எர்துகான் அவர்களே, இப்படி செய்வீர்களாயின் நீங்கள்தான் முஸ்லிம் உலகின் கலீஃபா..!

-மூத்த ஊடகவியலாளர் Thaha Muzammil-

அர்துகான் அவர்களே...!

ஒரே தினத்தில் நீங்கள் உலக முஸ்லிம்களின் நாயகனாக ஆகிவிட்டீர்கள்; உங்களது ஒரேயொரு WhatsUp செய்தியினூடாக, அந்த நடுசாமத்திலும், தம் உயிரையே துச்சமென மதித்து, தியாகம் செய்யத் துணிந்துவிட்டார்கள் துருக்கிய மக்கள்.

உங்களது மற்றுமொரு செய்திக்காக அவர்கள் காத்தியிருக்கிறார்கள்: நடைமுறையிலிருக்கும் மேற்கத்தேய கலாசாரத்தை இஸ்லாமிய கலாசாரத்தைக் கொண்டு பிரதியீடு செய்ய, அரச அங்கீகாரத்துடன் இயங்கும் மதுபானசாலைகளை மூடிவிட; சூது, மாது என்று நிறைந்து, அங்காரா வீதிகளில் அலங்காரமாகக் காட்சியளிக்கும் இரவு களியாட்ட விடுதிகளை கலைத்துவிட துருக்கிய மக்கள் துடித்துக்கொண்டிருக்கிறார்கள். அவர்களுக்குத் தேவை உங்களது ஒரே ஒரு செய்தி மட்டுமே.

"அல்லாஹ்வைத் தவிர வேறு எவராலும் எமது முன்னேற்றத்தைத் தடுக்க முடியாது" என்று நீங்கள் சொன்னதை பாராட்டுகிறோம்.

அமெரிக்காவும் வேண்டாம், இஸ்ரேலும் வேண்டாம், இஸ்லாம் ஒன்றே எமக்கு போதும்; இஸ்லாமே இனி எம்மை ஆட்சி செய்யும் சக்தி என்று கூறி, நேட்டோ ராணுவ முகாமில் இருந்தும் வெளியேறுங்கள்; அல்லாஹ்வின் கட்டளைக்கு முரணாக இவர்களுடன் செய்துக்கொண்டுள்ள ராணுவ ஒப்பந்தங்களைக் கிழித்தெறியுங்கள். முதலாளித்துவ பொருளாதாரத்தை இஸ்லாமிய பொருளாதாரத்தால் மாற்றீடு செய்யுங்கள்.

அப்படி செய்வீர்களாயின், நீங்கள்தான் முஸ்லிம் உலகின் கலீஃபா ...... உலக முஸ்லிம்கள் உங்களுக்கு பை'அத் செய்து, உங்கள் பின்னால் நிற்க தயாராய் இருக்கின்றனர்.

நடந்த சதிபுரட்சியை, உங்களது பதவியை ஸ்திரப்படுத்திக்கொள்ள நீங்கள் அரங்கேற்றிய நாடகமாக சிலர் கருதுகின்றனர். அதை பொய் என்று உலகுக்கு நிரூபிக்க வேண்டிய தார்மீகக் கடமை உங்களுக்குள்ளது...!!