இத்தகைய செயலை அரங்கேற்றியவர்கள், என்ன மாதிரியான முஸ்லீம்கள்..? ஷேக் ஹசீனா

வங்கதேசத் தலைநகர் டாக்காவில் உள்ள ஒரு கஃபேயில், இஸ்லாமியவாதிகள் என்று சந்தேகிக்கப்படுபவர்கள் நடத்தியதாக சந்தேகிக்கப்படும் தாக்குதலில் பலியான 20 பேருமே வெளிநாட்டினர் என்று வங்கதேச அதிகாரிகள் தெரிவித்துள்ளனர்.

வங்கதேசத்தில் இது போன்ற தாக்குதல்கள் அரிது என கூறப்படுகிறது

நேற்றிரவு டாக்காவில் உள்ள ஹோலே ஆர்டிசன் பேக்கரி கஃபேயில் ஆயுதம் தாங்கிய நபர்கள் முற்றுகையிட்ட 12 மணி நேரத்துக்கு பிறகு, பாதுகாப்பு படையினர் அந்த கஃபேயில் நுழைந்தனர்.

தாக்குதல் நடத்திய ஆறு பேர் கொல்லப்பட்டதாகவும், ஒருவர் கைது செய்யப்பட்டதாகவும் ஒரு அரசாங்க பேச்சாளர் தெரிவித்தார்.

உயிரிழந்தவர்களில் பெரும்பாலானோர் இத்தாலி மற்றும் ஜப்பான் ஆகிய நாடுகளை சேர்ந்தவர்கள் ஆவர்.

இது குறித்து பிரதமர் ஷேக் ஹசீனா தொலைக்காட்சியில் வெளியிட்டுள்ள அறிக்கையில் ''இது ஒரு மிகவும் கொடிய செயல். இத்தகைய செயலை அரங்கேற்றியவர்கள் என்ன மாதிரியான முஸ்லீம்கள்? அவர்களுக்கு எந்த மதமும் கிடையாது” என்றார்.

தீவிரவாதம் மற்றும் பயங்கரவாதத்தை வங்கதேச மண்ணிலிருந்து வேரோடு நீக்கிட எனது அரசு உறுதியாக உள்ளது.'' என்றும் ஷேக் ஹசினா தெரிவித்தார்.

இந்த செய்தியைப்