ரவூப் ஹக்கீமின் அமைச்சுப் பதவி பறிக்கப்படுகிறது..?

அண்மைக்காலமாக ஜனாதிபதி  மஹிந்த ராஜபக்ஸ மற்றும் அமைச்சர்கள், பௌத்த குருமார் உள்ளிட்ட பல்வேறு தரப்பினரால் விமர்சிக்கப்படும் ஒருவராக முஸ்லிம் காங்கிரஸ் தலைவர் ரவூப் ஹக்கீம் விளங்குகிறார்.

இலங்கை முஸ்லிம்களுக்கு எதிராக மேற்கொள்ளப்பட்ட வன்முறைகளை சர்வதேசத்திற்கு கொண்டு சென்றமை காரணமாக இந்த விமர்சனங்கள் ரவூப் ஹக்கீமை நோக்கி முன்வைக்கப்படுகின்றன.

இந்த விமர்சனங்களுக்கு மத்தியிலும் ரவூப் ஹக்கீம் தொடர்ந்து முஸ்லிம் நாடுகளுக்கும், வெளிநாட்டு தூதுவர்களுக்கும் இலங்கை முஸ்லிம்கள் அண்மைக் காலத்தில் எதிர்கொண்ட அனர்த்தங்கள் அடங்கிய ஆவணங்களுடன் கூடிய ஆதாரங்களை கையளிதது வருகிறார்.

இதன் ஒரு கட்டமாக அண்மையில் உலக இஸ்ராமிய பிரதிநிதிகளுக்கும் இந்த ஆணவனங்கள் முஸ்லிம் காங்கிரஸ் தலைவரினால் கையளிக்கப்பட:டுள்ளது. இலங்கை முஸ்லிம்களுக்கு எதிரான நிகழ்வுகள் அடங்கிய ஆவணங்கள் ஏற்னகவே அரபு நாடுகளிடம் காணப்படும் நிலையிலும், அதனால் ஜனாதிபதி மஹிந்த ராஜபக்ஸ அதிருப்தியடைந்துள்ள நிலையிலும், தற்போது ரவூப் ஹக்கீம் முஸ்லிம் நாட்டுப் பிரதிநிதிகளிடம் அந்த ஆவணங்களை மீண்டும் கைளித்துள்ளமை அரசாங்கத்திற்கு மீண்டும் நெருக்கடியை ஏற்படுத்தியுள்ளது.

இந்நிலையில் எதிர்வரும் ஊவா மாகாண தேர்தலுக்கு முன்னதாக ரவூப் ஹக்கீமின் அமைச்சுப் பதவியை பறிப்பது எனவும், ஹக்கீம் நாட்டுக்கு எதிராக செயற்பட்டார் எனக் பிரச்சாரப்படுத்தி ஓரளவு சிங்கள பௌத்த மக்களின் வாக்குகளை பெற்றுக்கொள்ள முடியுமென அரசாங்கத் தரப்பு கணக்கு போட்டுள்ளதாகவும் கூறப்படுகிறது.

ரவூப் ஹக்கீமின் அமைச்சுப் பதவியை பறித்துவிட்டு, பசீர் சேகுதாவூத்தின் அமைச்சுப் பதவியில் கை வைக்காமல் விடுவதன் மூலம் முஸ்லிம் காங்கிரஸுக்குள்ளும் ஒரு பிரச்சினையை உருவாக்கி மீண்டுமொரு தடவை முஸ்லிம் காங்கிரஸினை பிளவுபடுத்த அரசாங்கத் தரப்பு திட்டமிட்டுள்ளதாகவும் நம்பத்தகுந்த விட்டாரங்கள் ஜப்னா முஸ்லிம் இணையத்திற்கு எடுத்துக்கூறின.

இருந்தபோதும் ரவூப் ஹக்கீமின் அமைச்சுப் பதவியை பறித்து, அவரை வீட்டுக்கு அனுப்பினால் அது முஸ்லிம் காங்கிரஸுக்கு சாதகமாக போய்விடுமென சில ஜனாதிபதி மஹிந்த ராஜபக்ஸவின் கவனத்திற்கு கொண்டு வந்துள்ளனர். இருந்தபோதும் இதுதொடர்பில் ஜனாதிபதி மஹிந்த எத்தகைய இறுதி முடிவுகளையும் எடுக்காத நிலையில், ரவூப் ஹக்கீம் நாட்டுக்கு துரோகமிழைத்து விட்டார் என குற்றமசுமத்தி அவரிடமிருந்து அமைச்சுப் பதவியை பறிப்பதற்கான சாத்தியக்கூறுகளே அதிகம் காணப்படுவதாகவும் ஜப்னா முஸ்லிம் இணையத்திற்கு அறியவருகிறது.