முஸ்லிம்களுக்கு எதிரான நடவடிக்கையை, முளையிலேயே கிள்ளி எறியுங்கள் - முஸ்லிம் கவுன்சில்

அண்மைக் காலமாக நாட்டில் முஸ்லிம்களுக்கு எதிரான போக்குகளை அவதானிக்க முடிவதாக கவலை வெளியிட்டுள்ள முஸ்லிம் கவுன்சில், உடனடியாக இந்த விவகாரங்களை கவனிக்குமாறு ஜனாதிபதியிடமும், பிரதமரிடமும் வேண்டுகோள் விடுத்துள்ளது.

இதுதொடர்பில் முஸ்லிம் கவுன்சில் தலைவர் என்.எம். அமீன் ஜப்னா முஸ்லிம் இணையத்திற்கு குறிப்பிட்டதாவது,

நெலுந்தெனியா ஜும்ஆ பள்ளிவாசலானது நெடுங்கால வரலாற்றை கொண்டது. இதற்கு முன்னரும் அப்பள்ளிவாசல் இலக்கு வைக்கப்பட்டிருந்தது. அந்தப் பள்ளிவாசலைச் சூழ பெரும்பான்மை சிங்கள சகோதரர்கள் வசிக்கிறார்கள்.

இந்நிலையிலேயே குறித்த பள்ளிவாசல் தற்போது குண்டுத் தாக்குதலுக்கு இலக்காகியுள்ளது. பள்ளிவாசலுக்கோ அல்லது உயிர் உடைமைகக:கோ சேதம் ஏற்படவில்லையாயினும்கூட இதுபோன்ற சம்பவங்களை அனுமதிக்கமுடியாது. எனவே உடனடியாக இவ்வாறான பிரச்சினைகளுக்கு தீர்வை காணுமாறு நாம் சம்பந்தப்பட்ட தரப்புகளிடம் வேண்டுகோள் விடுக்கிறோம்.

அண்மைக்காலமாக சிலருடைய போக்கு ஏற்றுக்கொள்ளத்தக்கதாக இல்லை. நல்லாட்சியை நிறுவுவதில் முஸ்லிம்களின் பங்கு மகத்தானது. முஸ்லிம்கள் இனவாதத்தை நிராகரிக்கின்றனர். அல்லாஹ்வின் இல்லாமாக முஸ்லிம்கள் கருதும் பள்ளிவாசல்கள் மீதான தாக்குதல் குறித்த உண்மைகளை உடனடியாக வெளிப்படுத்துங்கள்.

ஜனாதிபதியின் செயலாளர் இவ்விடயத்தில் உடனடி கவனம் செலுத்தியுள்ளதாக அறியமுடிகிறது. அதேவேளை முஸ்லிம்கள் இவ்விகாரத்தில் பொறுமை காப்பதுடன் நிதானமாக செயற்படவும் வேண்டும். முஸ்லிம்களை வம்புக்கு அழைப்பதற்கான செயற்பாடுகள் குறித்து நாம் மகிவும் வழிப்பாக இருக்க வேண்மேனவும் அமீன் மேலும் குறிப்பிட்டார்.