முஸ்லிம்கள் முரண்பாடுகளுக்கு, முக்கியத்தும் வழங்குவது கவலைக்குரியது - ரிஸ்வி முப்தி
முஸ்லிம் சமூகத்தை கொள்கை முரண்பாடுள்ளவர்கள் பிரதிநிதித்துவப்படுத்தினாலும் ஒருவர் தனது கொள்கைகளை இன்னொருவர் மீது திணிப்பதற்கு முயற்சிக்கக் கூடாது. எமது எதிர்காலம் ஒற்றுமையிலே தங்கியுள்ளது.
இன்று ஒருவரை ஒருவர் மதிக்காமையினாலே பிரச்சினைகள் உருவாகின்றன என அகில இலங்கை ஜம்இய்யத்துல் உலமா சபையின் தலைவர் அஷ்ஷெய்க் எம்.ஐ.எம்.ரிஸ்வி முப்தி தெரிவித்தார்.
நாட்டின் சில பகுதிகளில் முஸ்லிம்கள் கொள்கை ரீதியில் முரண்பட்டு அசம்பாவிதங்கள் ஏற்படுகின்றமை தொடர்பில் வினவியபோதே உலமா சபையின் தலைவர் ரிஸ்வி முப்தி இவ்வாறு பதிலளித்தார். அவர் தொடர்ந்து விளக்கமளிக்கையில்,
முஸ்லிம் சமூகம் அண்மைக்காலத்தில் கொள்கை முரண்பாடுகளுக்கு முக்கியத்தும் அளித்து செயற்படுவது கவலைக்குரியதாகும். எமது ஒற்றுமையிலே சமுதாயத்தின் வளர்ச்சியும் முன்னேற்றமும் தங்கியுள்ளது.
எமது ஒற்றுமைக்கு விட்டுக் கொடுப்பும் பணிந்து நடக்கும் தன்மையும் ஒருவரை மதிக்கும் மனப்பான்மையும் அவசியமாகும்.
எமக்குள் கொள்கை முரண்பாடுகளினால் பிரச்சினைகள் ஏற்பட்டால் அந்தப் பிரச்சினைகளை கலந்துரையாடல் மூலம் நாம் தீர்த்துக் கொள்ள வேண்டும். கலந்துரையாடல்கள் மேற்கொள்ளாமல் மோதல்களில் ஈடுபடுவது தவறானதாகும். அமர்ந்து கலந்துரையாடல்கள் மேற்கொள்வதன் மூலம் எமக்கிடையிலான மோதல்களைத் தவிர்த்துக் கொள்ள முடியும்.
இன்று எமது சமூகத்தில் பொதுவான கலந்துரையாடல்கள் இல்லாமற் போயுள்ளது. கலந்துரையாடல்கள் மூலம் பிரச்சினைகள் தீர்த்துக் கொள்ளப்பட வேண்டும் என குர்ஆனிலும் தெரிவிக்கப்பட்டுள்ளது.
இஸ்லாத்தில் அடிமைகளுக்குக் கூட உரிமைகள் வழங்கப்பட்டுள்ளன. முஸ்லிம்கள் நாம் அனைவரும் சமமானவர்கள். எமக்குள் உயர்ந்தோர் தாழ்ந்தோர் என்ற வேறுபாடு இல்லை.
பல்லின சமூகத்தில் வாழும் நாம் எமது கருத்து சரி என்று வாதிக்கும் நிலையில் முஸ்லிம் அல்லாதோர் தமது கருத்தே சரியென்று வாதிக்கிறார்கள்.
இவ்வாறான சந்தர்ப்பங்களில் நாம் முரண்பட்டுக் கொண்டு முறுகல் நிலைகளை வளர்த்துக் கொள்வது தவிர்க்கப்பட வேண்டும். இவ்வாறான நிலைமைகளின் போது கலந்துரையாடல்களே எமக்குள் ஒற்றுமையையும் சமாதானத்தையும் ஏற்படுத்த முடியும்.
இவ்வாறான சந்தர்ப்பங்களில் கலந்துரையாடல்கள் மூலம் எமது மார்க்கம் தொடர்பாக ஏனைய சமூகங்கள் கொண்டுள்ள சந்தேகங்களை நிவர்த்தி செய்துகொள்ள வேண்டும்.
மார்க்கத்தில் உள்ள சந்தேகங்களை நிவர்த்தி செய்து கொள்வதற்காக சவூதி அரேபியாவில் மாநாடுகள் கூட நடத்தப்படுகின்றன என்றார்.
விடிவெள்ளி ARA.Fareel
We are the unthankful people.if problem comes example bbs halal hijab we are started to pray fasting dua ect .allah solve the problems then we started to forgot the past.and behave like hero.
ReplyDelete