மைத்திரியின் பின்னால் முஸ்லிம்...!

ஜனாதிபதி மைத்திரிபால சறிசேன மேற்கொள்ளும் அரசியல் காய்நகர்த்தல்கள் மற்றும் அதிரடித் தீர்மானங்களின் பின்னால் முஸ்லிம் அரசியல் பிரமுகர் ஒரு உள்ளதாக ஜப்னா முஸ்லிம் இணையத்திற்கு மிகவும் நம்பகரமான வட்டாரங்களிலிருந்து தகவல் கிடைத்தது.

குறிப்பாக ஜனாதிபதி மைத்திரி, பாராளுமன்ற தேர்தலுக்கு முன்னர் மகிந்த ராஜபக்ஸ குறித்து வெளியிட்ட பகிரங்க கடிதம், ஐக்கிய மக்கள் சுதந்திர கூட்டமைப்பு மற்றும் சுதந்திர கட்சி செயலாளர்களை அதிரயாக நீக்கியமை, நீதிமன்றத்தில் அவர்களுக்கு எதிரான தடை, தேசியப் பட்டியலில் ஆக்களை பெயரிட்டமை, சில அமைச்சு நியமனங்கள் உள்ளிட்ட விடயங்களில் இந்த முஸ்லிம் அரசியல் பிரமுகர் குறிப்பிடத்தக்க செல்வாக்குச் செலுத்தியுள்ளார்.

ஜனாதிபதிக்கு இவர் வழங்கிய சில ஆலோனைகளே அவ்வாறான தீர்மானங்களை மைத்திரி மேற்கொள்ள காரணமெனவும் அறியவருகிறது.

ஐக்கிய மக்கள் சுதந்திரக் கூட்டமைப்பு கடந்த பாராளுமன்றத் தேர்தலில் 110 ஆசனங்களைப் பெற்றிருக்குமெனவும், எனினும் மைத்திரி வெளியிட்ட பகிரங்க கடிதமே அதனை மாற்றியமைத்ததாகவும், இந்த கடிதத்தையும், அதிலடங்கியுள்ள விடயங்களையும் உள்ளீர்ப்புச் செய்வதில் குறிப்பிடத்தக்க பங்களிப்பை இந்த முஸ்லிம் அரசியல் பிரமுகர் மேற்கொண்டுள்ளார்.

இதுகுறித்த இன்னும் சில விடயங்கள் ஜப்னா முஸ்லிம் இணையத்திடம் உள்ளபோதும், சில நலன்களுக்காக அதனை பகிரங்கப்படுத்துவதிலிருந்தும் தவிர்ந்து கொள்கிறோம்.