­திய அர­சாங்­கத்தின் சில அதி­கா­ரங்­களைத் தவிர அனைத்தும் அதிகாரப்பங்கீடு செய்யப்பட வேண்டும். இறைமையின் அடிப்படையில் நாம் ஆட்சி நடத்த வேண்டும்.
முதலமைச்சர் மற்றும் புனர்வாழ்வு அமைச்சருடன் பேசி உங்கள் பிரதிநிதிகளுடன் அவர்களைச் சந்தித்து பிரச்சினைகளைத் தீர்த்து வைப்போம்.
எவரையும் எவரும் ஏமாற்ற முடியாது. சிங்கள மக்களுக்கும் அநீதி செய்யக்கூடாது. அவர்களும் மகிழ்வுடன் வாழ வேண்டும். எல்லோரும் சந்தோசமாக வாழ வேண்டும். பதவிக்காக நாம் எமது கௌரவத்தை இழக்கக்கூடாது.
வட மாகாணத்தில் ஒவ்வொரு மாவட்டத்துக்கும் ஒவ்வொரு பிரதிநிதியை நியமித்து த.தே. கூட்டமைப்புடன் அவர்கள் வட மாகாண முதலமைச்சர் மற்றும் புனர்வாழ்வு அமைச்சரைச் சந்தித்து வட மாகாண முஸ்லிம்களின் பிரச்சினைகள் தீர்க்கப்படும்.
இதற்கென வடமாகாண சபையில் ஒர் உதவிச்செயலாளரும் புனர்வாழ்வு அமைச்சில் ஒரு உதவிச் செயலாளரும் நியமிக்கப்பட வேண்டும் என்றார்.

கனடா, பிரான்ஸ், கட்டார் நாடுகளில் இனச்சுத்திகரிப்பை நினைவுகூர்ந்த யாழ்ப்பாண முஸ்லிம்கள்


யாழ்ப்பாணத்திலிருந்து புலிகளினால் பலாத்கார இனசச்சுத்திகரிப்புக்கு உள்ளான முஸ்லிம்கள் 26 ஆவது வருட கறுப்பு ஒக்டோபர் நிகழ்வுகள் கனடா பிரானஸ் மற்றும் கட்டார் நாடுகளில் நேற்று 30 ஆம் திகதி நடைபெற்றுள்ளது.

மிகவும் உணர்வுபூர்வமாக இந்த நிகழ்வுகள் நடைபெற்றுள்ளன. இதில் அந்தந்த நாடுகளில் வாழும் யாழ்ப்பாண முஸ்லிம்கள் பெருமளவில் பங்கேற்றுள்ளனர்.

பிரான்ஸில் பிரதான நிகழ்வு நடைபெற்றுள்ளது. இதனை சர்வதேச வாழ் யாழ்ப்பாண முஸ்லிம் சமூகம் ஏற்பாடு செய்திருந்தது. இதில் லண்டன், ஜேர்மனி, நோர்வே, சுவிஸ் பிரான்ஸ் வாழ் யாழ்ப்பாண முஸ்லிம்களும், வடக்கு முஸ்லிம்களும் கலந்துகொண்டனர்.

இந்த நிகழ்வுகளின் போது பிடிக்கப்பட்ட படங்களையே இங்கு காண்கிறீர்கள்.



கனடா

கட்டார் 

பௌத்த பிக்குகளில் 60 வீதமானவர்களுக்கு நீரிழிவு, இருதய நோய்


பௌத்த பிக்குகளில் 60 வீதமானவர்களுக்கு நீரிழிவு மற்றும் இருதய நோய்கள் காணப்படுவதாக விளையாட்டுத்துறை அமைச்சர் தயாசிறி ஜயசேகர தெரிவித்துள்ளார்.

அண்மைக் காலமாக பௌத்த பிக்குகள் நீரிழிவு, இருதய நோய் உள்ளிட்ட தொற்றா நோய்களினால் பாதிக்கப்படும் எண்ணிக்கை உயர்வடைந்துள்ளது.

கண்டி அஸ்கிரி மற்றும் மல்வத்து பீடாதிபதிளை சந்தித்ததன் பின்னர் ஊடகவியலாளர்களிடம் அமைச்சர் இதனைத் தெரிவித்துள்ளார்.

பிக்குகள் சமூகத்தில் சுமார் 60 வீதமானவர்கள் நீரிழிவு மற்றும் மாரடைப்பு போன்ற நோய்களினால் பாதிக்கப்பட்டுள்ளதாக மருத்துவ அறிக்கைகளின் மூலம் தெரியவந்துள்ளது என அவர் குறிப்பிட்டுள்ளார்.

பௌத்த கலாசார உடற்பயிற்சிகளை மேற்கொள்வதன் மூலம் இவ்வாறான நோய்களை தடுக்க முடியும் என அமைச்சர் சுட்டிக்காட்டியுள்ளார்.

October 30, 2016

'முஸ்லிம்களது இனச் சுத்திகரிப்பிற்கு 26 வருடங்கள்'

-மஸிஹுத்தீன் இனாமுல்லாஹ்-

1990 ஒக்டோபர் மாதம் 23 ஆம் திகதி முதல், 30 ஆம் திகதி வரை, மன்னார், யாழ்ப்பாணம், வவுனியா, முல்லைத்தீவு, கிளிநொச்சி ஆகிய ஐந்து மாவட்டங்களில் இருந்தும் வடபுல முஸ்லிம்கள் முற்றாக இனச் சுத்திகரிப்பு செய்யப்பட்டு ஆயுத முணையில் விடுதலைப்புலிகளால் ஒரு சில மணித்தியால அவகாசமே வழங்கப்பட்டு துரத்தியடிக்கப்பட்டு இன்றோடு 26 வருடங்கள் நிறைவடைகின்றன.

தமிழ் மக்களின் உரிமைப் போராட்ட வரலாற்றில் விடுதலைப் புலிகள் இழைத்த முதன்மையான மிகப்பெரிய அரசியல் இராணுவ மற்றும் வரலாற்றுத் தவறு முஸ்லிம்கள் நிராயுத பாணிகளான முஸ்லிம்கள் மீது கட்டவிழ்த்து விட்ட இனச் சுத்திகரிப்பு மற்றும் வடகிலும் கிழக்கிலும் எல்லைக் கிராமங்களிலும் மேற்கொண்ட படுகொலைகளுமாகும்.

முதிர்ச்சியடைந்த தமிழ் முஸ்லிம் தலைமைகளை படுகாலை செய்தமை, இந்தியாவை பகைத்துக் கொண்டமை, சமாதானக் கரம் நீட்டிய இந்தியப் பிரதமர் ராஜீவ் காந்தியையும் மற்றும் இலங்கை ஜனாதிபதி பிரேமதாச அவர்களையும் படுகொலை செய்தமை, சர்வதேச பிராந்திய மேலாதிக்க சகதிகளிடம் விலை போனமை போன்ற இன்னும்பல அரசியல் இராஜதந்திர தவறுகள் அவர்களை அழிவின் விளிம்பிற்கே கொண்டுசேர்த்த ஏனைய தவறுகளாகும்.

இனப்பிரச்சினைக்கான நிரந்தரத் தீர்வுகளைப் பற்றி தேசிய பிராந்திய சர்வதேச அரங்கில் பேசுகின்ற எந்தவொரு சமகால தமிழ்த் தலைமையும் விடுதலைப் போராட்டத்தின் பேரில் முஸ்லிம்கள் மீது இழைக்கப்பட்ட மேற்படி வரலாற்றுத் தவறுகளை சீர் செய்கின்ற முன்னெடுப்புக்களை முதன்மைப் படுத்துவது காலத்தின் கட்டாயமாகும்.

கிடப்பில் போடப்பட்டுள்ள முஸ்லிம்களது மீள் குடியேற்றம், அவர்களுக்கான அடிப்படை வாழ்வாதார, கல்வி சுகாதார, நிர்வாக வசதிகளை உட்கட்டமைப்புக்களை ஏற்படுத்துதல், ஆக்கிரமிக்கப்பட்டுள்ள முஸ்லிம்களது நிலங்களை மீளப் பெற்றுக் கொடுத்தல், அரசியல் தீர்வு முயற்சிகளில் முஸ்லிம்களின் தனித்துவ தேசிய அடையாளத்தை அங்கீகரித்தல் போன்ற இன்னோரன்ன முன்னெடுப்புக்களை தமது நிகழ்ச்சி நிரல்களில் அவர்கள் உள்வாங்குவது தார்மீகக் கடமையாகும்,

முஸ்லிம் அரசியல் தலைமைகள் கவனத்திற்கு

வட மாகாணத்திலிருந்து முஸ்லிம்கள் பாசிசப் புலிகளால் பலவந்தமாக வெளியேற்றப் பட்டு கால் நூற்றாண்டு கழிந்த நிலையிலும் அவர்களது மீள் குடியேற்றம் குறித்து ஆக்க பூர்வமான நடவடிக்கைகள் எதுவும் மேற்கொள்ளப்படவில்லை என்பது எல்லோரும் அறிந்த விடயமாகும்.

போருக்குப் பின்னரான இலங்கையில் பழைய IDP கள் என அவர்கள் புறந்தள்ளப்பட்டு மீள்குடியேற்ற நடவடிக்கைகளில் உடனடியாக பாதிப்படைந்தவர்கள் என புதிய IDP கள் மீது மாத்திரமே கூடிய கரிசனை காட்டப் படுகின்றமை நாம்அறிந்த விடயமாகும்.

இனி, தற்போதைய கூட்டாட்சியில் நம்பிக்கை தரும் முன்னெடுப்புக்கள் இடம்பெறுமா என அவர்கள் ஆவலோடு காத்திருக்கின்றார்கள்.

இடம் பெயர்ந்துள்ள முஸ்லிம்கள், அவர்களது சனத்தொகைப் பெருக்கம், அதிகரித்துள்ள புதிய குடும்பங்கள், அவர்களில் மீள்குடியேற விரும்புபவர்கள் என இன்னோரன்ன தகவல்கள் முறையாக இதுவரை ஆவணப் படுத்தப்படவில்லை.

அதேபோல் வடபுலத்தில் உரிய உட்கட்டமைப்பு வசதிகள், பொது வசதிகள், நீர் வழங்கல், மின்சாரம், பாடசாலைகள் , மஸ்ஜிதுகள்,அரச நிறுவனங்கள் என எத்தகைய அடிப்படை வசதிகளும் இல்லாத நிலையில் மீள் குடியேறுவதில் மக்கள் காட்டும் அசிரத்தை முறையான பதிவுகள் இல்லாமைக்கு காரணமாக இருப்பதாக சொல்லப்படுகின்றது.

புதிய தலைமுறையினரின், கல்வி, தொழில் தற்போதைய வதிவிடங்கள், தாம் ஈட்டிய அசையா சொத்துக்கள் எனபல்வேறு அம்சங்களும் மீள் குடியேறுவதில் கரிசனயின்மையை ஏற்படுத்தியுள்ளமை அவதானிக்கப்படுகின்றது.

எது எப்படிப் போனாலும் வடபுலத்தில் இருந்து புலம் பெயர்ந்த ஒவ்வொரு பிரஜையும், குடும்பமும், அவகளது புதிய தலைமுறையினரும் தமது பூர்வீக இடங்களுக்கும் வளங்களுக்கும் உரித்துடையவர்கள் என்பதனை வலியுறுத்திக் கூறல் வேண்டும்.

உடனடியாக மீள்குடியேற வேண்டிய முஸ்லிம்கள் குறித்த துள்ளியமான தரவுகளை புள்ளி விபரங்களை திரட்டுவதும் ஆவணப்படுத்துவதும் அதற்காக அரச யந்திரத்தை வளங்களை உரியவகையில் பெற்றுக் கொள்வதும் முஸ்லிம் அரசியல் மற்றும் சிவில் தலைமகளின் முதன்மையான பணியாகும்.

1990 அக்டோபர் 30 ஆம் நாள் ஒட்டு மொத்த வடபுலத்து முஸ்லிம்களும் விடுதலைப் புலிகளால் விரட்டியடிக்கப்பட்ட பின்னர் மூன்று தசாப்த காலம் அவர்கள் பெயரில் நாம் அரசியல் செய்திருக்கின்றோம், மாறாக அவர்களுக்கு எம்மால் ஆக்கபூர்வமாக எதையுமே செய்யமுடியவில்லை என்பதே கசப்பான உண்மையாகும்.

'கறுப்பு ஒக்டோபர் 26' வருடங்கள் (1990-10-30)

-Muja Ashraff-

பேரினவாதத்தின் கறுப்புப் பக்கங்களாக கறுப்புஜூலை,  அழுத்கமை தர்காடவுன் போன்றவை பதியப்பட்டதுபோல் புலிகளின் கறைபடிந்த கறுப்புப் பக்கங்களில் முதன்மையாகப் பதியப்பட்ட நிகழ்வே வடபுல முஸ்லிம்களின் இனச்சுத்திகரிப்பு

விடுதலைபுலிகளின் நாமங்கள் யாருக்காக எதைவிட்டுவைத்ததோ தெரியவில்லை வடபுல முஸ்லிம்களுக்கென்று எதையுமே விட்டுவைக்கவில்லை. 2 மனிநேர கால அவகாசத்தை மட்டுமே வழங்கியது தம்முடன் அகதியன்ற நாமத்தை மட்டும் எடுத்துச்செல்ல

எந்த இனத்தின் உரிமைகளை வென்றடுக்க வேண்டுமன்ற இலட்சியத்துடன் ஆயுதமேந்தினார்களோ அந்த இனத்தின் உணர்வுகளையும் புறந்தள்ளிவிட்டு மற்றுமொரு சக இனத்தவரின் உரிமைகளை பறித்தடுப்பதற்காக அவ் ஆயுதங்களை பயன்படுத்தியமையானது காலத்தால் அழிக்கமுடியாத வடுக்களையே வடபுல முஸ்லிம்களுக்கு மத்தியில் விட்டுச்சென்றுள்ளது

அன்று காத்தான்குடி ஏறாவூர்,மூதூர் என்று இப் பட்டியல் நீண்டுசென்ற விதம் ஒட்டுமொத்த தமிழ் சமூகத்தின் மீதான நம்பிக்கையினையும் கேள்விக்குள்ளாகி நின்றதுடன் அவர்களை பற்றிய வெறுமைநிலையினையும் உள்ளத்தில் வழங்கியதன்றால் மிகையாகாது.

வாழவேண்டுமென்ற போராட்டத்தில்  வாழ்க்கையுடன் போராடி வெற்றியடைந்த வடபுல முஸ்லிம்களால் அகதியன்ற நாமத்தை களைவதற்கான போராட்டத்தில் மட்டும் வெற்றியடைய முடியவில்லை.

தவறுகள் செய்பவர்கள் தண்டிக்கப்படவேண்டுமென்பது நியதி இருந்தும் தவறுகளின்றியே ஓர் சமூகத்தின் புறமுதுகில் குத்தப்பட்ட நம்பிக்கை துரோகங்களின் பக்கங்கள் வருடங்கள் தோறும் புறட்டப்பட்டுக்கொண்டுதான் இருக்கும் கசப்பான நினைவுகளாக...

பொய் - அவதூறு செய்திகளை வெளியிட்ட, தமிழ் இணையம் மீது தடை

வடக்கில் நீதித்துறை தொடர்பான பொய்யானதும், அவதுறானதுமான செய்திகளை வெளியிட்டு வந்த தமிழ் இணையத்தளம் ஒன்று சிறிலங்கா தொலைத்தொடர்பு ஒழுங்கமைப்பு ஆணைக்குழுவினால் நேற்று -29- தடை செய்யப்பட்டுள்ளது.

ஊடகத்துறை மற்றும் நீதி அமைச்சுக்களின் முறைப்பாடுகளை அடுத்தே இந்த நடவடிக்கை எடுக்கப்பட்டுள்ளதாக சிறிலங்கா தொலைத்தொடர்பு ஒழுங்கமைப்பு ஆணைக்குழுவின் பணிப்பாளர் சுனில் சிறிலால் தெரிவித்துள்ளார்.

வடக்கில் நீதித்துறையின் முடிவுகள் குறித்து பொய்யான பரப்புரைகளை மேற்கொண்டு வருவதாகவும், நீதிபதிகள், சட்டவாளர்கள் குறித்து அவதூறான செய்திகளை வெளியிடுவதாகவும், வடக்கில் பொதுமக்களைத் தூண்டி விடும் வகையில் செயற்படுவதாகவும், இந்த இணையத்தளம் மீது முறைப்பாடுகள் செய்யப்பட்டுள்ளன.

குறிப்பிட்ட இணையத்தளம் சிறிலங்கா ரெலிகொம் இணைய வழி சேவையைப் பயன்படுத்தி வந்துள்ளது.

முறைப்பாடுகள் தொடர்பாக பாதுகாப்பு அமைச்சு மற்றும் ஊடக அமைச்சு ஆகியன மேற்கொள்ளும் விசாரணைகள் முடியும் வரை இணையத்தளம். தடை செய்யப்பட்டுள்ளது என்றும் அவர் தெரிவித்தார்.

இலங்கையில் புதிய நல்லாட்சி அரசாங்கம் பதவிக்கு வந்த பின்னர் தடை செய்யப்பட்ட முதல் இணையத்தளம் இதுவாகும்.

நாட்டின் பல பாகங்களில் இன்றுமுதல் மழை - இடிமின்னல் குறித்து எச்சரிக்கை

நாட்டின் பல பாகங்களில் இன்று முதல்  100 மில்லிமீற்றருக்கு அதிகரித்த மழை பெய்யக் கூடும் என காலநிலை அவதான நிலையம் அறிவித்துள்ளது.
கடும் மழை பெய்யும் போது இடைக்கிடையில் கடும் காற்றும் இடிமின்னலும் ஏற்பட வாய்ப்புள்ளதாகவும் தெரவித்துள்ளது.
எனவே, இதுகுறித்து பொதுமக்கள் அவதானத்துடன் செயற்பட வேண்டும் என காலநிலை அவதான நிலையம் வேண்டுக்கோள் விடுத்துள்ளது.

October 29, 2016

முஸ்லிம்களுக்கு எதிரான தாக்குதல்களும், படுகொலைகளும் (இது ஒரு ஆவணம்)

-ஜான்ஸன்-

முஸ்லிம் மக்கள் ஒரு சிறுபான்மை இனம் என்ற அடிப்படையில், தமிழ் குறுநல தேசியவாதமும்  இனவாத அரசியலும்  அவர்களை படுகொலை செய்தது முதல் வெளியேற்றியது வரையான காரியங்களைச் செய்தது. எல்லா குறுந்தேசிய இனவாதிகளும் முஸ்லிம்களை மதம் என்ற அடிப்படையில் தான் அடையாளப்படுத்தி, வன்முறையை கட்டமைத்தனர். முஸ்லிம் என்ற பதம் எப்படி வரலாற்று ரீதியாக கட்டமைக்கப்பட்டது என்ற ஆய்வு மிக முக்கியத்துவம் வாய்ந்தது. பாரம்பரியமாக வாழ்ந்து வந்த நாகத் தமிழ் மக்கள் மத்தியில் இஸ்லாம் ஒரு மதத் தத்துவவியலாக வந்த போது, அதை உள்வாங்கிக் கொள்வது இயற்கையாக இருந்தது. ஆனால் இந்தியாவிலிருந்து இங்கு வந்து குடியேறிய பல் தெய்வ வணக்க வழிபாடுகளைக் கொண்ட இந்துக்களால் ஏகதெய்வ கொள்கையை ஏற்றுக் கொள்ளமுடியவில்லை. 
 இந்து மதத்தில் காணப்பட்ட உடன்கட்டையேறுதல் விதவைகள் மீள்திருமணம் செய்யமுடியாது போன்ற பல பிற்போக்கான மனிதவிரோத நடத்தைகள் மற்றும் சாதிப் பிளவுகளை எதிர் கொண்ட மக்களில் சிலர் இஸ்லாம் மதத்தை சென்றடைவது இயற்கையானதாகவும் இயல்பானதாகவும் இருந்தது. அத்துடன் சமூக பொருளாதார கூறுகளும், இதை உந்திச் செல்வதில் குறித்த பங்கை வகித்துள்ளது. ஆனால் ஒவ்வொரு சடபிரதாயத்துக்கும் வௌ;வேறு கடவுளர்களைக் கொண்டு அது தொடர்பாக பல்வேறு கதைகளையும் இயற்றி வாழ்ந்த அச்சமூகத்தின் பெரும்பாலானவர்கள் இஸ்லாமிய மனதளவில் ஏற்றுக்கொண்டாலும் செயலில் இஸ்லாத்தை ஏற்றுக்கொள்ள அவர்களுடைய சாஸ்திர சம்பிரதாயங்கள் இடம்கொடுக்கவில்லை. 
இஸ்லாத்துக்கு சந்தர்ப்பம் வழங்கினால் அது ஆழவேர் பதித்து பெருவிருட்சமாக வளர்ந்து மக்களை ஆட்கொண்டுவிடுமென்பதை இந்த மக்களை வைத்து பிளைப்பு நடத்துபவர்கள் அறிவார்கள். இந்த நிலையில் இஸ்லாம்;, மார்க்கம் என்ற அடிப்படையில் தமிழ் மக்கள் மத்தியில் காலூன்றிய  வரலாற்றுப் போக்கை தமிழர்கள், தமது கடந்தகால பிரதேச ஆதிக்க வடிவில் ஒருபோதும் ஏற்றுக் கொண்டதில்லை. 
இந்த வளர்ச்சி கடந்த சில நூறு வருட வளர்ச்சியில் படிப்படியாக ஏற்பட்டவையே. சைவத்தில் இருந்து அன்னியப்படுத்தப்பட்ட முஸ்லிம் மக்கள், முஸ்லிம் மத பண்பாடு கலாச்சாரம் சார்ந்து தனது தனித்துவமான  உற்பத்தி முறைக்கு இசைவாக, தனக்குள் தன்னை மாற்றிக் கொள்ளத் தொடங்கியது. இவையெல்லாம் இஸ்லாத்துக்கெதிரான மனவெருப்பைக் கொண்ட குழுக்கள் உருவாக காரணமாக விளங்கியது. காலணித்துவ ஆட்சிக்குள் யாழ்ப்பாணமிருந்த காலத்தில் கத்தோலிக்க மதத்தை தழுவிக் கொண்டவர்களும் தாம தமிழர் என்ற அடிப்படையில் இஸ்லாமிய விரோதப் போக்கை கொண்டிருந்தனர். இதனால் காலகாலமாக தமிழ் ஆதிக்க சக்திகள் முஸ்லிம்களுக்கெதிரான செயற்பாடுகளை மேற்கொண்டு வந்தனர். இதன் கட்டங்களாகவே கீரமலை- சேத்தான்குளம் முஸ்லிம்கள் வெளியேற்றம், அராலி-மாதகல் பிரதேச வெளியேற்றம், பப்பரப்பிட்டி வெளியேற்றம், மீசாலை –உசன் பிரதேச வெளியேற்றம், சாவகச்சேரி வெளியேற்றம், நல்லூர் வெளியேற்றம் என்பன முன்னெடுக்கப்பட்டு முஸ்லிம்களை அழிக்க முயற்சிகள் மேற்கொள்ளப்பட்டன. கோட்டைப் பிரதேச வெளியேற்றம் போர்த்துக்கீஸரால் மேற்கொள்ளப்பட்டாலும் இந்தியாவிலிருந்த போர்த்துக்கீஸரை மன்னாருக்கும் பிறகு அங்கிருந்து யாழ்ப்பாணத்துக்கும் அழைத்து வந்து முஸ்லிம்களை ஆதிக்கத்தை அழிக்க முயன்றதும் சில தமிழர்களே. 
ஆனால் ஒவ்வொரு கட்டத்திலும் வெளியேறிய முஸ்லிம்கள் ஆரம்பத்தில் சில பிரச்சினைகளை எதிர்நோக்கினாலும் நாளடைவில் விழுதாக முளைத்தெழுந்து ஒவ்வொரு பிரதேசத்திலும் விருட்சமாகி தோப்பாகினர். இவ்வாறு தமிழர் முஸ்லிம்களுக்கெதிராக மேற்கொண்ட இனச்சுத்திகரிப்பு நடவடிக்கைகள் எல்லாம் தோல்வியடைந்தன. நாட்டின் சட்டங்களும் ஆளமையும் மாற்றான் கையில் இருக்கும் போது முஸ்லிம் விரோதப் போக்கு கொண்ட தமழர் அடங்கிக் கிடந்தனர். இருந்தாலும் ஆங்காங்கே முஸ்லிம் விரோதக் கருத்துக்கள் விதைக்கப்பட்டன. இதனால் முஸ்லிம்கள் தமிழருடன் ஐக்கியமாக வாழ்ந்த காலங்களிலும் முஸ்லிம்களின் சொத்துக்கள் தமக்குரியன தாமே எதிர்காலத்தில் அவற்றை அனுபவிப்போம் என்றவாறான பேச்சுக்கள் ஆங்காங்கே முஸ்லிம்கள் காதில் விழும்படியாக வடக்கு கிழக்கில் பேசப்பட்டன.  
 இவ்வாறான சிந்தனைகளை கொண்ட ஒரு சமூகம் ஆயுதங்களையேந்தி நாட்டின் பெரும்பாண்மைக்கெதிராக போராடத் தொடங்கிய காலத்தில் தமது சிந்தனைகளுக்கு செயல்வடிவம் கொடுக்க முயன்றதுடன் முஸ்லிம்களை அழித்து வேரருப்பதற்கான செயற்பாடுகளை மேற்கொண்டனர். இவற்றின் காரணமாகவேற்பட்ட  தமிழ் ஆயுதக்குழுக்களின் பரந்த தன்மையற்ற வன்முறை கொண்ட செயற்பாடே, முஸ்லிம் மதவாத கட்டமைப்பை உருவாக்க துணையாக நின்றது. தமிழர்  சார்ந்த தமிழீழ ஆதிக்கக் கண்ணோட்டம் அடிப்படையில் தமிழ் ஆயுதக் கட்டமைப்பு ஏற்படுத்தப்பட்டது. முஸ்லிம் மக்கள் மேலான தமிழர் ஆதிக்கம் மற்றும் புறக்கணிப்புடன் கூடிய அடக்குமுறை, முஸ்லிம் மக்களை தமிழீழ போராட்டம் இடமபெற்ற காலத்தில் நடுநிலைமையாக வாழ வழிவகுத்தது. 
இதை நாம் மேலும் ஆதாரமாக பார்க்க, முஸ்லிம் மக்கள் மேல் நடத்திய தாக்குதல்களையும், முக்கிய மாற்றங்களையும் ஆராய்வோம்;. 
முஸ்லிம் மக்கள் மேலான அனைத்து தாக்குதல்களும் இப்புத்தகத்தில் பதிவு செய்யப்படவில்லை. இந்தப் படுகொலைகளை பல்வேறு இயக்கங்கள் செய்த போதும், இறுதியாக புலிகள் அதை ஒரு திட்டமிட்ட இனச்சுத்திகரிப்பு நடவடிக்கையாகவே செய்தனர். இக்காலத்தில் புலிகளின் தாக்குதலில் இருந்து முஸ்லிம்களை பாதுகாப்பதற்காக அரசினால் உருவாக்கப்பட்ட ஊர்காவல் படையினர் மற்றும் சம்பவ இடத்தில் ஆத்திரத்தால் ஒன்றுசேர்ந்த முஸ்லிம்கள் புலிகள் மீதும் அவர்களின் ஆதரவாளர்கள் மீதும் மேலும் முஸ்லிம்களுக்கெதிராக செயற்பட்ட தமிழர்கள் மீதும் நடத்திய பதிலடித் தாக்குதல்களில் கொல்லப்பட்ட   தமிழர்களின் எண்ணிக்கை  இதற்குள் உள்ளடக்கவில்லை. அன்றைய நாளாந்த பத்திரிகையில் வெளியாகிய செய்தியை அடிப்படையாக கொண்டும், கிடைத்த பத்திரிகையை மட்டும் ஆதாரமாக கொண்டு இவை தொகுக்கப்பட்டது. இதில் காயம் அடைந்தவர்கள் மற்றும் காயம் அடைந்த பின் மருத்துவமனையில்  இறந்தவர்களையும் உள்ளடக்கவில்லை. 
29.11.1986 இல் முஸ்லிம் காங்கிரஸ் அரசியல் கட்சியாக பிரகடனம் செய்யப்பட்டது. முஸ்லிம் மக்களுக்காக கிழக்கில் உருவான முதல் தனிக் கட்சி என்று தகவல்கள் கூறுகின்றன. 1984 இல் இக் கட்சியை நிர்மாணம் செய்த போது, அதில் எட்டுப் பேர் தான் இருந்தனர். 1987ல் மாகாணசபைத் தேர்தலில் போட்டியிட முடிவு எடுத்த நிலையில், புலிகள் மரண தண்டனையை பிரகடனம் செய்திருந்தனர். 
1988இல் வடக்கு கிழக்கு மாகாணத்தில் முஸ்லிம் காங்கிரஸ் 17 ஆசனங்களை பெற்று பிரதான எதிர்க்கட்சியாகியது. அதே நேரம் தென் இலங்கையில் 12 ஆசனங்களைப் பெற்றிருந்தது. 
1986 ஆரம்பத்தில் ஈரோஸ் இயக்கம் மன்னார் பள்ளிவாசலில் வைத்து மூன்று  முஸ்லிமகளைக் கிரனைட் வீசிக் கொன்றனர். 
1986 ஜூலை 23 அன்று அப்துல் அஸீஸ் ஜலீல் மாஸ்ரர் மற்றும் இப்றாஹிம்  வெள்ளை  என்போர் யாழ்ப்பாணத்தில் வைத்து சுட்டுக்கொல்லப்பட்டனர்.
1987 இல் மார்கழி 30ம் திகதி காத்தான்குடியில் 28 முஸ்லிம் மக்கள் கொல்லப்பட்டனர். 
6.1.88 வீரகேசரி செய்திப்படி காத்தான்குடி எல்லையில் 60 குடியிருப்புகள் எரிக்கப்பட்டன. 
1988 ஜனவரி 22ம் நாள்; மன்னாரில் அரசாங்க அதிபராக (புயு) கடமையாற்றிய யாழ்ப்பாணத்தைச் சேர்ந்த  எம்.எம். மக்பூல் அவர்கள் புலிகளின் ஜேம்ஸ் அணியால் சுட்டுக்கொல்லப்பட்டார். முஸ்லிம் கல்விமான்களை அழிக்கும் திட்டத்துடன் இப்படுகொலை புரியப்பட்டது. 
19.3.88 வீரகேசரி செய்திப்படி நிந்தவூரில் 7 பேரை கடத்திச் சென்றனர். 
1988 பங்குனியில் கல்முனையில் 25 முஸ்லிம்கள் கொல்லப்பட்டனர். 
1988 கார்த்திகை மாதம் ரெலோ, ஈ.பி.ஆர்.எல்.எப், ஈ.என்.டி.எல்.எவ் இணைந்து உருவாக்கிய தமிழ் தேசிய இராணுவம் சம்மாந்துறை, நிந்தவூர், சாய்ந்தமருவைச் சேர்ந்த முஸ்லிம் பொலிசார் 42 பேரை மட்டும் தேர்ந்தெடுத்து படுகொலை செய்தனர். தமிழ் பொலிசார் விடுவிக்கப்பட்டனர்.
2.2.89 வீரகேசரி செய்திப்படி கல்முனையில் கைது செய்தவர்களை விடுவிக்கக் கோரி நடந்த ஆர்ப்பாட்டம் மீது வீசிய கிரனைட் குண்டு வெடித்ததில், இருவர் கொல்லப்பட ஏழு பேர் காயமடைந்தனர். 
7.3.89 வீரகேசரி செய்திப்படி கல்முனையைச் சேர்ந்த 600 தமிழர்கள், தமிழ் முஸ்லிம் மக்களுக்கு தனித்தனியான உதவி அரசாங்கப்பிரிவுகள் வேண்டும் என்று ஆர்ப்பாட்டம் நடத்தினர். 
11.4.89 வீரகேசரி செய்திப்படி கிண்ணியாவில் 5 முஸ்லிம் மக்கள் கொல்லப்பட்டனர். 
4.12.89 வீரகேசரி செய்திப்படி காத்தான்குடியில் மூன்று  முஸ்லிம்கள் கொல்லப்பட்டனர். 
10.12.89 வீரகேசரி செய்திப்படி 12 முஸ்லிம்கள் கொல்லப்பட்டனர். 
89 பாராளுமன்ற தேர்தலில் முஸ்லிம் மக்களின் வாக்கில் 75 சதவீதத்தை முஸ்லிம் காங்கிரஸ் பெற்றிருந்தது. அதேநேரம் 4 தொகுதிகளை வென்றது. 
1.2.90 வீரகேசரி செய்திப்படி புலிகள் காத்தான்குடியில் ஊரடங்குச் சட்டத்தை பிரகடனம் செய்து, வீடுவீடாக சோதனை செய்தனர். 30 பேரை கைது செய்தனர். அத்துடன் சம்மாந்துறையில் மாகாணசபை உறுப்பினர் மன்சூர் சுட்டுக் கொல்லப்பட்டார். கல்முனையைச் சுற்றி வளைத்து 40 பேரை கைது செய்து கொண்டு சென்றனர். இதை அடுத்து காத்தான்குடியிலும், கல்முனையிலும் கடைகள் மூடப்பட்டன. முஸ்லிம் காங்கிரஸ் அரசியல் குழு உறுப்பினர் மருதூர் கனி கடத்தப்பட்டார். இவர்களை விடுவிக்கக் கோரி கல்முனையில் புலிகளின் அலுவலகத்தின் முன் போராட்டம் நடத்திய மக்கள் மேல், புலிகள் சுட்டதில் 17 பேர் காயம் அடைந்தனர். அவர்களை வைத்தியசாலை கொண்டு சென்ற நிலையில், அங்கு வந்த புலிகள் வைத்தியசாலையை சுற்றி வளைத்தபின், ஐவரை சுட்டுக் கொன்றதுடன், வைத்தியர் உட்பட 10 பேரை கைது செய்து கொண்டு சென்றனர். 
7.2.90 வீரகேசரி செய்திப்படி அக்கரைப்பற்றில் கனிபா என்பவரிடம் பணம் தரும்படி கோரி மறுத்த நிலையில் சுட்டுக் கொல்லப்பட்டார். 
10.7.90 வீரகேசரி செய்திப்படி ஏறாவூரில் இரண்டு முஸ்லிம் மக்களை கடத்தி சென்றனர். 
1990 யூன் 11 க்கு பின்பாக வடக்கு கிழக்கில் யுத்தம் தொடங்கிய முதல் இரண்டு மாதத்தில் 300 பேர் அளவில் புலிகளால் கொல்லப்பட்டனர். அத்துடன் கிழக்கில் மட்டும் 1500 க்கும் மேற்பட்ட முஸ்லிம்;கள் தமிழ் தேசிய போராட்டம் தொடங்கிய பின் புலிகள்  மற்றும்  ஏனைய இயக்கங்களால்  கொல்லப்பட்டனர். 
1990.7.16 வீரகேசரி செய்திப்படி மட்டக்களப்பு குருக்கள் மடத்தில் 68 முஸ்லிம் ஹஜ் பயணிகளை கடத்திக் கொன்றனர். மொத்தமாக அங்கு 150 பேர் கொல்லப்பட்டனர். அத்துடன் ஏறாவூரில் 62 பேரை கடத்தினர். 
31.7.1990 வீரகேசரி செய்திப்படி அனுராதபுர மாவட்ட உடுப்பலாவ சின்னசிப்பிக்குளத்தில் 10 முஸ்லிம்கள் கொல்லப்பட்ட பின் கிணற்றில் போடப்பட்டனர் 
1.8.90 வீரகேசரி செய்திப்படி அக்கரைப்பற்று வயல்களில் வேலை செய்து விட்டு வந்த 17 முஸ்லிம்கள் கடத்தப்பட்ட பின் கொல்லப்பட்டனர். 
1.8.90 வீரகேசரி செய்திப்படி கந்தாளாயில் 5 முஸ்லிம்கள் கொல்லப்பட்டனர். 
3.8.1990 திகதி  காத்தான்குடி பள்ளிவாசலில் 104 முஸ்லிம்கள் தொழுதுகொண்டிருக்கும் போது பின்னாலிருந்து சுட்டுக்கொல்லப்பட்டனர். 86 முஸ்லிம்கள் காயமடைந்திருந்தனர். தமிழர்களை தலைகுனிய வைத்த  இந்த தாக்குதலை புலிகள் அமைப்பின் கரிகாலன், நியுட்டன், அலெக்ஸ், ரஞ்சித் அப்பா ஆகியோர் தலைமை தாங்கியிருந்தனர்.
3.8.1990 வீரகேசரி செய்திப்படி மஜீத்புரம் பகுதி வயலில் இருந்து திரும்பிய 7 முஸ்லிம்கள் கடத்தப்பட்டு கொல்லப்பட்டனர். அத்துடன் சம்மாந்துறையில் முஸ்லிம் தந்தையும் மகனும் சுட்டுக் கொல்லப்பட்டனர்.
7.8.90 வீரகேசரி செய்திப்படி அம்பாறையில் 18 முஸ்லிம் விவசாயிகள் கொல்லப்பட்டனர்.  அக்கரைப்பற்றில் 6 பேர் கொல்லப்பட்டதுடன், 10ம் திகதிக்கு முன்னர் அம்பறையை விட்டு முஸ்லிம்;கள் வெளியேறிவிட வேண்டும் என்ற துண்டுப் பிரசுரமும் போடப்பட்டது. 
11.8.90 ஏறவூரில் 120  பேர் படுகொலை செய்யப்பட்டனர். நிராயுதபாணிகள் மீது மேற்கொள்ளப்பட்ட  இக்கோழைத் தாக்குதலையும் புலிகள் இயக்க உறுப்பினர்களான கரிகாலன், நியூட்டன், ரஞ்சித் ஆகியோர் முன்னின்று செய்தனர். 
13.8.90 வீரகேசரி செய்திப்படி செங்கலடியில் 5 முஸ்லிம் மக்கள் கொல்லப்பட்டனர். 
13.8.90 ஐலண்ட் பத்திரிகை செய்திப்படி கடந்த 24 மணித்தியாலத்தில் 200 தமிழர் மற்றும் முஸ்லிம்கள் படுகொலை செய்யப்பட்டனர். 
13.8.90 ஐலண்ட் பத்திரிகை செய்திப்படி ஏறாவூரில் 4 முஸ்லிம் கிராமங்கள் மேல் நடத்திய தாக்குதலில், 119 முஸ்லிம் மக்கள் கொல்லப்பட்டனர். 60 பேர் காயம் அடைந்தனர். 
13.8.90 ஐலண்ட் செய்திப்படி சம்மாந்துறையில் 6 முஸ்லிம் விவசாயிகள் கொல்லப்பட்டனர். 
15.8.90 வீரகேசரி செய்திப்படி அக்கரைப்பற்றில் 8 முஸ்லிம் மக்கள் கொல்லப்பட்டனர். 
1.9.1990 காத்தான்குடியில் மூன்று கிராமத்தில் 5 பள்ளிவாசல் மற்றும் 55 வீடுகள் எரிக்கப்பட்டன. 
16.9.90 புனாவை என்ற கிராமத்தில் 7 முஸ்லிம்கள் கொல்லப்பட்டனர். 
25.9.90 வீரகேசரி செய்திப்படி கல்முனை கடலில் வைத்து மூன்று முஸ்லிம் மீனவர்கள் கொல்லப்பட்டனர். 
3.10.90 வீரகேசரி செய்திப்படி மருதமுனையில் இரண்டு முஸ்லிங்கள் கடத்தப்பட்டனர். 
1990 ஐப்பசி மாதம் 18 முதல் 30 ம் திகதி வரையான காலப்பகுதியில்   யாழ்ப்பாணம், மன்னார், முல்லைத்தீவு, கிளிநொச்சி, வவுனியா மாவட்டங்களில் வாழ்ந்து வந்த  85 000 ற்கு மேற்பட்ட முஸ்லிம்களின் அனைத்து சொத்துக்களையும் பகல்கொள்ளையிட்ட  பின்பு புலிகளால் வெளியேற்றப்பட்டனர். 
15.11.90 வீரகேசரி செய்திப்படி மன்னாரில் இருந்து புலிகளால் துரத்தப்பட்ட முஸ்லிம்கள் தமது இருப்பிடத்துக்கு திரும்பிய போது, புலிகள் சுட்டதில் ஒருவர் மரணம். ஆறு பேர் காயம் அடைந்தனர். 
1992.4.26 இல் அழிஞ்சிப் பொத்தனையிலும், ஆவணியில் பள்ளித்திடலிலுமாக மொத்தம் 300 க்கு மேற்பட்ட முஸ்லிம்கள் புலிகளால் வெட்டியும் சுட்டும் கொல்லப்பட்டனர்.  
தமிழ் ஆயுதக் குழுக்கள் பல்வேறு அட்டூழியங்கள் முஸ்லிம் சமூகத்துக்கெதராக 1983 முதல் புரிந்து வந்தார்கள். இது பூதாகாரமாகி 1987 முதல் படுகொரைகளாகத் தொடர்ந்தது. அடிக்கடி முஸ்லிம்கள் தாக்கப்பட்டார்கள், கடத்தப்பட்டார்கள், கொல்லப்பட்டார்கள், அவர்களின் சொத்துக்கள் சூறையாடப்பட்டன. முஸ்லிம்களுக்கெதிரான தமிழ் ஆயுதக்குழுக்களின் செயற்பாடுகள் குறித்து றறற.வயஅடைளைடயஅ.உழஅ மேலும் கூறுகையில் இந்த தொடர்ச்சியான தாக்குதல்கள் 1986-1987 க்கு பின்பாக அதிகரித்தது என்று புள்ளிவிபரங்களுடன் எடுத்துக்காட்டுகின்றது. இந்திய இராணுவத்தின் வருகையின் பின்பு இது அகலமாகி விரிவடைந்தது. இந்தியா இராணுவத்தின் வெளியேற்றத்தின் பின்பு உச்சத்தை அடைந்தது. 1985 க்கு பின்பாக விடுதலை இயக்கங்கள் ஆயுத ரீதியாக பலமடைந்ததன் காரணமாக பண்பு ரீதியாக மற்றாத்தை சந்தித்ததை தொடர்ந்தே, இந்தப் புதிய நெருக்கடி பரிணமித்தது.  தமிழ்த் தேசிய விடுதலைக்காக ஆயுதம் ஏந்த ஆயிரமாயிரமாக போராட வெளிக்கிட்டவர்கள், அந்நிய அரசுகளின் கைக்கூலியாகி ஆயுதப் பயிற்சி பெற்ற பின்பு, அதன் சிதைவு அங்கிருந்து சகோதரப்படுகொலையாக  வழியெடுக்கப்பட்டது. இந்திய இராணுவத்தின் காலத்தில் ஏனைய தமிழ் ஆயுதக்குழுக்களும் 1990 மார்ச்சில் இந்திய இராணுவம் வெளியேறிய பின்னர் புலிகளும் முஸ்லிம்களை கொன்று குவித்தனர். முஸ்லிம்களை அழிப்பதில் ஓர் ஆயுதக்குழுவுக்கு இன்னொரு தமிழ் ஆயுதக்குழு சளைத்தவர்கள் அல்ல என்பதை நிரூபிக்கும் விதமாகவே அவர்கள் ஆயுதமேந்தாத அப்பாவிகளை ஆண் பெண் வயோதிபர் சிறுவர் சிசு என்ற பாகுபாடில்லாமல் யுத்தப்பிரகடனம் செய்யாமல் அநியாயமாக படுகொலை செய்தனர். யுத்தத்தில் நேருக்கு நேர் மோத வேண்டுமென்பதும் புறமுதுகில் தாக்கக்கூடாது என்பதும் பண்டை தொட்டு காணப்பட்ட யுத்த மரபுகளாகும். ஆனால் ஆயுதமேந்தாத ஒரு கூட்டத்தின் மீது அதுவும் பெண்கள் பாலகர்களைக் கூட பின்னாலிருந்து கொன்றொழித்தனர் தமிழீழ மாவீரர்கள்.  
 1990 ஜுன் 11 அன்று இரண்டாவது ஈழப் போர் ஆரம்பமானபோது முஸ்லிம்களுக்கெதிரான இவ்வாறான செயற்பாடுகள் அதிகரித்தன. 1990 ஜுலை 16 அன்று ஹஜ் சென்று வந்த 68 முஸ்லிம்கள்   லொறியுடன் வைத்து எரிக்கப்பட்டனர். இது முஸ்லிம்களுக்கு ஆத்திரத்தையூட்டியிருந்தது. இதன் தொடர்ச்சியாக 1900 ஆகஸ்ட் 3ஆம் திகதி காத்தான்குடியிலிருந்த மீராப்பள்ளி மற்றும் காட்டுப்பள்ளி ஆகிய பள்ளிவாசல்களில் இஷாத் தொழுகையில் ஈடுபட்டுக்கொண்டிருந்த 104 நிராயுதபாணியான முஸ்லிம்கள் பி;ன்;புறத்திலிருந்து கிரனைட் வீசியும் சுட்டும் கொல்லப்பட்டனர். அதனைத் தொடர்ந்து ஏராவூர் சதாமியாபுரம் போன்ற இடங்களில் தூக்கத்திலிருந்த முஸ்லிம்கள் ஒலிபெருக்கி மூலமாக பள்ளிவாசலுக்கு அழைக்கப்பட்டு கொல்லப்பட்டனர். இச்சம்பவத்தில் 122 பேர் துடிதுடித்து மாண்டனர். இதனைத் தொடர்ந்து பல படுகொலைகள் இடமபெற்றன. இவ்வாறான அடிக்கு மேல் அடி வாங்கி உயிரிழப்புகளைக் கொண்ட முஸ்லிம் இளைஞர்கள் புலிகளுக்கெதிராக ஆயுதமேந்தி பதில் தாக்குதல்களில் ஈடுபட்டனர். இதனால் புலிகளுக்கு  கிழக்கில் நிலைகொள்ள முடியாதளவு நிலமை மாறியது. 
யாழ், முல்லைத்தீவு மற்றும் மன்னார் பகுதிகளில் வாழ்ந்த  முஸ்லிம்கள் சதிகள் மூலமும் ஆயுதம் மூலமும் தமிழர்கள் தம்மை ஏற்கனவே நான்கு தடவைகள் வெளியேற்றியிருந்த வரலாற்றை  தமது மூதாதையர் மூலம் அறிந்திருந்தனர். இதனால் தமிழ் ஆயுதக்குழுக்களை நம்பக்கூடாது என்ற கருத்து பரவலாக இருந்தது. மேலும் அவர்கள் பலமடைந்தால் தமக்கு கெடுதி செய்வார்கள் தம்மை மீண்டும் வெளியேற்றுவார்கள் என்ற சந்தேகமும் இருந்தது. அதே வேளை கிழக்கில் அந்த நிலை காணப்படவில்லை. மேலும் அங்கு ஓர் அன்னியோன்யமான ஒரு நிலமை காணப்பட்டது.  இதனால் தான்  வடபகுதியில் தமிழ் ஆயுதக்குழுக்களில் சேர்வதை முஸ்லிம்கள் தவிர்த்து வந்தனர். யாழ்ப்பாணத்தில் சிறுவர்கள்  கூட தமிழ் ஆயுதக் குழுக்கள் பிற்காலத்தில் முஸ்லிம்களுக்கெதிராக செயற்படப்;போகும் நிலமையை தூரநோக்குடன் சிந்திக்க தெரிந்திருந்தார்கள்.  அதேவேளை கிழக்கில் அதிகமான முஸ்லிம் இளைஞர்கள் இயக்கங்களில் சேர்ந்தனர்.  
   ஆரம்பம் முதலே அரசியல் ரீதியாக தமிழ் தேசியத்தின் உட்கூறுகளை புரிந்து கொள்ள முடியாத தரகு கட்சிகளின்  அரசியல் வழியில் வாலாக உருவான இயக்கங்கள், மதம் மற்றும் பிரதேசவாத  கூறுகளை தனது அரசியல் அடிப்படையாக கொண்டே தன்னை வெளிப்படுத்தியது. இங்கு தேசியம் முதன்மை முரண்பாடாக நீடித்தமையால் இனமுரண்பாடு அடிப்படையாக, அதுவே அரசியலின் மையமான கோசமாகியது. இது தனக்கிடையிலான முரண்பாட்டை முதன்மை முரண்பாடாக கொண்ட அதே நேரம், மற்றையை இனங்களை அழிப்பதில் தன்னை அரசியல் மயமாக்கியது. 

இந்த வரலாற்று வளர்ச்சியில் தான் முஸ்லிம் மக்கள் மேல் தாக்குதலை இயக்கங்கள் தொடங்கி வைத்தன. முஸ்லிம் மக்களை தமிழ் மக்கள் என்ற ஒரே அடையாளத்தின் கீழ் ஒன்றிணைத்த இயக்கங்கள், அவர்களையும் தனது உறுப்பினர் ஆக்கினர். புலிகளின் மாவீரர் பட்டியலில் நூற்றுக்கு மேற்பட்ட முஸ்லிம் உறுப்பினர்கள் தம் உயிரை இழந்தே உருவாகியுள்ளது. இது எல்லா இயக்கங்களுக்கும் பொருந்தும்;. முஸ்லிம் மக்கள் மத்தியில் தமிழ் தேசிய அடிப்படை உள்ளடக்கத்தில், முஸ்லிம் மக்களை ஒன்றிணைத்த இயக்கங்கள் அவர்களின் ஆதரவை பெறுவதிலும் கணிசமான வெற்றி பெற்றனர். தமிழ்ப் பகுதி போல் ஆதரவு கொடுப்பதும், இணைவதும் ஒரு நிகழ்வாகவே இருந்தது. இயக்கங்கள் தமது குறுகிய குறுந்தேசிய இனவாத நலன்களில் வளர்ச்சி பெற்ற தன்மையானது, தமிழ் தேசியத்துக்கு முரண்பாடானதாக வளர்ச்சி பெற்றது.    
இந்த குறுந்தேசிய இன நலன்கள் படிப்படியாக சொந்த மக்களை விட்டே விலகிச் சென்றது. தமிழ் மக்களையே ஒடுக்குமளவுக்கு அது பரிணமித்தது. இதனால்  புலிகள் உள்ளிட்ட ஆயுதம் ஏந்திய அனைத்து இயக்கங்களும், மக்கள் விரோத சக்திகளாக வடக்கு கிழக்கு மக்களால் நோக்கப்பட்டன. மக்களின் தேசிய பொருளாதார நலன்களை வென்று எடுப்பதற்கு பதில், தனது குறுகிய தேசிய நலனை முதன்மைப் படுத்தி அதில் தனது நலனை அடைவதன் ஊடாக சீரழிந்தது. மக்கள் மேலான வரிகளாகவும், கட்டாய பணச் சேகரிப்பாகவும் மாறியபோது, இதை அடைவதில் இயக்க மோதல் அவதாரமாகியது. இதில்  காட்டப்பட்ட போட்டி முயற்சி மேலும் மக்களுக்கு எதிரானதாக மாறியது. 
தமிழ் மக்களுக்கு மேலானதாக பொதுவான தாக்குதலாக மாறியது என்பது, பின்பு குறிப்பாக முஸ்;லிம் மக்கள் மேலானதாகவும் பரிணமித்தது. முஸ்லிம் மக்கள் மேலான வரி, பணச் சேகரிப்புகள் முரண்பாடாக வளர்ச்சி பெற்ற போது, முஸ்லிம் மக்கள் மத்தியில் இருந்து அமைப்பாக்கப்பட்ட வடிவம் மூலம் இதை நியாயமாகவே எதிர்க்கத் தொடங்கினர். இந்த எதிர்ப்புகளை ஆயுத முனையில் அடக்க தமிழ் இயக்கங்கள் பின்நிற்கவில்லை. அமைப்பாக்கல் (கட்சி வடிவிலும் பள்ளிவாசல் வடிவிலும் எழுந்தன) இருந்தமையால் தமிழ் பகுதி போல், இந்த எதிர்ப்பை முறியடித்துவிடமுடியவில்லை. அதேநேரம் முஸ்லிம் தேசிய விழிப்புணர்ச்சி வெளிப்பட்டது. முஸ்லிம் காங்கிரஸ் இந்த வன்முறையின் பரிணாமத்துடன் புத்துயிர்ப்படைந்தது. முஸ்லிம் மக்களின் தேசிய விழிப்புணர்வு மதத்துக்கு வெளியில், முஸ்லிம் மக்களை அணிதிரட்டுவதில் படிப்படியாக வெற்றி கண்டது. தமிழ் தேசியம் எப்படி சிங்கள இனவாத தாக்குதலால் விழிப்புற்றதோ, அதே போன்று முஸ்லிம் சமூகமும் தமிழ் ஆயுத குழுக்களின் தாக்குதல்களால் விழிப்புற்றது. தமிழ் தேசியம் எப்படி தமது நிலப்பிரபுத்துவ அடிப்படையை உள்ளடங்கியதாக உருவானதோ, அதே போன்று முஸ்லிம் காங்கிரசும் உருவானது. 
முஸ்லிம் மக்கள் மீதான தொடர்ச்சியான தாக்குதல், முஸ்லிம் மக்களை தமிழ் தேசியத்தில் இருந்து தள்ளிச் சென்றது. தனியான தேசியத்தை கோருவது அதன் புதிய வடிவமாகியது. தமிழ் மற்றும் முஸ்லிம் தேசியம் மதத்தை தனது முதன்மைக் கூறாக கொண்டு, தமது அணியைக்கட்டிவிடவில்லை. மாறாக தேசிய இனக் கூறை அடிப்படையாக கொண்டே, தம்மை கட்டமைத்தன. 
தொடர்ச்சியான தமிழ் இயக்கங்களின் முஸ்லிம் விரோத கண்ணோட்டம், முஸ்லிம் தேசிய உணர்வுகளை தட்டியெழுப்பிய நிலையில், மாகாண சபைக்கான தேர்தலில் முஸ்லிம் காங்கிரசை எதிர்கட்சியாகவும் புதிய தேசியக் கட்சியாகவும் பரிணமிக்க வைத்தது. இது இயக்கங்களின் அதிகாரத்தை முஸ்லிம் சமூகங்கள் மத்தியில் கேள்விக்குள்ளாக்கியதுடன், வரி மற்றும் பண சேகரிப்பை தடுத்தது. இந்த புதிய சூழ்நிலைக்கான காரணகாரியத்தை இயக்கங்கள் ஆய்வு செய்து, தேசிய போராட்டத்தை சரியாக முன்னெடுப்பதற்கு பதில், பழைய குறுந்தேசிய இனவாதத் தாக்குதலை அதிகரித்தனர். முஸ்லிம் காங்கிரஸ் மாகாணசபை மூலம் முஸ்லிம் மக்கள் மேலான அதிகாரத்தை வெற்றி கொண்ட காலம் தான், அந்த மக்கள் மேலான தாக்குதலின் உச்ச ஆண்டுகளாகும்;. இந்தியாவின் தயவில் ஆட்சி பீடம் எறிய கைக்கூலி பொம்மை அரசுகள், ஈவிரக்கமற்ற முஸ்லிம் படுகொலையை நடத்தத் தொடங்கினர். இதனால் ஏற்பட்ட எதிர் தாக்குதல்களுக்கு பதில் கொடுக்கும் வண்ணம் புலிகளும், இந்த கூலிக்குழுக்களின் வழியில் முஸ்லிம் மக்களை ஒடுக்குவதில் சமாந்தரமாகவே செயற்பட்டனர். 
ஒரு இனத்துக்கு எதிரான தாக்குதலில் புலியும் அதன்  எதிர் அணியான தமிழ் ஆயுதக் குழுக்களும்  அமைப்புகளும் ஒன்றுபட்டு கைகோர்த்து நின்றனர்.  இந்திய ஆக்கிரமிப்பாளனை இலங்கை அரசு கட்டாயப்படுத்தி வெளியேற்றிய போது, புலிகள் இழந்து போன அதிகாரத்தை கைப்பற்ற தமிழ் ஆயதக்குழுக்களுக்கு எதிராக பாரிய தாக்குதலை சிங்கள இராணுவத்துடன் சேர்ந்து நடத்தினர். கட்டாயமாக தமிழர் இராணுவத்தில் இணைக்கப்பட்ட பல அப்பாவி தமிழ் மற்றும் முஸ்லிம் இளைஞர்கள், பலர் அக்கால (1989-1990) செய்திப் பத்திரிகைகளிலே குறிப்பிடுமளவுக்கு ஒவ்வொரு நாளும் பல நூறு பேர் வீதிகளில் கொல்லப்பட்டனர். அதேநேரம் புலிகள் முஸ்லிம் பகுதியில் இழந்த அதிகாரத்தை கைப்பற்ற முஸ்லிம் மக்கள் மேல் தொடர்ந்து தாக்குதலை நடத்தினர். 
புகழ் பெற்ற பள்ளிவாசல் கொலைகள் உட்பட பல நூறு பேரை கொன்றதன் மூலம், இனப் பகைமை கூர்மையாக வளர்ச்சி பெற்றது. தமிழருக்கே அவமானமான நினைவுச் சின்னமாகியது. முஸ்லிம் மக்களை இனியும் தமது அதிகாரத்தின் கீழ் கொண்டு வர முடியாது என்பதை, புலிகளின்  இன அழிப்பு தொடர்ச்சியாக நிறுவிய நிலையில் தான், பழிவாங்கலாக வடக்கில் வாழ்ந்த முஸ்லிம் மக்களை துரத்திவிடும் நிகழ்வு நிகழ்ந்தது. வடக்கில் வாழ்ந்த  முஸ்லிம் மக்களனைவரையும் சுட்டுக்கொலை செய்யுமாறு கிழக்குப்புலிகள் வலியுறுத்தினர். ஏற்கனவே கிழக்கு முஸ்லிம்களை  படுகொலை செய்தமையினால் புலிகளுக்கு சர்வதேச மனித உரிமை அமைப்புக்கள் ஒரு நெருக்கடியை கொடுத்திருந்தனர். தமது போராட்டம் மலிந்துவிடும் என்ற காரணத்தால் வடக்கு முஸ்லிம்களை புலிகள் கொலை செய்யவில்லை. 1990 ஆகஸ்ட் முதல் முன்வைக்கப்பட்ட இந்த வேண்டுகோள் பல்வேறு ஆய்வுகளுக்கு பின்னர் அடுத்த பந்தியில் குறிப்பிடப்பட்டுள்ள காரணங்களுக்காக முஸ்லிம்களை வெளியேற்றும் திட்டம் நிறைவேற்றப்பட்டது. இந்த வெளியேற்றிய நிகழ்வை கிழக்கில் இருந்து வந்த புலிகளின் தலைவர்  கரிகாலன் தலைமையிலான புலிகளே, முன்னின்று செய்தனர். அக்காலத்தில் இதை வெளிப்படையாக எந்த தமிழ் மகனும் எதிர்க்கவில்லை.  வடக்கில் இருந்த புலிகள் தாமாகவே, கிழக்கில் இருந்து வந்த புலிகளே  செய்தனர் என்று கூறுமளவுக்கு, அக்காலகட்ட செய்திகள் செய்திப் பத்திரிகைகளில் பதிவாகியுள்ளது. 
வடக்கில் இருந்து முஸ்லிம் மக்கள் வெளியேற்றப்பட்ட நிகழ்வு, கொழும்புத் தமிழர் பிணங்களின் மேல் தமிழீழத்தைக் உருவாக்கவும்,  கிழக்கில் அதிகாரத்தை கைப்பற்ற ஏற்பட்ட தோல்வியின் பிரதிபலிப்பாகவும் ஆயுதக்கொள்வனவுக்கு நிதி சேகரிக்கவுமே மேற்கொள்ளப்பட்டது. புலிகளின் தலைவர்  பி.பி.சிக்கு வழங்கிய பேட்டியில் இது தெளிவாக வெளிப்பட்டது. புலிகள் முஸ்லிம் மக்கள் மேல் நடத்திய தாக்குதல்கள், மற்றும் வெளியேற்றம் என்பது, கிழக்கில் முஸ்லிம் மக்கள் மேலான அதிகாரத்தை இழந்ததனால் ஏற்பட்ட தோல்விக்கு பழிவாங்கும் நோக்கம் கொண்ட குறுந்தேசிய இனவாதத்தின் வெளிப்பாடாகும். 

26 வது கருப்பு ஒக்டோபரும் வடமாகாண  முஸ்லிம் மக்கள் சொந்த மண்ணில்
இருந்து  வெளியேற்றமும்
1983 ஆம் ஆண்டு தமிழீழத்துக்கான போர்  ஆயுத வடிவமெடுத்ததைத் தொடர்ந்து பல முஸ்லிம்கள் கொல்லப்பட்டனர். முஸ்லிம்கள் கடத்தப்பட்டு கப்பம் பெறப்பட்டது. அவர்களின் சொத்துக்கள் வாகனங்கள் என்பன சூறையாடப்பட்டன. 1990 இல் பள்ளிவாசல்களும் முஸ்லிம் கிராமங்களும் தமிழ் ஆயுதக்குழுவான விடுதலைப் புலிகள் அமைப்பால் தாக்கப்பட்டு ஆயிரக்கணக்கான முஸ்லிம்கள் சுட்டும் வெட்டியும் குண்டுத் தாக்குதல்கள் மூலமும் அரக்கத் தனமாக கொள்ளப்பட்டனர். இதையெல்லாவற்றையும் விட உலக வரலாற்றில் எக்காலத்திலும் இடம்பெற்றிராத ஒரு நிகழ்வு இடம்பெற்றது. அது தான் வடக்கு முஸ்லிம்களின் வெளியேற்றமாகும்.  75000 வடமாகாண முஸ்லிம்களின் ஓக்ரோபர் 16க்கும் 30ஆம் திகதிக்கும் இடையே வடக்கின் ஐந்து மாவட்டங்களிலிருந்து சொத்துகள், பணம், நகை, உடை என்பன கொள்ளையடிக்கப்பட்ட பின்னர் தமிழ் ஆயுதக்குழுவான விடுதலைப் புலிகளால் வெளியேற்றப்பட்டனர். இது சம்பந்தமான எந்த தகவலும் 1990 ஓக்ரோபர் முதல் வெளியிடப்பட்ட எந்த தமிழ் வரலாற்று நூல்களிலும் யாராலும் எழுதப்படவில்லை என்பதிலிருந்து முஸ்லிம்களின் முன்னைய வரலாறுகளை அவர்கள் எவ்வாறு இருட்டடிப்புச் செய்திருப்பார்கள் என்பதை அறியலாம். 
வடக்கில் ஏற்கனவே ஐந்து இடப்பெயர்வுகளைச் சந்தித்த யாழ் முஸ்லிம்கள் ஆறாவது இடப்பெயர்வை முழு உலகமும் பார்த்துக்கொண்டிருக்க சந்தித்தனர். ஆனால் இம்முறை அவர்களுடன் ஏனைய ஐந்து வடமாநில மாவட்டங்களில் வாழ்ந்த முஸ்லிம்களும் அனைத்து உடமைகளும் பறிக்கப்பட்டு வெளியேற்றப்பட்டனர். 1990 ஐப்பசி மாதம் 16 முதல்  30 ம் திகதி வரையான காலப்பகுதியில் வடக்கில் இருந்து 85000 ககும் மேற்பட்ட முஸ்லிம் மக்கள் அனைத்து பாரம்பரிய தலைமுறை உழைப்பையும் சொத்துக்களையும் பறித்தெடுத்த பின்பு, சொந்த மண்ணில் இருந்து ஈவிரக்கமின்றி புலிகளால் ஆயுதமுனையில் வெளியேற்றப்பட்டனர். முஸ்லிம் மக்கள் சொந்த மண்ணில் இருந்து வெளியேற்றப்பட்டு பல வருடங்கள் கடந்த நிலையிலும், எந்தவிதமான அடிப்படை உரிமைகளும் இன்றி வாழ்விழந்து ஒடுக்கப்பட்ட நிலையில் தொடர்ந்தும் தமிழ் அடிமையாக உயிர்வாழ்கின்றனர். முஸ்லிம் மக்களுக்கு இழைத்த துரோகம், தமிழ் மக்களின் தேசிய சுயநிர்ணயத்துக்கான விடுதலைப் போராட்ட சீரழிவை மீண்டும் ஒரு முறை நிறுவியது. புலிகளின் குறுந் தேசிய இனவாதம் தமிழ் மக்களின் தேசியத்தையே மறைமுகமாக கேலி செய்து ஒடுக்கியதையே நிரூபித்தது.
சொந்த மண்ணில் இருந்து வேரோடு பிடுங்கப்பட்டு, எந்தவிதமான காரணத்தையும் முன்வைக்காது இரவோடு இரவாக ஆயுத முனையில் துரத்திய நிகழ்வு, தமிழ் மக்களின் வரலாற்றிலும், உலக வரலாற்றிலும் ஒரு கறுப்புநாள்தான். இந்த நிகழ்வையிட்டு இலங்கையின் அனைத்து சமூகங்களும், ஆதரவாகவோ எதிராகவோ ஒரு நிலைப்பாட்டை எடுத்தனர். புலிகளின் இந்த மனித விரோத நிலைப்பட்டை எதிர்க்காது மௌனம் சாதித்த அனைவரும், ஏதோ ஒரு விதத்தில் குற்றவாளிகளே.

திட்டமிட்ட இனச்சுத்திகரிப்பு
வடபகுதியில் வாழ்ந்து வந்த குறிப்பாக யாழ்ப்பாணத்தில் வாழ்ந்த முஸ்லிம்களை வெளியேற்றவேண்டுமென்பது பொறாமைகொண்ட வகுப்புவாத சிந்தனை கொண்ட பலரது கனவாகவிருந்தது. இவர்களில் பலர் ஆயுதமேந்தியதும் அந்த சிந்தனைக்கு செயல்வடிவம் கொடுக்கமுயன்றனர். அதை செயல்படுத்தியதில் பாசிஸ புலிகள் மட்டும் பரிபூரண வெற்றிகண்டனர். இதற்கு சில வெளிநாட்டு சக்திகளும் துனைபோயுள்ளன. 
இந்த வகையில் யாழ்ப்பாணத்தில் முஸ்லிம் இளைஞர்களும் செல்வந்தர்களும் 1990 செப்டம்பர் மற்றும் ஒக்டோபர் மாதங்களில் கடத்தப்பட்ட நிலையில் யாழ்ப்பாண மன்னார் பகுதி முஸ்லிம்கள் மீது புலிகளுக்கு ஒரு பயமிருந்தது.  இதனால் வெளியேற்றத்தை கட்டம் கட்டமாக நிறைவேற்ற புலித்தலைமை திட்டம் தீட்டியது.  
சாவகச்சேரி முஸ்லிம்கள் வெளியேற்றம் (16.10.1990) 
முஸ்லிம்களுடன் முருகல் நிலையை தோற்றுவிக்கும் எண்ணத்துடன் 1990 செப்டம்பர் நான்காம் திகதி சாவகச்சேரியிலிருந்த முஸ்லிம்களுடன் மோதல்களை உருவாக்கும் நோக்குடன் புலிகள் தமது ஒற்றர் படைகளை ஏவி விட்டனர். அவர்கள் முஸ்லிம்களுடன் வீணான வாக்குவாதங்களில் ஈடுபட்ட போதும் முஸ்லிம்கள்  பொறுமை காத்தனர். இருந்த போதிலும் முஸ்லிம் நபர் ஒருவர் கடத்தப்பட்டு மிரட்டி அனுப்பப்பட்டார். இந்நிலையில் யாழ்ப்பாணத்திலிருந்த முஸ்லிம்களுக்கு இராணுவத்தின் மூலமாக இழப்புகளை ஏற்படுத்த புலிகள் முயன்றுகொண்டிருந்த போது  கோட்டையிலிருந்து இராணுவம் வெளியேறியது அவர்களுடைய சதித்திட்டங்களை முறியடித்தது.
அதையடுத்து ஒக்ரோபர் 15ஆம் திகதி சாவகச்சேரியில் பிரபள்யாமான சுல்தான்ஸ் முதலாளி கலீல்,  அப்துல் ரஹீம் ஆகிய இரு வியாபாரிகள்  கடத்தப்பட்டனர். அவர்களிடம் ஆளுக்கு ஒரு கோடி ரூபாய் கப்பப் பணம் கேட்கப்பட்டது. வியாபாரங்கள் நான்கரை மாதங்களாக முடக்கப்பட்டிருந்த காலத்தில் அவ்வளவு பணத்துக்கு அந்தக் குடும்பங்கள் எங்கே செல்லும். இந்நிலையில் ஒக்ரோபர் 16ஆம் திகதி அவர்களின் கடைகளை உடைத்த புலிகள் அங்கிருந்து பொருட்களை ஏற்றிச் சென்றனர். பின்னர் அங்கிருந்த முஸ்லிம்களை அழைத்து அவர்களுடைய பிரதேசத்தில் வாள்கள், வயர்லஸ் கருவிகள் மீட்கப்பட்டதாகவும் முஸ்லிம்கள் தமக்கெதிராக சதிசெய்வதாகவும் கூறி அவர்களை அங்கிருந்து வெளியேறுமாறு கூறி மூன்று நாட்கள் அவகாசம் வழங்கப்பட்டது. ஒக்ரோபர் 18ஆம் திகதி எட்டு நூற்றாண்டுகள் சாவகச்சேரியில் வாழ்ந்த முஸ்லிம்கள தமது சொத்துக்களை கைவிட்டு அகதிகளாக  வவுனியாவையடைந்தனர். ஆனால் மறுநாளே அங்கு வாழ்ந்த 165 குடும்பங்களைச் சேர்ந்த ஆயிரம் பேர் அங்கிருந்து வெளியேறி புத்தளம் போன்ற பகுதிகளுக்குச் சென்றனர். 
மறுநாள் புலிகள் சார்பு பத்திரிகைகளில் வாள்கள் வயர்லஸ்கள் மீட்கப்பட்டதாகவும் அதனால் அங்கிருந்த முஸ்லிம்கள் பாதுகாப்பு நிமித்தம் வெளியேற்றப்பட்டதாகவும் செய்திகள் வந்தன.மின்சாரம், போக்குவரத்துகள் தடைப்பட்டிருந்த அந்தக்காலப்பகுதியில் வயர்லஸ் கருவிகளை தொடர்ச்சியாக பற்றரியின்றி எவ்வாறு இயக்குவது. அத்துடன் 75 வாள்களைக் கொண்டு; இயந்திரத் துப்பாக்கிகள், மோட்டார் செல்கள் மற்றும் ரொக்கட் லோன்ஞர்கள் போன்றவற்றை கொண்டிருந்த ஆறாயிரத்துக்கு மேற்பட்ட புலி இயக்க உறுப்பினர்களை எதிர்க்க யாராவது முனைவார்களா? அந்த வாள்கள் தான் பிரயோசனம் தருமா? முஸ்லிம்களின் வெளியேற்றத்தை நியாயப்படுத்தவும்  அதனை  தமிழ் மக்கள் நம்பவேண்டுமென்பதற்காகவும்   புலிகளால் அவிழ்த்து விடப்பட்ட கட்டுக்கதைகளாகும்.
  முஸ்லிம்களை வெளியேற்றியதற்கு காரணமாக முஸ்லிம்களிடம் வயர்லஸ் கருவிகளும் வாள்களும் இருந்ததாக புலிகள் தமது பத்திரிகையில் செய்தி வெளியிட்டிருந்தனர். புலிகளின் ஏ.கே 47க்கு முன்பு இந்த வாள்களால் முஸ்லிம்கள் என்ன செய்துவிட முடியும் என டி.பி.எஸ். ஜெயராஜ் ஒரு கட்டத்தில் கேள்வி எழுப்பியிருந்தார். அதுமாத்திரமின்றி சாவகச்சேரி கடை உரிமையாளருக்கு ரேடியோவைக்கூட முறையாக இயக்கத்தெரியாது என்பது குறிப்பிடத்தக்கது.  அங்கு வாளும் கைப்பற்றப்படவில்லை, வயர்லஸ் கருவியும் இல்லை. முஸ்லிம்களின் வெளியேற்றத்தை நியாயப்படுத்தவே புலிகள் அவ்வாறு பொய்ப் பரப்புரைகளில் ஈடுபட்டனர்.
சாவகச்சேரி முஸ்லிம்களின் வெளியேற்றத்தை பற்றி யாழ்ப்பாண முஸ்லிம்கள் கேள்விப்பட்ட போது புலிகளிடம் அதைப்பற்றி கேள்வி கேட்டபோது உங்களை நாம் வெளியேற்ற மாட்டோம் என்று கூறியிருந்தனர். இதனாலும் யாழ்ப்பாணத் தமிழர் மற்றும் விடுதலைப்புலிகள் அமைப்பு ஆகியவற்றின்  மீது நம்பிக்கை கொண்டிருந்த காரணத்தினாலும் தங்களை வெளியேற்றுவார்கள் என்ற எண்ணம்  யாழ்ப்பாண முஸ்லிம்களுக்கு ஏற்படவில்லை. மறுபுரத்தில் யாழ்ப்பாண முஸ்லிம்களை வெளியேற்றுவதற்கான திட்டங்கள் ரகசியமாக தீட்டப்பட்டு முடிவெடுக்கப்பட்டிருந்தது. யாழ்ப்பாண முஸ்லிம்களின் அத்தனை செல்வங்களும் எவ்வாறு பறிக்கப்படவேண்டும் என்ற நோக்கில் ஏனைய பிரதேசங்களில் முஸ்லிம்கள் வெளியேற்றப்பட்டுக் கொண்டிருக்கும் செய்திகள் யாழ்ப்பாண முஸ்லிம்களுக்கு கிடைத்து விடாத வகையில் பசப்பு வார்த்தைகள் பேசப்பட்டு யாழ் முஸ்லிம்கள் வெளியேற வேண்டியதில்லை என்ற செய்தியை புலிகள் தமது முஸ்லிம் பெயர் தாங்கிய ஏஜண்டுகள் மூலமாக தெரிவித்திருந்தனர்.  ஆனால் மறுபுறம் மன்னார், முல்லைத்தீவு, கிளிநொச்சி போன்ற மாவட்டங்களில் வாழ்ந்த முஸ்லிம் இனச்சுத்திகரிப்புக்கு உள்ளாக்கப்பட்டுக் கொண்டிருந்தனர். அவர்கள் எவ்வாறு வெளியேற்றப்பட்டார்கள் என்பதை இனிப் பார்ப்போம்.


மன்னார் முஸ்லிம்களின் வெளியேற்றம் (21.10.1990 முதல் 28.10.1990 வரை)
1990இல் மன்னார் மாவட்டத்தில் முஸ்லிம்கள் 26 வீதமாகக் காணப்பட்டனர். 1990 ஒக்ரோபர் 21ஆம் திகதி முன்னூறுக்கும் மேற்பட்ட கனரக ஆயுதங்கள் தரித்த புலிகள் எருக்கலம்பிட்டி கிராமத்தை சூழ்ந்து கொண்டனர். அவர்கள் முஸ்லிம்களின் ஒவ்வொரு வீடுகளாகச் சென்று முஸ்லிம்களின் காசு, நகை மற்றும் பெறுமதியான பொருட்களை பகல் கொள்ளையடித்துச் சென்றனர். இவ்வாறு எண்ணூற்றி ஐம்பது வீடுகளில் கொள்ளையடிக்கப்பட்டது. 
1990 ஒக்ரோபர் 22ஆம் திகதி மறிச்சுக்கட்டி கிராமத்தில் சில முஸ்லிம்கள் கடத்தப்பட்டு அவர்கள் அரச உளவாளிகள்  என்று முத்திரை குத்தப்பட்டனர். மீண்டும் வந்த புலிகள் உங்கள் கிராமத்திலிருந்து இராணுவத்துக்கு தகவல்கள் வழங்கப்படுகின்றன, எனவே  நீங்கள் உடனடியாக இந்த ஊரை விட்டு வெளியேறவேண்டுமென கூறப்பட்டதுடன் அம்மக்களின் பணம், நகை, வாகனங்கள், அசையும் சொத்துகள் அனைத்தும் பறிக்கப்பட்டதுடன் அம்மக்களை புத்தளத்துக்கு வில்பத்து காட்டினூடாக நாற்பது மைல்கள் நடந்து செல்லுமாறு கூறி வெளியேற்றினர். 
இதையடுத்து ஒக்ரோபர் 24ஆம் திகதி முசலி உதவி அரச அதிபர் பிரதேசத்தில் வாழ்ந்த முஸ்லிம்கள் வெளியேற்றப்பட்டனர். அவர்களுடைய உடமைகளும் கொள்ளையடிக்கப்பட்டன.
ஒக்ரோபர் 24ஆம் திகதி மன்னார் தீவுப்பகுதியில் வாழ்;ந்த முஸ்லிம்களை 28ஆம் திகதிக்கு முன்னர் வெளியேறுமாறு ஒலிபெருக்கிகள் மூலம் அறிவிக்கப்பட்டது.  முஸ்லிம்கள் தமது பொருட்களை பொதியிட்டுக் கொண்டிருக்கும் போது அவர்களை புலிகளின் காரியாலயத்துக்கு வருமாறு கூறப்பட்டு அவர்களின் பொதிகள் பறிக்கப்பட்டன. அத்துடன் பணம் நகை என்பனவும் பறிக்கப்பட்டன.
ஒக்ரோபர் 26ஆம் திகதி மீண்டும் எருக்கலம்பிட்டி பிரதேசத்தினுள் புலிகள் புகுந்தனர்.  அப்போது முஸ்லிம்கள் தமது பொருட்களை பொதி செய்து கொண்டுசெல்வதற்காக வைத்திருந்தனர். அவ்வாறு வைக்கப்பட்டிருந்த பொருட்களை டிராக்டர்களிலும் ஏனைய வாகனங்களிலும் ஏற்றிச் சென்றனர்.  

ஒக்ரோபர் 28ஆம் திகதி எல்.ரி.ரி.ஈ ஆயுததாரிகள் எருக்கலம்பிட்டி மற்றும் ஏனைய முஸ்லிம் பிரதேசங்களைச்  சுற்றிவளைத்தனர். அதன் பிறகு எருக்கலம்பிட்டி, தாராபுரம், புதுக்குடியிருப்பு, உப்புக்குளம், கோந்தைப்பிட்டி போன்ற பிரதேசங்களிலிருந்து கடற்கரைக்கு அண்மையாக வௌ;வேறு இடங்களில் ஒன்று கூடுமாறு கூறப்பட்டனர். அங்கு வள்ளங்கள் வரும்வரை சில முஸ்லிம் குடும்பங்கள் குழந்தைகளுடன்  24 மணித்தியாளத்துக்கு மேலாக உணவு தண்ணீரின்றி காத்துக்கிடக்கவிடப்பட்டனர்.
மன்னார் தீவுப்பகுதியில் வாழ்ந்த முஸ்லிம்கள் வள்ளங்கள் மூலமாக கற்பிட்டிக்கு செல்லுமாறு பணிக்கப்பட்டனர். முழு ஊர்களைச் சேர்ந்த முஸ்லிம்களும் வெளியேற மூன்று நாட்கள் சென்றன. உணவு தண்ணீரின்றி மலசலம் கழிக்கவும் இடமின்றி ஆண்கள் , பெண்கள், சிறுவர், சிறுமியர், பாலகர்கள் மற்றும் வயோதிபாகள் பட்ட துன்பங்கள் சொல்லிலடங்காது. இந்நிலையில் மன்னாரிலிருந்து புத்தளம் கற்பிட்டிக்கான  30கிலோ மீற்றர் கடல்பிரயாணத்தில் சில வயோதிபரும் குழந்தைகளும் மரணித்தனர். கொட்டும் மழiயில் வள்ளமொன்றில்  பிரயாணித்த பெண்ணொருவர் கையிலிருந்த கைக்குழந்தை அப்பெண்ணின் கைமறத்துப் போனதால் கைநழுவி கடலுக்குள் விழுந்து இறந்து போனது. அகதிகள் வள்ளங்களில் வந்திறங்கியதை கண்ட கற்பிட்டி முஸ்லிம்கள் உடனடியாக தமது வள்ளங்களை மன்னாருக்கு கொண்டுபோய் அங்கிருந்து வெளியேற்றப்பட் முஸ்லிம்களை ஏற்றி வந்தனர்.  

மன்னார் தீவுப்பகுதி மக்கள் இவ்வாறு வெளியேற்றப்பட்டுக் கொண்டிருக்கையில் மன்னாரின் விடத்தல்தீவு, பெரியமடு, சன்னார், முருங்கள், வட்டக்கந்தல், பரப்பக்கடந்தான்  போன்ற பிரதேசங்களில் வாழ்ந்து வந்த முஸ்லிம்கள் 1990 ஒக்ரோபர் 25 ஆம் திகதி தமது வாகனங்கள், சைக்கிள்கள், பெற்றோல், டீசல், இலத்திரணியல் பொருட்கள் மற்றும் பெருமதியான பொருட்களை பள்ளிவாசல்களுக்கு முன்பாகவும் பாடசாலைக் கட்டிடங்களிலும் அமைக்கப்பட்டிருந்த எல்.ரி.ரி.ஈ. அமைப்பின் திடீர் ஆலவலகங்களில் ஒப்படைக்குமாறு பணிக்கப்பட்டனர். 
26.10.1990 அன்று முஸ்லிம்கள் ஒவ்வொரு ஊர்களிலிருந்த பாடசாலை மைதானங்களுக்கு அழைக்கப்பட்டு அவர்கள் எவ்வாறு வெளியேற் வேண்டுமென்ற கட்டளைகள் இடப்பட்டன. ஒரு குடும்பம் 2000 ரூபா பணத்தையும், ஒரு பவுண் நகையையும்,  ஐந்து உடுப்பு பேக்குகளையும்  மட்டும் எடுத்துச் செல்ல முடியும் என்று கூறப்பட்டதுடன் உடனடியாக வெளியேறுமாறும் கூறப்பட்டது.
முஸ்லிம்கள் வெளியேறிச் செல்லும் போது மடு, பண்டிவிரிச்சான் மற்றும் வவுனிய மன்னார் எல்லைக் கிராமம் போன்ற இடங்களில் சோதனைச் சாவடிகள் அமைக்கப்பட்டு முஸ்லிம்கள் பரிசோதிக்கப்பட்டு  மேலதிக பேக்குகள் நகைகள் பணம் என்பன பறிக்கப்பட்டன. வவுனியா எல்லையில் வைத்து முஸ்லிம்களின் சுடுநீர் பிளாஸ்க் போத்தல்கள் கூட பறிக்கப்பட்டதுடன அதற்கான பற்றுச் சீட்டுகளும் வழங்கப்பட்டன. பொருட்கள், பணம், நகை என்பவற்றை பறித்தெடுத்த புலியுறுப்பினர்கள் அவற்றை மோசடி செய்துவிடக்கூடாது என்பதற்காகவே பற்றுச் சீட்டுகள் வழங்கப்பட்டன. ஆனால் முஸ்லிம்கள் திரும்பிவரும் போது அவர்களின் பொருட்கள் திருப்பிக் கொடுப்பதற்காகவே இவ்வாறு பற்றுச் சீட்டு வழங்குவதாக புலியுறுப்பினர்களுக்கும் தமிழ் பொதுமக்களுக்கும் கூறப்பட்டது.  மன்னாரிலிருந்து இப்பிரதேசங்களைச் சேர்ந்த முஸ்லிம்கள் வவுனியா வரை நடந்து செல்லுமாறே கூறப்பட்டிருந்தனர். 2008ஆம் ஆண்டு மன்னாரிலிருந்து பின்வாங்கிய புலியுறுப்பினர்கள் வெள்ளாமுள்ளிவாய்க்கால் வரை நடந்து சென்ற தூரத்தில் இது பாதித் தூரமாகினும பணம் நகை வீடுகள் சொத்துக்கள்  என்பன பறிக்கப்பட்ட நிலையில் சிறு குழந்தைகளையும் வயோதிபர்களைத் தோளில் சுமந்து கொண்டு சென்ற முஸ்லிம்கள் அனுபவித்த துன்பங்களை எழுத்தில் வடிக்க முடியாது.  



முல்லைத்தீவு மாவட்ட முஸ்லிம்களின் வெளியேற்றம் (23.10.1990 முதல் 29.10.1990 வரை)
1990 ஒக்ரோபர் 22ஆம் திகதி தண்ணீரூற்று மற்றும் நீராவிப்பிட்டியைச் சேர்ந்த சிலர் உளவாளிகள் எனக்கூறப்பட்டு புலியுறுப்பினர்களால் கடத்தப்பட்டனர். பொதுவாக தண்ணீரூற்று முஸ்லிம்கள் வெளியூர்களுடன் தொடர்புகள் குறைவானவர்கள் என்பதனால் புலிகளின் குற்றச்சாட்டில் எந்த உண்மையுமில்லை என்பதும் தமது வெளியேற்றத் திட்;டத்தை தமிழர்கள் ஏற்றுக் கொள்ளவேண்டுமென்பதற்காக சோடிக்கப்பட்ட விடயங்களாகும். அதனையடுத்து அதேநாள் முஸ்லிம்கள் ஒருவாரத்தினுள் வெளியேறவேண்டுமென்ற கட்டளையிடப்பட்டது. இந்த முஸ்லிம்களிடமிருந்தும் அனைத்து சொத்துக்கள் நகை பணம் என்பன பறிக்கப்பட்டன. 
கிளிநொச்சி மாவட்ட முஸ்லிம்களின் வெளியேற்றம் (23.10.1990)
1990 ஒக்ரோபர் 23ஆம் திகதி கிளிநொச்சி, நாச்சிக்குடா பிரதேசத்தில் வாழ்ந்த முஸ்லிம்கள் ஐந்து நாட்களுக்குள் வெளியேற வேண்டுமென கூறப்பட்டனர். அவர்களிடமும் பணம், நகை, வாகனங்கள், வியாபாரப் பொருட்கள், டீசல், பெற்றொல் என்பன பறிக்கப்பட்டு டிராக்டர்களிலும் லாறிகளிலும் ஏற்றி ஓமந்தையில் கொண்டுவந்து இறக்கப்பட்டு அதற்கப்பால் நடந்து செல்லுமாறு பணிக்கப்பட்டனர்.

யாழ்ப்பாண முஸ்லிம்களின் வெளியேற்றம் 
1990 ஒக்டோபர் 30ஆம் நாள் கனரக ஆயுதங்கள் தரித்த ஆயிரத்துக்கும் மேற்பட்ட புலிகள் யாழ்ப்பாணத்தில் முஸ்லிம்கள் அடர்த்தியாக வாழ்ந்த சோனகதெவைச்  சுற்றி வளைத்தனர். நாவாந்துறை பொம்மைவெளி, ஓட்டுமடம்-மானிப்பாய்வீதி, வைத்தீஸ்வரா சந்தி, அங்கிருந்து சீனிவாசன்வீதிச் சந்தி, சீனிவாசன் வீதி, கொட்டடிச்சந்தியூடாக நாவாந்துறை வரைக்கும் ஆயுதம்தரித்த புலிகள் காலை 7.30 மணியளவில் சுற்றிவளைத்தனர். சுன்னாகம், மல்லாகம், நவாலி, அராலி, ஆனைக்கோட்டை போன்ற வெளியூர்களுக்கு சென்றிருந்த முஸ்லிம்கள் 10 மணியளவில் உடனடியாக சோனகதெருவுக்கு திரும்புமாறு கட்டளையிடப்பட்டனர். அறுத்த ஆடுகளையும் மாடுகளையும் மக்களுக்கு பங்கிட்டு விட்டு வியாபாரிகள் திரும்பினர். அதேவேளை சோனகதெருவில்   விபரீதத்தை அறியாத முஸ்லிம்கள் தமது வழமையான கடமைகளில் ஈடுபட்டிருந்தனர். காலை 10 மணியளவில் ஒலிபெருக்கிகளுடன் கூடிய வாகனங்களிலிருந்த ஆயுதம் தரித்த புலியுறுப்பினர்கள்  சோனகதெருவின் பெரிய வீதிகள், சிறிய வீதிகள் ஒழுங்கைகள் என்பவற்றுள் நுழைந்து உடனடியாக வீட்டுக்கொரு  முஸ்லிம் நபர் ஜின்னா மைதானத்துக்கு வரவேண்டுமென்ற கட்டளையை இட்டுக்கொண்டு சென்றனர். 
மக்கள் அவசரமாக மைதானத்தை நோக்கி விரைந்தனர். அங்கே ஜின்னா மைதானத்தில் கூடிய ஆண்களையும் பெண்களையும் சிறுவர் சிறுமிகள் கைக்குழந்தைகள் என்போரையும் ஏ.கே 47, ரி56, எல்.எம்.ஜி, கிரனைட் போன்ற ஆயுதங்களுடன் நின்ற புலிகள் சுற்றிவளைத்து நின்றனர். அப்போது ஆஞ்சநேயர் என்ற இளம்பருதி ஒலிபெருக்கி ஒன்றுடன் மோட்டார் சைக்கிள் ஒன்றின் மீதேறி நின்று கொண்டு ஒரு பேப்பரை பிரித்து வாசிக்கத் தொடங்கினான். கிழக்கிலே நாளாந்தம் 30 தமிழ்ப் பெண்கள் முஸ்லிம்களால் வல்லுறவுக்குட்படுத்தப்படுகிறார்கள், 20 தொடக்கம் முப்பது தமிழர்கள் கொல்லப்படுகிறார்கள். அதே அளவிளவானவர்கள் காயமடைந்து கொண்டுள்ளனர். இதனால் வடக்கிலே தமிழர்கள் கொதிப்படைந்துள்ளனர். முஸ்லிம்களை அழிப்பதற்காக அவர்கள் காத்திருக்கின்றனர். எனவே அடுத்த இரண்டு மணி நேரத்துக்குள்ளே யாழ்ப்பாணத்தை விட்டு நீங்கள் வெளியேற வேண்டும். தமிழீழத்தில் உழைத்தவை எல்லாம் தமிழீழத்துக்கே சொந்தம். உங்கள் சொத்துக்களை அப்படியே வைத்துவிட்டுச் செல்லுங்கள் என்று கூறப்பட்டது. அப்படியாயின் என்ன பொருட்களை கொண்டு செல்லலாம் எனக் கேட்ட போது உங்கள், பணம், நகை, உடுப்பு போன்றவற்றை கொண்டு செல்லலாம் என்று கூறப்பட்டது. 
ஏன் எங்களை வெளியேற்றுகிறீர்கள் என்று கேட்டபோது கிழக்கு மாகாண நிகழ்வுகளாக கூறப்பட்ட பொய்கள் மீண்டும் கூறப்பட்டது. அப்போது ஒருவர் மழை எங்கோ பொழிய நீங்கள் எங்கோ குடை பிடிக்கிறீர்கள் என்று கூறினார். இன்னொருவர் என் நெஞ்சின் மீது சுட்டு எங்களை இங்கேயே சாகடி என்று கூறி தனது சேட்டை கழற்றினார். ஆனால் அவர்கள் மனமிறங்கவில்லை. இங்கிருந்து உடனடியாக செல்லாவிட்டால் நீங்கள் எல்லோரும் சுட்டுக்கொல்லப்படுவீர்கள் எனக் கூறிக்கொண்டு வானத்தை நோக்கி இயந்திரத் துப்பாக்கியால் சுடத்தொடங்கினார்கள். அதைத் தொடர்ந்து மைதானத்தில் சுற்றிலும் நின்ற சில புல உறுப்பினர்கள் வானத்தை நோக்கி சில வேட்டுக்களைத் தீர்த்தனர். மக்கள் பயந்தவர்களாக அங்கிருந்த வெளியேறி தமது வீடுகளுக்குச் சென்றனர். 

இந்தக் கட்டளையை மைதானத்திலிருந்த புலிகளின்; பொறுப்பாளர் இளம்பருதி; சொல்லிக் கொண்டிருக்க கிழக்கு மாகாண பொறுப்பாளர் கரிகாலன் தலைமையிலான குழுவினர் வீடுகளில் புகுந்து கொள்ளையடிக்கத் தொடங்கினர். பெண்கள், குடும்பஸ்தர்கள் தாக்கப்பட்டு துப்பாக்கி முனையில் அவர்களின் பணம் நகை என்பன பறிக்கப்பட்டன. சில ஆண் புலியுறுப்பினர்கள் பறிக்கப்பட்ட பணம் நகைகளை தமது பொக்கட்டுகளுக்குள் திணித்தனர். பெண் புலிகள் தமது மார்புச் கச்சைக்குள் நகைகளையும் பணங்களையும் பதுக்கிக் கொண்டனர். ஏற்கனவே புலிகள் சேகரித்து வைத்திருந்த தகவல்களுக்கு ஏற்ப நகைவியாபாரிகள் மற்றும் சில செல்வந்தர்களின் வீடுகளுக்குள் புகுந்து குறிப்பிட்ட நபர்களின் பெயர்களைச் சொல்லி அந்த நபர்களை அடையாளப்படுத்தி அவர்களை குடும்பத்தின் முன்னிலையில் தாக்கி அவர்களின் வியாபார நகைகள், வீட்டுப்பாவனை நகைகள், பணம் என்பன பறிக்கப்பட்டன.    தொடர்ந்து வீடுகளிலிருந்தவர்களை உடனடியாக வெளியேற்றினர். 
வீதிகளுக்கு வந்த மக்கள் எல்லோரையும் ஐந்து சந்தியை சோக்கிச் செல்லுமாறு முழத்துக்கு முழம் நின்ற புலியுறுப்பினர்கள் கூறினர். ஆனால் புலிகளின் சோதனைச் சாவடிகள் பல்வேறு இடங்களில் நிறுவப்பட்டிருந்தன. ஜின்னா விதியில் அப்துல் ரஹீம் (லண்டன்) அவர்களின் வீட்டின் முன்னால் ஆண் பெண்களின் உடல் பரிசோதிக்கப்பட்டு பணம் நகைகளெல்லாம் சூறையாடப்பட்டு அந்த வீட்டினுள் சேகரிக்ப்பட்டன.  ஆஸாத் வீதியில் அமீர் ரெக்ஸ் உரிமையாளர் வீட்டின் முன்னால் அவ்வாறு செய்யப்பட்டு ஆண்களிடம் பறிக்கப்பட்ட பொருட்கள் அந்த வீட்டினுள் சேர்க்கப்பட்டன. முஹ்மினுடைய வீட்டில்வைத்து பெண்கள் உடல்பரிசோதனை செய்யப்பட்டு அவர்களின் உடமைகள் பறிக்கப்பட்டன. ஹாதி அபுபக்கர் வீதி, கொட்டடி வீதி நாவாந்துறை ஓட்டுமடம் போன்ற வீதிகளூடாக வெளியேற முனைந்தவர்கள் எல்லோரும் ஐந்து சந்திக்கு செல்லுமாறு பணிக்கப்பட்டனர். 
ஐந்து சந்தியிலிருந்த ஒமேகா மோட்டர்ஸ் கடையும் எஸ்.எம். மீரான்சாஹிப் ரான்ஸ்போர்ட் கடையும் திறந்து வைக்கப்பட்டு ஆண்கள் பெண்கள் வயோதிபர்கள் சிறுவர் சிறுமியர் எல்லோரும் வரிசையாக நிற்பாட்டப்பட்டு முழு உடல் பரிசோதனைக்கு உட்படுத்தப்பட்டனர். மாவடிவீதியில் ஒரு வரிசையும், நாவலர் வீதியில் ஒரு வரிசையும், மானிப்பாய் ஐந்து சந்தி வீதியில் ஒரு வரிசையுமாக மக்கள் நிறுத்தப்பட்டிருந்தனர். ஆண்களை ஆண்களும் பெண்களை பெண்களும் உடல்பரிசோதனை செய்து எதையும் கொண்டு செல்லாதவாறு பறித்து எடுத்தனர். பிற்பகல் இரண்ட மணியளவில் முஸ்லிம்களின் வெளியேற்றத்தைப் பார்த்து வானமே அழுதது போல் அடைமழை கொட்டிக் கொண்டிருந்தது. குடைகள் கூட பறித்தெடுக்கப்பட்டிருந்தது. 
ஒரு டிரவுசர் போட்டிருந்தவருக்கு இன்னொரு டிரவுஸரும் ஒரு சேர்டும் மட்டும்; கொண்டு செல்ல அனுமதிக்கப்பட்டனர். சிலர் இரண்டு மூன்று ஜோடிகள் கொண்டு செல்ல அனுமதிக்கப்பட்டிருந்தனர். ஏனைய உடுப்புகள் பொருட்கள் எல்லாம் பறிக்கப்பட்டன. ஆஸாத் வீதி ஜின்னா வீதி வழியாக முதல் பரிசோதனை முடிந்து வந்தவர்களிம் ஐந்து சந்தியில் வைத்து சுடுதண்ணீர் பிளாஸ்குகளும் பறிக்கப்பட்டன. சிறு பிள்ளைகளுக்கு பால்மா கூட கொண்டு செல்ல அனுமதிக்கவில்லை. காணி உறுதிகள், ஆவணங்கள், பிறப்பத்தாட்சிசப் பத்திரங்கள்  போன்றன கூட பறித்தெடுக்கப்பட்டன.    
மேலும் ஓவ்வொரு குடும்பமும் தலா 200 ரூபாய்களை மட்டும் கொண்டு செல்ல அனுமதிக்கப்பட்டனர். மேலும்  சோதனைச் சாவடிகளை நிறுவி அனைவரையும் உடல் பரிசோதனையிட்டு 200 ரூபாய்க்கு மேற்பட்ட பணம், நகை, உடுப்பு, உடமைகள் என்பவற்றை அபகரித்து தமிழ் இனத்துக்கே வெட்கம் தேடித்தந்த ஒரு செயலைச் செய்தனர். கைப்பிள்ளைகளின் விரல்களில் அணிவிக்கப்பட்டிருந்த மோதிரங்கள் கூட இழுத்து எடுக்கப்பட்டன, கத்தரிக்கோல்களால் வெட்டியெடுக்கப்பட்டன. இதனால் சிறுவர் சிலர் கைவிரல்களில் காயங்களோடு வவுனியாவையடைந்தனர்.  சில சிறுமிகளின் காது அணிகலன்களும்  இழுத்து அறுக்கப்பட்டன. இதனால் இரண்டு  சிறுமியரின் காதுகள் கிழிந்து இரத்தம் ஓடியவர்களாக காணப்பட்டனர். 
இந்நிலையில் சிலர் வாகனங்களை வாடகைக்கு அமர்த்தி அங்கிருந்து கேரதீவு நோக்கிச் சென்றனர். இன்னும் சிலர் புலிகளால் ஏற்கனவே ஏற்பாடு செய்து வைக்கப்பட்டிருந்த லொறிகளில் ஏற்றி வவுனியா ஓமந்தைக்கு கொண்டு கொண்டுவந்து விட்டனர். ஆயிரம் பேருக்கு மேற்பட்டவர்களுக்கு வாகனம் எதுவும் கிடைக்காததால் யாழ் மனோகரா தியேட்டரில் தங்கவைக்கப்பட்டு இரவிரவாக அனுப்பப்பட்டனர். மேலும் சிலர் 31ஆம் திகதி காலையில் அங்கிருந்து ஏற்றப்பட்டனர்.   
அந்தோ பரிதாபம். 6000 வருடங்களுக்கு மேல் நாவர்களாக வாழ்ந்த யாழ்ப்பாணத்தின் சுதேசிகளானவர்களும்  1400 வருடங்களாக முஸ்லிம்களாகி வாழ்ந்தவர்களும் இரண்டு மணித்தியாலத்துக்குள் அகதிகளாக்கப்பட்டு வெறும் 700 வருட வரலாற்றைக் கொண்ட தமிழர்களின் வீரமறவர்களால்  யாழ்ப்பாணத்தை விட்டு வேரறுக்கப்பட்டனர்.
இவ்வாறு யாழ்ப்பாணத்திலிருந்து வெளியேற்றப்பட்ட முஸ்லிம்களிடமிருந்து 2000 கிலோ தங்கம், 200 கோடிக்கு மேற்பட்ட பணம் என்பன லொறிகளில் மூட்டை மூட்டையாக ஏற்றிக்கொண்டு செல்லப்பட்டன. இதன் பின்னர் ஒக்ரோபர் 31 ஆம் திகதி  முஸ்லிம்களின் வீடுகள் எல்லாம் சோதனையிடப்பட்டு 2540 தொலைக்காட்சிப் பெட்டிகள், 3502 வானொலிப் பெட்டிகள், 1423 குளிர்சாதனப் பெட்டிகள், 7520 சைக்கிள்கள், 201 மோட்டார் சைக்கிள்கள், 20 கார்கள், 11 வேன்கள், 1 பஸ், 14 லொறிகள், 2000 காஸ் சிலிண்டர்கள், 2000 காஸ் அடுப்புகள், 20000இற்கும் மேற்பட்ட சமயலறைச் சாதனங்கள், 2500க்குமேற்பட்ட மேசைகள், 18000 கதிரைகள் மேசைகள் என்பனவும் இரண்டு இலட்சத்துக்கும் மேற்பட்ட உடைகளும் கொள்ளையிடப்பட்டன.    
1990 நவம்பர் டிசம்பர் காலப்பகுதியில் இடம்பெயர்ந்த முஸ்லிம்கள் வாழ்ந்த பல்வேறு முகாம்களில் திரட்டப்பட்ட தகவல்களின் அடிப்படையில் வடமாகாண முஸ்லிம்களின் அப்போதைய சனத்தொகை பின்வருமாறு. மன்னார் மாவட்டம்- 45000 பேர் யாழ்ப்பாணம்- 18000 பேர் முல்லைத்தீவு-7000 பேர்  வவுனியா- 4000 பேர் கிளிநொச்சி – 800 பேர். இன்று 2016இல்  இவர்களின் சனத்தொகை 120000 க்கும் அதிகமாகும். 

முஸ்லிம்களின் வெளியேற்றத்தை புலிகள் அத்துடன் நிறுத்தவில்லை. அனைத்து சொத்துக்களையும் பறித்து துரத்தப்பட்ட வடமாகாண முஸ்லிம்கள் தொழிலின்றி இருந்தனர். வசதியாக வாழ்ந்த பலர் கூலித் தொழிலுக்கு சென்றனர். சிலருக்கு கையேந்தும் நிலையும் ஏற்பட்டது. இந்நிலையில் வவுனியாவில் தாண்டிக்குளத்தின் ஒரு பகுதி இராணுவக்கட்டுப்பாட்டிலும் மறுபகுதி புலிகளின் கட்டுப்பாட்டிலுமிருந்தது. இவையிரண்டுக்குமிடைப்பட்ட இடத்தை தமிழ்மக்கள் கால்நடையாகவே கடக்க வேண்டியிருந்தது. அவர்களில் வயோதிபர்களையும் அவர்களின் பொருட்களையும் சைக்கிளில்  ஏற்றி மறுபக்கத்துக்கு கொண்டு சென்று விட்டுவரும் தொழிலை இடம்பெயர்ந்த முஸ்லிம் இளைஞர்கள் சிலர் செய்தனர். ஒரு வழிப்பயணத்துக்கு 20 ரூபாய் அவர்களுக்கு கிடைத்தது. மாதமொன்றுக்கு கஷ்டப்பட்டு உழைத்த பணத்தை கொண்டுவந்து புத்தளத்திலுள்ள அவர்களின் குடும்பத்தினரிடம் செலவுக்கு ஒப்படைத்து விட்டு இரண்டு நாட்களில் மீண்டும் வந்து அத்தொழிலை செய்வர். இவ்வாறு ஒருமாத காலம் பிழைப்பு நடாத்திய யாழ்ப்பாணத்தைச்  சேர்ந்த 7  பேரும் மன்னாரைச் சேர்ந்த 2 பேரும் 1991 மே 23ம் நாள் புலிகளால் தாண்டிக்குளத்தில் வைத்து கடத்திச்செல்லப்பட்டனர். இவர்கள் அனைவரும் கொல்லப்பட்டு மரங்களில் கண்கள் தோண்டியெடுக்கப்பட்ட நிலையில் கட்டப்பட்டிருந்ததாக அப்பகுதியிலிருந்து வந்த தமிழர்கள் அப்போது தெரிவித்திருந்தனர். இவர்களைவரும் திருமணம் முடித்திருந்த குடும்பஸ்தர்கள் என்பதுடன் எல்லோருமே இரண்டுக்குமேற்பட்ட குழந்தைகளை கொண்டிருந்தனர் என்பது நெஞ்சை நெகிழவைக்கும் தகவல்.  
இந்த தகவல்களையெல்லாம் இங்கு தரக்காரணம் இவை கடந்த மூன்று தசாப்தங்களில் இலங்கையின் வடக்கு கிழக்கு பகுதிகளில் இடம்பெற்ற உண்மையான  சம்பவங்களாகும். இனிவரும் சமுதாயம் தமது முன்னோர் செய்த அநீதிகளை அறிந்து அவ்வாறு தொடர்ந்தும் இடம்பெறாமல் பாதுகாப்பதிலேயே சமாதானம் சமத்துவம் ஐக்கியமான சந்தோஷமான எதிர்கால வாழ்க்கை இரு இனத்தவர்களுக்குமிருக்கிறது. மாறாக காலத்துக்கு காலம் தமது கொள்கைகளை மாற்றி கட்சி தாவிக்கொண்டு பொய்களை அவிழ்த்து விடுவோரின் பேச்சுக்களை நம்பி தற்காலிகத்தை நம்பி நிரந்தரமாக தேவைப்படும் நிம்மதியான வாழ்வை அழித்துவிடக்கூடாது. 

Newer Posts Older Posts Home