அரசாங்கத்திற்கெதிராக தேங்காய் உடைப்பதற்காக, திருட்டில் ஈடுபட்ட கூட்டு எதிர்க்கட்சி

பொலிஸ் நிதி மோசடி விசாரணைப் பிரிவை மூட வேண்டும் என வேண்டுதல் செய்து ஹிக்கடுவ சீனிகம ஆலயத்தில் தேங்காய் உடைக்கப் போவதாக கூட்டு எதிர்க்கட்சியினர் அறிவித்திருந்தனர்.

இந்த வேண்டுதலுக்காக உடுகம பிரதேசத்தில் உள்ள அரச காணியொன்றில் இருந்து 700 தேங்காய்களை திருடியதாக கூறப்படும் நபர்களை கைது செய்ய பொலிஸார் விசாரணைகளை ஆரம்பித்துள்ளனர்.

அரச காணியில் திருடிய தேங்காய் உழவு இயந்திரம் ஒன்றில் எடுத்துச் செல்லப்பட்டதாகவும், அதில் அரசியல்வாதி ஒருவரும் சம்பந்தப்பட்டுள்ளதாக தகவல்கள் கிடைத்துள்ளதாக பொலிஸார் கூறியுள்ளனர்.

நாகொட கிராம சேவகரும் ஐக்கிய தேசியக் கட்சியின் முன்னாள் தொகுதி அமைப்பாளருமான ஆனந்த லெனரோல் இந்த கொள்ளைச் சம்பவம் குறித்து பொலிஸில் முறைப்பாடு செய்திருந்தார்.