Header Ads



செப்­டம்பர் 11 இல் ஹஜ்ஜுப் பெருநாள் வரு­மானால், அதனை தவ­றாக பொருள் கொள்ளக்கூடும் - முஸ்­லிம்கள் அச்சம்

இந்த ஆக்கம் நேற்று -01- வியாழக்கிழமைக்கு முன்னர் எழுதப்பட்டது என்பது குறிப்பிடத்தக்கது

விடிவெள்ளி எம்.ஐ.அப்துல் நஸார்)

அமெ­ரிக்க முஸ்­லிம்கள் அச்சம்
உலகம் முழு­வ­திலும் வாழும் முஸ்­லிம்கள்  ஈதுல் அழ்ஹா - ஹஜ்ஜுப் பெரு­நாளைக் கொண்­டா­டு­வ­தற்கு தயா­ரா­கி­வரும் நிலையில் அதே தினத்தில் நிகழ்ந்த நேரொத்த நிகழ்வு தொடர்பில் அவர்கள் அச்­ச­மைந்­துள்­ள­தாக சர்­வ­தேச ஊட­கங்கள் கருத்து வெளி­யிட்­டுள்­ளன.

சந்­திர கணக்கின் பிர­காரம் இவ்­வாண்டு ஹஜ்ஜுப் பெருநாள் செப்­டம்பர் மாதம் 11ஆந் திகதி கொண்­டா­டப்­ப­ட­வுள்­ளது, குறித்த செப்­டம்பர் மாதம் 11ஆந் திகதி என்­பது, 15 ஆண்­டு­க­ளுக்கு முன்னர் அமெ­ரிக்­காவின் பென்­டகன் மற்றும் உலக வர்த்­தக மையம் ஆகி­ய­வற்றின் மீது தாக்­குதல் நடத்­தப்­பட்ட தின­மாகும். அல்-­கைதா அமைப்­பினால் 2001ஆம் ஆண்டு மேற்­கொள்­ளப்­பட்ட இந்தத் தாக்­கு­தலில் சுமார் 3000 பேர் பலி­யா­ன­தாக நியூயோர்க் டைம்ஸ் தெரி­வித்­துள்­ளது. 

'தியாகத் திருநாள்' என அழைக்­கப்­படு ஈதுல் அழ்ஹா என்ற ஹஜ்ஜுப் பெருநாள் தினத்தில் முஸ்­லிம்கள் மிகுந்த மகிழ்ச்­சி­யோடு வாழ்த்­துக்­களை தெரி­வித்து, உற­வினர் வீடு­க­ளுக்குச் சென்று அன்­ப­ளிப்­புக்­களைப் பரி­மாறி ஒரு­வ­ரை­யொரு மன்­னித்து உற­வாடி அதனைக் கொண்­டா­டு­கின்­றனர்.

ஹஜ்ஜுப் பெருநாள் செப்­டம்பர் 11 இல் வரு­மானால் சிலர் அதனை தாக்­கு­தலை நினை­வு­கூர்ந்து மகிழ்ச்­சியைக் கொண்­டாடும் தின­மாக தவ­றாக பொருள் கொள்ளக் கூடும் என அமெ­ரிக்க முஸ்­லிம்கள் அச்சம் கொண்­டுள்­ளனர். 

'பார்த்­தீர்­களா முஸ்­லிம்கள் செப்­டம்பர் 11 தாக்­கு­தலைக் கொண்­டா­டு­கின்­றனர் எனக் கூறி சிலர் வேண்­டு­மென்றே மக்­களை திசை­தி­ருப்ப முனை­வார்கள்'என லோங் ஐலண்ட் இஸ்­லா­மிய மத்­திய நிலை­யத்தின் தலை­வ­ராக அண்­மையில் தெரிவு செய்­யப்­பட்ட ஹபீப் அஹமட் நியூயோர்க் டைம்­ஸுக்குத் தெரி­வித்தார். 

இம் மாதம் குயின்ஸ் பிர­தே­சத்தில் இமாம் ஒரு­வரும் அவ­ரது உத­வி­யா­ளரும் கொல்­லப்­பட்­டதைத் தொடர்ந்து இந்த அச்சம் நியூ­யோக்கின் பாது­காப்பு தொடர்­பான கவ­லை­யினை மேலும் அதி­க­ரிக்கச் செய்­துள்­ளது. 

'நாங்கள் எதைச் செய்ய வேண்­டுமோ அதை நாங்கள் செய்வோம் என்ற மன­நி­லை­யி­லேயே எமது சமூகம் உள்­ளது' என நியூ­யோர்க்­கி­லுள்ள அரப் - அமெ­ரிக்க சங்­கத்தின் நிறை­வேற்றுப் பணிப்­பாளர் லிண்டா சார்சூர் நியூயோக் டைம்­ஸுக்குத் தெரி­வித்தார்.

இந்த விடயம் தொடர்­பாக ஏனைய தலை­வர்­க­ளுடன் அவ்­வா­றான பிரச்­சி­னைகள் ஏற்­பட்டால் எவ்­வாறு அவற்றை எதிர்­கொள்­வது, எவ்­வாறு தயார் நிலையில் இருப்­பது என்­பது தொடர்பில் கலந்­து­ரை­யா­டி­யுள்ளேன் எனவும் அவர் தெரி­வித்தார். 

'தற்­போது அனைத்து முஸ்லிம் தலை­வர்­களின் மன­திலும் இது இருக்க வேண்டும்' என அமெ­ரிக்க இஸ்­லா­மிய உற­வுகள் தொடர்­பான சபையின் அர­சாங்க விவகாரப் பணிப்பாளர் ரொபேட் மெக்கோ தெரிவித்துள்ளார். 

இஸ்லாமிய நாட்காட்டியின் 12ஆவது மாதமான துல்ஹஜ் மாதத்தின் தலைப்பிறை தென்பட்டவுடன் பிறைக்குழுவினால் ஹஜ் பெருநாள் அறிவிக்கப்படுவது வழக்கமாகும்.

1 comment:

  1. ஜப்னா முஸ்லிம் செய்திகள் இப்போதெல்லாம், நெறிப்படுத்தப்படாமல் பிரசுரிக்கப்படுவது அதிகமாக இடம் பெறுகிறது. இம்முறை ஹஜ்ஜுப் பெருநாள் September 12 ந்திகதி தான் என்பது நேற்றே தீர்மான மான ஒரு முடிவு. இந்த ஷணம் எல்லோருக்குமே தெரிந்த ஒரு விஷயம். ஆனாலும் இந்த ஆக்கத்தின் கருப்பொருளே September 11 ஹஜ்ஜுப் பெருநாள் கொண்டாடப்படவுள்ளது என்று தவறான கருத்தைக் கொண்டுள்ளது. இந்த ஆக்கத்தை எழுதியவர் ஹஜ்ஜுப் பெருநாள் தினம் தீர்மானிப்பதற்கு முன்னர் தான் அனுப்பியிருப்பார் அனால் இதனை பதிவேற்றம் செய்யும் போது செய்தியின் உண்மையை சீர்தூக்கிப் பார்த்தல்லவா பதிவேற்றம் செய்ய வேண்டும்.

    ReplyDelete

Powered by Blogger.