முத­ல­மைச்சுப் பத­வி­யை விட்­டுக்­கொ­டுக்கத் தயார், எந்த அமைச்சுப் பத­வி­யையும் ஏற்கமாட்டோம் - ஹசன் அலி

தேசிய அர­சாங்­கத்தின் அமைச்சுப் பத­வி­களை எடுத்­தி­ருப்­ப­தனால் கிழக்கு மாகாண முத­ல­மைச்சுப் பத­வி­யினை விட்­டுக்­கொ­டுக்க வேண்டும் என்று கூறும் காரணம் வெகு­ளித்­த­ன­மா­னது. முஸ்லிம் சமூ­கத்­திற்கு சேவை செய்­யவே அமைச்சுப் பத­வி­களை ஏற்­கின்றோம் என குறிப்­பிடும் ஸ்ரீலங்கா முஸ்லிம் காங்­கிரஸ், கிழக்கு மாகா­ணத்தில் தமிழ் தேசியக் கூட்­ட­மைப்பு ஆட்­சி­ய­மைத்தால் ஆத­ர­வ­ளிக்கத் தயார்; முத­ல­மைச்சுப் பத­வி­யையும் விட்­டுக்­கொ­டுக்கத் தயார். ஆனால், வேறு எந்த அமைச்சுப் பத­வி­க­ளையும் ஏற்கமாட்டோம் எனவும் தெரி­விக்­கின்­றது.

கிழக்கு மாகா­ணத்தில் ஆட்­சி­ய­மைப்­பது தொடர்பில் சிக்கல் நிலை எழுந்­துள்ள சூழலில் முஸ்லிம் காங்­கி­ரஸின் நிலைப்­பாடு தொடர்பில் வின­விய போதே கட்­சியின் பொதுச் செய­லா­ளரும் இரா­ஜாங்க அமைச்­ச­ரு­மான ஹசன் அலி மேற்­கண்­ட­வாறு குறிப்­பிட்டார். அவர் மேலும் குறிப்­பி­டு­கையில்,

கிழக்கு மாகாண சபையின் பெரும்­பான்மை தமிழ் தேசியக் கூட்­ட­மைப்­பிற்கு இருந்­தாலும் தனித்து ஆட்­சி­ய­மைக்க முடி­யாத நிலை உள்­ளது. எனினும் கூட்­ட­மைப்­பினர் ஏனைய கட்­சி­க­ளுடன் இணைந்து கிழக்கு மாகா­ணத்தில் ஆட்­சி­ய­மைத்­தாலும் நாம் அவர்­க­ளுக்கு ஆத­ர­வ­ளித்து செயற்­படத் தயா­ராக உள்ளோம்.

முத­ல­மைச்சுப் பத­வி­யினை அடுத்து இரண்டு ஆண்­டு­க­ளுக்கு ஸ்ரீலங்கா சுதந்­திரக் கட்­சியில் ஒரு­வ­ருக்கு வழங்­கப்­பட வேண்டும் என்­பதே ஆரம்­பத்தில் செய்து கொண்ட ஒப்­பந்தம். அதற்­க­மைய இப்­போது கிழக்கு மாகாண முத­ல­மைச்சுப் பதவி எமக்கு வழங்­கப்­ப­டு­வதே நியா­ய­மா­னது. எனினும் தமிழ் தேசியக் கூட்­ட­மைப்பு தற்­போது முத­ல­மைச்சுப் பத­வி­யினை விட்டுக் கொடுக்­கப்­போ­வ­தில்லை என குறிப்­பிட்­டுள்­ளது.

அத்­தோடு பல கார­ணங்­க­ளையும் கூட்டமைப்பினர் முன்­வைக்­கின்­றனர். நாம் தேசிய அரசில் அமைச்சுப் பத­வி­களை ஏற்­றி­ருப்­ப­தனால் கிழக்கு மாகாண முத­ல­மைச்சுப் பத­வி­யினை விட்டுக் கொடுக்க வேண்டும் என்று தெரி­விப்­பது அர்த்­த­மற்ற கருத்­தாகும்.

கிழக்கு மக்­க­ளிடம் நாம் முகங்­கொ­டுக்க வேண்­டு­மாயின் கிழக்கின் ஆதிக்கம் எம்­மிடம் இருக்க வேண்டும். தமிழ் தேசியக் கூட்­ட­மைப்­பி­ன­ருக்கு அவர்கள் முன்­வைக்கும் காரணம் நியா­ய­மாக இருக்­கலாம். அதே போல் எமக்கும் எம் பக்க கார­ணங்கள் நியா­ய­மா­னதே. எனவே கிழக்கு மாகா­ணத்தில் ஆட்­சி­ய­மைக்க கூட்­ட­மைப்பு தயா­ரெனின் அமைக்க முடி­யு­மெனின் நாம் ஆத­ர­வ­ளித்து செயற்­ப­டவும் தயா­ரா­கவே உள்ளோம். முத­ல­மைச்சுப் பத­வி­யி­னையும் அவர்­களே எடுத்துக் கொள்­வதில் எமக்கு ஆட்சேபனை இல்லை. ஆனால் நாம் கிழக்கு மாகாண அமைச்சுப் பதவிகள் எதையும் ஏற்க மாட்டோம். நாம் வெறும் உறுப்பினர்களாகவே இருக்கின்றோம். ஆனால் ஆதரவளித்து செயற்படவும் தயாராக இருக்கின்றோம் என்றும் அவர் தெரிவித்தார்.