ஜனாதிபதி மைத்திரிக்கு எதிரான, நம்பிக்கை இல்லாப் பிரேரனை..!

-நஜீப் பின் கபூர்-

தற்போது ஜனாதிபதி மைத்திரிக்கு எதிரான நம்பிக்கையில்லாப் பிரேரனை என்ற ஒரு விடயத்தை கடும் போக்கு ராஜபக்ஷ விசுவாசிகள் முன்னெடுத்து வருகின்றனர் என்று தெரியவருகின்றது. 

அந்தச் செய்தியை பிரபல அரசியல் வார இதழான ராவயவும் இந்த வாரம் தலைப்புச் செய்தியாகச் சொல்லி, மேலும்  உறுதிப்படுத்தி இருக்கின்றது.  

மாலைதீவு முன்னாள் ஜனாதிபதி நஷீடின் நிலை மைத்திரிக்கும் ஏற்பட இடமிருக்கின்றது என்று பல இடங்களில் சொல்லி வந்ததும் குறிப்பிடத்தக்கது.

தற்போது கள நிலவரம் ரஜபக்ஷக்களுக்கு வாய்ப்பாக மாறிவருகின்ற உற்சாகத்தில் ராஜபக்ஷ விசுவாசிகள் மைத்திரிக்கு எதிராக ஒரு நம்பிக்கையில்லாப் பிரேரனையை கொண்டு வருகின்ற முற்யசியில் இறங்குவதற்கு உத்வேகத்தைக் கொடுத்திருக்கின்றது என்று கருத இடமிருக்கின்றது. 

இந்த நம்பிக்கையில்லாப் பிரேரனையைக் கொண்டு வருவதில் மிகவும் வேகமாகச் செயல்படுகின்றவர்கள் பல்வேறு குற்றச்சாட்டுக்களுக்கு இலக்காகி சட்டத்தின் முன் நிறுத்தப்பட இருக்கின்றவர்கள் என்று தெரிகின்றது. இதற்குக் காரணம் ராஜபக்ஷக்களைப் போன்று தமது பாதுகாப்பும் மைத்திரியைப் பலயீனப்படுத்துவதில் தங்கி இருக்கின்றது என்ற இவர்களது எதிர்பார்ப்பு என்பது மிகவும் தெளிவான விடயம்.

நம்பிக்கையில்லாப் பிரேரணை கொண்டு வந்து அதனை சாபாநாயகர் ஏற்றுக் கொண்டால் பாராளுமன்றத்தைக் கலைக்க வாயப்பில்லை. 75 உறுப்பினர்கள் இந்த நம்பிக்கையில்லாப் பிரேரனையில் கையொப்பமிட்டால் அதனை சபாநாயகருக்கும் நிராகரிக்க முடியாது. மேலும் முன்னாள் ஜனாதிபதி மஹிந்த ராஜபக்ஷவை விசாரனைக்கு அழைத்தது தவறு என்று 116 உறுப்பினர்கள் கையொப்பமிட்டது அவர்களுக்கு இது விடயத்தில் மேலும் நம்பிக்கையைத் தற்போது கொடுத்திருக்கின்றது என்று நம்பப்படுகின்றது. பாராளுமன்றத் தேர்தலுக்கு முன்னர் பாராளுமன்றத்தைக் கைப்பற்றுவது மஹிந்த விசுவாசிகளின்  நோக்கமாக இருக்கின்றது.

இந்த நம்பிக்கையில்லாப் பிரேரனை வெற்றி பெற்றால் அடுத்து மைத்திரிக்கு எதிராக மக்களை வீதியில் இறக்கி அவரைப் பதவியில் இருந்து துரத்தவும் இடமிருக்கின்றது என்பது எமது கணிப்பு.