நான் மேல்மாகாண ஆளுநரா..?
-விடிவெள்ளி ARA.Fareel-
தற்போது இராஜாங்க அமைச்சராக பதவி வகித்து வரும் தன்னை மேல் மாகாண ஆளுநராக நியமிக்க ஜனாதிபதி மைத்திரிபால சிறிசேன தீர்மானித்திருப்பதாக பரப்பப்பட்டு வரும் செய்தியில் எதுவித உண்மையுமில்லை என தேசிய ஒருமைப்பாடு மற்றும் நல்லிணக்க இராஜாங்க அமைச்சர் ஏ.எச்.எம்.பௌஸி தெரிவித்தார்.
சிலர் வேண்டுமென்றே இவ்வாறான பொய் வதந்திகளைப் பரப்பி வருவதாகவும் தான் ஸ்ரீலங்கா சுதந்திரக் கட்சியின் சிரேஷ்ட உறுப்பினர் எனவும் அவர் கூறினார்.
நாட்டில் தேசிய ஒருமைப்பாட்டுக்கும் நல்லிணக்கத்துக்குமென தனியான ஒரு அமைச்சு ஜனாதிபதியினால் அமைக்கப்பட்டு தேசிய ஒருமைப்பாட்டிற்கும் நல்லிணக்கத்துக்குமான வேலைத்திட்டங்கள் முன்னெடுக்கப்பட்டு வரும் சந்தர்ப்பத்தில் ஜனாதிபதி மைத்திரிபால சிறிசேன இவ்வாறான மாற்றங்களை ஏற்படுத்தமாட்டார் என்றும் அவர் தெரிவித்தார்.
தங்களுக்கு மேல் மாகாண ஆளுநர் பதவி வழங்கப்படவுள்ளதாக செய்திகள் வெளிவந்துள்ளனவே இத்தகவல்களை உறுதிப்படுத்துகிறீர்களா? என்று வினவியபோதே அவர் இவ்வாறு தெரிவித்தார்.
Post a Comment