ஜனாதிபதி மைத்திரி சவூதி மன்னரிடம் வேண்டுகோள் விடுத்தும் பலன் ஏற்படவில்லை

-விடிவெள்ளி ARA.Fareel-

இலங்கைக்கு மேலதிக ஹஜ் கோட்டாவை பெற்றுக் கொள்வதற்கு பல்வேறு வழிகளில் முயற்சித்த போதும் அது கைகூடவில்லை. ஹஜ்ஜாஜிகளின் பாதுகாப்பு மற்றும் நலன் கருதியே மேலதிக ஹஜ் கோட்டா வழங்கப்படவில்லை.

இலங்கையின் முஸ்லிம் சனத்தொகைக்கேற்பவே 2240 கோட்டா வழங்கப்பட்டது என தேசிய ஒருமைப்பாடு மற்றும் நல்லிணக்க இராஜாங்க அமைச்சர் ஏ.எச்.எம்.பௌசி தெரிவித்தார்.

அவர் இது தொடர்பில் மேலும் தெரிவித்ததாவது, ‘மேலதிக கோட்டா இலங்கைக்கு வழங்குமாறு ஜனாதிபதி மைத்திரிபால சிறிசேன முஸ்லிம் சமயவிவகார மற்றும் தபால், தபால் சேவைகள் அமைச்சர் எம்.ஏ.ஹலீம் வெளிவிவகார அமைச்சர் மங்கள சமரவீர ஆகியோர் சவூதி மன்னரிடமும் ஹஜ் அமைச்சரிடமும் வேண்டுகோள் விடுத்தும் பலன் ஏற்படவில்லை.

கடந்த வருடம் இலங்கைக்கு 600 மேலதிக ஹஜ் கோட்டா வழங்கப்பட்டது.

அப்போது இதன் பிறகு மேலதிக ஹஜ் கோட்டா வழங்கப்படமாட்டாதென தெரிவிக்கப்பட்டது.

என்றாலும் மேலதிக ஹஜ் கோட்டாவைப் பெற்றுக் கொள்வதற்காக பல முயற்சிகள் மேற்கொள்ளப்பட்டும் இலங்கையின் கோரிக்கையை சவூதி ஹஜ் அமைச்சு ஏற்றுக் கொள்ளவில்லை.

இதுவரை காலம் எண்ணெய் மூலம் வெளிநாட்டு செலாவணியைப் பெற்று வந்த சவூதி அரசாங்கத்தின் பொருளாதாரம் வீழ்ச்சியடைந்துள்ளது. இந்நிலையில் மேலதிக ஹஜ் கோட்டாவை இலங்கைக்கு வழங்கி அந்நிய செலாவணியைப் பெறும் வாய்ப்பு சவூதி அரசாங்கத்துக்கு இருந்தும் மக்களின் பாதுகாப்பு கருதி மேலதிக கோட்டா வழங்கப்படவில்லை.

அமைச்சர் ஹலீமும் நானும் மேலதிக ஹஜ் கோட்டாவைப் பெற்றுக்கொள்வதற்கு பலமுயற்சிகளை மேற்கொண்டோம். ஆனால் அது வெற்றியளிக்கவில்லை என்றார்.

2 comments:

Voicing for justice & good governance5 September 2016 at 11:57
நடைமுறை உலகின் போக்கு பற்றியும் சமகால உலக அரங்கில் சவூதி அரேபியா எதிர்நோக்கும் பாரிய சவால்கள் குறிப்பாக ஹஜ் காலத்தில் சவூதி அரசின் பயங்கர நிலைமைகள் பற்றிய எந்த அறிவு ஞானமும் இன்றி சவூதி மன்னருக்கு அமைச்சர் வேறு சனாதிபதியையும் வலியுறுத்தி தேவையில்லாத வேலைபார்த்த இந்த சமூகத்தின் முன்னணியில் இருக்கும் மந்தைகளின் அறிவுஞானமற்ற செயல்பாடுகளுக்கு அனுதாபப்படுவதைத் தவிர வேறு ஒன்றும் சொல்வதற்கு இல்லை.