மௌலீதும், மீலாதும்..!

(மு.ஆ. ஜவாஹிர் ஜமாலி)

இன்றைய முஸ்லிம்களில் பெரும்பாலானோர் ரபீஉல் அவ்வல் மாதம் வந்து விட்டால் வீடுகளையும், பள்ளிவாயில்களையும், வீதிகளையும் சுத்தப்படுத்துவதையும். மின் குமிழ்கள் மூலம் அலங்கரித்தும் வீதிகளில் பச்சை நிரக் கொடியையும் ஏற்றி கந்தூரி வைபவம் என்றும் திக்ர் மஜ்லிஸ் என்றும் மீலாத்விழா கொண்டாடியும், மவ்லித் எனும் பாடல்களைப் புனிதமான வணக்கமாக எண்ணி செய்துவருகின்றனர்.

இஸ்லாத்தில் மிக முக்கியமான கடமைகளான தொழுகை, நோன்பு, ஸகாத், ஹஜ் ஆகிய கடமைகளை நிறைவேற்றாதவர்கள் கூட இந்த மீலாது விழா கொண்டாடுவதையும், மவ்லிதுகளைப் பாடுவதையும் விடாப்பிடியாக நிறைவேற்றி வருவதிலிருந்து மீலாதுகளுக்கும் மவ்லிதுகளுக்கும் எந்த அளவுக்கு முக்கியத்துவம் தரப்படுகிறது என்பதை நாம் அறியலாம். அனைத்து மவ்லீதுகளுமே பொய்யும் புரட்டும் நிரைந்ததாகவும் இஸ்லாத்தின் அடிப்படையை (அகீதாவை) தகர்க்கக் கூடியதாகவும் உள்ளன.

அவற்றுள் முதலிடத்தைப் பெற்றுள்ள நபிகள் நாயகத்தின் பிறந்த தினத்தை முன்னிட்டு ஓதப்படும் ஸுப்ஹான மவ்லீது. இது எவ்வாறு அபத்தக்களஞ்சியமாக அமைந்துள்ளது என்பதையும், திருக்குர்ஆனுக்கும்  நபி மொழிக்கும் எந்த அளவு முரணாக அமைந்துள்ளது என்பதையும் அரிந்து கொள்ளலாம். நபி (ஸல்) அவர்களை நேசிப்பது எப்படி? வருடத்தில் இது போன்ற ஓரிரு விழாக்களை கொண்டாடிவிட்டு அதன் பிறகு நாம் நினைத்தது போன்று வாழ்ந்து கொள்வது நபி (ஸல்) அவர்களை நேசிப்பதாகாது.

நம் வாழ்வின் அனைத்துத் துறைகளையும் அனைத்துச் செயள்கலையும் அல்லாஹ்வின் தூதர் (ஸல்) அவர்களின் வழிகாட்டுதலின் அடிப்டையில் அமைத்துக் கொள்ள வேண்டும். இதனை அல்லாஹ் குர்ஆனில் இவ்வாரு கூருகின்றான். நீங்கள் அல்லாஹ்வை நேசிக்கக் கூடியவர்களாக இருந்தால் என்னைப் பின்பற்றுங்கள்.! அப்போதுதான் அல்லாஹ் உங்களை நேசிப்பான் என்று நபியே நீர் கூறுவீராக.!                                                                       அல் குர்ஆன் - 03: 31

மவ்லீதுகள் என்பது நபி (ஸல்) அவர்களை புகழ்ந்து பாராட்டுவதற்காகத்தான் இயற்றப்பட்டது. அந்த நோக்கத்தில் தான் நாங்களும் பாடுகிறோம். சில நபித்தோழர்கள் நபிகள் நாயகத்தை புகழ்ந்து கவி பாடியதை நபி (ஸல்) அவர்களே அங்கீகரித்துள்ளார்கள்.                            உண்மையான எந்த முஸ்லிமும் நபி (ஸல்) அவர்களின் நேர்மை, தியாகம், உயர்வு, இவற்றையெல்லாம் உலகரிய உரைப்பதில் எந்த தவறுமில்லை. ஆனால் மவ்லீது இந்தப் பணியைத் தான் செய்கின்றதா?  நபி (ஸல்) அவர்களை புகழ்கிறோம் என்று கூறும் இவர்களிடம் போய் 'என்ன சொல்லிப் புகழ்ந்தீர்கள்? எந்தப்பண்பை புகழ்ந்தீர்கள்' என்று கேட்டுப்பாருங்கள். கூலிக்குப் பாடியவர்களில் பலருக்கு இது தெரியாது. அவர்களை அழைத்துப் பாடச்சொன்னவர்களுக்கும் தெரியாது. புகழுதல் என்ற போர்வையில் ஒரு வணக்கம் தான் நடக்கிறது. 

· அல்லாஹ்வின் வேதத்தை பொருள்.  தெரியாமல் ஓதினாலும் ஒரு எழுத்திற்கு பத்து நண்மைகள் கிடைக்கும் என்று மார்க்கம் கூறுகின்றது. மவ்லீதையும் இது போன்ற நம்பிக்கையில் தான் பாடியும், கேட்டும் வருகின்றனர். யாரோ ஒரு மனிதனின் கற்பனையில் உதித்த சொற்களை பொருள் தெரியாமல் வாசித்தால் நண்மை உண்டு என நினைப்பது தான் நபி (ஸல்) அவர்களைப் புகழ்தலா? இந்தப்பாடலைப் பாடிய உடன் அங்கே வைக்கப்பட்டிருந்த உணவுப் பதார்த்தங்களுக்குத் தனி மகத்துவம் வந்து விட்டதாக நம்பப்படுகிறதே. இதற்குப் பெயர் தான் நபி(ஸல்) அவர்களைப் புகழுதலா? .மார்க்கம் முழுமைப்படுத்தப்பட்டுள்ளது எந்த ஒரு காரியமும் வணக்கமாக கருதப்பட வேண்டுமானல் இன்னும் அதைச் செய்வதானால் மறுமையில் ஏதேனும் நன்மை கிடைக்கும் என்று நம்ப வேண்டுமானால் அந்தக் காரியம் நபி (ஸல்) அவர்களால் கற்றுத்தரப்பட்டிருக்க வேண்டும்.

இஇன்றைய தினம் உங்கள் மார்க்கத்தை உங்களுக்காக நிறைவு செய்து விட்டேன். எனது அருளை உங்களுக்கு முழுமைப்படுத்தி விட்டேன். இஸ்லாத்தை உங்களுக்கு வாழ்க்கை நெறியாக பொருந்திக் கொண்டேன்.                                                     அல்குர்ஆன் - 05: 03.

இநபி (ஸல்) உயிரோடு இருக்கும் போதே மார்க்கம் முழுமை பெற்று விட்டது. எனும் போது நபி (ஸல்) மரனத்திற்குப் பிறகு அவர்கள் கற்றுத் தராத ஒன்றை மார்க்கத்தில் இனைக்கவோ, அவர்கள் கட்டளையிட்டவற்றை நீக்கவோ யாருக்கும் உரிமை கிடையாது. இதனடிப்படையில் மீழாது விழா என்பது நபி ஸல் அவர்கள் மரணித்து நான்கு  நூற்றாண்டுகளுக்குப் பிறகு ஆறம்பிக்கப்பட்டது. எனும் போது அதற்கு மார்க்க சாயம் பூசுவது இறைவனுடைய அதிகாரத்தில் நமது கரங்களை நுழைப்பதாகும். இது போன்ற மார்க்க விசயத்தில் விளையாடிய யூத, கிருஸ்த்தவர்களுக்கு கிடைத்த தண்டனைகளையும், கிடைக்கவிருக்கும் மறுமை வேதனைகளையும் திருக்குர்ஆனில் அல்லாஹ் பல இடங்களில் கூறுகின்றான்.

எனவே இது போன்று மார்க்கத்தில் புதிய செயல்களை உறுவாக்குவதை விட்டும் முற்றிலும் தூரமாகி விட வேண்டும். நமது இந்த மார்க்கத்தில் இல்லாத ஒன்றை யாரேனும் உருவாக்கினால் அது நிராகரிக்கப்படும். எனவும் நபி (ஸல்) அவர்கள் கூறினார்கள்.                                                                         அறிவிப்பவர் : ஆயிஷா (ரலி). நூல் : புகாரி - 2697, முஸ்லிம் -  3242.        

மீலாது விழா கொண்டாடுமாறும் மவ்லீது ஓதுமாறும் நபி (ஸல்) அவர்கள் எந்த கட்டளையும் பிறப்பிக்காதது அதை நிராகரிக்க மற்றொரு காரணமாக அமைகின்றது. செய்திகளில் உன்மையானது அல்லாஹ்வின் வேதமாகும். வழிகளில் அழகியது முஹம்மதின் வழியாகும். மார்க்கத்தில் புதிதாக உருவாக்கப்பட்டவை காரியங்களில் மிகவும் கெட்டதாகும். புதிதாக உருவாக்கப்பட்ட ஒவ்வொன்றும் பித்அத் (அனாச்சாரம்) ஆகும். ஒவ்வொரு (அனாச்சாரமும்) வழிகேடும் நரகத்தில் சேர்க்கும். என நபி (ஸல்) அவர்கள் கூறியுள்ளார்கள்.                                 அறிவிப்பவர் : ஜாபிர் பின் அப்துல்லாஹ். நூல் - நஸாயி -1560.

அல்லாஹ்வும், நபி (ஸல்) அவர்களும் மீலாத் கொண்டாடுமாறும் மவ்லீத்கள் ஓதுமாறும் கூறவில்லையென்றால் அது எப்படி ஒரு வணக்கமாக முஸ்லிம் சமுதாயத்தில் நிலைபெற்றது? மீலாதா? கிறிஸ்மஸா? எந்த நாளில் நபி (ஸல்) அவர்கள் பிறந்தார்கள் என்று சொல்லப்படுகின்றதோ அந்த நாள் பற்றி பல விதமான கருத்து முறன்கள் இருக்கின்றது.

ஆனால் நபி (ஸல்) அவர்கள் இறந்த விடயத்தில் எந்த கருத்து முறனும் கிடையாது. இவ்வாரிருக்க இவர்களின் விழாக்களும், வழிபாடுகளும் நபி (ஸல்) அவர்களின் பிறப்பிற்காகவா? அல்லது இறப்பிற்காகவா? ஒரு மனிதர் மரனித்தால் யாராவது சந்தோஸப்படுவார்களா? அல்லது கவலைப்படுவார்களா?  இதுதான் நபியைப் புகழுவதின் இலச்சனம். 'கிரிஸ்த்தவர்கள் மர்யமின் மகன் ஈஸாவை வரம்பு மீறிப் புகழ்ந்தது போல் என்னை வரம்பு மீரிப் புகழாதீர்கள்! அல்லாஹ்வின் தூதர் என்றும் அடியார் என்றும் கூறுங்கள்' என்பது நபி மொழி.                           அறிவிப்பவர் : இப்னு அப்பாஸ் (ரலி), நூல்: புகாரி - 3445,6830.

ஈஸா (அலை) அவர்களுக்கு கிருத்துவர்கள் பிறந்த நாள் விழாக் கொண்டாடுவது போன்று இன்று நமது முஸ்லீம்கள் நபி (ஸல்) அவர்களுக்கு பிறந்த நாள் விழா எடுக்கின்றனர் இதற்கும் இஸ்லாத்திற்கும் எந்த சம்பந்தமும் கிடையாது. திருக்குர்ஆன் வசனங்களையும், நபி வழியையும் அலட்சியம் செய்யும் வகையிலும், புறக்கனிக்கும் வகையிலும், இஸ்லாத்தின் அடிப்படைக் கொள்கைகளைத் தகர்கக்கூடியதாகவும், இன்னும் இஸ்லாத்தைவிட்டு வெளியேற்றக் கூடியதாகவும், பல்வேறு நச்சுக்கருத்துக்களை கொண்டதாகவும் இந்த மவ்லிது கிதாபில் காணப்படுகிறது. உதாரணமாக, எந்த சிரமமும் இல்லாமல் சுவர்க்கத்திற்கு செல்ல அழகான ஒரு வழியை காட்டுகிறது மவ்லிது' எந்த இடத்தில் எம்பெருமானார் (ஸல்) அவர்களின் மவ்லிது ஓதப்படுகிறதோ அந்த இடத்தை ஒருவர் நாடினால் நிச்சயமாக அவர் சுவனப்பூங்காக்களில் இருந்தும் ஒரு பூங்காவை நாடிவிட்டார்.                             (ஆதாரம் : சுப்ஹான மவ்லித் பக்கம் : 12) 

மௌலிதின் (ஸெக்ஸ்) ஆபாஸங்கள். ஸாஹுல் ஹமீது என்பவர் தன் பருவ வயதை அடைந்த மகனுக்கு பெண் பார்ப்பதற்காக செல்லுகின்றனர். அந்த வேளையில் ஆற்றங்கரை ஓரமாக கண்ணிப் பெண்கள் சிலர் குளித்துக் கொன்டு இருக்கின்றனர். அப்போது ஸாஹுல் ஹமீது ஒரு கன்னிப் பெண்ணை தன் கரத்தால் தடவி விட்டு இந்தப் பெண் தன் மகனுக்கு நல்ல தோதுவானவள். என்று சொன்னார்கள். இஸ்லாமிய கண்ணோட்டத்தில் இது சரிதானா? பெண்கள் குளிக்கின்ற இடத்திற்கு ஒரு இறைநேசர் சௌ;ளுவாரா? அப்படி பெண்கள் குளிக்கின்ற இடத்திற்கு சென்று பெண்களை (சயிட்) அடிப்பவர் இறைநேசரா? காம உணர்வு பிடித்த நித்தியானந்தனா? இன்னும் நமது ஊர் பெண்கள் குளிக்கின்ற இடத்திற்கு யாராவது சென்று அங்கே உள்ள பெண்களைப் பார்த்தாள். நாம் சரி குளிக்கின்ற பெண்களைத்தானே பார்க்கின்றனர் என்று சும்மா விட்டு விடுவோமா அல்லது செறுப்பாலும், விழக்குமாராலும். விரட்டி ஓட அடிப்போமா இல்லையா? 

பாவங்களை மன்னிப்பது நபிகள் நாயகமா?          

                                நபி (ஸல்) அவர்களிடம் பாவமன்னிப்பு கோரும் விதமாக மவ்லிதில் பல வரிகளை நாம் காணமுடியும்.  

أنت غفار الخطايا           والذنوب الموبقات

இஇழிவூட்டும் சிறுபிழைகள் யாவும் பொறுப்பது தாங்களன்றோ! அழிவேற்படுத்தும் வன்பிழைகள் அனைத்தும் பொறுப்பது தாங்களன்றோ!

غفروا عني ذنوبي    واعف لي عن سيئات

என்னில் நிகழும் பெரும் பிழைகள் யாவையும் மன்னித் தருள்வீரே! சின்னஞ் சிறிய தீமைகளை சீராய் பொருத்தருள் புரிபவரே! என்று ஸுப்ஹான மவ்லிது கிதாபில் எழுதி வைத்துள்ளார்கள். நபி (ஸல்) அவர்களை அல்லாஹ்வின் நிலைக்கு உயர்த்தும் அந்த வரிகளை உண்மை முஸ்லிம்கள் ஏற்க முடியுமா? குர்ஆனையும், நபி வழியையும் மதிக்கக்கூடியவர்கள் இந்த நச்சுக் கருத்தை ஆதரிக்க முடியுமா? பாவங்கள் செய்தோர் அதற்கான மன்னிப்பை அல்லாஹ்விடம் தான் பெற வேண்டும். இது இஸ்லாத்தின் அடிப்படைக் கொள்கைகளில் ஒன்றாகும். 'தமக்கு எதிராக வரம்பு மீறிய எனது அடியார்களே! அல்லாஹ்வின் அருளில் நம்பிக்கையிழந்து விடாதீர்கள்! அல்லாஹ் பாவங்கள் அனைத்தையும் மன்னிப்பான். அவன் மன்னிப்பவன், நிகரற்ற அன்புடையோன் என்று (அல்லாஹ்) கூறுவதை தெரிவிப்பீராக!'                                                                                         அல்குர்ஆன் - 39: 53

அல்லாஹ்வைத் தவிர வேறு எவரும் பாவங்களை மன்னிக்க முடியாது. பல நபிமார்கள் கூட அல்லாஹ்விடத்தில்தான் பாவமண்ணிப்பு கேட்டுள்ளனர். அல்லாஹ்வையும், அவனது தூதரையும், வானவர்களையும் சம்பந்தப்படுத்தி இட்டுக்கட்டப்பட்ட இந்த கப்ஸாக்களை படிப்பது பாவமா? புன்னியமா? என்பதை மவ்லிது பக்தர்கள் சிந்திக்கட்டும்.! நன்மை என்று என்னிக் கொண்டு இஸ்லாத்தை விட்டு வெளியேற்றி நரகத்திற்கு இழுத்துச் செல்லும் இந்த மவ்லிது பாடலை உண்மை முஸ்லிம்கள் ஆதரிக்கலாமா?

திருக்குர்ஆனுக்கும், நபி வழிக்கும் முரண்பட்டுள்ள மோசமான விளைவுகளை ஏற்படுத்தியுள்ள, மேலும் இஸ்லாத்தில் பலதெய்வ வழிபாட்டு முறையை திணிக்க முயன்றுள்ள இந்த மவ்லிதிலிருந்து விடுபட்டு உண்மை இஸ்லாத்தை நிலைநாட்டுவோம். இன்னும் கேளுங்கள் அபத்தங்களை

صَرْمًا لِعَفْوَتِهِ أَجَبْتُهُ مُسْرِعًا مِنْ أَجْلِ دَعْوَتِهِ  وَمَنْ يُنَادِيْ إِسْمِيْ أَلْفًا بِخَلْوَتِهِ عَزْمًا بِهِمَّتِه

மன உறுதியுடன் என் பாவமன்னிப்பை நம்பியவராக தனிமையில் இருந்து  என் பெயரை யார் ஆயிரம் முறை அழைக்கின்றாரோ அவரின் அழைப்பால் நான் வேகமாக வந்து அவருக்கு விடையளிப்பேன்.

· மவ்லிதுகள் தீனுக்காக அல்ல! தீனிக்காக!

மவ்லித் என்பது நபிகளார் காலத்தில் இருந்ததில்லை உலக நோக்கத்திற்காக தொகுப்பப்பட்டதுதான் என்பதை மவ்லித் வாசகர்கள் கவனத்தில் கொள்க! நபி (ஸல்) அவர்களைப் புகழ்வது நோக்கம் என்றால். வீடு வீடாகச் சென்று கூலி பெறுவது ஏன்? நபி (ஸல்) அவர்களைப் புகழ்வதற்கான கூலியை மறுமையில் தானே எதிர்பார்க்க வேண்டும்? கொடுக்கப்படும் கூலிகளுக்கு ஏற்ப மவ்லிது விரிவதும், சுருங்குவதும் ஏன்? பணம் படைத்தவர்களுக்கும், ஏழைகளுக்கும் பாரபட்சம் காட்டுவதுதான் நபி(ஸல்) அவர்களைப் புகழும் இலட்சணமா?

மார்க்க அறிஞர்களுக்கு எந்த வருமானமும் இல்லாத காலத்தில் அன்றைக்கு வாழ்ந்த அறிஞர்கள் இதை வருமானத்திற்காக உருவாக்கினார்கள். அதை இன்றைக்கும் நியாயப்படுத்துவது சரிதானா? என்பதை மார்க்க அறிஞர்கள் சிந்திக்க வேண்டும். இல்லாத வணக்கத்தை உருவாக்கிய குற்றத்தை மறுமையில் சுமக்க வேண்டுமா? என்று சிந்திக்க வேண்டும். மார்க்க அறிஞர்களுக்கு இழிவு ஏற்பட இதுதான் காரணம் என்பதை மார்க்க அறிஞர்கள் உணர்வார்கலா. மார்க்கத்தில் புதிதாக உறுவாக்கப்படுபவை அனைத்தும் (பித்அத்) மார்க்கத்தின் நூதனச் செயலாகும். அல்லாஹ்வின் தூதர் (ஸல்) அவர்கள் கற்றுத்தராத வற்றை மார்க்கத்தின் அங்கமாக நினைத்து செயல்படுத்தப்பட்டால் நிச்சயமாக வழி கேடாகும்.

அது மறுமையில் நிராகரிக்கப்படும். அதற்குறிய தண்டனையும் கிடைக்கும். உங்களில் ஒவ்வொருவரும் சொர்க்கத்தில் நுழைந்து விடுவீர்கள் மறுப்பவரைத் தவிர என்று நபி (ஸல்) அவர்கள் கூறினார்கள். அப்போது அல்லாஹ்வின் தூதர் (ஸல்) அவர்களே! மறுப்பவர் என்றால் யார்? என்று தோழர்கள் கேட்டனர். என்னைப் பின்னற்றுபவர் சுவனம் நுலைந்து விடுவார்! எனக்கு மாறுசெய்பவர் நிச்சயமாக என்னை மறுத்தவராவார். அவர் சுவனம் நுழைய மாட்டார். என்று நபி (ஸல்) அவர்கள் பதிலளித்தார்கள்.                                                                     நூல் புஹாரி – 7280. 

எனவே நபி (ஸல்) அவர்களை பின்பற்றி நடப்பதே அவர்களை மதிப்பதன் அடையாளமாகும். மஹ்ஸரில் கவ்ஸர் எனும் தடாகத்திலிருந்து நபி ஸல் அவர்கள் தண்ணீர் புகட்டிக்கொண்டிருப்பார்கள் அதில் நீர் அறுந்துவதற்காக மார்க்கத்தில் நூதனச் செயல்கள்களை உண்டாக்கியவர்களும் வருவார்கள். அவர்களை தண்ணீர் அருந்த விடாமல் மலக்குமார்கள் இழுத்துச்nளூசன்று விடுவார்கள். 

எனவே அன்பிற்கினிய சகோகதரர்களே! மீழாது விழா உட்பட மார்கத்திற்கு முரணான எந்தச் செயலுக்கும் பொருளாலோ, உழைப்பாலோ, ஆலொசனையாலோ, வேறு எந்த வித்ததிலும் உதவ வேண்டாம் என்று அன்புடன் வேண்டுகிறோம். குர்ஆனையும், ஹதீஸையும் விழங்கி அதன் நிலழில் வாழ்ந்து சுவனம் நுழைய அல்லாஹ் எம் அனைவருக்கும் அருள் புரிவானாக.