நாட்டில் அல்­கைதா, ஐ.எஸ்., தலிபான் இல்லை - என்­றாலும் அடிப்­ப­டை­வாத அமைப்­புக்கள் இருக்­கின்­றன - சந்­தி­ரிக்கா

2014 ஆம் ஆண்டு அளுத்­க­மவில் இடம்­பெற்ற கல­வரம் தொடர்­பாக புத்­தி­ஜீ­விகள் கலந்­து­கொண்ட கலந்­து­ரை­யாடல் வெள்­ளிக்­கி­ழமை சர்­வ­தேச கற்­கை­க­ளுக்­கான பண்­டா­ர­நா­யக்க நிலை­யத்தில் நடை­பெற்­றது. இதில் பிர­தம அதி­தி­யாக கலந்­து­கொண்டு முன்னாள் ஜனா­தி­பதி சந்­தி­ரிக்கா குமா­ர­துங்க கூறு­கையில்,

அளுத்­கம சம்­பவம் போன்று நாட்டில் பல சம்­ப­வங்கள் இடம்­பெற்­றுள்­ளன. இந்தச் சம்­ப­வங்­க­ளின்­போது அப்­போது இருந்த அர­சாங்­கங்கள் அதனை கட்­டுப்­ப­டுத்­தாமல் அதற்கு பின்­ன­ணியில் இருந்து செயல்­பட்­டுள்­ளன.  பொலி­ஸாரும் பக்­கச்­சார்­பா­கவே நடந்­து­கொண்­டுள்­ளனர்.

ஆனால் நாட்டில் இருந்த அர­சாங்­கங்கள் தோல்வி கண்ட இரண்டு சந்­தர்ப்­பங்­க­ளாக 83 ஆம் ஆண்டு இடம்­பெற்ற கல­வரம் மற்றும் அளுத்­த­கம சம்­ப­வங்­களை குறிப்­பி­டலாம்.  இந்த இரண்டு சம்­ப­வங்­க­ளின்­போதும் அன்று இருந்த ஆட்­சி­யா­ளர்கள் கல­வ­ரத்தை கட்­டுப்­ப­டுத்த நட­வ­டிக்கை எடுக்­காமல் பின்னால் இருந்து செயற்­பட்­டுள்­ளனர்.

மேலும் எந்த இனத்தை சார்ந்­த­வர்­க­ளாக இருந்­தாலும் நாட்டு பிர­சை­களை பாது­காப்­பது அர­சாங்­கத்தின் கடமை. ஆனால் மற்றும் 2014 சம்­ப­வங்­களில் அர­சாங்கம் தோல்­வி­கண்­டுள்­ளது. அத்­துடன் 2014/ 15 காலப்­ப­கு­தியில் முஸ்­லிம்­களின் பள்­ள­வா­சல்கள் மற்றும் கடைகள் பாரி­ய­ளவில் சேதத்­துக்­குள்­ளாக்­கப்­பட்­டமை சக­லரும் அறிந்த விடயம். ஆனால் இந்தச் சம்­ப­வங்­களின் பின்­ன­ணியை அர­சாங்கம் கண்­டு­கொள்­ளாமல் இருந்­தது.

அதே­போன்று எனது தந்­தையின் ஆட்­சிக்­கா­லத்தில் சிறு­பான்மை மக்­க­ளுக்கு எதி­ராக சம்­பவங்கள் நடந்­த­போது அதனை 3 தினங்­களில் கட்­டுப்­பாட்­டுக்குள் கொண்­டு­வந்தார்.

எனது ஆட்­சி­யின்­போதும் கிறிஸ்­தவ ஆல­யங்கள் மீது தாக்­கு­தல்கள் மேற்­கொள்­ளப்­பட்­டன. அதனை நாங்கள் பாரிய சம்­ப­வங்­க­ளாக மாறாமல் கட்­டுப்­பாட்­டுக்குள் கொண்­டு­வந்தோம். இவ்­வா­றான சம்­ப­வங்­களின் போது அர­சியல் வாதிகள் தங்கள் அர­சியல் வட்­டத்­துக்குள் இருந்து வெளி­யேறி மக்­களை பாது­காக்க முன்­வ­ர­வேண்டும்.

மேலும் நாட்டில் அல்­கைதா, ஐ.எஸ்., தலிபான் போன்ற அமைப்­புக்கள் இல்லை. என்­றாலும் சிறு­சிறு அடிப்­ப­டை­வாத அமைப்­புக்கள் இருக்­கின்­றன. அது சிங்­கள, தமிழ் மற்றும் முஸ்லிம் என அனைத்து இனங்­க­ளிலும் இருக்­கின்­றன. இலங்­கையில் மாத்­திரம் அல்ல அனைத்து நாடு­க­ளிலும் அடிப்­ப­டை­வாத அமைப்­புக்கள் இருக்­கின்­றன. அத்­துடன் 1957 ஆம் ஆண்­டுக்கு பின்­னரே அடிப்­ப­டை­வா­திகள் நாட்டில் தோன்­றினர். அதற்கு அர­சாங்­கங்­களும் பின்­ன­ணியில் இருந்­துள்­ளன.

-விடிவெள்ளி எம்.ஆர்.எம்.வஸீம் -