நிர்வாண சஞ்சிகையில், ஹிஜாபிய பெண் - முஸ்லிம்களுக்கு உதவியாக இருக்குமென நம்புகிறாராம்..!

நிர்வாண பெண்களுக்கு பிரபலம் பெற்ற பிலேபோய் சஞ்சிகையில் முதல் முறை ஹிஜாப் அணிந்த முஸ்லிம் பெண் ஒருவரின் படங்கள் பிரசுரிக்கப்படவுள்ளன.

வரும் ஒக்டோபரில் வெளியாகவுள்ள சஞ்சிகையில் நூர் தகூரி என்ற அமெரிக்க ஊடகவியலாளர் இடம்பெறவுள்ளார். செய்தி வலையமைப்பொன்றில் செய்தியாளராக பணியாற்றும் அந்த பெண் கறுப்பு ஜெக்கட், ஜீன்ஸ், பாதணி மற்றும் ஹஜாப் அணிந்து பிலேபோய் சஞ்சிகையில் தோன்றவிருப்பதாக அந்த சஞ்சிகை குறிப்பிட்டுள்ளது.

லிபிய பூர்வீகம் கொண்ட தகூரி, தான் அமெரிக்க வர்த்தக தொலைக்காட்சியில் ஹிஜாப் அணிந்த முதல் தொகுப்பாளராக செயற்பட விரும்புவதாக குறிப்பிட்டுள்ளார். தனது பணி அமெரிக்காவில் போராட்டத்திற்கு முகம்கொடுக்கும் முஸ்லிம் பெண்களுக்கு உதவியாக இருக்கும் என்று நம்புகிறார்.

பிலேபோய் சஞ்சிகை அண்மைக் காலத்தில் பல மாற்றங்களை கொண்டுவந்தது. அதில் பெண்களின் நிர்வாண படங்களை வெளியிடுவதை நிறுத்தியது முக்கிய மாற்றமாக கருதப்படுகிறது.

எனினும் ஆபாச சஞ்சிகை ஒன்றில் முஸ்லிம் பெண் ஒருவர் தோன்றுவது பற்றி கடும் விமர்சனங்களும் எழுந்துள்ளன. தான் விமர்சனங்களை பொருட்படுத்துவதில்லை என்று தகூரி பிளேபோய் சஞ்சிகைக்கு குறிப்பிட்டுள்ளார்.